নেসনেল দিজিটেল লিটরেসি মিসন

মচং ওইবা ৱাফম

দিজিটেল সাক্সরটা অভিয়ান (DISHA) নত্ত্রগা নেসনেল দিজিটেল লিটরেসি মিসন (NDLM) স্কিম অসি লৈবাক অসিগী ষ্টেটশীং//UTশীংদা লৈরিবা অঙ্গনৱাদি অমসুং ASHA ৱার্করশীং অমসুং ওথোরাইজ তৌরবা রেসন দিলরশীং য়াউনা মীওই লাখ 52.5দা, IT লিটরেট ওইদবা নাগরিকশীংবু IT লিটরেট ওইহন্দুনা দিমোক্রেটিক অমসুং দিভেলপমেন্ট প্রোসেসতা ইচং থৌনা শরুক য়াহন্নবা অমসুং মখোয়গী হিংবগী থাক অদুসু ৱাংখৎহন্নবগীদমক ITগী ত্রেনিং পীনবা শেমখিবনি।

মসিগী পান্দমদি ত্রেনিশীংগী মথৌ তাবগা মরি লৈননা বেসিক ওইবা ICT স্কিলশীং পীদুনা নাগরিকশীংনা IT অমসুং মসিগা মরি লৈনবা এপ্লিকেসনশীং শিজিন্নবা অমসুং দিমোক্রেটিক প্রোসেসতা ইচং থৌনা শরুক য়াহনবা অমদি মখা তানা মখোয়গী হিংবগী থাক ৱাংখৎহনবনি। মীওইশীং অসিনা দিজিটেল দিভাইসশীং শিজিন্নদুনা ইনফোর্মেসন, নোলেজ অমসুং স্কিলশীং এক্সেস তৌবা ঙমগনি।

দিজিটেল লিটরেসি কদাইবু কৌবগে

দিজিটেল লিটরেসি হায়বসি মীওই অমনা অমসুং কম্যুনিটিশীংনা দিজিটেল টেক্নোলোজিবু খংবা অমসুং পুন্সিগী ওইবা তাংকক কয়াদা অর্থ লৈনা শিজিন্নবা ঙম্বদুবুনি।

ত্রেনিংগী থাকশীং

স্কিম অসিগী মখাদা লৈগদবা IT ত্রেনিংগী থাক অনিদুদি মখাগীসিনি :

1. দিজিটেল লিটরেসিগী এপ্রেসিএসন (লেভেল 1) :
• পান্দম : নুপা নত্ত্রগা নুপী অদুনা মোবাইল ফোনশীং, টেব্লেটশীং, অসিনচিংবা দিজিটেল দিভাইসশীং শিজিন্নবা হৈহনবা অমসুং ইমেইল শিজিন্নবা থাবা অমসুং ফংবা হৈহনবা অমসুং ইনফোর্মেসন থীবদা ইন্টর্নেট শিজিন্নবা, অসিনচিংবা হৈহন্নবগীদমক মীওই অমবু IT লিটরেট ওইহনবা।
• কোর্সকী মতম : পুং 20 (য়ামদ্রবদা নুমিৎ 10 অমসুং য়াম্লবদা নুমিৎ 30)
2. দিজিটেল লিটরেসিগী বেসিকশীং (লেভেল 2) :
• পান্দম : অৱাংবা থাক্তা IT লিটরেসি লৈহনবগী মথক্তা, নাগরিক অদুবু সরকার অমসুং অতৈ এজেন্সি কয়ানা পীরিবা ই-গবর্ণান্স সর্ভিসশীং অসি ফজনা শিজিন্নবা হৈহনবা।
• কোর্সকী মতম : পুং 40 (য়ামদ্রবদা নুমিৎ 20 অমসুং য়াম্লবদা নুমিৎ 60)
3. কোর্স অনিমক্কী মেদিয়ম ওফ ইনস্ত্রক্সন : ভারতকী ওফিসিএল ওইবা লোলশীং

ইলিজিবিলিটি ক্রাইটেরিয়া

• চহি 14দগী 60 ফাউবগী মনুংদা লৈবা IT লিটরেট ওইদবা মীওই লৈবা ইমুং পুম্নমক স্কিম অসিগী মখাদা খন্ননবগীদমক ইলিজিবল ওইগনি।
• লেভেল 1 ত্রেনিংগীদমক্তা : নন-IT লিটরেট – ইলিটরেট ওইবা অমসুং ক্লাস 7 পাস তৌবা মীওই
• লেভেল 2 ত্রেনিংগীদমক্তা : নন-IT লিটরেট অমসুং য়ামদ্রবদা ক্লাস 8 পাস তৌবা মীওই

ফিশীং (Fees)

মখল-মখাগী কেটেগোরি কয়াগীদমক্তা পীরিবা শেলগী মতেং অসিগী মনুংদা মখাগীসি চল্লি:

• জেনেরেল কেটেগোরি ত্রেনিশীংগীদমক্তা কোর্স ফিগী 75% (কোর্স ফিগী 25%দি ত্রেনিশীংনা পুথোকপা তাই)।
• SC/ ST অমসুং BPLকেটেগোরিদা লৈবা ত্রেনিশীংগীদি কোর্স ফিগী 100%।
• লেভেল 1গী কোর্স ফি : SC/ ST/ BPLগী ইমুংগীদি ত্রেনিংগী ফি অমত্তা পীরোই অমসুং জেনেরেল কেন্দিদেটকীদি লুপা 125গী ওইবা কোর্স ফি পীবা তাই।
• লেভেল 2গী কোর্স ফি : SC/ ST/ BPLগী ইমুংগীদি ত্রেনিং ফি অমত্তা পীরোই অমসুং জেনেরেল কেন্দিদেটকীদি লুপা 250গী ওইবা কোর্স ফি পীবা তাই।

ইমপ্লিমেন্টেসনগী প্রোসেস

ষ্টেট/ UT খুদিংমক্কী খনগৎলবা গ্রাম পঞ্চায়ট/ব্লোকশীং/দিষ্ট্রিকশীংদা লৈবা NGOশীং, ইন্দষ্ট্রি, গবর্ণমেন্টনা ওথোরাইজ তৌবা সেন্টরশীং (CSCs) অমসুং চান্নবা ইনফ্রাষ্ট্রকচর লৈবা ওথোরাইজ তৌরবা এজুকেসনেল ইনষ্টিট্যুটশীং অসি নাগরিক লাখ তরাবু IT লিটরেসি ত্রেন তৌনবা শিজিন্নগনি। ত্রেনিং অসি CSCশীং, এদল্ট লিটরেসি সেন্টরশীং, IT লিটরেসিদা শরুক য়ারিবা NIELIT সেন্টরশীং, RSETI, NGOশীং, অসিনচিংবা য়াউনা তোঙান-তোঙানবা ত্রেনিংগী মফমশীংদা পাংথোক্কনি।

কুপ্না তাক্লবা ইমপ্লিমেন্টেসনগী থৌরাং অমা মখাদা পীরি:

• য়ুমথোংগী সর্ভে
• ইলিজিবল ওইবা য়ুমথোং মশক খংদোকপা
• য়ুমথোং খুদিংনা ইমুং অমদগী মীওই অমা খনবা
• খল্লবা মীওই অদু খ্বাইদগী নকপা NDLM ত্রেনিং সেন্টরদা মহাক্কী আধার (UIDAI) নম্বর শিজিন্নদুনা এনরোল তৌবা
• বেনিফিসরি অদুদা য়ুনিক ওইবা য়ুজরনেম অমসুং পাসৱার্দ পীবা
• ছাত্রশীংনা মশানা তমজগদবা ই-মোদ্যুলশীং LMSগী খুত্থাংদা তম্বা
• মোদ্যুল অমা লোয়বা খুদিংগী কন্তিন্যুওস ওইবা এসেসমেন্ট তৌবা, আধার নম্বর শিজিন্নদুনা নুমিৎ খুদিংগী ওইবা এটেন্দেন্স লৌবা।
• তম্বগী পুংশিংগী মিনিমম ওইবা মশীং ফংলবা অমসুং এসেসমেন্ট মায়পাক্না পাংথোক্লবা মতুংদা, ছাত্রশীংনা নেসনেল লেভেল একজামিনেসনদা শরুক য়ানবগীদমক ইলিজিবল ওইগনি।
• মায়পাক্লবা কেন্দিদেটশীংদা সর্টিফিকেটশীং ইসু তৌগনি।

সোর্স : NDLM