অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

রাইট তু ইনফোর্মেসনগী মতাংদা তোইনা হংবা ৱাহংশীং

রাইট তু ইনফোর্মেসনগী মতাংদা তোইনা হংবা ৱাহংশীং

ইনফোর্মেসন হায়বসি করিনো?

ইনফোর্মেসন হায়বসি ফোর্ম অমহেক্তগী মেটরিএল অমহেক্তবুনি। মসিগী মনুংদা রেকোর্দশীং, দোক্যুমেন্টশীং, মেমোশীং, ই-মেইলশীং, ওপিনিয়নশীং, এদভাইসশীং, প্রেস রিলিজশীং, সর্ক্যুলরশীং, ওর্দরশীং, লোগবুকশীং, কন্ত্রেক্টশীং, রিপোর্টশীং, পেপরশীং, সেম্পলশীং, মোদেলশীং অমসুং ইলেক্ত্রোনিক ফোর্ম অমহেক্তদা লৈরিবা দেটা মেটরিএল অসি চল্লি। মসিগী মনুংদা, পব্লিক ওথোরিটিনা মতমদুদা চৎনরিবা আইন অমহেক্তগী মখাদা এক্সেস তৌবা য়াবা প্রাইভেট বোদি অমহেক্তগা মরি লৈনবা ইনফোর্মেসন অসিসু চল্লি।

পব্লিক ওথোরিটি অমা হায়বসি কনানো?

“পব্লিক ওথোরিটি” অমা হায়বসি কনষ্টিট্যুসনগী মখাদা নত্ত্রগা মসিনা শেম্বা নত্ত্রগা পার্লিয়ামেন্টনা নত্ত্রগা ষ্টেট গবর্ণমেন্ট অমনা ইসু তৌবা নোটিফিকেসন নত্ত্রগা ওর্দরনা শেম্বা সেলফ গবর্ণমেন্টকী ওথোরিটি নত্ত্রগা বোদি নত্ত্রগা ইনষ্টিট্যুসন অমবুনি। সেন্ত্রেল গবর্ণমেন্টনা নত্ত্রগা ষ্টেট গবর্ণমেন্ট অমনা মপু ওইবা নত্ত্রগা কন্ত্রোল তৌবা নত্ত্রগা শেল-থূমগী মতেং পীবা বোদিশীং অমসুং সেন্ত্রেল গবর্ণমেন্টনা নত্ত্রগা ষ্টেট গবর্ণমেন্ট অমনা শেল-থুমগী মতেং পীবা নন-গবর্ণমেন্টেল ওর্গানাইজেসনশীংসু  পব্লিক ওথোরিটি হায়বসিগী মনুং চনগনি। বোদি নত্ত্রগা NGO অদুদা সরকারনা শেল-থুমগী মতেং পীবা হায়বসি হকথেংননা নত্ত্রগা নাকোয়ননা ওইবা য়াই।

পব্লিক ইনফোর্মেসন ওফিসর অমা হায়বসি কনাবুনো?

পব্লিক ওথোরিটিশীংনা মসিগী ওফিসর খরবু পব্লিক ইনফোর্মেসন ওফিসর ওইনা হাপ্পী। RTI এক্টকী মখাদা ইনফোর্মেসন নিরকপা মীওই অমদা ইনফোর্মেসন পীবগী থৌদাং অসি মখোয়না লৌগনি।

ইনফোর্মেসন নিবগী মরম পীবা মথৌ তাব্রা?

ইনফোর্মেসন নিরিবা মীওই অদুনা ইনফোর্মেসন নিবগী মরম পীবা মথৌ তাদে।

ইনফোর্মেসন অদু পীদবগী অয়াবা পীবা প্রোভিজনশীং লৈব্রা?

এক্ট অসিগী সেক্সন 8 অমসুং সেক্সন 9গী সব-সেক্সন (1)দা পীথোক্লোইদবা ইনফোর্মেসনগী মখলশীং তাক্লি। অদুম ওইনমক, সেক্সন 8কী সব-সেক্সন (2)না, সব-সেক্সন 3 (1) নত্ত্রগা ওফিসিএল সিক্রেটস এক্ট, 1923গী মখাদা একজেম্প তৌরবা  ইনফোর্মেসন অদু, করিগুম্বা প্রোটেক্ট তৌরিবা ইন্টরেষ্ট অদুদগী পব্লিক্কী ইন্টরেষ্টনা লুম্বা হেল্লবদি ইনফোর্মেসন অদু পীথোকপা য়াই হায়না খংহল্লি।

RTI এপ্লিকেসন ফাইল তৌনবগীদমক এপ্লিকান্ট অদুদা মতেং পীবা লৈব্রা?

কনাগুম্বা মীওই অমনা অইবা রিক্বেষ্ট অমা পীবা ঙমদ্রবদি, মহাক্কী এপ্লিকেসন অদু ইনবগী মক্তা পব্লিক ইনফোর্মেসন ওফিসরদগী মতেং নিবা য়াই অমসুং পব্লিক ইনফোর্মেসন ওফিসর অদুনসু মঙোন্দা মরম চাবা মতেংশীং পীগদবনি। সিনিয়র ওইরবা নামা শোয়রবা মীওই অমদা দোক্যুমেন্ট অমবু য়েংহন্নবগী ৱারেপ লৌবা ওইরবদি, পব্লিক ইনফোর্মেসন ওফিসর অদুনা মীওই অদুদা ইন্সপেক্সন অদুগীদমক চুনবা মতেং পীগদবনি।

ইনফোর্মেসন পীরক্নবগী অকক্নবা মতম অদু করিনো?

নোর্মেল ওইনদি, এপ্লিকান্ট অমদা পব্লিক ওথোরিটি অদুনা এপ্লিকেসন ফংবদগী পারগা নুমিৎ 30নিগী মনুংদা ইনফোর্মেসন পীগদবনি। করিগুম্বা নিরিবা ইনফোর্মেসন অদু মীওই অমগী পুন্সি নত্ত্রগা মনিংতম্বগা (liberty) মরি লৈনবা ওইরবদি পুং 48গী মনুংদা পীগদবনি। করিগুম্বা এপ্লিকেসন অদু এসিষ্টেন্ট পব্লিক ইনফোর্মেসন ওফিসরগী খুত্থাংদা নত্ত্রগা অরানবা পব্লিক ওথোরিটি অমদা থাখ্রবদি, নুমিৎ কুনথ্রা নত্ত্রগা পুং 48দুগী মথক্তা (কেস অদুগী মতুংইন্না) নুমিৎ মঙানি অমগা হাপচিনগনি।

এপ্লিকেসনগী অকক্নবা ফোর্মেট অমা লৈব্রা?

ইনফোর্মেসন নিনবা এপ্লিকেসনগী প্রেস্ক্রাইব তৌরবা ফোর্মেট লৈতে। এপ্লিকেসন অদু চেজম অমদা ইবসু য়াই। অদুম ওইনমক, এপ্লিকেসন অদুদা এপ্লিকান্ট অদুগী মপুংফাবা মমীং অমসুং পোষ্টেল এদ্রেসতি য়াওহনবা তাই।

সোর্স: সেন্ত্রেল ইনফোর্মেসন কমিসন

অকোনবা শেমদোকখিবা : 6/10/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate