শেয়র
Views
  • ষ্টেট শেমদোক্নবা হাংদোকউ

এনর্জিগী মওং-মতৌশীং

মখল-মখা কয়াগী এনর্জিগী মওং-মতৌ ওইরিবা লাইট, হিট, সাউন্দ, ইলেক্ট্রিকেল, ন্যুক্লিয়র, কেমিকেল অসিনচিংবগী মরমদা শন্দোক্না তাক্লি।

এনর্জি অসি তোঙান-তোঙানবা মওং মতৌশীংদা ফংই। মখোয়গী খুদমদি: লাইট এনর্জি, হিট এনর্জি, মেকানিকেল এনর্জি, গ্রেভিটেসনেল এনর্জি, ইলেক্ট্রিকেল এনর্জি, সাউন্দ এনর্জি, কেমিকেল এনর্জি, ন্যুক্লিয়র নত্ত্রগা এটোমিক এনর্জি অমসুং অতৈ অতৈনি। মওং-মতৌ খুদিংমক অতোপ্পা মওং-মতৌ অমদা ওন্থোকপা য়াই।

এনর্জিগী অকক্নবা মখল কয়া লৈজরবসু, মরুওইবা মওং-মতৌ অনিদি কাইনেটিক এনর্জি অমসুং পোটেন্সিএল এনর্জি অসিনি।

  • কাইনেটিক এনর্জি হায়বসি লেং-ওৎলিবা পোৎশকশীং নত্ত্রগা মাসশীং অসিদা য়াউরিবা এনর্জি অসিনি। মেকানিকেল এনর্জি, ইলেক্ট্রিকেল এনর্জি অসিনচিংবসি মসিগী খুদমনি।
  • পোটেন্সিএল এনর্জি হায়বসি থমজিনবা য়াবগী পোটেন্সিএল লৈবা অমসুং মতুংদা অমুক শিজিন্নবা য়াবা এনর্জিগী মওং অমহেক্তবুনি। ন্যুক্লিয়র এনর্জি, কেমিকেল এনর্জি অসিনচিংবসি মসিগী খুদমনি।

কেমিকেল এনর্জি

কেমিকেল এনর্জি হায়বসি কেমিকেল কম্পাউন্দশীংগী বোন্দা (এটোমশীং অমসুং মোলেক্যুলশীং) তুংশিনদুনা লৈরিবা এনর্জিনি। কেমিকেল এনর্জি অসি কেমিকেল রিএক্সন অমা থোকপা মতমদা হিটকী মওং অমদা থাদোরকই। খুদম ওইনা হায়রবদা উ, কয়লানচিংবা ফ্যুএলশীংদা মখোয়বু মৈ থাদুনা ঐখোয়না কেমিকেল এনর্জি শীজিন্নৈ।

ইলেক্ট্রিকেল এনর্জি

ইলেক্ট্রিকেল এনর্জি হায়বসি ইলেক্ট্রিক কন্দক্টর অমদা চৎলিবা ইলেক্ট্রোনশীন না পুরিবা এনর্জি অদুবুনি। মসি খ্বাইদগী হেন্না কমন ওইবা অমসুং কান্নবা এনর্জিগীমওং অমনি। এনর্জিগী অতোপ্পা মওংশীংসু ইলেক্ত্রিকেল এনর্জিদা ওন্থোকই। খুদম ওইনা, পাৱর প্লান্টশীংনা কয়লাগুম্বা ফ্যুএলশীংদা তুংশিন্দুনা লৈরিবা কেমিকেল এনর্জিবু মসিগী মওংদা হোংদোক-হোংজিন তৌদুনা ইলেক্ট্রিসিটিদা ওন্থোকই।

মেকানিকেল এনর্জি

পোৎশক নত্ত্রগা সিষ্টেম অমনা মসিগী লেং-ওৎপদগী পুথোরক্লিবা এনর্জি অদুবু মেকানিকেল এনর্জি কৌই। খুদম ওইনা মেছিনশীংনা থবক তৌনবগীদমক মেকানিকেল এনর্জি শীজিন্নৈ।

থর্মেল এনর্জি

পোৎশক নত্ত্রগা সিষ্টেম অমনা মসিগী টেম্পেরেচরগা মরি লৈনরিবা এনর্জি, হায়বদি লেং-ওৎলিবা নত্ত্রগা নিক্লিবা মোলেক্যুলশীংগী এনর্জি অদুবু থর্মেল এনর্জি কৌই। খুদম ওইনা, ঐখোনা চাক থোংবদা সোলার রেদিয়েসন শিজিন্নৈ।

ন্যুক্লিয়র এনর্জি

ন্যুক্লিয়র এনর্জি অসি এটোম খুদিংমক্কী মনুংদা পন্দুনা লৈরিবা এনর্জি অদুবুনি। ন্যুক্লিয়র এনর্জি অসি ফ্যুজন (এটোমশীং পুন্সিনবা) নত্ত্রগা ফিসনগী (এটোমশীং খায়দোকপা) থৌওংনা পুথোকপা য়াই। ফিসনগী থৌওং অসি পাক-চাউনা শিজিন্নবা মেথদনি।

য়ুরানিয়ম অসি য়াম্না মরুওইবা রো মেটরিএলনি। য়ুরানিয়ম অসি পৃথিবীগি মফম কয়াদগী শুংই। মসি অপিকপা পেলেটশীংদা (pellets) প্রোসেস (হেন্না য়াউরবা য়ুরানিয়ম ফংনবা, হায়বদি রেদিওএক্টিভ আইসোটোপ) তৌই। পেলেটশীং অসি অশাংবা মচৈশীংদা হাপচিল্লি অমসুং মদু পাৱর প্লান্টকী রিএক্টরদা হাপচিল্লি। এটোমিক পাৱর প্লান্টকী রিএক্টর মনুংদা, য়ুরানিয়ম এটোমশীং অসি কন্ত্রোল তৌরবা চেইন রিএক্সন অমদা কায়থৈ। অতোপ্পা ফিসাইল মেটরিএলশীংগী মনুংদা প্লুটোনিয়ম অমসুং থোরিয়ম অসি চল্লি।

চেইন রিএক্সন অমদা, এটোমশীং কায়থবদগী থোরকপা পার্টিকলশীং অদুনা অতোপ্পা য়ুরানিয়ম এটোমশীং থুগায় অমসুং মখোয়বু তোখায় তানহল্লি। মসিদগী থোরকপা পার্টিকলশীং অসিনা অতোপ্পা এটোমশীংবু চেইন প্রোসেস অমদা মখা তানা কায়থহল্লি। ন্যুক্লিয়র পাৱর প্লান্টশীংদা, কায়থবশীংদু চাং নাইহন্নবা, হায়বদি কা-হেন্না খোংজেল য়াংনা তৌদনবা কন্ত্রোল তৌনবা মচৈশীং শীজিন্নৈ। মখোয়সিবু মোদরেটর কৌই।

চেইন রিএক্সন অসিনা হিট এনর্জি পী। হিট এনর্জি অসিবু রিএক্টর কোরদা হেভি ৱাটরশীং শৌহনবদা শিজিন্নৈ। মরম অদুনা, ফ্যুএল অমা মৈ থাবগী মহুত্তা, ন্যুক্লিয়র পাৱর প্লান্টশীংনা চেইন রিএক্সন্দগী থোরকপা এনর্জিবু এটোমশীংগী এনর্জি অদু হিট এনর্জিদা ওন্থোকপদা শিজিন্নৈ। ন্যুক্লিয়র কোরগী অকোয়বদা লৈবা হেভি ৱাটর অদু পাৱর প্লান্টকী অতোপ্পা সেক্সন অমদা থাই। মফমসিদা মসিনা অশাবা ঈনিল (steam) পুথোক্নবগীদমক ঈশীং থন্না য়াউবা অতোপ্পা পাইপশীংগী সেট অমদা মৈশা পী। অনিশূবা পাইপশীংগী সেট অসিগী অশাবা ঈনিল অসিনা ইলেক্ট্রিসিটি পুথোক্নবগীদমক টরবাইন অমা উংহল্লি।

ন্যুক্লিয়র পাৱরগী কান্নবশীং অমসুং কান্নদবশীং

কান্নবশীং:

  • ন্যুক্লিয়র পাৱর পুথোকপনা কার্বোন দাইওক্সাইদকী (CO2) চাং হন্থনা পুথোকই। মরম অদুনা ন্যুক্লিয়র পাৱর প্লান্টশীংনা গ্লোবেল ৱার্মিং থোকহনবগী চাং য়াম্না নেম্মি।
  • প্লান্ট অমখক্তদা ইলেক্ট্রিকেল এনর্জিগী চাং য়াম্না পুথোকপা ঙম্মী।

কান্নদবশীং:

  • রেদিওএক্টিভ ৱেষ্ট অসি শাফবা মওংদা হুন্দোকপগী সমস্যা হৌজিকসু লৈরি।
  • মসিদা অৱাংবা রিস্কশীং লৈরি অমসুং করিগুম্বা এক্সিদেন্ট থোকপা মতমদা মাং-তাকপগী ফল অসি য়াম্না ৱাংগনি।
  • য়ুরানিয়ম হায়রিবা রো মেটরিএল অসি চাং য়ামদবা রিসোর্স অমনি। চপ চাবা দিমান্দগী মখা পোন্না মসিগী সপ্লাই অসি শুপ্নগী মথংগী চহি 30 দগী 60 ফাউবদং শাংনা চৎকনি হায়না পানৈ।

পৃথিবিদা ন্যুক্লিয়র সোর্সতগী ইলেক্ট্রিসিটি শুংবা লৈবাক অসি ভারত য়াউনা কুনথ্রামাথোই লৈ। ইং 2015গী মে থাদা ইন্টরনেসনেল এটোমিক এনর্জি এজেন্সি (IAEA)গী পাৱর রিএক্টর ইনফোর্মেসন সিষ্টেম (PRIS)না পব্লিস তৌখিবা দেটাগী মতুংইন্না, পাৱর জেনেরেসনগী লমদা ভারত অসি 12শুবা মফমদা লৈখি। অদুম ওইনমক, মালেমগী ওইনা, লৈবাকশীংদা শীজিন্নরিবা রিএক্টর মশীং য়াম্বদদি ভারত অসি 6শুবা মফমদা লৈখি।

হৌজিক ইনষ্টোল তৌরিবা ন্যুক্লিয়র পাৱর কেপাসিটি অসি 5780 MW নি। মসি ইং 2019দদি কমিসন তৌরিবা/ শেমগৎলিবশীং অসি লোয়রবা মতুংদা মসি 10080 MWদা হেনগৎলক্কনি হায়না পানরি। হৌজিক লৈবাক অসিদা চলাইরিবা ন্যুক্লিয়র পাৱর রিএক্টর অসি 21 নি অমসুং মসিগী ইন্সষ্টোল তৌরবা জেনেরেটিক কেপাসিটিনা 5780 Mweনি।

গ্রেভিটেসনেল এনর্জি

গ্রেভিটেসনেল এনর্জি হায়বসি পোৎশক অমনা গ্রেভিটেসনেল ফিল্ড অমদা পায়রিবা এনর্জি অদুবুনি। ঈশীংচাইবী অমদগী তারক্লিবা ঈশীং অসি মসিগী খুদম অমনি।

সোর্স: তাইম ফোর চেঞ্জ

মরি লৈনবা রিসোর্সশীং

  1. www.edugreen.teri.res.in
  2. www.indiaenergyportal.org/
2.85365853659
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
Back to top