শেয়র
Views
  • ষ্টেট শেমদোক্নবা হাংদোকউ

দিজিটেল ফাইনান্সিএল সর্ভিসেস

দিজিটেল ফাইনান্সিএল ইনক্লুজন হায়বসিনা সমাজদা লৈরিবা তোঙান তারবা অমসুং হন্থবা কাংলুপকী মীওইশীংনা দিজিটেল এক্সেস অমসুং ফোর্মেল ওইবা ফাইনান্সিএল সর্ভিসশীং লৌববু খংনহল্লি।

ৱাহৌদোক

দিজিটেল ফাইনান্সিএল ইনক্লুজন হায়বসিনা সমাজদা লৈরিবা তোঙান তারবা অমসুং হন্থবা কাংলুপকী মীওইশীংনা দিজিটেল এক্সেস অমসুং ফোর্মেল ওইবা ফাইনান্সিএল সর্ভিসশীং লৌববু খংনহল্লি। হিরম অসিবু মপুং ফাহন্নবগীদমক্তা হৌদোক্লিবা সর্ভিসশীং অসিবু দিজিটেল ফাইনান্সিএল সর্ভিসেস (DFS) হায়না খংনৈ। মখোয় অসি কষ্টমরশীংগী মথৌ তাবগা চানহন্নবা অমসুং কষ্টমরশীং পুবা থাংবা ঙমগদবা অমসুং প্রোভাইদরশীংনসু দায়ত্ব লৈবা মওংদা পীবা ঙম্নবা মওংদা দিজাইন তৌই। অসিগুম্বা দিজিটেল ফাইনান্সিএল সর্ভিসেস অমহেক্তগী ওইনা মরুওইবা কম্পোনেন্ট অহুম লৈ: দিজিটেল ত্রাঞ্জেক্সনেল প্লেটফোর্ম অমা, রিটেল এজেন্টশীং, অমসুং কষ্টমরশীং অমসুং এজেন্টশীংনা শিজিন্নবা দিভাইস অমা হায়বদি মহৌশানা মোবাইল ফোন অমা, প্লেটফোর্ম অসিগী খুত্থাংদা ত্রাঞ্জেক্ট তৌনবা অসিনি।

  1. কার্দশীং
  2. USSD
  3. AEPS
  4. UPI
  5. ৱালেট

কার্দশীং

Cards

কার্দ হায়বসি করিনো?

মখোয় অসি মহৌশানা বেঙ্কশীংনা ইসু তৌই অমসুং মখোয়গী ইসু তৌবগী মওংদা, কার্দ হোল্ডর অদুনা শিজিন্নবা অমসুং পেমেন্ট তৌবগী মওংদা য়ুম্ফম ওইদুনা কাংলুপ খায়দোকপা য়াইকার্দ মখল অহুম শুই: দেবিট কার্দশীং, ক্রেদিট কার্দশীং অমসুং প্রিপেইদ কার্দশীং অসিনি।

কার্দকী তোঙান-তোঙানবা মখলশীংদু করি-করিনো?

1. প্রিপেইদ কার্দশীং: মখোয় অসি কষ্টমরগী বেঙ্ক একাউন্ট অমদগী মাংজৌননা লোদ (pre-loaded) তৌই। মসি ত্রাঞ্জেক্সনগী লিমিট লৈবা এমাউন্টগী ওইনা শীজিন্নবা য়াই। মখোয় অসি মোবাইল রিচার্জগুম্না রিচার্জ তৌবা য়াই। শিজিন্নবদা শাফবা (safe) ওই। 2. দেবিট কার্দশীং: নহাক্কী একাউন্ট অমা লৈবা বেঙ্ক অদুনা ইশু তৌই। বেঙ্ককী একাউন্টগা লিঙ্ক তৌনৈ। দেবিট কার্দশীং অসি একাউন্ট হোল্ডরশীংদা (করেন্ট/ সেভিংস/ ওভরদ্রাফট) ইসু তৌই অমসুং তৌখিবা এক্সপেন্দিচর অমহেক্তা খুদক্তা য়ুজরগী একাউন্ট অদুদগী লৌথোকই। য়ুজরনা কার্দ অসি মহাক্কী বেঙ্ক একাউন্টদা লৈরিবা লিমিট অদুফাউবা শেল লৌথোক্নবা শিজিন্নবা য়াই। মসি মীওই অমদগী মীওই অমদা দোমেষ্টিক ফন্দ ত্রান্সফর তৌবখক্তদসু শিজিন্নবা য়াই।

3. ক্রেদিট কার্দশীং: মখোয় অসি RBIনা এপ্রুভ তৌরবা বেঙ্কশীং/ অতৈ এন্টিটিশীংনা ইসু তৌই। দোমেষ্টিক অমসুং ইন্টরনেসনেলগী (ইন্টরনেসনেলগী ওইনা এপ্রুভ তৌরবদি) ওইনা শীজিন্নবা য়াই। দেবিট কার্দশীংগা মান্নদবা মওংদা, ক্রেদিট কার্দশীংগী মতাংদদি, কষ্টমর অমনা মহাক্কী বেঙ্ক একাউন্টদা লৈরিবা এমাউন্ট অদুদগী হেন্না লৌথোকপসু য়াই। অদুবু ক্রেদিট কার্দ খুদিংমক্কী ওইনা অহেনবা শেল লৌথোকপা য়াবগী লিমিট অমা লৈগনি।

মসিগী মথক্তা, অহেনবা লৌথোকখিবা শেল অদু অমুক হন্দুনা পিশীন্নবগী মতমগী লিমিট অমসু লৈগনি। করিগুম্বা অকক্নবা মতমদুদগী হেন্না থেংথরবদি, কার্দ ইসু তৌরিবনা এপ্লাই তৌখিবা শেন্দোইগা কোন্ননা শেলফম অদু পীশিনগনি।

দেবিট/ক্রেদিট কার্দশীং করম্না শিজিন্নগনি?

  1. ATMদগী শেল লৌথোক্নবগীদমক, য়ুজর অদুনা মহাক্কী দেবিট/ ক্রেদিট কার্দ অদু ইন্সর্ট তৌবা অমসুং বেঙ্কনা পীবা মহাক্কী য়ুনিক PIN নম্বর (দিজিট 4) অদু এন্টর তৌবা তাই। নোংমদা লৌথোকপা য়াবা মেক্সিমম ওইবা এমাউন্ট অদুদি বেঙ্কনা লেপ্পী।
  2. দেবিট কার্দ শিজিন্নদুনা, য়ুজরনা বেঙ্ক বেলেন্স য়েংবা, চেক নত্ত্রগা শেল দিপোজিট তৌবা, মিনি ষ্টেটমেন্ট লৌবা অসিনচিংবা অতৈ ফাইনান্সিএল অমসুং নন-ফাইনান্সিএল ত্রাঞ্জেক্সনশীং বেঙ্ক ব্রাঞ্চদা চত্তনা ATMদা পাংথোকপা য়াই।
  3. অচৈবা রিটেল ষ্টোর অমসুং শোপশীংদা পোৎ-চৈ লৈবা মতমদা মখাদা পীরিবা প্রোসেস অসি ইনবীয়ু:

করিগীদমক্তা ঐনা কার্দশীং অসি শীজিন্নগদৌরিবনো?

  • নহাক্কী কার্দ অদু মফম অমহেক্তদা শিজিন্নবা য়াই।
  • শোপশীং, ATMশীং, ৱালেটশীং, মাইক্রো ATMশীং, ওনলাইন শোপ্পিংদা শিজিন্নবা য়াই।
  • দেবিট অমসুং ক্রেদিট কার্দ অনিমক ATMদগী শেল লৌথোকপদা, পোইন্ট ওফ সেল (POS)দগী পোৎ-চৈ অমসুং সর্ভিসশীং লৌবদা অমসুং ওনলাইন ওইনা লৈবদা শিজিন্নবা য়াই।
  • য়ুটিলিটি বিল মখল খুদিংমক পীবদা শিজিন্নবা য়াই।
  • কঞ্জ্যুমরনা টিকেটশীং (এয়রলাইন/ রেলৱে/ বস) বুক তৌবা, হোটেল বুক তৌবা অমসুং রেষ্টুরেন্টশীংদা পেমেন্ট পীবদা শীজিন্নবা য়াই।
  • কার্দ রিদর/ POS মেছিন অমা লৈবা লোকেসন অমহেক্তদা সর্ভিস অমহেক্তগী শেল পীবদা নহাক্কী কার্দ শিজিন্নবা য়াই।

মতৌ করম্না কার্দ অমা লৌগনি

কঞ্জ্যুমরশীংনা দেবিট/ রুপে/ ক্রেদিট কার্দকীদমক্তা পব্লিক অমসুং প্রাইভেট সেক্টর বেঙ্ক পুম্নমক্তা এপ্লাই তৌবা য়াই।

  • নাগরিকশীংনা মখোয়গী মরি লৈনবা বেঙ্ক ব্রাঞ্চতা এপ্লিকেসন সবমিট তৌদুনা দেবিট কার্দ অমা লৌবা য়াই।
  • নাগরিকশীংনা মখোয়গী দেবিট কার্দশীং অদু রুপে কার্দকা ওন্থোক্নবসু য়াই।
  • বেঙ্ক একাউন্ট লৈতবা নাগরিকশীংনা কার্দ ফংনবগীদমক্তা অহানবদা বেঙ্ক একাউন্ট অমা হাংদোকপা তাই।
  • সরকারগী ওর্দর মতুংইন্না, জন ধন একাউন্ট হোল্ডর পুম্নমক্তা রুপে কার্দশীং ইসু তৌগনি।

USSD (অনষ্ট্রকচর্দ সপ্লিমেন্টরি সর্ভিস দেটা)

USSDহায়বসি করিনো?

USSD অসি অনষ্ট্রকচর্দ সপ্লিমেন্টরি সর্ভিস দেটা হায়বনি। মসি লৈবাক অসিদা লৈরিবা অচম্বা নাগরিক পুম্নমক্তা বেঙ্কিং সর্ভিসশীং য়ৌহন্নবা পান্দম থম্লিবা সর্ভিস অমনি। সর্ভিস অসিনা কষ্টমর খুদিংমকপু টেলিকোম সর্ভিস প্রোভাইদর, মোবাইল হেন্দসেট নত্ত্রগা লমগা মরি লৈনদনা সিঙ্গল ওইবা নম্বর অমখক শিজিন্নদুনা বেঙ্কিং সর্ভিস ফংবা য়াহল্লি। মসি *99#গী অশম্বা কোদ অমদা লৈবা নেসনেল য়ুনিফাইদ USSD প্লেটফোর্ম (NUUP) অমগী খুত্থাংদা পীবনি। মসি নোংমদা কষ্টমর অমগী ওইনা লুপা 5000 ফাউবগী পেমেন্টশীং পীবদা শিজিন্নবা য়াই।

নহাক্না করি করি মথৌ তাবগে?

বেঙ্কতা একাউন্ট অমা লৈবা তাই।

  • GSM নেটৱার্ককী মোবাইল ফোন অমহেক্তা লৈগদবনি।
  • বেঙ্কতা লৈবা কঞ্জুমরশীংগী একাউন্ট অদুদা রেজিষ্টর তৌরবা মোবাইল নম্বর লৈগদবনি।

মতৌ করম্না ঐনা মসি শিজিন্নগনি?

নহাক্কী বেঙ্ক একাউন্টতা নহাক্কী মোবাইল নম্বর অদু লিঙ্ক তৌনবা নহাক্কী ব্রাঞ্চতা চৎলু (ATM নত্ত্রগা ওনলাইন্দসু তৌবা য়াই)

  1. নহাক্না মোবাইল মনি আইদেন্টিফায়র (MMID) অমসুং মোবাইল পিন (MPIN) ফংগনি।
  2. MPIN অদু নিংশিংউ।

USSDগী কান্নবশীংদু করি করিনো?

USSD ফেসিলিটি শীজিন্ননবগী ষ্টেপশীং

মসি নহাক্কী ফোনদগী নহাক্কী প্রিপেইদ বেলেন্স চেক তৌবগুম্না লায়। মসি নোর্মেল মোবাইল ফোন অমদা ফাউবা ত্রাঞ্জেক্সন তৌবা য়াই।

নহাক্কী মোবাইল নম্বর অদু নহাক্কী বেঙ্ক একাউন্টতা লিঙ্ক তৌ।

  • নহাক্কী ফোনদগী *99# দাইল তৌ।
  • নহাক্কী বেঙ্ককী অহৌবা ময়েক 3 অদু অতেনবা মমীং অদুদা মেন্সিল্লু নত্ত্রগা অহানবা IFSCগী অহানবা ময়েক 4দু মেন্সিল্লু।
  • “ফন্দ-ত্রান্সফর-MMID” ওপশন অদু খল্লু।
  • শেল ফংগদৌরিবা মীওই অদুগী মোবাইল নম্বর অমসুং MMID এন্টর তৌ।

এমাউন্ট অমসুং নহাক্কী MPIN অদু এন্টর তৌ, স্পেস অমা থম্মু অমসুং নহাক্কী একাউন্ট নম্বরগী অরোইবা দিজিট 4দু এন্টর তৌ।

মথক্তা পনখ্রিবা ষ্টেপশীং অসি তৌদুনা নহাক্কী শেল অদু নহাক্না ত্রান্সফর তৌবা য়াগনি।

ফংগদবা সর্ভিসশীং

নন-ফাইনান্সিএল সর্ভিসশীং:

  • বেলেন্স য়েংবায়ুজরনা মোবাইল নম্বর অদুগা লিঙ্ক তৌরিবা বেঙ্ক একাউন্ট অদুদা লৈরিবা বেলেন্স অদু চেক তৌবা য়াই।
  • মিনি ষ্টেটমেন্ট - য়ুজরনা মোবাইল নম্বর অদুগা লিঙ্ক তৌরিবা বেঙ্ক একাউন্ট অদুগী মিনি একাউন্ট ষ্টেটমেন্ট অদু লৌবা য়াগনি।
  • MMID*(মোবাইল মনি আইদেন্টিফায়র) খংবা - য়ুজরনা বেঙ্কিং রেজিষ্ট্রেসন মনুংদা, একাউন্ট অদুদা বেঙ্কনা পীবা MMID অদু খংবা য়াগনি।
  • M-PIN জেনেরেট তৌবা/ হোংদোকপায়ুজরনা পাসৱার্দ অমগা মান্নবা M-PIN (Mobile PIN) জেনেরেট তৌবা/ হোংদোকপা য়াগনি অমসুং মদু ফাইনান্সিএল ত্রাঞ্জেক্সনশীংদা শিজিন্নবা য়াগনি।

ফাইনান্সিএল সর্ভিসশীং:

  • মোবাইল নম্বর অমসুং MMID শিজিন্নদুনা ফন্দ ত্রান্সফর তৌবা – য়ুজরনা MMID অমসুং মোবাইল নম্বর শিজিন্নদুনা বেনিফিসরি অদুদা ফন্দ ত্রান্সফর তৌবা য়াই।
  • IFSC অমসুং একাউন্ট নম্বর শিজিন্নদুনা ফন্দ ত্রান্সফর তৌবা – য়ুজরনা IFS কোদ অমসুং একাউন্ট নম্বর হাপচিন্দুনা বেনিফিসরি অদুদা ত্রান্সফর তৌবা য়াই।

অহেনবা ইনষ্ট্রক্সনগীদমক্তা নহাক্কী মরি লৈনবা বেঙ্ককী ৱেবসাইট অদুদা নহাক্না রিফর তৌবা য়াই।

AEPSআধার এনেবল পেমেন্ট সিষ্টেম

AEPSহায়বসি করিনো?

AEPS অসি আধার এনেবল পেমেন্ট সিষ্টেম হায়বনি। মসি বেঙ্ক কষ্টমর অমবু মহাক্কী আধার এনেবল তৌরবা মরি লৈনবা বেঙ্ক একাউন্ট অদু এক্সেস তৌনবা অমসুং বেসিক ওইবা বেঙ্কিং ত্রাঞ্জেক্সনশীং পাংথোক্নবা আধার অসি মহাক্কী আইদেন্টিটি ওইনা শীজিন্নবা য়াহনবা পেমেন্ট সর্ভিস অমনি। মসিনা PoS (MicroATM)শীংদা বেঙ্কিং করেস্পোন্দেন্ট (BC)কী মতেংগা লোয়ননা বেঙ্ক-তু-বেঙ্ক ত্রাঞ্জেক্সন য়াহল্লি। য়ুজর অদুনা মহাক্কী একাউন্ট অদু মহাক্কী আধার নম্বর অদুগা লোয়ননা বেঙ্কতা নত্ত্রগা BCগী মতেংগা লোয়ননা সিদ তৌবা তাই। য়ুজরনা AEPS অমহেক্তদা PIN নত্ত্রগা পাসৱার্দ য়াউদনা ত্রাঞ্জেক্সন কয়া পাংথোকপা য়াই।

AEPS এক্টিভেট তৌনবগীদমক্তা ঐনা করি তৌবা তাবগে?

AEPSকী ত্রাঞ্জেক্সন অমা পাংথোক্নবগীদমক কষ্টমর অমনা মথৌ তারিবা ইনপুট অদুদি

IIN (কষ্টমর অদুগা এসোসিএট তৌরিবা বেঙ্ক অদু মশক খংদোকপা)

  • আধার নম্বর
  • মখোয়গী এনরোলমেন্ট মতমদা কেপচর তৌখিবা ফিঙ্গরপ্রিন্ট

করিগীদমক্তা ঐনা মসি শিজিন্নগনি?

নহাক্না AEPSকা লোয়ননা মখাদা পীরিবা বেঙ্কিং ত্রাঞ্জেক্সন মখলশীং অসি পাংথোকপা য়াগনি:-

বেলেন্স ইনক্বারি

  • শেল লৌথোকপা
  • শেল দিপোজিট তৌবা
  • আধারদগী আধারদা ফন্দ ত্রান্সফর তৌবা
  • AEPS শিজিন্নদুনা ফেয়র প্রাইস শোপশীংদা পোৎ-চৈ লৈবা

মখাদা পীরিবশীং অসি AEPS ত্রাঞ্জেক্সনশীংগী মরুওইবা ষ্টেপশীংনি:

করিগীদমক্তা ঐনা মসি শীজিন্নগদৌরিবনো?

আধার নম্বর অমসুং ফিঙ্গর প্রিন্টশীং শিজিন্নদুনা কান্নবা লৌনবা শিজিন্নবদা লায়বা, সেফ অমসুং সেক্যুওর ওইবা পেমেন্ট প্লেটফোর্মনি।

  • মীওই অমগী লৈফম অমসুং বাইওমেত্রিক/ আইরিসকী ইনফোর্মেসনদা য়ুম্ফম ওই, মসিনা নমথাক অমসুং মহুৎ শিন্দুনা থবক তৌবা য়াবগী অকিবা লৈহন্দে।
  • আধার ওথেন্টিকেসন শীজিন্নদুনা সেন্ত্রেল নত্ত্রগা ষ্টেট গবর্নমেন্ট বোদিশীংগী NREGA, সোসিএল সেক্যুরিটি পেন্সন, হেন্দিকেপ ওইবশীংগী ওল্ড এজ পেন্সন অসিনচিংবা সরকারগী এন্তাইটলমেন্টশীংগী শেল পীবদা মতেং পাংই।
  • সেফ অমসুং সেক্যুওর ওইবা মওংদা বেঙ্কশীং লান্না ইন্টর-ওপরেট তৌবদা মতেং পাংই।
  • BCশীংগী বেনিফিসরিশীং অসি অয়াম্বনা বেঙ্ক য়ৌদবা অমসুং বেঙ্ক লৈতবা মফমশীংদা ওইবা মরম্না বেঙ্কশীংনা মখোয়গী ব্রাঞ্চশীংগী নেটৱার্ক ৱাংমা লান্না লৈবা ক্লাইএন্টশীংদা ফাইনান্সিএল সর্ভিসশীং য়ৌহনবা ঙমহল্লি।
  • হৌজিক্কী ওইনদি ত্রাঞ্জেক্সন চার্জ অমত্তা লৌদে।
  • বেঙ্ক একাউন্ট নম্বর নিংশীংবগী মথৌ তাদে।
  • বাইওমেত্রিক দিভাইস লৈবা কঞ্জ্যুমরশীংনা ত্রাঞ্জেক্সনশীং অসি কম্প্যুটর, এন্দ্রোইদ ফোন/ টেব্লেটশীং শিজিন্নদুনা য়ুমদা পাংথোকপা য়াই। বাইওমেত্রিক দিভাইসশীং য়াউজবা টেব্লেট খরা লৈ অমসুং মখোয়দু ত্রাঞ্জেক্সন তৌবদা শিজিন্নবা য়াই।

UPIয়ুনিফাইদ পেমেন্টস ইন্টরফেস


UPIহায়বসি করিনো?

অসি য়ুনিফাইদ পেমেন্টস ইন্টরফেস হায়বনি। মসি য়ুজরগী স্মার্ট ফোন শিজিন্নদুনা খুদক্কী ওইবা মওংদা ইলেক্ট্রোনিক পেমেন্টশীং পাংথোক্নবা সিষ্টেম অমনি। মসি বেঙ্ক একাউন্টশীংগী মরক্তা শেল ত্রান্সফর তৌবদা শিজিন্নবা ইমিদিএট পেমেন্ট সর্ভিস IMPSগী এদভান্স ওইবা ভর্সন অমনি। গা মান্ননা, UPI নসু পুং কুনমরি চুপ্না ফন্দ ত্রান্সফরগী সর্ভিস পীরি।

  • দেবিট কার্দ অমনা তৌবগুম্না মসিনা ফোন অদু তোখায়বা কার্দ অমগী মহুত্তা টুল অমা ওইনা শীজিন্নদুনা য়ুজরগী আইদেন্টিটি অদু ওথেন্টিকেট তৌই।
  • মসিনা নুমিৎ 365নি চুপ্না পুং 24x7 মথৌ তৌই।

নহাক্না মথৌ তারিবশীংদু করি করিনো?

UPI এপ্লিকেসন (এপ)কা লোয়নবা স্মার্টফোন অমা

  • বেঙ্ক একাউন্ট অমা

মসিনা মতৌ করম্না মথৌ তৌবগে?

UPIগী খুত্থাংদা ওনলাইন ত্রাঞ্জেক্সনশীং পাংথোক্নবা ষ্টেপ 3গী অচম্বা প্রোসেস অমা লৈ।

ফিচর অমসুং বেনিফিটশীং অদু করি করিনো?

UPIনা য়ুজরগী মমীং, বেঙ্ক একাউন্ট নম্বর, IFSC কোদ, নত্ত্রগা বেঙ্ক ব্রাঞ্চকী মথৌ তাহন্দে।

  • UPI না দেবিট কার্দকুম্বা ফিজিকেল টুলশীং শিজিন্নবগী মথৌ তাহন্দে।
  • সেক্যুওর ওইদবা ফ্রেমৱার্কশীংনা মরম ওইদুনা ফিশীংগী খুদোংথীবা লৈহনবা য়াবা নেট-বেঙ্কিংগুম্বা মল্টি-ষ্টেপ প্রোসেসশীং শিজিন্নবগী মথৌ তাহন্দে।
  • য়াম্না চম্বা এপ্লিকেসননি অমসুং মীওই অমহেক্তনা শিজিন্নবা য়াই।
  • ইনষ্টেন্ট অমসুং সেক্যুওর ওইবা ওথেন্টিকেসন লৈ অমসুং মফম অমদহেক্তা পাংথোকপা য়াই।
  • মপুংফাবা কেসলেস দিজিটেল সোসাইটি অমগীদমক্তা লম্বী পীরি।
  • ইনভোইস অমগুম্না শেলগীদমক্তা রিক্বেষ্ট অমা থাবদা শীজিন্নবা য়াই।
  • কষ্টমরশীংনা য়ুটিলিটি বিলশীং অমসুং স্কুল ফিশীং ওনলাইন ওইনা পেমেন্ট তৌবদসু UPI শিজিন্নবা য়াই।

ই-ৱালেট

ই ৱালেট হায়বসি করিনো ই-ৱালেট হায়বসিনা ইলেক্ট্রোনিক ৱালেটপু খংনহল্লি। মসি কম্প্যুটর নত্ত্রগা স্মার্টফোন অমগী খুত্থাংদা ওনলাইন ওইনা পাংথোকপা ত্রাঞ্জেক্সনশীংগীদমক শিজিন্নবা ইলেক্ত্রনিক কার্দকী মখল অমনি। ই-ৱালেটকী শিজিন্নফম অসি ক্রেদিট নত্ত্রগা দেবিট কার্দ অমগা চপ মান্নৈ। পেমেন্ট পাংথোক্নবগীদমক্তা ই-ৱালেট অমবু মীওই অদুগী বেঙ্ক একাউন্টকা লিঙ্ক তৌবা মথৌ তাই। ই-ৱালেটকী মপুং ওইবা ওবজেক্টিভতি পেপরলেস মনি ত্রাঞ্জেক্সনশীং হেন্না কোম্না পাংথোকহনবসিনি।

ৱালেটকী ফিচরশীং

মসিনা মতৌ করম্না মথৌ পাংথোকপগে?

মপুং ওইনা ই-ৱালেট অমগী কম্পোনেন্ট অনি লৈ, মখোয় অদুদি সোফ্টৱায়র অমসুং ইনফোর্মেসন অসিনি।

সোফ্টৱায়র কম্পোনেন্টদা পর্সোনেল ইনফোর্মেসন ষ্টোর তৌই অমসুং দেটা অদুগী সেক্যুরিটি অমসুং এনক্রিপসন পী অদুগা ইনফোর্মেসন কম্পোনেন্ট অসিদি য়ুজর অদুনা পীবা অকুপ্পা মরোলগী দেটাবেজ অমনি অমসুং মসিগী মনুংদা মখোয়গী মমীং, থাগদবা মফম, পেমেন্টকী মেথদ, পীগদবা শেলফম, ক্রেদিট নত্ত্রগা দেবিট কার্দকী অকুপ্পা মরোল অসিনচিংবশীং অসি য়াউই।

ঐনা ই-ৱালেট অমা মতৌ করম্না শীজিন্নগদগে?

কঞ্জ্যুমরগীদমক্তা

  • এপ অদু নহাক্কী দিভাইসতা দাউনলোদ তৌরো।
  • মরি লৈনবা ইনফোর্মেসন অদু এন্টর তৌদুনা সাইন-অপ তৌরো। য়ুজর অদুনা পাসৱার্দ অমা ফংগনি।
  • দেবিট/ ক্রেদিট কার্দ নত্ত্রগা নেটবেঙ্কিং শিজিন্নদুনা শেল হাপচিল্লো।
  • ওনলাইন্দা শোপ্পিং তৌরবা মতুংদা, ই-ৱালেটনা য়ুজরগী ইনফোর্মেসন অদু পেমেন্ট ফোর্ম অদুদা মশা মথন্তনা মেন্সিঞ্জৈ।
  • ওনলাইন পেমেন্ট অদু অমুকপু পেমেন্ট তৌখ্রবদি, য়ুজর অদুনা ওর্দর ফোর্ম অদু অতৈ অতোপ্পা ৱেবসাইট অমদা মেন্সিনবগী মথৌ তাদে মরমদি ইনফোর্মেসন অদু দেটাবেজ অদুদা ষ্টোর তৌখিগনি অমসুং মশা মথন্তা অপদেট তৌজগনি।

মার্চেন্টকীদমক্তা

মার্চেন্টনা মহাক্কী দিভাইস অদুদা এপ দাউনলোদ তৌগনি।

  • মরি লৈনবা ইনফোর্মেসন এন্টর তৌদুনা সাইন-অপ তৌরো। য়ুজর অদুনা পাসৱার্দ অমা ফংগনি।
  • মার্চেন্ট অমনি হায়না নশা নথন্তনা দিক্লার তৌজরো।
  • পেমেন্টশীং লৌবা হৌরো।

ই-ৱালেট অমা শিজিন্নবা হৌনবগীদমক্তা ঐঙোন্দা করি করি লৈবা মথৌ তাবগে?

বেঙ্ক একাউন্ট

  1. স্মার্ট ফোন
  2. 2G/3G/4G কনেক্সন
  3. ফ্রি ৱালেট এপ অমা

শোয়দনা পাংথোক্কদবা প্রাক্টিসশীং

ত্রাঞ্জেক্সন খুদিংমক্কী ওইনা SMSকী খুত্থাংদা রিগুলর ওইবা ইনফোর্মেসন ফংনবগীদমক্তা নহাক্কী মোবাইল নম্বর অদু বেঙ্কতা রেজিষ্টর তৌ।
নহাক্কী PIN অদু কনামত্তদা খংহনগনু।
থাজবা য়াবা মার্চেন্টশীংদতা ত্রাঞ্জেক্ট তৌ।
ATMদা লৈরিঙৈদা, নহাক্কী লেংজুম মথক্তা কনামত্তনা য়েংহনগনু।

2.92307692308
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top