সাইবর লো

ভারত্তা চৎনরিবা সাইবর লোশীং

অচম্বা মওংদা হায়রবদা, সাইবর ক্রাইম হায়বসি কম্প্যুটরনা তুল নত্ত্রগা টার্গেট অনিসিগী মনুংদগী অমা নত্ত্রগা অনিমক ওইদুনা আইননা য়াদবা থবক-থৌওংশীং চত্থবদুবুনি। সাইবর ক্রাইমশীং অসিদা মহৌশাগী ওইবা মওংগী ক্রিমিনেল এক্টিভিটিশীং হায়বদি, হুরানবা, নমথাক, শাশিন্নবা, মীংচৎ থীহনবা অমসুং মীঙোন্দা অমাং-অতা থোকহনবনচিংবসিসু মনুং চনবা য়াই অমদি মখোয় পুম্নমক অসি ইন্দিয়ান পেনাল কোডনা কোনশিল্লি। কম্প্যুটরশীং লান্না শিজিন্নবনা অনৌবা যুগকী ক্রাইমশীংগী মচাক থোক্লকহল্লি অমদি মখোয় অসি ইনফোর্মেসন টেক্নোলোজি এক্ট, 2000গী মখাদা য়েংশিল্লি।

ঐখোয়না সাইবর ক্রাইমশীং অসি মওং অনিদা খায়দোকপা য়াই।

• কম্প্যুটরবু টার্গেট অমা ওইনা পাংথোকপা :- কম্প্যুটর অমবু অতৈ কম্প্যুটরশীংদা এটেক তৌবদা শীজিন্নবা।

খুদম ওইনা, হেক্কিং (Hacking), ভাইরস/ ৱার্ম এটেকশীং, DOS এটেক অসিনচিংবা।

• কম্প্যুটরবু খুৎলায় অমা ওইনা শিজিন্নবা :- কম্প্যুটর অমবু তশেংবা ক্রাইম অমা পাংথোকপদা শিজিন্নবা।

খুদম ওইনা, সাইবর টেরোরিজম, IPR ভাইওলেসনশীং (নিয়ম থুগাইবা), ক্রেদিট কার্দ ফ্রাউদশীং (নমথাকশীং), পোরনোগ্রাফি (অকামপেৎকী ওইবা থৌওংশীং) অসিনচিংবা।

সাইবর লো (সাইবরলো হায়নসু খংনবা) অসি কম্যুনিকেসন টেক্নোলোজি, মরুওইনা “সাইবরস্পেস”, হায়বদি ইন্টরনেট শিজিন্নবগা মরি লৈনবা আইনগী ওইবা ইসুশীং তাকপদা (খংহনবদা) শিজিন্নবা টর্ম (মীংগৌ) অমনি। মসি ইন্টেলেকচুএল প্রোপর্টি, প্রাইভেসি, ফ্রিদম ওফ এক্সপ্রেসন, অমদি জুরিসদিক্সন য়াউনা অতৈ আইনগী ওইবা লম কয়াদা প্রোপর্টি নত্ত্রগা কন্ত্রেক্ট হায়রিবসিনা কিশী (intersection) অমা ওইবগুম্না ময়েক শেংবা আইনগী মশক থোকপা লম অমগুম্না ওইবা ৱাৎলি। শম্না হায়রবদা, সাইবর লো হায়বসি ফিজিকেল ৱার্ল্ড (মপান্থোংগী পৃথীবী) অসিদা চৎনরিবা আইনগী সিষ্টেম অসিগা লোয়ননা মীওইবগী থবক-থৌরম কয়ানা পীরক্লিবা শীংনবশীং অসি পুন্সিন্নবা পায়খৎপা থৌরাং (attempt) অমনি।

ভারত্তা চৎনরিবা সাইবর লো

ভারত্তা করিগীদমক্তা সাইবর লো মথৌ তারিবনো?

ইন্টরনেট অসি দিভেলপ তৌখিবা মতমদা, ইন্টরনেটপু পুথোক্লিবা মীওইশীং অদুনা, ইন্টরনেট মশামক্না ফত্তবা য়াওল অমদা ওন্দুনা মদুবু ক্রমিনেলগী থবক থৌরমশীংদা লান্না শিজিন্নরক্তুনা অমদি মদুবু কন্ত্রোল তৌনবগী আইন মথৌ তারক্কনি হায়বদি খঞ্জিল্লুবা তৌখিদে। ঙসিদি, সাইবরস্পেসতা নুংনাংনিঙাই ওইবা থৌওং কয়া লৈরক্লি। ইন্টরনেটকী শকউদবা মওং-মতৌ লৈবা (anonymous nature) অসিনা, ক্রিমিনেলগী থবক-থৌওং কয়াদা নিংতম্না শিজিন্নরকপগী ওইথোকপা লৈরে, অমদি লৌশিং-গ্যান লৈরবা মীওইশীংনা ইন্টরনেটকী অসিগুম্বা শক্লোন অসি সাইবরস্পেসতা ক্রিমিনেলগী থবক-থৌওংশীং পাংথোকপদা য়াম্না লান্না শিজিন্নরি। মরম অসিদগী ভারত্তা সাইবরলোশীংগী মথৌ তারক্লিবনি।

সাইবরলোগী মরুওইবশীংদু করি করিনো?

সাইবরলো অসি য়াম্না মরুওই মরমদি মসিনা ইন্টরনেট, ৱার্ল্ড ৱাইদ ৱেব অমসুং সাইবরস্পেসতা পাংথোকপা অমসুং মসিগা মরি লৈনবা ত্রাঞ্জেক্সন অমসুং এক্টিভিটিশীং অয়াম্বা কোনশিল্লি। অহৌবদা সাইবরলোশীং অসি টেক্নিকেল ফিল্ড য়াম্না ওইবা অমসুং সাইবরস্পেসতা পাংথোক্লিবা অয়াম্বা এক্টিভিটিশীংগী মতাংদা করিমত্তা কোনশিন্দবা ওইনা উই। অদুবু তশেংবদি মদু নত্তে। ঐখোয়না খংলবসু নত্ত্রগা খংদ্রবসু, সাইবরস্পেসতা পাংথোক্লিবা এক্সন অমসুং রিএক্সন খুদিংমক্কী আইনগী অমসুং সাইবর লিগেল পর্স্পেক্টিভ খরদি লৈ।

সাইবরলোনা ঐগীদমক্তা খনবীব্রা (য়েংশিনবীব্রা)?

হোয়, সাইবরনোনা নহাক্কীদমক্তা খনবী (য়েংশিনবী)। ইন্টরনেটকী মওং-মতৌ অসি হোংলকপগা লোয়ননা অমসুং মসিগী অনৌবা মেদিয়ম অসি মীওইবগী পুৱারিদা ওল্লকপা অথোইবা মেদিয়ম ওইনা উবা মরম্না, নহাক্না সাইবরস্পেসতা পাংথোক্লিবা থবক থৌরম খুদিংমক অদুগী সাইবরলিগেল পর্স্পেক্টিভ (মীৎয়েং) অমা লৈবা য়াই। নহাক্না নহাক্কী দোমেন নেম (দোমেনগী মীং) রেজিষ্টর তৌবা, ৱেবসাইট শেম্বা, নহাক্কী ৱেবসাইট প্রোমোট তৌবা, ইমেইল থাবা নত্ত্রগা ওকপা, নহাক্না হায়রিবা সাইট অদুদা ইলেক্ট্রোনিক কমর্চ ত্রাঞ্জেক্সনশীং পাংথোকপা মতমদগী হৌনা, মতমগী শরুক (point of time) খুদিংমক্তা সাইবরলোগী ইসু কয়াগা শাগোন্ননা চৎলিবনি। হৌজিক্কী ওইনদি নহাক্না ইসুশীং অসিগী মরমদা থৌশারম্লোই মরমদি মখোয় অসি নঙোন্দগীদি য়াম্না লাপ্না লৈ অমদি মখোয় অসিনা নহাক্কী সাইবর এক্টিভিটিশীংদা ঈথীল অমত্তা পীবা লৈতে হায়না খল্লমগনি। অদুবু ঙল্লবসু নত্ত্রগা থেংলবসু, নহাক্না থৌশাদবা য়ারক্লোই অমসুং নহাক নশাগী কান্ননবগীদমক্তা সাইবরলো অসি খংজিনগদবনি।

সাইবর লোশীংনা পীরিবা কান্নবশীং

আইটি এক্ট 2000 (IT Act 2000)না হান্নগী অরিবা আইনশীং হোংদোক্নবা অমদি সাইবর ক্রাইমশীংবু থেংননবা লম্বী পীনবা হোৎনরি। মীয়াম্না মখোয়গী ক্রেদিট কার্দশীং অদু লান্না শিজিন্নখিবা য়াই হায়বগী চিংনবা য়াউদনা ক্রেদিট কার্দকী খুত্থাংদা পোৎ-চৈ লৈবগী ত্রাঞ্জেক্সনশীং পাংথোকপা ঙমহন্নবা ঐখোয়না অসিগুম্বা আইনশীং অসিগী মথৌ তাই। ইনফোর্মেসন অসি ইলেক্ত্রোনিক রেকোর্দশীংগী মওংদা লৈ হায়বগীদমক্তা লিগেল ইফেক্ট, ভেলিদিটি নত্ত্রগা এনফোর্সিএবিলিটি (legal effect, validity or enforceability) পীদবগী মওং লৈহন্দনবগীদমক খ্বাইদগী মথৌ তারিবা লিগেল ফ্রেমৱার্ক অদু এক্ট অসিনা পীরি।

ইলেক্ত্রোনিক রেকোর্দশীংগী খুত্থাংদা পাংথোকপা ত্রাঞ্জেক্সনশীং অমসুং কম্যুনিকেসনশীং হেনগৎলকপসিগী য়েংদুনা, এক্ট অসিনা গবর্ণমেন্টকী দিপার্টেমেন্টশীংবু মখোয়গী ওফিসিএল ওইবা দোক্যুমেন্টশীং অদু দিজিটেল ফোর্মেত্তা ফাইল তৌবা, শেম্বা অমসুং লৌশিনবা য়াহনবগী মপাঙ্গল পীনবা খংহল্লি। এক্ট অসিনা দিজিটেল সিগ্নেচরগী খুত্থাংদা ইলেক্ত্রোনিক রেকোর্দশীং/ কম্যুনিকেসনশীংগী ওথেন্টিকেসনগীদমক্তা (অচুম-চুমদ য়েংনবগীদমক্তা) আইনগী ওইবা ফ্রেমৱার্ক (লিগেল ফ্রেমৱার্ক) অমা শেম্নবসু প্রষ্টাব তৌরি।

• ভারত্তা পাংথোক্লিবা ই-কমর্চকী মীৎয়েংদগী, IT এক্ট 2000 অমসুং মসিগী প্রোভিজনশীংদা পোজিটিভ ওইবা মশক কয়া য়াউই। অহানবদা, প্রোভিজনশীং অসিনা ই-ব্যুজিনেসশীংদা পীরিবা মশক থোকপা কান্নবশীংগী মরক্তা, ইমেইলশীং অসি হৌজিক্তি ৱায়েন লোইশং অমদা পুথোকপা অমসুং এপ্রুভ তৌবা য়ারবা, লৈবাক অসিদা চৎনবা অমসুং আইনগী ওইনা য়ারবা মওং অমা
• হৌজিক্তি কম্পনিশীংনা এক্ট অসিনা পীরিবা লিগেল ইনফ্রাষ্ট্রকচর শিজিন্নদুনা ইলেক্ত্রোনিক কমর্চ (লৈবা অমসুং য়োনবা) পীবা ঙম্লগনি।
• দিজিটেল সিগ্নেচরশীং অসি এক্ট অসিদা আইনগী মীৎয়েংদা চৎনবা য়ারে হায়না তাক্লি।
• দিজিটেল সিগ্নেচর সর্টিফিকেটশীং ইসু তৌনবগীদমক কোরপোরেট কম্পনিশীংনা সর্টিফাইয়িং ওথোরিটি ওইবগী ব্যুজিনেসতা চংনবা এক্ট অসিনা থোং লাউনা হাংদোক্লি।
• ই-গবর্ণান্সপু শৌগৎলদুনা, এক্ট অসিনা হৌজিক্তি গবর্ণমেন্টনা ৱেবতা নোটিফিকেসনশীং থোকপগী অয়াবা পীরে।
• এক্ট অসিনা কম্পনিশীংবু, চুনবা গবর্ণমেন্টনা মপু ওইবা নত্ত্রগা কন্ত্রোল তৌবা ওফিস, ওথোরিটি, বোদি নত্ত্রগা এজেন্সি অমহেক্তদা ফোর্ম, এপ্লিকেসন নত্ত্রগা দোক্যুমেন্ট অমহেক্তা, চুনবা গবর্ণমেন্ট অদুনা প্রেস্ক্রাইব তৌবা ইলেক্ত্রোনিক ফোর্ম অমা শিজিন্নদুনা ফাইল তৌবা য়াহল্লে।
• IT এক্ট অসিনা, ইলেক্ত্রোনিক ত্রাঞ্জেক্সনশীংগী মায়পাকপা হায়বসিদা য়াম্না মরুওইরিবা, সেক্যুরিটিগী মরুওইবা ইসুশীংসু কোকহল্লি। এক্ট অসিনা, গবর্ণমেন্টনা শেম্বা সেক্যুরিটি প্রোসিজরগী সিষ্টেম অমগী খুত্থাংদা চৎহনবা মথৌ তাবা সেক্যুওর ওইবা দিজিটেল সিগ্নেচরগী কন্সেপ্ট অদুদা লিগেল দিফিনিসন (আইনগী ওইবা ৱাহন্থোক) অমা পীরি।
• IT এক্ট 2000গী মখাদা কোর্পোরেটশীংবু, কনাগুম্বা মীওই অমনা মখোয়গী কম্প্যুটর সিষ্টেমশীং নত্ত্রগা নেটৱার্ক্তা চংসিন্দুনা দেটা মাংহল্লবা নত্ত্রগা শিনখিবা (কোপি) তারবদি, আইনগী ওইবা মতেং (ৱাখৈ) অমা ফংহনবা ঙম্লগনি। এক্ট অসিনা পীরিবা মতেং (ৱাখৈ) অসি, লুপা ক্রোর 1দগী হেন্দবা শেলগী ওইবা মতেং ওইগনি।

সোর্স: ISEA