RTIগী মখাদা ইনফোর্মেসন লৌনবগী প্রোসেস

রাইট তু ইনফোর্মেসন

ভারত সংবিধানগী আর্টিকল 19 (1)না ঐখোয়দা ৱা ঙাংবা অমসুং অনিংবা ফোংদোকপদা নিংতম্বগী অধিকার পীরি অমসুং সুপ্রিম কোর্টনা শকখংখিবা মতুংইন্না মসিনা ঐখোয়দা ইনফোর্মেসন লৌনবগী মপুংফাবা অধিকারসু পীরি।  রাইট তু ইনফোর্মেসন এক্ট, 2005(“the Act”) না রাইট তু ইনফোর্মেসনগী মথৌ তাবা প্রাক্টিকেল রেজিম(regime) শেম্লি। রাইট তু ইনফোর্মেসননা নাগরিকশীংবু দিসিজন-মেকিংদা শরুক য়াহন্দুনা অমসুং থাক পুম্নমক্তা লৈবা করপ্ট অমসুং আর্বিত্রারি এক্সনশীং থেংননবা শক্তি হাপ্লি। সরকারগী রেকোর্দশীং এক্সেস তৌবা ঙম্বনা, নাগরিকশীংনা মখোয়না খনখিবা সরকার অদুনা মখোয়না পাম্লিবা ফলশীং অদু পীরব্রা হায়বদু ইভাল্যুএট তৌবা অমসুং লেপ্পা ঙমহনগনি। মতৌ অসুম্না RTI হায়বসি নাগরিকশীংগী থৌদাং অসি ইচম-চম্বা ভাবোক্তগী গবর্নান্সকী প্রোসেসতা শরুক য়াবা এক্টিভ ওইবা পার্টিসিপেন্টশীংদা ওলহনবা ঙম্বা তুল অমা ওইরকই। এক্ট অসিগী মখাদা, ভারতকী নাগরিক অমনা পব্লিক ওথোরিটিদগী ইনফোর্মেসন লৌবা য়াই। এক্ট অসি জম্মু অমসুং কশ্মির রাজ্যখক নত্তনা ভারত অপুনবদা চৎনরি।

ইনফোর্মেসন এক্সেসকী স্কোপ

RTI এক্ট 2005গী সেক্সন 2 (j)গী মতুংইন্না, “রাইট তু ইনফোর্মেসন” হায়বসিনা এক্ট অসিগী মখাদা এক্সেস তৌবা য়াবা সেন্ত্রেল নত্ত্রগা ষ্টেট পব্লিক ওথোরিটনা থমলিবা ইনফোর্মেসনশীংগী রাইট অদুবু খংহল্লি অমসুং মসিগী মনুংদা মখাদা পিরিবশীংসিগী অধিকারশু য়াউরি:

• থবক, দোক্যুমেন্ট, রেকোর্দশীংগী ইন্সপেক্সন;
• দোক্যুমেন্টশীং নত্ত্রগা রেকোর্দশীংগী নোটশীং, এক্সত্রেক্টশীং নত্ত্রগা সর্টিফাই তৌরবা কোপিশীং লৌবা;
• চে-চাংশীংগী সর্টিফাই তৌরবা সেম্পলশীং লৌবা;
• করিগুম্বা ইনফোর্মেসনশীং অদু কম্প্যুটর নত্ত্রগা অতৈ অতোপ্পা দিভাইসশীংদা ষ্টোর তৌবা ওইরবদি ইনফোর্মেসন অদু দিস্কেটশীং, ফ্লোপিশীং, টেপশীং, ভিদিও কেসেটশীং নত্ত্রগা অতৈ অতোপ্পা ইলেক্ট্রোনিক মোড নত্ত্রগা প্রিন্টআউটশীংগী মওংদা লৌবা য়াই।

পব্লিক ওথোরিটি হায়বগী অর্থ মখাদা পীরি

এক্ট অসিনা সেলফ গবর্ণমেন্টগী ওথোরিটিশীং, বোদিশীং, ইনষ্টিট্যুসন য়াউনা “পব্লিক ওথোরিটিশীং”না থমজিল্লিবা ইনফোর্মেসন অদু লৌনবগী অধিকার অসি পীরি, অমসুং “পব্লিক ওথোরিটিশীং” অদু মখাদা পীরিবশীংসিগী মতুংইন্না লিংখৎপা ওইগদবনি।

• সংবিধাননা লিংখৎপা;
• পার্লিয়ামেন্ট নত্ত্রগা ষ্টেট লেজিস্লেচরগী আইন অমনা লিংখৎপা;
• ষ্টেট নত্ত্রগা সেন্ত্রেল গবর্ণমেন্টশীংগী নোটিফিকেসন নত্ত্রগা ওর্দর অমনা লিংখৎপা;
• সরকারগী ফন্দ হকথেংননা নত্ত্রগা নাকোয়ননা ফংবা নন-গবর্ণমেণ্টেল ওর্গানাইজেসনশীং য়াউনা ষ্টেট নত্ত্রগা সেন্ত্রেল গবর্ণমেন্টশীংনা মপু ওইবা, কন্ত্রোল তৌবা নত্ত্রগা শেল থাদবা বোদিশীং ওইবা তাই।

ইনফোর্মেসন হায়বসিনা মখাগীশীংসি খংনহল্লি।

• রেকোর্দশীং
• দোক্যুমেন্টশীং
• মেমোশীং
• ই-মেইলশীং
• ওপিনিয়নশীং
• পাউতাকশীং
• প্রেস রিলিজশীং
• সর্ক্যুলরশীং
• ওর্দরশীং
• লোগবুকশীং
• কন্ত্রেক্টশীং
• রিপোর্টশীং
• পেপরশীং
• সেম্পলশীং
• মোদেলশীং
• ইলেক্ত্রোনিক্কী মওং অমহেক্তদা লৈরিবা দেটা মেটরিএল, অমসুং
• মতম অদুদা চৎনরিবা আইন অমহেক্তগী মতুংইন্না পব্লিক ওথোরিটি অমনা এক্সেস তৌবা ঙম্বা প্রাইভেত বোদি অমহেক্তগা মরি লৈনবা ইনফোর্মেসন অসিনি।

রেকোর্দ হায়বগী অর্থদি মখাগীসিনি

• দোক্যুমেন্ট, মেন্যুস্ক্রিপ্ট অমসুং ফাইল অমহেক্তবু,
• দোক্যুমেন্ত অমগী মাইক্রোফিল্ম, মাইক্রোফিচ (microfiche) অমসুং  ফেসিমাইল কোপি অমহেক্তবু,
• মাইক্রোফিল্ম (চাউথোকহল্লবা নত্ত্রগা চাউথোকহন্দবা) অমদা হাপচিল্লবা ইমেজ নত্ত্রগা ইমেজশীংগী রিপ্রদক্সন অমহেক্তবু, অমসুং
• কম্প্যুটর নত্ত্রগা অতৈ অতোপ্পা দিভাইস অমহেক্তনা পুথোকপা অতৈ মেটরিএল অমহেক্তবু খংনগনি।

পব্লিক ওথোরিটিশীংনা তাকথোকপা য়াহন্দবা ইনফোর্মেসন

সিটিজেন অমদা, মখাদা পীরিবা ইনফোর্মেসন অসি পীবনা পীদবদগীদি (তাকথোকপা য়াদবা ইনফোর্মেসন য়াউদবা রেকোর্দ অদুগী শরুক খরা পীবা য়াই) পব্লিককী ইন্টরেষ্টতা হেন্না মরুওই হায়বদু পব্লিক ইনফোর্মেসন ওফিসর অদুনা মপুংফানা থাজবা ফংদ্রিফাউবদি মখাদা পীরিবা ইনফোর্মেসন অসি পীদবা য়াই।

• পীথোক্লুবা মতমদা ভারতকী সোভরেইনতি অমসুং ইন্টিগ্রিটি, লৈবাক্কী সেক্যুরিটি, ষ্ট্রাটেজিক, সাইন্টিফিক নত্ত্রগা ইকোনোমি ইন্টরেষ্ট, মপাল লৈবাক্কা লৈনবা মরি শোকহল্লকপা য়াবা নত্ত্রগা ইরাং থোকহনবা য়াবা ইনফোর্মেসন।
• কোর্ট নত্ত্রগা ত্রাইবুনেল অমনা পব্লিস তৌবদা থীংবা নত্ত্রগা মদু তাকথোক্লুবদা কোর্টকী কন্তেম্প ফংগদবা ইনফোর্মেসন।
• তাকথোক্লুবদা পার্লিয়ামেন্ট নত্ত্রগা ষ্টেট লেজিস্লেচরগী প্রিভিলেজ শোক্কদবা ইনফোর্মেসন।
• মরি লৈনবা ওথোরিটি অদুনা মীয়ামগী ইন্টরেষ্টতা তাকথোকপা মথৌ তাই হায়না খনবা নত্ত্রগদি, কর্মসিএল কনফিদেন্স, ত্রেদ সিক্রেটশীং নত্ত্রগা ইন্টেলেকচুএল প্রোপর্টি য়াউনা, অহুমশুবা পার্টি অমগী কম্পিটিটিভ পোজিসন শোকহনগদবা ইনফোর্মেসন।
• মরি লৈনবা ওথোরিটি অদুনা মীয়ামগী ইন্টরেষ্টতা তাকথোকপা মথৌ তাই হায়না খনবা নত্ত্রগদি, মীওই অমগী মহাক্কী ফিদুসিয়ারি রিলেসনশিপ (fiduciary)কী ইনফোর্মেসন।
• মপাল লৈবাক্কী সরকারনা থাজবদগী পীরকপা ইনফোর্মেসন।
• মীওই অমগী পুন্সিবু নত্ত্রগা ফিজিকেল সেফটিবু খুদোংথীহনগদবা নত্ত্রগা লো এনফোর্সমেন্ট নত্ত্রগা সেক্যুরিটিগী ওইবা মরমগীদমক পীরকপা মতেং নত্ত্রগা ইনফোর্মেসনগী হৌরকফম ওইবা ইনফোর্মেসন।
• আইন থুগাইবা মীওইশীংগী মথক্তা থীজিনবগী নত্ত্রগা ফাবগী নত্ত্রগা প্রোসিক্যুসনগী প্রোসেসতা অকায়বা পিগদবা ইনফোর্মেসন।
• কাউন্সিল ওফ মিনিষ্টরশীং, সেক্রেটরিশীং অমসুং অতৈ ওফিসরশীংনা খন্ন-নৈনবগী রেকোর্দশীং য়াউনা কেবিনেট পেপরশীং, অমদি মদু ৱারেপ অমা লৌরগা মীয়ামদা খংহনগনি নত্ত্রগা হিরম অদু মপুং ফারবা মতুংদা খংহনগনি হায়না থম্বা, অমসুং সেক্সন অসিদা তাক্লিবা একজেম্পসনশীংগী মখাদা লৈরিবা ইনফোর্মেসনদি তাকথোক্লোইদবনি।
• পব্লিক এক্টিভিটি নত্ত্রগা ইন্টরেষ্ট অমত্তগা মরি লৈনদবা পর্সোনেল ইনফোর্মেসনগা মরি লৈনবা ইনফোর্মেসন নত্ত্রগা অসিগুম্বা ইনফোর্মেসন অসি মীয়ামগী ইন্টরেষ্টতা খংহনবা মথৌ তাই হায়না পব্লিক ইনফোর্মেসন ওফিসরনা খনবা নত্ত্রবদি মীওই অমগী লনাইগী অরোন-অথুপতা খুৎ-থীংজিনবা ওইনা থোক্কদবা ইনফোর্মেসনদি তাকথোক্লোইদবনি।

“রাইট তু ইনফোর্মেসন এক্ট” শিজিন্ননবগী ইলিজিবিলিটি

ভারতকী নাগরিক অমনা মশাগী চহিগী মিনিমম অমসুং মেক্সিমম ওইবা লিমিট অমত্তা লৈতনা RTI এক্টকী মখাদা ইনফোর্মেসন পীবিনবা হায়জবা য়াই।

ইনফোর্মেসন পীবিনবা হায়জবা

রাইট তু ইনফোর্মেসন এক্ট – 2005কী মখাদা ইনফোর্মেসন পীবিনবা হায়জবা

1. নহাক্না RTI এক্ট- 2005কী মখাদা পব্লিক ওথোরিটি (সরকারগী ওর্গানাইজেসন নত্ত্রগা সরকারনা মতেং পীবা ওর্গানাইজেসন) অমহেক্তদগী ইনফোর্মেসন পীবিনবা হায়জবা য়াই। এপ্লিকেসন অদু খুৎনা ইবা নত্ত্রগা তাইপ তৌবা য়াই।

এপ্লিকেসন ফোর্ম অদু ইন্দিয়া দিভেলপমেন্ট গেটৱে পোর্টেল (Pdf ফাইল)দগী দাউনলোদ তৌবা য়াগনি।

1. এপ্লিকেসন অদু ইংলিস, হিন্দি নত্ত্রগা রাজ্য অমহেক্তগী লোন্দা ইদুনা পীশিনবা য়াই।
2. নহাক্কী এপ্লিকেসন অদুদা মখাগী ইনফোর্মেসন অসি পীগদবনি:
1. এসিষ্টেন্ট পব্লিক ইনফোর্মেসন ওফিসর (APIO)/ পব্লিক ইনফোর্মেসন ওফিসর (PIO)গী মমীং অমসুং ওফিস এদ্রেস।
2. সবজেক্ট: রাইট তু ইনফোর্মেসন এক্ট – 2005কী সেক্সন 6(1) গী মখাদা এপ্লিকেসন পীবা।
3. পব্লিক ওথোরিটি অদুদগী নহাক্না পাম্লিবা ইনফোর্মেসনগী অকুপ্পা মরোল।
4. এপ্লিকান্টগী মমীং
5. মপাগী/ মপুরোইবগী মমীং
6. কেটেগোরি- SC/ST/OBC
7. এপ্লিকেসনগী ফি
8. নহাক BPL ফেমিলিগী মখাদা লৈব্রা – লৈ/ লৈতে
9. মোবাইল নম্বর অমসুং ই-মেইল ID (মোবাইল নম্বর অমসুং ই-মেইল অসি ID অসি য়াউদ্রবসু য়াই) য়াউবা পোষ্টেল এদ্রেস
10. তাং অমসুং মফম
11. এপ্লিকান্টগী শহি
12. এনক্লোজরশীংগী লিষ্ট

অহানবা আপিল এপ্লিকেসন সবমিট তৌবা

RTI এক্ট – 2005গী মখাদা অহানবা আপিল এপ্লিকেসন সবমিট তৌনবগী লমজিং-লমতাকশীং

1. অহানবা আপিল অসি করম্বা মতমদা তৌগদগে:
• করিগুম্বা পব্লিক ইনফোর্মেসন ওফিসর (PIO) অদুনা নহাক্না ইনফোর্মেসন পীনবা হায়জবা এপ্লিকেসন অদু রিজেক্ট তৌরক্লবদি অহানবা আপিল অসি তৌবা য়াই। অহানবা আপিল অসি এপ্লিকান্ট অদুনা CPIOগী ফিরেপ অদু ফংবা তাংদগী পারগা নুমিৎ 30নিগী মনুংদা ফার্ষ্ট আপিলেট ওথোরিটি (FAA)দা থাগদবনি।
• করিগুম্বা পব্লিক ওথোরিট অদুনা নুমিৎ 30নিগী ওইবা মতমগী লিমিট অদুদা পাউখুম পীবা ঙমদ্রবদি অহানবা আপিল অসি তৌবা য়াই।  করিগুম্বা  CPIO (ACPIO)না নহাক্কী এপ্লিকেসনদু ফংবা তাংদগী নুমিৎ 30নিগী মনুংদা (করিগুম্বা এপ্লিকেসন অদু ACPIOদা পীশিনখিবা ওইরবদি নুমিৎ 35) পাউখুম পীরক্ত্রবদি CPIOদুনা পাউখুম পীরক্নবগী অরোইবা তাং অদুদগী পারগা নুমিৎ  30নিগী মনুংদা অহানবা আপিল অসি তৌগদবনি।
• করিগুম্বা পব্লিক ওথোরিটি অদুনা এপ্লিকেসন অদু লৌশিন্নবা নত্ত্রগা হায়জরক্লিবা ইনফোর্মেসন অদু পীনবা এসিষ্টেন্ট পব্লিক ইনফোর্মেসন ওফিসর/ পব্লিক ইনফোর্মেসন ওফিসর খন্দ্রবদি অহানবা আপিল অসি তৌবা য়াই।
2. কনাদা এদ্রেস তৌগদগে?
• CPIOগী দিসিজন লেটর অদুদগী ফার্ষ্ট আপিলেট ওথোরিটি অদুগী মমীং, ফম অমসুং লৈফম খংদোকউ। করিগুম্বা পাউখুম অমত্তা ফংখিদবা ওইরবদি, গবর্ণমেন্টকী দিপার্টমেন্ট/ ওফিস/ অন্দরটেকিং অদুগী ৱেবসাইত্তা চংউ অমসুং অকুপ্পা মরোলশীং অসিগীদমক্তা RTI সেক্সন অদু য়েংউ।
• মথক্কী থবকশীং অসি পাংথোক্লবসু, করিগুম্বা নহাক্না FAAগী অকুপ্পা মরোলশীং অদু ফংবা ঙমদ্রবদি, নহাক্কী অহানবা আপিল অদু মখাদা পীরিবসিদা এদ্রেস তৌ: দি ফার্ষ্ট আপিলেট ওথোরিট অন্দর RTI এক্ট 2005 C/O. হেদ ওফ _______________দিপার্টমেণ্ট/ ওফিস, অমসুং CPIOগী দিপার্টমেন্ট/ ওফিস অদু ইয়ু।
3. করিগুম্বা নহাক্না অহানবা আপিলগী হিয়ারিং অদুদা য়াউবা পাম্লবদি, নহাক্কী আপিলগী অরোইবদা মদু পল্লু।
4. সেন্ত্রেল গবর্ণমেন্টকী মখাদা লৈবা পব্লিক ওথোরিটিশীংগীদমক্তদি অহানবা আপিলগী ওইনা ফি অমত্তা লৌরোই। অহানবা আপিলগী ওইনা ষ্টেট খরদদি মখোয়গী প্রেস্ক্রাইব তৌরবা ফি অমসুং স্পেসিফাই তৌরবা ফোর্মেট লৈ। করিগুম্বা নহাক্কী আপিল অদু ষ্টেট গবর্ণমেন্টগী মখাদা লৈবা পব্লিক ওথোরিট অমদা তৌগদবা ওইরবদি, চানবীদুনা অহানবা আপিলগী ফি (করিগুম্বা লৈরবদি), পেমেন্টগী মোদ, ফোর্মেট (করিগুম্বা লৈরবদি)কী মতাংদা ইন্দিভিজুএল ষ্টেটশীংগী RTI রুলশীংদু য়েংবীয়ু।
5. আপিলদা পল্লিবা এনক্লোজরশীংগী ফোটোকোপি পুম্নমক অদু “এটেষ্টেদ” হায়বা ৱাহৈশীগী মখাদা মপুং ফাবা শহি পীদুনা সেলফ-এটেষ্টেদ তৌগদবনি।
6. আপিলগী সেট অমা, পোষ্টেল রিসিপ্ট অমসুং AD রিসিপ্ট অদু থমজিল্লু। নহাক নশানা এপ্লিকেসন্দু পীশিনবসু য়াই, অদুবু রেজিষ্টর AD/ স্পিদ পোষ্টতা থাবনা হেন্না ফগনি। কোরিয়র (Couriers)দদি থারোইদবনি।
7. অহানবা আপিল অদু ফংবা তাংদগী নুমিৎ 30নিগী মনুংদা FAA না আপিল অদুগী মতাংদা ফিরেপ লৌগদবনি। মহাক্না অহেনবা নুমিৎ 15নি অমগা (পুন্না নুমিৎ 45) লৌবা য়াই অদুবু থেংথবদুগী মতিক চাবা মরম অদু ইদুনা পীগদবনি। FAA না “চিন্না হায়বা” ওর্দর নত্ত্রগা “অইবা” ওর্দর অমা পীবা য়াই।

অনিশুবা আপিলগী এপ্লিকেসন সবমিট তৌবা

RTI এক্ট – 2005গী মখাদা অনিশুবা আপিল এপ্লিকেসন সবমিট তৌনবগী লমজিং-লমতাকশীং

1. অনিশুবা আপিলগী এপ্লিকেসন অসি করম্বা মতমদা সবমিট তৌগদগে:
• করিগুম্বা নহাক্না ফার্ষ্ট আপিলেট ওফিসর অদুগী রাই অদুদা পেন্দ্রবা,
• করিগুম্বা নহাক্না পব্লিক ওথোরিটি অদুনা পীরক্লিবা ইনফোর্মেসন অদু মপুং ফাদে, লান্না লমজিংই নত্ত্রগা লাল্লি হায়না খল্লবদি অনিশুবা আপিলগী এপ্লিকেসন পীশিনবা য়াই।

CICদা ওনলাইন এপ্লিকেসন সবমিট তৌবা

সেন্ত্রেল ইনফোর্মেসন কমিসন (CIC)দা আপিল (মরূওইনা 2শুবা আপিল) নত্ত্রগা কমপ্লেন্ট অমা পীশিনবা হায়বসি করিগুম্বা নহাক্না ইনফোর্মেসন অদু সেন্ত্রেল পব্লিক ওথোরিটি অমদগী পাম্লবা মতমদতা পীবা য়াই।

করম্বা মতমদা CICদা ওনলাইন কমপ্লেন্ট ফাইল তৌগদগে?

• সেন্ত্রেল পব্লিক ইনফোর্মেসন ওফিসর অমদা, অসিগুম্বা ওফিসর অসি এক্ট অসিগী মখাদা খন্দবনা মরম ওইদুনা, নত্ত্রগা সেন্ত্রেল এসিষ্টেন্ট পব্লিক ইনফোর্মেসন ওফিসর অদুনা এক্ট অসিগী মখাদা নহাক্না ইনফোর্মেসন পীবীনবা হায়জবা এপ্লিকেসন নত্ত্রগা আপিল অদু সেন্ত্রেল পব্লিক ইনফোর্মেসনদা ফোরৱার্দ তৌনবগীদমক লৌ হায়বা য়াদবনা মরম ওইদুনা নহাক্কী এপ্লিকেসন অদু সবমিট তৌবা ঙমদবা মতমদা কমপ্লেন্ট অসি তৌবা য়াই।

কমপ্লেন্ট ফাইল তৌনবা প্রোসেসকী অহেনবা ইনফোর্মেসনগী মতাংদা "Submit RTI complaint to CIC" দা চংবীয়ু।

RTI এপ্লিকেসন অমা দ্রাফট তৌবা

• রিক্বেষ্ট ফোর্ম ফোর ইনফোর্মেসন
• ফার্ষ্ট আপিল ফোর্ম
• সেকেন্দ আপিল ফোর্ম

মরি লৈনবা রিসোর্সশীং

1. অপদেটেদ RTI গাইদ ফোর ওল ষ্টেকহোল্ডর্স
2. RTI গাইদ ফোর ফার্ষ্ট আপিলেট ওথোরিটি
3. RTI গাইদ ফোর পব্লিক ওথোরিটিজ
4. RTI গাইদ ফোর পব্লিক ইনফোর্মেসন সিক্কর
5. RTI এক্ট
6. একজেম্পতেদ ওর্গানাইজেসনস

সোর্স: সেন্ত্রেল ইনফোর্মেসন কমিসন