ইমিদিএট পেমেন্ট সর্ভিস (IMPS)

IMPS অসি ভারত শিনবা থুংনা মতম অমহেক্তদা, মফম অমহেক্তদা ফংলিবা রিএল-টাইম রেমিতেন্স সর্ভিস অমনি।

IMPS অসি ভারত শিনবা থুংনা মতম অমহেক্তদা, মফম অমহেক্তদা ফংলিবা রিএল-টাইম রেমিতেন্স সর্ভিস অমনি। IMPS শিজিন্নদুনা কষ্টমরশীংনা মীওই অমহেক্তদা নত্ত্রগা মার্চেন্ট অমদা, পর্সোনেল নত্ত্রগা কমর্সিএল ওইবা থবক্কীদমক রিএল-টাইম ওইনা শেল ত্রান্সফর তৌবা য়াই।

IMPS অসি পুং কুনমরি চুপ্না ফংই অমসুং বেঙ্ককী ছুটি নুমিৎ, চয়োলগী অরোইবা নুমিৎ নত্ত্রগা কুম্মৈগী ছুটি নুমিৎশীংদা ফাউবা শিজিন্নবা য়াই।

IMPS অসি প্লেটফোর্ম অমহেক্তদা হায়বদি মোবাইল, ইন্টরনেট অমসুং ভারত্তা লৈবা বেঙ্ক অমহেক্তগী ATMদা পাংথোকপা য়াই। ত্রান্সফর অমহেক্তগীদমক্তদি IMPS অসিনা মপুংফাবা পাউখুমনি।

IMPSগী কান্নবশীং

• মতম চংদবা দোমেষ্টিক ফন্দ ত্রান্সফর
• 365 X 24 X 7গী ওইনা ফংই (চুম্মী! ঐখোয়না ছুটি নুমিৎশীংদসু মথৌ তৌই)
• সেফ অমসুং সেক্যুওর ওই
• কোম্না এক্সেস তৌবা য়াই
• শেল য়াম্না চংদে
• মোইবাইল, ইন্টরনেট অমসুং ATMদা ফংই
• ত্রাঞ্জেক্সনশীং ইনিসিএট তৌনবগীদমক, মল্টিপল ত্রান্সফর ইনপুট ওপশনশীং হায়বদি IFSC / MMID/ একাউন্ট নম্বর/AADHAAR নম্বরদগী অপাম্বা খনবা য়াই
• অপাম্বা খন্নবগীদমক মল্টিপল এক্সেস মেকানিজম লৈ

নহাক্না মতৌ করম্না IMPS শিজিন্নগদগে?

নহাক্না IMPS অসি নহাক্কী তিন্নবা মীওইশীংদা ফন্দ ত্রান্সফর তৌবদা, শোপ্পিং লোয়রবা মতুংদা মার্চেন্টশীংদা শেল পীবদা, বিল অমসুং ফিশীং পীবদা অমসুং মখাদা পীরিবা অতৈ সর্ভিস কয়াশিগীদমক্তা শেল পীবদা শিজিন্নবা য়াই:

• ফন্দ ত্রান্সফর সর্ভিসশীং
• মার্চেন্ট পেমেন্টশীং

ফন্দ ত্রান্সফর সর্ভিসশীং

• মতম চংহন্দনা একাউন্টদগী একাউন্টদা ফন্দ ত্রান্সফর/ রেমিটেন্স তৌবা
• মতম চংহন্দনা একাউন্টদগী ৱালেটতা অমসুং ৱালেটতগী একাউন্টদা শেল হাপ্পা

মখাদা পীরিবা ওপশনশীং অসিদগী অমহেক্তা সিজিন্নদুনা ফন্দশীং ত্রান্সফর তৌবা য়াই:

1. ফংগদৌরিবা মীওই অদুগী মোবাইল নম্বর অমসুং মোবাইল মনি আইদেন্টিফায়র (MMID) শিজিন্নদুনা

IMPSনা চয়োলদা পুং কুনমরি চুপ্না, মতম চংদবা ইন্টরবেঙ্ক ইলেক্ট্রোনিক ফন্দ ত্রান্সফর সর্ভিস অসি মীওই অমদগী মীওই অমদা, মোবাইল নম্বর অমসুং মোবাইল মনি আইদেন্টিফায়র (MMID) শীজিন্নদুনা পাংথোকপা য়াহল্লি। ফংগদৌরিবা মীওই অদুদা মোবাইল নম্বর অমসুং MMID পীরক্নবখক হায়য়ু অমসুং মোবাইল ফোনশীং নত্ত্রগা ইন্টরনেট নত্ত্রগা ATM শিজিন্নদুনা ফন্দ ত্রান্সফর তৌ।

মোবাইল নম্বর অমসুং MMID শিজিন্নদুনা ফন্দ ত্রান্সফর তৌনবগী অচম্বা ষ্টেপশীং

• নহাক্কী মোবাইল নম্বর অদু নহাক্কী বেঙ্কতা রেজিষ্টর তৌ অমসুং নহাক্কী MMID অমসুং M-পিন লৌরো।
• মোবাইল নম্বর অমসুং MMID খক্তমক লৌরো।
• শেল ত্রান্সফর তৌনবগীদমক্তা খুদোংচাগদবা চেনেল অমা খল্লো। ইন্টরনেট বেঙ্কিং, মোবাইল নত্ত্রগা ATM অসিগী মরক্তা অমহেক্তা খল্লো।
• ফংগদৌরিবা মীওই অদুগী মোবাইল নম্বর, MMID অমসুং এমাউন্ট অদু এন্টর তৌরো।

বেঙ্কিংগী তাকপা: MMID অসি নহাক্কী বেঙ্কনা পীবা দিজিট 7 কী নম্বরনি।

সেফটি ওইনবা তাকপা: নহাক্কী মোবাইল নম্বর অদু রেজিষ্টর তৌশিন্দুনা নহাক্না নহাক্কী একাউন্টপু কুপ্না শেন্নবা য়াই।

2. ফংগদৌরিবা মীওই অদুগী একাউন্ট নম্বর অমসুং IFS কোদ শীজিন্নদুনা

IMPS পার্সন-টু-পার্সন (P2P) ফন্দ ত্রান্সফর অসিসু ফংগদৌরিবা মীওই অদুগী একাউন্ট নম্বর অমসুং IFS কোদ শীজিন্নদুনা পাংথোকপা য়াই। ফংগদৌরিবা মীওই অদুদা শুপ্নগী একাউন্ট নম্বর অমসুং IFS কোদ (IFS কোদ অসি চেক বুকতা য়াউই!) পীরক্নবা হায়য়ু অমসুং মোবাইল ফোন নত্ত্রগা ইন্টরনেট নত্ত্রগা ATM শীজিন্নদুনা ফন্দ ত্রান্সফর তৌ।

একাউন্ট নম্বর অমসুং IFSC শিজিন্নদুনা ফন্দ ত্রান্সফর তৌবগী ষ্টেপশীং

• নহাক্কী মোবাইল নম্বর অদু নহাক্কী বেঙ্কতা রেজিষ্টর তৌরো অমসুং নহাক্কী M-পিন লৌরো।
• ফংগদৌরিবা মীওই অদুদা একাউন্ট নম্বর অমসুং IFSC পীরক্নবা হায়য়ু।
• শেল ত্রান্সফর তৌনবগীদমক্তা খুদোংচাগদবা চেনেল অমা খল্লো। ইন্টরনেট বেঙ্কিং, মোবাইল নত্ত্রগা ATM অসিগী মরক্তা অমহেক্তা খল্লো।
• ফংগদৌরিবা মীওই অদুগী একাউন্ট নম্বর, IFSC অমসুং এমাউন্ট অদু এন্টর তৌরো।

বেঙ্কিংগী তাকপা: IFSC হায়বসি চেক বুকতা ফংবা দিজিট 11গী অলফান্যুমরিক নম্বর অমনি।

সেফটিগী তাকপা: মতম পুম্নমক্তা নহাক্কী M-পিন নিংশীংউ, চানবীদুনা মদু মফম অমত্তদা ইশীনগনু নত্ত্রগা মীওই অমত্তদা পীথোক্কনু।

3. ফংগদৌরিবা মীওই অদুগী আধার নম্বর শিজিন্নদুনা

মসিনা খ্বাইদগী চম্বা ফন্দ ত্রান্সফরগী মওংনি। শুপ্নগী নহাক্না মথৌ তারিবসি ফংগদৌরিবা মীওই অদুগী আধার নম্বর অদুনি। ফংগদৌরিবা মীওই অদুদা আধার নম্বর অদু পীরক্নবা হায়য়ু অমসুং মোবাইল ফোন নত্ত্রগা ইন্টরনেট নত্ত্রগা ATM শীজিন্নদুনা ফন্দ ত্রান্সফর তৌ।

আধার নম্বর শিজিন্নদুনা ফন্দ ত্রান্সফর তৌনবগী ষ্টেপশীং

• নহাক্কী বেঙ্কতা নহাক্কী মোবাইল নম্বর অদু রেজিষ্টর তৌশীল্লু অমসুং নহাক্কী M-পিন লৌ।
• ফংগদৌরিবা মীওই অদুদা আধার নম্বর পীরক্নবা হায়য়ু।
• শেল ত্রান্সফর তৌনবগীদমক্তা খুদোংচাগদবা চেনেল অমা খল্লো। ইন্টরনেট বেঙ্কিং, মোবাইল নত্ত্রগা ATM অসিগী মরক্তা অমহেক্তা খল্লো।
• ফংগদৌরিবা মীওই অদুগী আধার নম্বর অমসুং এমাউন্ট এন্টর তৌরো।

বেঙ্কিংগী তাকপা: মোবাইল শিজিন্নদুনা পাংথোকপা ত্রাঞ্জেক্সন পুম্নমক মোবাইল নম্বর অমসুং MPIN শিজিন্নদুনা ওথেন্টিকেট তৌগনি।

সেফটিগী তাকপা: নহাক্কি ইন্টরনেট বেঙ্কিং য়ুজর আইদি নত্ত্রগা পাসৱার্দ অদু কনাগুম্বা মীওই অমত্তদা পীথোক্কনু।

মার্চেন্ট পেমেন্টশীং

• মোবাইল টোপ-অপ/ DTH টোপ-অপ
• স্কুল অমসুং কোলেজশীংগী ফি পেমেন্টশীং
• য়ুটিলিটি বিল পেমেন্টশীং
• ওনলাইন শোপ্পিং
• হৱাই-চেংৱাইগী বিল পেমেন্ট
• ইন্সুরেন্স প্রেমিয়ম পেমেন্ট
• ওভর-দি-কাউন্টর পেমেন্টশীং
• স্কুল/ কোলেজ/ য়ুনিভর্সিটিশীংদা ফিগী পেমেন্ট পীবা
• ত্রাভেল অমসুং টিকেটিং
• ক্রেদিট কার্দ বিল পেমেন্ট
• ধর্মগী ওইবা ইনষ্টিট্যুসনশীংদা দোনেসন পীবা

ফন্দশীং মখাদা পীরিবা ওপশনশীং অসিদগী অমহেক্তা শিজিন্নদুনা ত্রান্সফর তৌবা য়াই:

1.বেঙ্ক এপ শিজিন্নদুনা মার্চেন্ট পেমেন্ট তৌবা

IMPSনা বেঙ্ক এপ শিজিন্নদুনা মার্চেন্টশীংদা কোম্না পেমেন্ট তৌবা য়াহল্লি। মসি মতম চংদে, বেঙ্ক কয়াদা পুং কুনমরি চুপ্না ফংই। মোবাইল ফোনশীং শীজিন্নদুনা পেমেন্ট তৌ (SMS অমসুং বেঙ্ক এপ)।

মোবাইল নম্বর অমসুং MMID শিজিন্নদুনা ফন্দ ত্রান্সফর তৌনবগী ষ্টেপশীং

• নহাক্কী মোবাইল নম্বর অদু নহাক্কী বেঙ্কতা রেজিষ্টর তৌ অমসুং নহাক্কী M-পিন লৌ।
• মার্চেন্টকী মোবাইল নম্বর অমসুং MMID লৌরো।
• শেল ত্রান্সফর তৌনবগী খুদোংচাগদবা চেনেল অমা, হায়বদি SMS নত্ত্রগা বেঙ্ক এপতগী খল্লো।
• মার্চেন্টকী মোবাইল নম্বর, MMID, এমাউন্ট অমসুং পেমেন্ট রিফরেন্স এন্টর তৌরো।

2.ওনলাইন ৱেবসাইটতা মার্চেন্টকী পেমেন্ট তৌবা

মার্চেন্টকী ৱেবসাইট নত্ত্রগা মোবাইল এপতা পেমেন্ট তৌবা মতমদা IMPS অসি পেমেন্ট ওপশন ওইনা খল্লো। ইন্টরনেট বেঙ্কিং শীজিন্নদুনা নত্ত্রগা মার্চেন্ট এপকী খুত্থাংদা পেমেন্ট তৌ।

একাউন্ট নম্বর অমসুং IFSC শীজিন্নদুনা ফন্দ ত্রান্সফর তৌনবগী ষ্টেপশীং

• নহাক্কী মোবাইল নম্বর অদু নহাক্কী বেঙ্কতা রেজিষ্টর তৌ অমসুং নহাক্কী M-পিন লৌ।
• নহাক্কী বেঙ্ক এপতা লোগইন তৌরো, IMPS ওপশন খল্লু অমসুং OTP জেনেরেট তৌরো।
• নহাক্কী মোবাইল নম্বর, MMID, এমাউন্ট অমসুং OTP এন্টর তৌরো।

বেঙ্কিংগী তাকপা: ৱান টাইম পাসৱার্দ (OTP) হায়বসি দিজিট তরুক্কী নম্বর অমনি অমসুং পুং অমা ফাউবা চৎনবা য়াই।

সেফটিগী তাকপা: নহাক্কী ATM পিন অদু কৈদৌঙৈদা কনামত্তদা পীথোক্কনু।

মল্টিলিঙ্গুএল ওইবা লোলশীংদা ফংবা ত্রাঞ্জেক্সনগী মখলশীংদি

• বেলেন্সকী ইনক্বারি তৌবা
• মিনি ষ্টেটমেন্ট লৌবা
• একাউন্ট নম্বর অমসুং IFSC শীজিন্নদুনা ফন্দ ত্রান্সফর তৌবা

মোবাইল বেঙ্কিং অসি কষ্টমরশীংদা য়ৌহনবা ঙম্নবগীদমক মেম্বরশীংদা মল্টিলিঙ্গুএল NUUP সর্ভিস অসি মসিগী য়ুজরশীংদা প্রোমোট তৌনবা খংহল্লি।

সোর্স: নেসনেল পেমেন্টস কোর্পোরেসন ওফ ইন্দিয়া (NPCI)