কম্প্যুটর থ্রেটশীং অমসুং এটেকশীং

কম্প্যুটর থ্রেটশীং

মালৱায়র: মসি মেলিসিওস (Malicious) অমসুং সোফটৱায়র (Software) হায়বা ৱাহৈ অনিসিদগী পুনশিন্নদুনা শেম্বা ৱাহৈ (portmanteau) অমনি, অমসুং মসি কম্প্যুটর সিষ্টেম অমদা মপু অদুদা খংহল্লগা অয়াবা লৌবা তৌদনা, লোন্না চংনবা নত্ত্রগা মাংহন্নবা সোফটৱায়রনি। এক্সপ্রেসন (expression) হায়বসি কম্প্যুটর প্রোফেস্নেলশীংনা, তোঙান-তোঙানবা হোষ্টাইল (hostile), ইন্ত্রুসিভ (intrusive), নত্ত্রগা এনোইং (annoying) সোফটৱায়র নত্ত্রগা প্রোগ্রাম কোদকীদমক শিজিন্নবা টর্ম (ৱাহন) অমনি। “কম্প্যুটর ভাইরস” হায়বা টর্ম অসি করিগুম্বা মতমদা তশেংবা ভাইরস য়াউনা মালৱায়র মখল পুম্নমকপু খংননবা শিজিন্নবা ৱাহৈ চবুল (catch-all phrase) অমা ওইনা শিজিন্নৈ।

ভাইরস অমনা কম্প্যুটর অমদগী অতোপ্পা কম্প্যুটর অমদা (এক্সেক্যুটেবল কোদকী মওং অমদা), মসিগী হোষ্ট (host) অদু টার্গেট কম্প্যুটর অদুদা পুশিনবা মতমখক্তদা, হায়বদি খুদম ওইনা, য়ুজর অমনা মদু নেটৱার্ক নত্ত্রগা ইণ্টরনেটতা থাবা, নত্ত্রগা ফ্লোপি দিস্ক, CD, DVD, নত্ত্রগা USB দ্রাইভ অমগুম্বা শিজিন্নদুনা পুথোক-পুশিন তৌবা য়াবা মেদিয়ম অমদা পুবা মতমদা শন্দোকপা ঙম্মী। ভাইরসশীংনা, অতোপ্পা কম্প্যুটর অমনা এক্সেস তৌরিবা নেটৱার্ক ফাইল সিষ্টেম নত্ত্রগা ফাইল সিষ্টেম অমদা ইনফেক্ট তৌদুনা অতোপ্পা কম্প্যুটরশীংদা শন্দোকপগী তঞ্জা হেনগৎহল্লি।

কম্প্যুটর ৱার্ম অমা (A Computer Worm) হায়বসি মশানা মশীং হেনগৎহনবা (self-replicating) কম্প্যুটর প্রোগ্রাম অমনি। মসিনা মশামক্কী কোপিশীং অতোপ্পা নোদশীংদা (নেটৱার্ক অদুদা লৈরিবা কম্প্যুটরশীং) থানবগীদমক নেটৱার্ক অমা শিজিন্নৈ অমসুং মসিগী থৌওং অসি য়ুজর অমনা পাংথোক্ত্রবসু থোকপা য়াই। ভাইরস অমগা মান্নদবা মওংদা, মসিনা মতমদুদা অরৈবা (শিজিন্নরিবা) প্রোগ্রাম অমদা মশামকপু এটেচ তৌবগী মথৌ তাহন্দে। ৱার্মশীংনদি অয়াম্বা মতমদা নেটৱার্ক অদুদা, বেন্দৱাইদ (bandwidth) অদু কঞ্জ্যুম তৌদুনা অমাং-অতা খরদি থোকহল্লি, অদুবু ভাইরসশীংনদি অয়াম্বা মতমদা টার্গেট তৌরিবা কম্প্যুটর অমদা য়াউবা ফাইলশীং শিজিন্নবা য়াহন্দে নত্ত্রগা মাংহল্লি (corrupt or devour files)।

ত্রোজান হোর্স (Trojan horse), কম্প্যুটিং অমসুং সোফটৱায়রগী লমদা ত্রোজান হায়নসু খংনবসিনা, কান্নবা ফঙ্কসন অমা পাংথোকপদি মালহনবা অদুবু তশেংবদি হোষ্ট মেছিন অদুদা অনওথোরাইজ ওইবা এক্সেস লৈবা য়াহন্দুনা, মখোয়গী ফাইলশীং অদু য়ুজরগী কম্প্যুটর অদুদা সেভ তৌবা য়াহনগদবা নত্ত্রগা য়ুজরগী স্ক্রিন য়েংবা ফাউবা ঙমহন্দুনা কম্প্যুটর অদু কন্ত্রোল তৌবা য়াহনগদবা, তাকথোক্তবা মাং-তাক্নিংঙাই ওইবা ফঙ্কসনশীং পাংথোকপা কম্প্যুটর থ্রেটশীংগী ক্লাস (মালৱায়র) অমবু খংনহল্লি।

স্পাইৱায়র (Spyware) হায়বসি পর্সোনেল কম্প্যুটর অমদা, য়ুজর অমগী ইনফোর্মেসন নত্ত্রগা ব্রাউজিং হেবিটশীং খোমজিন্নবা, য়ুজর অদুদা খংহন্দুনা অয়াবা লৌদনা হুরানবা মওংদা ইনষ্টোল তৌবা কম্প্যুটর সোফটৱায়র অমনি।

বেকদোর (Backdoor): মসি নোর্মেল ওইবা ওথেন্টিকেসনগী প্রোসিজরশীং কান্থোক্নবা মেথদ অমনি। সিষ্টেম অমনা অমুকপু লৌশিনখ্রবদি (মথক্কী মেথদশীং অসিদগী অমা শিজিন্নদুনা নত্ত্রগা অতোপ্পা লম্বী অমদা), অমা নত্ত্রগা অমদগী হেনবা বেকদোরশীং ইনষ্টোল তৌবগী ওইথোকপা লৈ। বেকদোরশীং অসি এটেক্করশীং চংলকপা য়ানবগীদমক নমথাক্কী সোফটৱায়রশীংদগী মাংওইননা ইনষ্টোল তৌবসু য়াই।

মখোয়দগী মতৌ করম্না ঙাকথোক্কদগে?

• মতম পুম্নমক্তা এন্টিভাইরস, এন্টি স্পাম অমসুং এন্টি স্পাইৱায়র প্রদক্টশীং শিজিন্নগদবনি।
• নহাক্কী এন্টিভাইরস, এন্টি স্পাইৱায়র প্রদক্টশীং অদু চাং নাইনা অপদেট তৌগদবনি অমসুং প্রদক্টশীং অসি অপদেট তৌরবা মতুংদা নহাক্কী কম্প্যুটর অদু চয়োল অমদা য়ামদ্রবদা অনিরক্তি স্কেন তৌথোক্কদবনি।
• কম্যুনিকেসনশীং কন্ত্রোল তৌনবগীদমক নহাক্কী ৱিন্দোজ মেছিন অমসুং লাইনক্স মেছিনশীংদা মতম পুম্নমক্তা দিফোল্ট ফায়রৱাল শিজন্নগদবনি।
• খংদবা সর্ভিসতগী এপ্লিকেসন, সোফটৱায়র অমত্তা দাউনলোদ তৌরোইদবনি।
• করিগুম্বা মথৌ তারবদি, অসিগুম্বা এপ্লিকেসনশীং অসি ইনষ্টোল তৌদ্রিঙৈ মমাংদা খ্বাইদগী নৌনা অপদেট তৌরবা এন্টিভাইরস অমসুং প্রদক্টশীংনা স্কেন তৌথোক্কদবনি।

দিনাইএল-ওফ-সর্ভিস (Denial-of-Service)

দিনাইএল-ওফ-সর্ভিস এটেক (DoS এটেক) নত্ত্রগা দিষ্ট্রিব্যুটেদ দিনাইএল-ওফ-সর্ভিস এটেক (DDoS এটেক) অমা হায়বসি কম্প্যুটর রিসোর্স অমবু য়ৌহনবা পাম্লিবা য়ুজরশীংদা ফংহন্দনবা এটেম্প অমনি। DoS এটেক অমা পাংথোক্নবগী পাম্বৈশীং, মরমশীং, অমসুং টার্গেটশীং মান্নদবা তারবসু, মহৌশানা মসিগী মনুংদা, ইন্টরনেট সাইট নত্ত্রগা সর্ভিস অমা মপুংফানা নত্ত্রগা মতম খরগী ওইনা নত্ত্রগা মতম চুপ্পগী ওইনা থবক তৌবা থীংনবা হোৎনবগী থৌওং অসি উবা ফংই।

এটেক খরনা, ভাইরস অমসুং অতৈ মালৱায়র থীনবা নহাক্না স্কেন তৌবা য়াহন্দনবা নহাক্কী এন্টিভাইরস, ফায়রৱাল প্রোগ্রামশীং কন্ত্রোল তৌগনি। এটেক্করশীংনা নশাগী ওইবা সর্ভিসশীং নহাক্কী কম্প্যুটরদা শিজিন্নবা য়াহন্দনবা হোৎনরক্কনি।

মখোয়দগী কমদৌনা ঙাকথোক্কদগে?

• DoS এটেকশীংগী এক্টিভিটি কন্ত্রোল তৌনবগীদমক দেস্কটোপ ফায়রৱাল ওপসনশীং এনেবল তৌগদবনি।
• মতম পুম্নমক্তা এন্তিভাইরস, এন্টি স্পাম অমসুং এন্টি স্পাইৱায়র প্রদক্টশীং শিজিন্নগদবনি।
• নহাক্কী এন্টিভাইরসশীং, এন্টি স্পাইৱায়র প্রদক্টশীং চাং নাইনা অপদেট তৌগদবনি অমসুং প্রদক্টশীংদু অপদেট তৌরবা মতুংদা নহাক্কী কম্প্যুটর অদু য়ামদ্রবদা চয়োল অমদা অনিরক্তি স্কেন তৌথোক্কদবনি।
• মশক খংদবা সর্ভিসতগী এপ্লিকেসন, সোফটৱায়র অমত্তা দাউনলোদ তৌরোইদবনি।
• করিগুম্বা মথৌ তারবদি, অদুগুম্বা এপ্লিকেসনশীংদু ইনষ্টোল তৌদ্রিঙৈদা খ্বাইদগী নৌনা অপদেট তৌরবা এন্টিভাইরস অমসুং প্রদক্টশিংনা স্কেন তৌথোক্কদবনি।

মেন-ইন-দি-মিদল এটেক (Man-In the Middle Attack)

লোন্না চংশিল্লক্লিবশীংদুনা (Intruders) অতোপ্পা সিষ্টেমশীংদা এটেক তৌনবগীদমক ভাইরস য়াউরবা কম্প্যুটরশীংবু (compromised computers) থাজিনফম (launching pads) অমা ওইনা তোইনা শিজিন্নরক্কনি। দিষ্ট্রিব্যুটেদ দিনাইএল-ওফ-সর্ভিস (DDoS) টুলশীং মতৌ করম্না শিজিন্নবগে হায়বসিনা মসিগী খদম অমনি। লোন্না চংশিল্লক্লিবশীংদুনা ভাইরস চংলবা কম্প্যুটর অদুদা রন তৌহনগদবা “এজেন্ট” অমা  ইনষ্টোল (ত্রোজান হোর্স প্রোগাম অমগী খুত্থাংদা তোইনা পাংথোক্কল্লি) তৌই অমসুং মখা তাবা ইনষ্ট্রক্সনশীং ঙাইদুনা লৈহল্লি। মসিগী মথংদা, মশিং য়াম্লবা এজেন্ট কয়ানা তোঙান-তোঙানবা কম্প্যুটরশীংদা রন তৌবা মতমদা, সিঙ্গল “হেন্দলর” অমনা মখোয় পুম্নমক অদুবু, অতোপ্পা সিষ্টেম অমদা দিনাইএল-ওফ-সর্ভিস অমা থাজিন্নবা খংহনবা ঙম্মী। মতৌ অসুম্না, এটেক অসিগী অরোইবা টার্গেট অদু নহাক নশাগী কম্প্যুটর অদু নত্তে, মদু অতোপ্পা কনাগুম্বা মীওই অমদুগীনি। নহাক্কী কম্প্যুটর অদুদি শুপ্নগী হেন্না চাউবা এটেক অমগী খুদোংচানবা শিজিন্নবা টুল অমনি।

মখোয়দগী কমদৌনা ঙাকথোক্কদগে?

• মতম পুম্নমক্তা এন্তিভাইরস, এন্টি স্পাম অমসুং এন্টি স্পাইৱায়র প্রদক্টশীং শিজিন্নগদবনি।
• নহাক্কী এন্টিভাইরসশীং, এন্টি স্পাইৱায়র প্রদক্টশীং চাং নাইনা অপদেট তৌগদবনি অমসুং প্রদক্টশীংদু অপদেট তৌরবা মতুংদা নহাক্কী কম্প্যুটর অদু য়ামদ্রবদা চয়োল অমদা অনিরক্তি স্কেন তৌথোক্কদবনি।
• কম্যুনিকেসনশীং কন্ত্রোল তৌনবগীদমক নহাক্কী ৱিন্দোজ মেছিন অমসুং লাইনক্স মেছিনশীংদা মতম পুম্নমক্তা দিফোল্ট ফায়রৱাল শিজন্নগদবনি।
• মশক খংদবা সর্ভিসতগী এপ্লিকেসন, সোফটৱায়র অমত্তা দাউনলোদ তৌরোইদবনি।
• করিগুম্বা মথৌ তারবদি, অদুগুম্বা এপ্লিকেসনশীংদু ইনষ্টোল তৌদ্রিঙৈদা খ্বাইদগী নৌনা অপদেট তৌরবা এন্টিভাইরস অমসুং প্রদক্টশিংনা স্কেন তৌথোক্কদবনি

সাইবরষ্টোকিং (Cyberstalking)

সাইবরষ্টোকিং হায়বসি করিনো?

সাইবরষ্টোকিং হায়বসি, ইন্টরনেট নত্ত্রগা অতৈ ইলেক্ট্রোনিককী পাম্বৈ শিজিন্নদুনা কনাগুম্বা মীওই অমবু কোইশেন শেন্নববুনি (stalk)। কনাগুম্বা মীওই নত্ত্রগা মীওই কাংলুপ অমনা, অতোপ্পা মীওই অমা, মীওইশীংগী কাংবু অমা নত্ত্রগা ওর্গানাইজেসন অমবু হঞ্জিন-হঞ্জিন পুক্নিং নুঙাইহন্দবদা (harass), ইনফোর্মেসন এন্ড কম্যুনিকেসন টেক্নোলোজি, মরুওইনা ইণ্টরনেট শিজিন্নবদুবুনি হায়না ৱাহন্থোক পীবা য়াই।

থৌওং অসিদা, লান্না মরাল শিবা, কোইশেন শেন্নবা, কিহনবা ৱারোল থাবা, মমীং লান্না শিজিন্নবা, দেটা নত্ত্রগা ইক্যুইপমেন্ট অদুদা অমাং-অতা থোকহনবা, হক্তিন্নবগী মরিদা অঙাংশীংবু শিজিন্নবা উৎপা, অমসুং পুক্নিং-ৱাখল নুংঙাইহন্দনবগী ইনফোর্মেসন খোমজিনবনচিংবসি য়াউই। পুক্নিং-ৱাখল নুংঙাইহন্দবা পোকহনবগী মওং অদু, চপ মান্নবা ইনফোর্মেসন অদু মীওই অমনা ফংবদা, অতোপ্পা পুক্নিং ৱাহনবা-নুংঙাইহন্দনবগী মতিক চাবা মরম ওইবা ঙম্বগী মওং লৈবা ওইগদবনি।

সাইবরষ্টোকিং অসি ময়ামদগী হেন্না নৌবা মখলগী থৌওং অমনি। শেল য়াম্না চংদনা অমসুং কম্প্যুটর অমসুং ওনলাইন সর্ভিসশীং ফংবা হেনগৎলকপনা মরম ওইদুনা, মীশীংনা কম্প্যুটর লৈবা অমসুং ইন্টরনেট শিজিন্নবা হেনগৎলক্তুনা ষ্টোকিং তৌবা মীওইশীংনা লান্না শিজিন্নবা, কম্যুনিকেসনগী অতোপ্পা মওং অমা ওইহল্লে।

সাইবরষ্টোকরশীংনা (Cyberstalkers) মখোয়গী ভিক্টিমশীং অদু চাট রুম, মেসেজ বোর্দ, দিস্কসন ফোরমশীং, অমসুং ই-মেইলগী খুত্থাংদা তার্গেট তৌই। সাইবরষ্টোকিংনা অতৈ মওং কয়াসু হায়বদি, কিহনবা নত্ত্রগা অকাম্পেৎকী ই-মেইল থাবা; স্পামিং (ষ্টোকর অমনা ভিক্টিম অমদা জঙ্ক ই-মেইল মশিং কয়া থাজিনবা); লাইভ চাট হরাসমেন্ট নত্ত্রগা ফ্লেমিং (ওনলাইনদা মচিন থীবা ৱাহৈ-ৱাতা শিজিন্নবা); মেসেজ বোর্দশীংদা নত্ত্রগা গেষ্ট বুকশীংদা মওং চাদবা মেসেজশীং থম্লম্বা; ইলেক্ত্রোনিক ভাইরসশীং থাবা; থারক্নবা হায়দবা ই-মেইল থাজিনবা; অতোপ্পা মীওই অমগী কম্প্যুটর অমসুং ইন্টরনেট এক্টিভিটিগী খোংগুল লিবা (tracing), অমসুং ইলেক্ত্রোনিক আইদেন্টিটি হুরানবা অসিনচিংবসু শিজিন্নরকপা য়াই।

ওফ-লাইন ওইনা ষ্টোক তৌবগা চপ মান্নবা মওংদা, ওনলাইন ষ্টোকিং অসিনসু ভিক্টিমশীংদা পুক্নিং-ৱাখলগী পাখৎপা, চনিং তাদবগী রিস্ক, অমসুং মশাদা অশোক-অপন থোক্লকপা য়াবগী ওইথোকপগা লৈহন্দুনা, য়াম্না কিনিঙাই ওইবা ফিভম অমদা লাকহনবা য়াই। সাইবরষ্টোকিংগী ফিভম কয়াদা ওফ-লাইন ষ্টোকিং লৈবা য়াই, অমসুং ভিক্টিম অমনা নত্তবা ৱাহৈ শিজিন্নদুনা চৈ-থাংবা অমসুং কা-হেন্না ফোন তৌশিল্লকপা, থুগাই-য়ৈখায়বা, কিহনবা নত্ত্রগা অকাম্পেৎকী মেইল, আইন থুগাইবা (trespassing) অমসুং ফু-চৈবগী থৌওং থেংনরকপা য়াই।

মখোয়দগী মতৌ করম্না ঙাকথোক্কদগে?

• কৈদৌঙৈদা নহাক্কী মপুংফাবা মমীং, লৈফম, ফোন নম্বর, বেঙ্ক একাউন্ট অমসুং ক্রেদিট কার্দ নম্বরনচিংবা লনাইগী ওইবা ইনফোর্মেসন অসি পীথোক্লোইদবনি।
• হারাস তৌরক্লিবা মীওই (harasser) অদুনা হায়বা ৱাফম অমত্তদা পাউখুম পীগনু। ই-মেইল, নহাক্কী মরমদা করেম্নবা নত্ত্রগা মীনম্বা ৱাফম কয়াগী পাউখুম কৈদৌঙৈদা পীরোইদবনি।
• নঙোন্দা হারাস তৌরক্লিবা মীওই অদুদা, “ঐঙোন্দা হারাস তৌবা লেপ্পু, ঐঙোন্দা ইন্নগনু। ঐঙোন্দা অমুকহন্না কন্টেক্ট তৌরক্কনু”, হায়না চুমদ্রিংনা হায়গদবনি। করিগুম্বা নহাক্না IM নত্ত্রগা চাটতা লৈবা ওইরবদি, খুদক্তা লোগ ওফ তৌদুনা য়ামদ্রবদা পুং 24 দি ওফ-লাইনদা লৈগদবনি।
• ওনলাইন ফোর্মশীংদা অকুপ্পা মরোল/ ফিল্ড পুম্নমক মেনশিনগনু। করিগুম্বা নহাক্না ফোন নম্বর অমা পীবা মথৌ তারবদি, নহাক্কী নুপাগী নম্বর ওইনা পীবীয়ু অমসুং নহাক্কী জেন্দর, মেরিটেল ষ্টেটস, চহি, অসিনচিংবগী ইনফোর্মেসন পীরোইদবনি।
• অসিগুম্বা এক্টিভিটি অসিগীদমক তোখায়বা মেইল ID অমা শেম্মু অমসুং নহাক্কী প্রাইমারি মেইল ID অদু অখংবা মীওইশীংগীদমক শিজিন্নৌ।
• ইনষ্টেন্ট মেসেজ, চাটতা, নহাক্কী স্ক্রিনগী মীং অদু চেকশিন্না খল্লু, অমদি নহাক্কী জেন্দর, অশেংবা মীং অমসুং কোলেজ, স্কুল, নত্ত্রগা ওফিসনচিংবা অতৈ অকুপ্পা মরোলশীং অদু নহাক্কী স্ক্রিনগী মীং ওইনা শিজিন্নরোইদবনি।
• করিগুম্বা পামদবা ই-মেলশীং লাক্লিবদি, কৈদৌঙৈদা হন্দুনা পাউখুম পিরোইদবনি অমসুং নহাক্কী লোকেল ক্রাইম পুলিস ষ্টেসন্দা রিপোর্ট তৌগদবনি।
• করিগুম্বা IM/চাটতা প্রোব্লেম লৈরক্লবদি, নহাক্কী ওনলাইন আইদেন্টিফিকেসন অদু মপুংফানা হোংদোকউ।

আইদেন্টিটি থেফট (মশক-মমীং হুরানবা)

আইদেন্টিটি থেফট (মশক-মমীং হুরানবা) হায়বসি, কনাগুম্বা মীওই অমনা শেল হুরান্নবা নত্ত্রগা অতৈ কান্নবা ফংনবগীদমক অতোপ্পা মীওই অমা শাশিন্নবা, নমথাক্কী থৌওং অমবু তাকপদা শিজিন্নবা ক্রাইম অমনি। টর্ম অসি খরা নৌরি অমসুং চুনদবা মমীং অমনি, মরমদি কনাগুম্বা মীওই অমগী আইদেন্টিটি (মশক-মমীং) হুরানবা হায়বসি তশেংনদি ওইথোক্তে, শুপ্নগী মদু শিজিন্নবা য়াবখক্তনি। হুরাল্লিবা মীওই অদুনা তৌরুবা থবকশীংগীদমক, আইদেন্টিটি শিজিন্নবীখ্রবা মীওই অদুদা অমাং-অতা কয়া থোকপা য়াই। লৈবাক কয়াদদি অকক্নবা আইন কয়ানা, মশাগী কান্ননবগীদমক অতোপ্পা মীওই অমগী আইদেন্টিটি শিজিন্নবা হায়বসি ক্রাইম অমা ওইহল্লি।

আইদেন্টিটি থেফট হায়বসি আইদেন্টটি ফ্রাউদ (identity fraud)তগীদি খজিক্তং তোঙাল্লি। আইদেন্টিটি ফ্রাউদ হায়বসিদি, ‘অরানবা মশক-মমীং’ ('false identity') অমা নমথাক লাং থাকপদা শিজিন্নবদুবুনি। আইদেন্টিটি থেফট হায়বসিনা তশেংনা লৈবা মীওই অমগী মশক-মমীং শাশীন্নবদুবুনি (impersonating)।

মোবাইল সেক্যুরিটি

ওফিসিএল ওইবা হিরমগীদমক, মোবাইল PC নত্ত্রগা মোবাইলশীংগী খুত্থাংদা ইন্টরনেট শিজিন্নবা, মরি লৈনদবা ব্যুজিনেস এপ্লিকেসন পুম্নমক শিজিন্নবনা লনাইগী নত্ত্রগা ওর্গানাইজেসনগী ইনফোর্মেসন অদুদা রিস্ক লৈহল্লকপা য়াই।

মরুওইবা ইনফোর্মেসনশীং খংহনখিবা (Exposure of Critical Information)

• ৱায়রলেস সিগ্নেলগী এমাউন্ট খজিক্তংনসু য়াম্না লাপ্না চৎপা ঙম্মী অমসুং সিগ্নেলশীং অসিদা ৱায়রলেস স্নাইফর অমা শিজিন্নদুনা লোন্না খংদোকপা ঙম্মী। ৱায়রলেস ইন্ত্রুদর (wireless intruder) অমনা মরুওইবা ইনফোর্মেসন লৌথোকপা ঙম্মী।
• করিগুম্বা দিভাইস অদু হুরানখ্রবা নত্ত্রগা মাংখ্রবা, অমসুং মদুবু পাসৱার্দ অমদি অতৈ য়ুজর লেভেল সেক্যুরিটিগী পাম্বৈশীংনা প্রোটেক্ট তৌদবা ওইরবদি কোর্পোরেট ইন্ত্রানেট অপুনবদু কিনিঙাই ওইরকই।
• মোবাইল ভাইরসশীং অসি, মশক থোকপা কম্প্যুটেসনেল কেপেবিলিটিশীং অমসুং WLAN, ব্লুটুথ অসিনচিংবা কনেক্টিভিটি ওপশনশীং য়াউবা দিভাইসশীংদা মরুওইনা অচৌবা থ্রেট (কিনিংঙাই) ওইরকপা য়াই।

ভোইস ফিশীং (ভিশীং) অসি, নহাক্না কৈদৌঙৈদা পাংথোকখিদবা অচৌবা ত্রাঞ্জেক্সন অমা পন্দুনা লৈরে হায়না খংহল্লকপা ই-মেইল নত্ত্রগা হান্ননা রেকোর্দ তৌরবা ভোইস মেসেজ (বেঙ্কতগী নত্ত্রগা ফাইনান্সিএল ইনষ্টিট্যুসন খরদগী) অমা নঙোন্দা থারকপা মখলগী এটেক অমনি। মেসেজ অদুদা ফিভম অদুদগী কোক্ননবা নহাক্না খুদক্তা তৌনবা পীরকপা টোল-ফ্রি-নম্বর অমা য়াউগনি।

নহাক্না টোল-ফ্রি-নম্বর অদুদা হন্দুনা দাইল তৌবা মতমদা, ভোইস মেন্যু অমনা নঙোন্দা, নহাক্কী কার্দকী অকুপ্পা মরোলশীং অমসুং পিন নম্বর অসিনচিংবা এন্টর তৌনবা খংহল্লক্কনি অমসুং ভিশরশীংদুনা (Vishers), এক্সপিরেসনগী তাং, CVV নম্বর অমসুং অতৈ দেটাসু খংহল্লক্নবা হায়রকপা য়াই। করিগুম্বা নহাক্না মুন্না খন্থদনা থবক তৌরবদি, মখোয়না হংলিবা ইনফোর্মেসন পুম্নমক্তু নহাক্না পীথোকখিবা য়াই।

মখোয়দগী মতৌ করম্না ঙাকথোক্কদগে?

• নহাক্না মশক খংবা অমসুং থাজবা য়াবা মীওইখক্তদা নহাক্কী মোবাইল নম্বরদু পীয়ু।
• কৈদৌঙৈদা নহাক্না মশক খংদবা মীওইশীংনা থারকপা টেক্সট মেসেজশীংগী পাউখুম পীরোইদবনি।
• নহাক্কী ফোনদা কোল তৌরকপা মীওইশীংবু কমদৌনা ব্লোক তৌগদগে হায়বদু শোয়দনা খংজিনগদবনি।
• য়াম্না মথৌ তারবখক্তদা, মোবাইলদা ইন্টরনেট শিজিন্নৌ অমসুং মশক খংদবা সোর্সশীংদগী ফাইল অমত্তা দাউনলোদ তৌরোইদবনি।
• ই-মেইল অমসুং ভোইসতা বেজ তৌবা মেসেজশীংগী ফোন নম্বর অমত্তগী পাউখুম পীরোইদবনি অমসুং করিগুম্বা মথৌ তারবদি নহাক্কী বেঙ্ক দাইরেক্ট নম্বর অদুদা কোল তৌগদবনি।
• কৈদৌঙৈদা নহাক্কী মোবাইলদা এটেচমেন্ট লিঙ্কশীং হাংদোক্লোইদবনি। মদুগী মহুত্তা, ব্রাউজরদা URL টাইপ তৌগদবনি।

সোসিএল নেটৱার্কিং

সোসিএল নেটৱার্কিং হায়বসি করিনো?

সোসিএল নেটৱার্ক অমা হায়বসি, ভেল্যু (মগুন), ভিজন (মংলান), আইদিয়া (অনৌবা ৱাখল), ফাইনান্সিএল এক্সচেঞ্জ (শেল-থুম থাদোক-থাজিন তৌবা), ফ্রেনশিপ (মরুপ-মপাং ওইনবা), কিনশিপ (মরি-মতা থোকপা), দিসলাইক (পামদবা), কনফ্লিক্ট (য়েৎনবা) নত্ত্রগা ত্রেদ (লল্লোন-ইতিক)কুম্বা ইন্টরদিপেন্দেন্সিগী (অমনা অমদা তাংজবগী) অকক্নবা মখল অমা নত্ত্রগা অমদগী হেনবনা পুনশিনবা (tied) নোদশীংনা (মহৌশানা ইন্দিভিজুএল নত্ত্রগা ওর্গানাইজেসন ওইগল্লি) শেম্বা সোসিএল ষ্ট্রকচর (সমাজগী মশক) অমনি।

সোসিএল নেটৱার্কশীং অসি শিজিন্নবদা হরাউ-নুংঙাইনিংঙাই ওই, থবক থীবদা মতেং ওই, অমসুং মরুপ-মপাংশীং, ব্যুজিনেস কণ্টেক্টশীং, অমসুং মরি-মতাশীংগা মরি শম্ননা লৈহনবদা মতেং পাংই।

ইসুশীং :

সোসিএল নেটৱার্ক্কী অতোপ্পা নাকল অমদি সেক্যুরিটি হায়বসিনি, অমসুং প্রাইভেসি ইসুশীং অসিদি তোঙান-তোঙানবা ইসু অনি ওইনা লৌই। মরমদি সেক্যুরিটি ইসু হায়বসিদি সাইট প্রোটেক্টেদ রিসোর্সশীংদা হেক্করনা অনওথোরাইজ ওইবা এক্সেস অমা লৈবদুবুনি অদুগা প্রাইভেসি ইসু হায়বসিনা, কনাগুম্বা মীওই অমনা নহাক্না নহাক্কী পাসৱার্দ টাইপ তৌবদু য়েংলগা নহাক্কী অরোনবা ইনফোর্মেসন অদু লৌথোকপা অদুবুনি। অদুমকপু, সাইট অমগী সেক্যুরিটি নেটৱার্ক্তা অয়াবা য়াউদনা চংবা ঙম্বা মীওই অমনা য়ুজর অমহেক্তগী প্রাইভেট ইনফোর্মেসনদা ইকোম-কোম্না চংনবগী লম্বী ফাৎপা মরম্না, থৌওং অনিমকসি সোসিএল নেটৱার্কশীংদা তোইনা পুনশীন্নদুনা চৎমীন্নৈ।

সোসিএল নেটৱার্ক সেক্যুরিটি অমসুং প্রাইভেসিগী অহোবশীং (lapses) অসি লৈরকপগী মরমদি, সাইটশীংনা নোংমদা অমসুং অমুক্তদা মপান নাইদনা চাউরবা ইনফোর্মেসন কয়া প্রোসেস তৌবা মরম্না, সিষ্টেম অদুদা অহোবা অমখক লৈরকপদা মদুগী খুদোংচাবদু য়াম্না কোম্না লৌবা ঙম্বসিননি। য়ুজর পার্টিসিপেসন ইনভাইট তৌবা ফিচরশীং হায়বদি, মেসেজশীং, ইনভাইটেসনশীং, ফোটোশীং, ওপন প্লেটফোর্ম এপ্লিকেসনশীংনচিংবসি প্রাইভেট ইনফোর্মেসন লৌথোক্নবগীদমক য়াম্না তোইনা শিজিন্নবা লমশীংনি (avenues)।

সোসিএল নেটৱার্কিং সাইট খরদদি, প্রাইভেট ইনফোর্মেসন কোম্না হুরানবা য়াগদবা, থার্দ পার্টি এপ্লিকেসন প্রোগ্রাম ইন্টরফেস (API) য়াউবা মরম্না, মসিনা এপ্লিকেসনশীং অসিগী চাংয়েং তৌবদা মথৌ তারিবা এদ্রেস, পিকচরশীং অসিদগী হেনবা ইনফোর্মেসন কয়া দিভেলপ্পরশীংদা লৌবা য়াহল্লি।

সোসিএল নেটৱার্কিং সাইটশীং শীজিন্নবদা পাংথোক্কদবা থবক খরা

• করিগুম্বা নহাক্কী সোসিএল নেটৱার্কিং একাউন্টকী অকুপ্পা মরোলশীং অদু হুরানখ্রে নত্ত্রগা খংদোকখ্রে হায়না নহাক্না চিংনরবদি, নহাক্না চিংনরিবশীংদু সাইট অদুগী সপোর্ট টিম অদুদা খুদক্তা রিপোর্ট তৌগদবনি।
• নহাক্কী পাসৱার্দ অদু তোইনা হোংদোক্কদবনি, অমসুং সোসিএল নেটৱার্ক সাইট অদুদা নহাকপু হন্দুনা পুগদবা মালহনবা লিঙ্কশীং ক্লিক তৌরোইদবনি। মদুগী মহুত্তা, নহাক্কী একাউণ্ট অদুদা অমুক হন্দুনা চৎনবগীদমক সাইট অদুগী এদ্রেস অদু নহাক্কী ব্রাউজরদা (নত্ত্রগা নহাক্না হান্ননা সেভ তৌদুনা থম্লবা বুকমার্ক অমদা ইন্দুনা চৎকদবনি) হকথেংননা টাইপ তৌগদবনি।
• সোসিএল নেটৱার্কিং সাইট অয়াম্বনা য়ুজরশীংবু, কনানা ইনফোর্মেসন য়েংবা য়াগদগে হায়বগী প্রাইভেসি কন্ত্রোলশীং সেট তৌবা য়াহল্লি। মরম অদুনা অসিগুম্বা ফেসিলিটিশীং অসি শীজিন্নদুনা য়েংউ।
• নহাক্কী ইমুং-মনুংগী ইকাইখুম্নবা মাংহনগদবা নত্ত্রগা হন্থহনগদবা পোষ্ট অমত্তা থাগৎকনু।
• ফোটোগ্রাফশীং অমসুং অতৈ অরোনবা ইনফোর্মেসন অমত্তা সোসিএল নেটৱার্ক সাইটশীংদা য়াউবা মশক খংদবা মীওইশীংদা থাগৎলোইদবনি।

সাইবর হারাসমেন্ট (Cyber Harassment)

সাইবরষ্টোকিং অমসুং সাইবর হারাসমেন্ট অসি য়াম্নমক মান্নৈ। মীওই অয়াম্বনদি মখোয় অসি অমগা অমগা হোংদোক-হোংজিন তৌদুনা শিজিন্নৈ, অদুবু মখোয়গী মরক্তা, মরুওইনা অরানবা তৌরিবা মীওই অদুনা পাংথোক্কে খল্লিবা ৱাখল অমসুং মখোয়গী লমচৎ-শাজত্তা ঈথীল পীরকপগী মতাংদদি মান্নদবা খজিক্তং লৈ।

ফিভম অনি অসিদা মহৌশানা মান্নবা ওনলাইনগী থৌরাং-থৌশীল (online tactics) কয়া য়াউরবসি, সাইবরষ্টোকিং হায়বসিদদি অয়াম্বনা মতম পুম্নমক্তা, ষ্টোকর অদুনা মহাক্কী ভিক্টিম অদু ওনলাইন ওইনা লেপ্তনা কোইশেন শেন্নৈ অমসুং ওফলাইন এটেককী মওং খরা য়াউরকপসু য়াই। ওফলাইনগী মশক অসিনা মসিবু হেন্না শাথীবা ফিভম অমা ওইহনবা য়াই মরমদি করিগুম্বা ভিক্টিম অদুগী লৈফম অদু খংখিবা তারবদি, মসিনা য়াম্না কোম্না ভিক্টিমদুগী মশাদা অশোক-অপন নংহল্লকপসু য়াই।

মখোয়দগী মতৌ করম তৌনা ঙাকথোক্কদগে?

• থাজবা য়াবা এদল্ট (মপুং-মরৈ ফারবা মীওই) অমদা বুল্লি/হারাস তৌরক্লিবদুগী (bullying/harassing) মতাংদা খংহল্লু, অমসুং এদল্ট অদুনা এক্সন লৌখৎত্রিবা ফাউবা খংহনবা লেপ্লোইদবনি।
• সাইবর বুল্লিশীংনা (cyber bullies) থারকপা মেসেজ হাংদোক্কনু নত্ত্রগা পাগনু।
• করিগুম্বা মদু মপান্দগী লাকপা হারাসমেন্ট ওইরবদি ইমুংগী মীওইশীংগা তান্নগদবনি। অসিগুম্বা থৌদোকশিংদদি ইমুংগী মীওইশীংনা প্রোব্লেম অদু কোকহন্নবা মতম পুম্বদা সপোর্ট তৌরক্কনি অমসুং নহাক্কী ৱাখল্লোনবু খংবীগনি।
• মেসেজশীংদু মুত্থৎকনু – মরি লৈনবা ওথোরিটিশীংনা এক্সন লৌরকপা মতমদা মখোয়দুগী মথৌ তারকপা য়াই।
• নশামকপু ঙাক-শেঞ্জগদবনি, কৈদৌঙৈদা ওনলাইনদা খংনবা মীওই অমত্তগা নশা উন্নসি হায়বদা য়ারোইদবনি।
• চাট নত্ত্রগা ইনষ্টেন্ট মেসেজিংগী খুত্থাংদা বুল্লি (bullied) তৌরক্লবদি, “বুল্লি” অদু ব্লোক তৌবা য়াই।
• করিগুম্বা নঙোন্দা অশোক-অপন থোকহনগনি হায়না কিহল্লকপা তারবদি, লোকেল সাইবর ক্রাইম পুলিসতা পাউ পীগদবনি।

মতৌ করম্না ভাইরসবু মেন্যুএল ওইনা ক্লিন তৌগদগে নত্ত্রগা লৌথোক্কদগে হায়বা খংনবগীদমক, মফমসিদা ক্লিক তৌবীয়ু

সোর্স: ISEA