অদোম্না খংবীরব্রা

কনাগুম্বা মীওই অমগী মমীংদা শাশীন্নবা প্রোফাইল শেম্বা হায়বসি সাইবর ক্রাইম ওইগদ্রা?

কনাগুম্বা মীওই অমগী শাশিন্নবা প্রোফাইল অমা সোসিএল নেটৱার্কিং সাইটশীংদা, নুপা/ নুপী অদুগী অশেংবা মমীং অমসুং ফোটো শীজিন্নদুনা অমসুং মখোয়বু “লমচৎ-শাজৎ চুমদবা” মীওইগুম্না ফোংদোকপা নত্ত্রগা মখোয়গী থাকপু চিংথবদুবুসু সাইবর ক্রাইমনি হায়না লৌগনি।

ইনফোর্মেসন টেক্নোলোজি এক্টকী সেক্সন 67 অমসুং ইন্দিয়ান পেনাল কোদকী সেক্সন 509গী মতুংইন্না, অসুগুম্বা শাশীন্নবা প্রোফাইল শেম্বা অমসুং অপদেট তৌরিবা মীওইশীংদুগা লোয়ননা, সোসিএল নেটৱার্কিংগী দাইরেক্টর(শীং) অদুবুসু মরাল লৈ হায়না লৌগনি।

স্কিমিং স্কাম (Skimming scam) হায়বসি করিনো?

স্কিমিং স্কামশীংনা মরম ওইদুনা, রেষ্টুরেন্টশীংদা ক্রেদিট কার্দ শিজিন্নববুদি সেক্যুওর ওইবা ইন্টরনেটতা শীজিন্নবনা হেন্না শাফবা ওই।

স্কিমিং স্কাম হায়বসি, মেগ্নেটিক ষ্ট্রাইপতগী আইন কায়না ক্রেদিট কার্দ ইনফোর্মেসন লৌথোক্তুনা মখোয়বু লান্না শিজিন্নবগী থৌওং অদুবুনি।

অচেৎপা পাসৱার্দ (strong password) হায়বসি করিনো?

অচেৎপা পাসৱার্দ অমদা অলফাবেটশীং, নম্বরশীং অমসুং কেরেক্টরশীং হায়বদি c.!@*^&)(~@ অসিগুম্বসিনা পুন্সিল্লগা য়াউগদবনি। পাসৱার্দশীং অসি নিংশিংবদা য়াম্না লুই, মরম অদুনা পাসফ্রেজ (passphrase) অমা নিংশিংঙু অমসুং মখাগী অসিগুম্না অচেৎপা পাসৱার্দ অমা শেম্লো। শেম্বদুবুনি।

মখাদা পীরিবা পাসফ্রেজ অসি খন্নসি।

"আই লভ মাই সিষ্টর ফোর হার কন্টিন্যুওস সপোর্ট” (I love my sister for her continous support")
মথক্তা পীরিবা ষ্টেটমেন্ট অসিদা য়াউরিবা ৱাহৈ পুম্নমকসিগী অহানবা ময়েকশি লৌরসি।

Ilmsfhcs

ইভন নম্বরগী ময়েকশিং অসি কেপিটেলগী ময়েকশিংনা শিন্দোক্লসি।
হৌজিক S অসি $না অমসুং H অসিনা #না মহুৎ শিন্দোক্লসি।

iLm$f#c$

অরোইবদা নহাক্না পামজবা দিজিট অনিগী মশিং অদু অকোনবদা হাপচিল্লো।
iLm$f#c$36 অসি অচেৎপা পাসৱার্দ ওইরে অমসুং মসি নিংশিংবদসু কোম্লগনি।

ফিশীং (Phishing)

ফিশীং হায়বসি করিনো?

কম্প্যুটর সেক্যুরিটিগী লমদা, ফিশীং হায়বসি, ইলেক্ত্রোনিক কম্যুনিকেসন অমদা থাজবা য়াবা এন্টিটি অমগুম্না শাশিন্নদুনা য়ুজরনেম, পাসৱার্দশীং অমসুং ক্রেদিট কার্দকী অকুপ্পা মরোলনচিংবা অরোনবা ইনফোর্মেসন লৌথোক্নবা হোৎনবা ক্রিমিনেল ওইবা মওংদা নমথাক তৌবা প্রোসেস অদুবুনি। ময়াম্না খংনবা সোসিএল ৱেবসাইটশীং, ওক্সন সাইটশীং, ওনলাইন পেমেন্ট প্রোসেসরশীং নত্ত্রগা IT এদমিনিষ্ট্রেটরশীংদগী লাকপা মালহনবা কম্যুনিকেসনশীং অসি ইচম চমজবা মীওইশীংবু মোইথেম তৌনবগীদমক্তা অয়াম্বা মতমদা শিজিন্নৈ।

ফিশীং অয়াম্বদি ই-মেইল নত্তগা ইনষ্টেন্ট মেসেজিংগী মতেংনা পাংথোক্কল্লি, অমসুং মসিনা অয়াম্বা মতমদা য়ুজরশীংবু মখোয়গী অকুপ্পা মরোলশীং অদু থাঙ্গৈশেংবা ৱেবসাইট অদুগা য়েংবদা মান্নবা শাশিন্নবা ৱেবসাইট অদুদা এন্টর তৌনবা খংহল্লি। সর্ভর ওথেন্টিকেসন শিজিন্নরবা ফাউবদা, ৱেবসাইট অদু শাশিন্নবনি হায়বদু খংদোকপা য়াম্না কোম্না ঙম্লোই অমদি মদুগীদমক্তা য়াম্না হৈ-শিংবা চংগনি।

ফিশীং অসি য়ুজরশীং অপংবা শিবদা শিজিন্নবা সোসিএল এঞ্জিনিয়ারিং টেক্নিকশীংগী খুদম অমনি, অমসুং মসিনা হৌজিক লৈরিবা ৱেব সেক্যুরিটি টেক্নোলোজিশীং পংনা শিজিন্নদবগী খুদোংচাবা লৌই। ফিশীংগী থৌদোক হেনগৎলক্লিবসিবু থেংনবা থৌরাংশীংগী মনুংদা, মসিগী আইন শেম্বা, য়ুজরগী ত্রেনিং শীনবা, মীয়াম্বু পাক-শন্না খংহনবা, অমসুং টেক্নিকেল সেক্যুরিটিগী থৌরাংশীং পায়খৎপা অসিনচিংবসি য়াউরি।

ফিশীংগী (Phishing) তোঙান-তোঙানবা মখলশীং

অচৌবা ওনলাইন রিটেলর নত্ত্রগা ইন্টরনেট বেঙ্ক ৱেবসাইট অমদগী লাকপা ই-মেইল মেসেজ অমদা, নহাক্না ইকুই কুইদনা পীগে তৌখিবা ওর্দর অদু থারক্নবা শেম-শাবা লোইরে, অমসুং মদুগীদমক্তা নহাক্না ওর্দর অদু তশেংনা পীরক্ত্রি নত্ত্রগা নহাক্কী বেঙ্ককী অকুপ্পা মরোলশীং অপদেট তৌদ্রি হায়না খংহল্লকপা য়াউই। মদুগী মতুংদা মেসেজ অদুদা য়াউরকপা লিঙ্ক অমদা ক্লিক তৌদুনা ৱেবসাইটকী শাশীন্নবা লোগইন পেজ অমদা চংনবা খংহল্লক্কনি।

লিঙ্ক মেনিপুলেসন (Link Manipulation)

ফিশীংগী অয়াম্বা মেথদশীংদা, থাঙ্গৈশেংবা ওর্গানাইজেসন অদুগী মালহনবা লিঙ্ক অমা (শাশীন্নবা ৱেবসাইট অমদা পুগদবা) ই-মেইল অমগী মনুংদা পীদুনা থারকপসি তোইনা থোক্কল্লি। বনান লান্না ইবা URLশীং নত্ত্রগা সবদোমেইনশীং শিজিন্নবা হায়বসি ফিশীং তৌরিবা মীওইশীংনা তোইনা শিজিন্নবা নমথাক লাংনি। http://www.yourbank.example.com/ হায়না পীরিবা URLগী খুদম অসিদা, URL অসিনা য়োরবেঙ্ক ৱেবসাইটকী এটেক্কর দেটাবেজ অদুদা পুগদবা মালহনগনি; তশেংবদি URL অসিনা এটেক্কর দেটাবেজ ৱেবসাইটকী “য়োরবেঙ্ক” (হায়বদি, ফিশীং) সেক্সন অদুদা পুগগৌরিবনি।

ফিল্টর লান্থোকখিবা (Filter Evasion)

ফিশীংগী ই-মেইলশীংদা তোইনা শিজিন্নবা টেক্সটশীং খংদোক্নবা শিজিন্নরিবা এন্টি-ফিশীং ফিল্টরশীংনা কোম্না ফাদনবগীদমক্তা, ফিশীং তৌরিবা মীওইশীংনা টেক্সটকী মহুত্তা ইমেজ ওইনা শীজিন্নৈ।

ফোন ফিশীং (Phone Phishing)

ফিশীং এটেক পুম্নমক্না শাশীন্নবা ৱেবসাইট অমা শিজিন্নবা তৌদে। বেঙ্ক অমদগী লাকপনি হায়জবা মেসেজশীংনা য়ুজরশীংদা মখোয়গী বেঙ্ক একাউন্টশীংগী প্রোব্লেমশীংগী মতাংদা ফোন নম্বর অমদা দাইল তৌনবা খংহল্লক্কনি। ফোন নম্বর অদুদা (ফিশীং তৌরিবা মীওই অদুনা মপু ওইবা, অমসুং ভোইস ওভর IP সর্ভিস অমনা পীবা) দাইল তৌরুবদা, য়ুজরশীংদা মখোয়গী একাউন্ট নম্বর অমসুং পিন (PIN) এন্টর তৌনবা খংহল্লক্কনি। করিগুম্বা কান্দসু, ভিশীং (ভোইস ফিশীং)না থাজবা য়াবা ওর্গানাইজেসন অমদগী লাকপা মালহনবা শাশীন্নবা কোল্লর-ID দেটা শিজিন্নবসু য়াউই।

ফিশীং এটেকশীংগী নমথাক লাংদা থুদনবা পাম্বৈ খরা

• কৈদৌঙৈদা নহাক্কী ই-মেইলদা লাকপা ৱেব লিঙ্কশীংদা ক্লিক তৌরোইদবনি অমসুং বেঙ্ক অমত্তনা নঙোন্দা একাউন্টশীংবু ওনলাইন ওইনা অপদেট তৌনবা খংহল্লক্লোই।
• নহাক্কী পাসৱার্দশীং, ক্রেদিট কার্দ ইনফোর্মেসন, একাউন্ট নম্বরশীং য়াউনা লনাইগী ইনফোর্মেসনশীং শকখংদবা মীওইশীংদা কৈদৌঙৈদা পীথোক্লোইদবনি।
• কৈদৌঙৈদা য়ুজরনেম, একাউন্ট নেম অমসুং পাসৱার্দশীং মফম অমদা পুন্না থম্লোইদবনি। মতম পুম্বদা পাসৱার্দশীং নিংশিংদুনা থম্নবা হোৎনগদবনি।
• মতম পুম্নমক্তা নহাক্কী ইন্টরনেট ব্রাউজরদা ফিশীং ফিল্টরশীং শীজিন্নগদবনি।
• করিগুম্বা নহাক্না তশেংনা খংদ্রবদি, ৱেবসাইটশীংদা লৈবা ইমেজ অমত্তা ক্লিক তৌরোইদবনি।

সোর্স: ISEA