LPG দিষ্ট্রিব্যুটরশিপকী ক্রাইটেরিয়া

গবর্ণমেন্টনা LPG দিষ্ট্রিব্যুটরশিপশীংগী সেলেক্সন গাইদলাইনশীং শেমদোকখ্রে অমসুং পব্লিক সেক্টর ওইল মার্কেটিং কম্পনিশীং (OMCs)গী LPG দিষ্ট্রিব্যুটরশিপ মখল খুদিংমক্কী ওইনা য়ুনিফাইদ সেট ওফ গাইদলাইনস অমা শেম্লে।

দিষ্ট্রিব্যুটরশিপ এরিয়াগী মখল

1. শেহেরি বিত্রক: গাইদলাইনশীংদা, ‘অর্বান এরিয়া’ হায়বা ৱাহৈ অসিনা সেন্সস 2011গী মতুংইন্না পিরিবা ‘অর্বান’গী ৱাহন্থোক অদু ওইগনি। ‘অর্বান এরিয়া (U)’দা লৈরিবা LPG দিষ্ট্রিব্যুটরশিপনা মেত্রো সিটি/ সিটি/ টাউনগী ম্যুনিসিপাল লিমিটশীংগী মনুংদা লৈরিবা LPG কষ্টমরশীংদা সর্ভিস পীগনি অমসুং মখোয় অসিবু শেহেরি বিত্রক (Sheheri Vitrak) কৌগনি।
2. ররবান বিত্রক: গাইদলাইনশীংদা, রুরেল অর্বান হায়বা ৱাহৈ অসিনা ‘অর্বান এরিয়া’দা লৈরিবা LPG দিষ্ট্রিব্যুটরবু খংনগনি অমসুং ‘রুরেল এরিয়া’নি হায়না খংহল্লবা মফমশীংদা, মহৌশানা LPG দিষ্ট্রিব্যুটরশিপ অদুনা লৈরিবা মফম অদুগী ম্যুনিসিপাল লিমিটতগী কিলোমিটর 15গী মনুংদা লৈবা খুঙ্গং পুম্নমকপু কোনশিন্দুনা অমসুং/ নত্ত্রগা মরি লৈনবা OMCশীংনা তাক্লিবা এরিয়াশীংদা লৈবা LPG কষ্টমরশীংদসু সর্ভিস পীগনি। এরিয়া অসিদা সর্ভিস পীরিবা LPG দিষ্ট্রিব্যুটরশীংবু ররবান বিত্রক (Rurban Vitrak) কৌগনি।
3. গ্রামিণ বিত্রক: গাইদলাইনশীংদা, ‘রুরেল এরিয়া’ হায়বা ৱাহৈ অসিনা সেন্সস 2011গী মতুংইন্না পীরিবা ৱাহন্থোক অদু ওইগনি। ‘রুরেল এরিয়া’দা লৈরিবা LPG দিষ্ট্রিব্যুটরশিপ অদুবু গ্রামিণ বিত্রক (Gramin Vitrak) কৌগনি অমসুং অকক্নবা রুরেল অরিয়া অদুগী LPG কষ্টমরশীংদা সর্ভিস পীগনি। মহৌশানা মসিনা LPG দিষ্ট্রিব্যুটরশিপ লৈফমদুগী বাউন্দরি লিমিটতগী কিলোমিটর 15গী মনুংদা লৈবা খুঙ্গং পুম্নমক, অমসুং/ নত্ত্রগা মরি লৈনবা OMCশীংনা তাকপা এরিয়া অদু কোনশিনগনি।
4. দুরগম ক্ষেত্রিয়া বিত্রক (DKV): গ্রামিণ অমসুং ররবান বিত্রক লিংখৎপগী ওইথোকপা লৈতবা, মনুং হঞ্জিনবা অমসুং অখন্নবা এরিয়াশীং (চিংগী লমশীং, উমংগী শরুক, ত্রাইবেলনা খুন্দাবা মফম, মী লন্না তাবা মফমশীং, দিষ্টর্ব এরিয়া (ইরাং লৈবা মফম), ঈথৎশীং, লেফট ৱিং এক্সত্রিমিজম (LWE)না শোকহল্লবা মফমশীং, অসিনচিংবা)দা LPG দিষ্ট্রিব্যুটরশীং লিংখৎকনি। অসিগুম্বা LPG দিষ্ট্রিব্যুটরশীং অসিবু দুরগম ক্ষেত্রিয়া বিত্রক (DKV) হায়না কৌগনি। মখোয়না মরি লৈনবা OMCশীংনা খংহল্লবা DKV এরিয়াশীংদা লৈবা LPG কষ্টমরশীংদা সর্ভিস পীগনি।

LPG দিষ্ট্রিব্যুটরশিপকীদমক্তা এপ্লাই তৌনবা ইলিজিবিলিটি ক্রাইটেরিয়া

• ভারতকী নাগরিক অমা অমসুং ভারত্তা লৈবা মীওই অমা ওইবা তাই।
• শকখংলবা বোর্ড অমদগী য়ামদ্রবদা ক্লাস X নত্ত্রগা মসিগা মান্নবা থাক অদু পাস তৌবা ওইগদবনি। এজুকেসনেল ক্বালিফিকেসনগী ক্রাইটেরিয়া অসি ফ্রিদম ফাইটর (FF) কেটেগোরিগী মনুং চনবা এপ্লিকান্টশীংদদি এপ্লিকেবল ওইরোই।
• এদভর্টিজমেন্টগী তাং অদুদা চহি 21দগী তাদবা অমসুং চহি 60 দগী হেন্দবা ওইগদবনি।
• FF কেটেগোরিগী মখাদা রিজর্ব তৌবা লোকেসনগী ওইনা এপ্লাই তৌবা এপ্লিকান্টশীংগী ওইনদি চহিগী অকক্নবা অথীংবা অমত্তা লৈরোই।
• এপ্লিকেসন থাজিনবা নুমিৎ ফাউবদা, মীওই অদু OMCগী এমপ্লোয়িগী ইমুংগী মেম্বর অমা ওইরোইদবনি।
• মল্টিপল দিলরশিপ/ দিষ্ট্রিব্যুটরশিপ নোর্মশীং মপুং ফাবা ওইগদবনি।
• অরান-অহুই/ পোৎয়ান তৌবগী প্রমাণ লৈরবা কেসশীংনা মরম ওইদুনা টর্মিনেট তৌখিবা দিষ্ট্রিব্যুটরশিপ/ দিলরশিপ এগ্রিমেন্টতা সিগ্নেটরি (সহি তৌবা মীওই) অমা ওইরোইদবনি।
• এপ্লিকেসন পীশিনবগী অরোইবা তাং ফাউবদা, LPG গোদাউন শানবগী মিনিমম দাইমেনসন লৈবা লম প্লোট অমা নত্ত্রগা হান্নদগী শেম-শারবা সিলিন্দর ষ্টোরেজ গোদাউন অমা লৈবা (own) ওইগদবনি।

LPG দিষ্ট্রিব্যুটরশিপ চলাইনবগী মথৌ তাবা তঙাইফদবা ফেসিলিটিশীং (Basic facilities)

1. LPGগী অথনবা সিলিন্দরশীং থমজিন্নবা গোদাউন
• মখাদা পীরিবশীং অসি থমজিন্নবগীদমক, চিফ কন্ত্রোলর ওফ এক্সপ্লোসিভস ওফ পেত্রোলিয়ম এন্ড এক্সপ্লোসিভস সেফটি ওর্গানাইজেসন (PESO)না এপ্রুভ তৌরবা অমসুং লাইসেন্স পীরবা ষ্টোরেজ গোদাউন অমা, LPG দিষ্ট্রিব্যুটর অদুগী লৈবা তাই।
• 8000 kgগী অথনবা LPG সিলিন্দরশীং (শেহেরি অমসুং ররবান বিত্রক),
• 5000 kgগী অথনবা LPG সিলিন্দরশীং (গ্রামিণ বিত্রক),
• 3000 kgগী অথনবা LPG সিলিন্দরশীং (দুরগম ক্ষেত্রিয়া বিত্রক (DKV)।
• এপ্লিকান্ট অদুগী ওইনা মখাদা পীরিবা মিনিমম দাইমেনসনশীং অসি লৈবা লম প্লোট অমা লৈবা তাই।
• মিটর 25 x মিটর 30 (চপ মান্নবা ষ্টেট অদুদা পীরিবা লোকেসন অদুগী ম্যুনিসিপাল/ টাউন/ ভিলেজ লিমিটতগী কিমি 15গী মনুংদা) (শেহেরি অমসুং ররবান বিত্রক),
• মিটর 21 x মিটর 26 (এদভর্টিজ তৌরিবা লোকেসন অদুদগী কিমি 15গী মনুংদা) (গ্রামিণ বিত্রক),
• মিটর 15 x মিটর 16 ( এদভর্টিজ তৌরিবা লোকেসন অদুগী মতুংইন্না ভিলেজ/ ভিলেজ ক্লষ্টরগী লিমিট মনুংদা) (গ্রামিণ বিত্রক)।
• গোদাউন শানবা লম অদু লৈতেম মান্নবা, শম্নবা প্লোটশীং, মদুগী মথক ফাউদুনা লাইভ পাৱর ত্রান্সমিসন নত্ত্রগা টেলিফোন লাইনশীং লৈতবা ওইগদবনি। কেনেলশীং/ দ্রেনেজ/ নালাশীংনা প্লোট অদু ফাউদুনা চত্তবা ওইগদবনি।
• খল্লবা কেন্দিদেট অদুনা, গোদাউন/ LPG গোদাউন ওইগদৌরিবা লম শরুক্তুদা নোংজু-নুংশা খাক্তনা  LPG সিলিন্দর ত্রক চংবা য়াবা, য়ামদ্রবদা মিটর 2.5 পাকপা গারি চংবা য়াবা লম্বী অমা (পব্লিক রোড অদুগা শম্নবা পব্লিক নত্ত্রগা প্রাইভেট রোড) লৈহনগদবনি। পব্লিক রোডকা শম্নবা প্রাইভেট রোড ওইবা তারবদি, মদু মশানা মপু ওইবা/ রেজিষ্টর লিজদা লৌবা/ লমদুগী মপু(শীং)দগী লম্বী শেম্নবগী অয়াবা লৌরবা ওইগদবনি।
2. শোরুম :
• এদভর্টিজ তৌরবা লোকেসন, হায়বদি এদভর্টিজমেন্ট অদুগী ‘লোকেসন’গী কলম মখাদা পল্লিবা মফমগী ম্যুনিসিপাল/ টাউন/ ভিলেজ লিমিটকী মনুংদা লৈবা দুকান/ লম অমদা, ষ্টেন্দর্দ লেআউট অদুগী মতুংইন্না মিনিমম আউটর দাইমেনসন, মিটর 3 অমসুং মিটর 4.5 ওইবা (পাক-চাউবা) শোরুম অমা শেমগদবনি।  করিগুম্বা LPG দিষ্ট্রিব্যুটরশিপ অদুগী এদভর্টিজমেন্টদা পীরিবা ‘লোকেসন’গী কলম মখাদা লোকেলিটি অদুসু অকক্ননা তাক্লবদি, হায়রিবা ‘লোকেলিটি’ অদুদা লৈবা দুকান/ লম অমদা ষ্টেন্দর্দ লেআউট অদুগী মতুংইন্না মিনিমম আউটর দাইমেনসন, মিটর 3 অমসুং মিটর 4.5গী ওইবা (পাক-চাউবা) শোরুম অমা শেমগদবনি। শোরুম অদুদা চুনবা এপ্রোচ রোড অমা শেমদুনা মীয়াম্বু কোম্না লাকপা ঙমহনগদবনি।
3. LPG সিলিন্দরশীংগী হোম দেলিভরিগীদমক্তা লৈগদবা ইনফ্রাষ্ট্রকচর - LPG সিলিন্দরশীং থমজিন্নবা গোদাউন অমসুং শোরুমগী মথক্তা, ওথোরাইজ তৌরবা ওপরেসন এরিয়া অদুদা LPG সিলিন্দরশীংগী হোম দেলিভরিগীদমক্তা দেলিভরি ভেহিকলশীং (Delivery Vehicles)সু মথৌ তাগনি।

এপ্লিকেসনগী প্রোসেস

• শেহরি বিত্রককী ওইনা ইলিজিবিলিটি ক্রাইটেরিয়া মপুং ফারবা মীওইশীংনা ওনলাইন এপ্লিকেসন ফোর্ম সবমিট তৌবা তাই।
• দিষ্ট্রিব্যুটরশিপকী অতৈ কেটেগোরি পুম্নমক্কী ইলিজিবিলিটি ক্রাইটেরিয়া মপুং ফারবা মীওইশীংনা, OMCশীংগী ৱেবসাইত্তগী শেল তিংদনা দাউনলোদ তৌবা য়াবা এপ্লিকেসন ফোর্মেত্তা সবমিট তৌবা য়াই।
• কেন্দিদেট অমনা লোকেসন অমদগী হেন্না এপ্লাই তৌবা য়াই। অদুম ওইনমক, অসিগুম্বা কেসশীংদদি, নুপা/ নুপী অদুনা লোকেসন খুদিংগী তোখায়বা এপ্লিকেসন সবমিট তৌবা তাই। এপ্লিকেসন খুদিংদা মথৌ তাবা এপ্লিকেসন ফিগা লোয়নগদবনি।
• এপ্লিকান্টশীংনা লোকেসন অমগী ওইনা এপ্লিকেসন অমখক্তমক সবমিট তৌগদবনি। করিগুম্বা মীওই অমদগী এপ্লিকেসন অমদগী হেন্না ফংলবদি, এপ্লিকেসন পুম্নমক্তু পুন্সিন্নগনি অমসুং এপ্লিকেসন অমখক্তা ওইনা লৌগনি। অসিগুম্বা কেসশীংদদি, অতৈ এপ্লিকেসন পুম্নমক্তুদগী ফংবা এপ্লিকেসন ফী অদু মৎকনি (হন্দোক্লোই)।

সেলেক্সনগী মওং (Mode of selection)

নুংতিগী ওইবা চেফোং অহুমদা পীবা এদভর্টিজমেন্টগী খুত্থাংদা এপ্লিকেসনশীং কৌদুনা সেলেক্সন অসি পাংথোকই। চেফোংশীং অদুগী মনুংদা অমনা ষ্টেট অদুদা মীয়াম্না খ্বাইদগী পানবা অমসুং অনিনা লোকেসন লৈরিবা দিষ্ট্রিক্ট অদুদা মীয়াম্না খ্বাইদগী পানবা চেফোং ওইগদবনি। এদভর্টিজ তৌরবা লোকেসন অমগী LPG দিষ্ট্রিব্যুটর খনবসি, লোকেসন অদুগী ওইনা ইলিজিবল ওইরবা এপ্লিকান্ট পুম্নমক্তগী দ্রো (draw) তৌদুনা খল্লি।

দিষ্ট্রিব্যুটরশিপকী মতম (Tenure of distributorship)

দিষ্ট্রিব্যুটরশিপকী মতম অসি অহৌবগী ওইনা চহি 10 ওইগনি অমসুং মদুগী মতুংদা, মরি লৈনবা OMC না দিষ্ট্রিব্যুটরশিপ অদুগী পর্ফোমেন্স য়েংলবা মতুংদা লৌবা ৱারেপকী মতুং ইন্না, চহি 5 খুদিংগী রিন্যু তৌগনি।

মপুংফাবা গাইদলাইনশীংগীদমক, মফমসিদা ক্লিক তৌবীয়ু।

সোর্স : মিনিষ্ট্রি ওফ পেত্রোলিয়ম এন্ড নেচরেল গ্যেস