শেয়র
Views
  • ষ্টেট শেমদোক্নবা হাংদোকউ

এনর্জিগী সোর্সশীং

এনর্জি অসি মখল-মখা কয়াগী সোর্সশীংদগী লাকপনি। মখল মখা কয়াগী রিন্যুএবল অমসুং নন-রিন্যুএবল এনর্জিগী সোর্সশীং, মসি শীজিন্নফম, কান্নবা অমসুং কান্নদবশীংগী মতাংদা মফমসিদা নৈনরি।

এনর্জি অসি থবক পাংথোক্নবা ফিজিকেল সিষ্টেম অমগী কেপাসিটি অদুবুনি। এনর্জি অসি মওং কয়ামুক্তা হায়বদি হিট, কাইনেটিক নত্ত্রগা মেকানিকেল এনর্জি, লাইট, পোটেন্সিএল এনর্জি, ইলিক্ট্রিকেল নত্ত্রগা অতৈ কয়াগী মওংদা লৈ। এনর্জি অসি থবক তৌনবগী তৌবা ঙম্বা অদুবুনি। এনর্জিগী সোর্সশীং অসি রিন্যুএবল অমসুং নন-রিন্যুএবল হায়না খায়দোকপা য়াই।

রিন্যুএবল এনর্জি

রিন্যুএবল এনর্জি অসি লেপ্তনা ৱাৎপা লৈতবা মহৌশাগী থৌওংশীং হায়বদি নুমিৎকী মঙাল, অশীৎপা নুংশীৎ, সমুদ্র, ঈশীংদগী লৌবা মৈ, বাইওমাস, জিওথর্মেল রিসোর্সশীং অমসুং বাইওফ্যুএল অমসুং হায়দ্রোজেননচিংবদগী লাকপনি।

নুমিত্তগী লৌবা এনর্জি (Solar Energy)

নুমিৎ অসি এনর্জিগী মরুওইবা সোর্সনি। নুমিৎকী মঙাল অসি মোত্তবা, এনর্জিগী রিন্যুএবল ওইবা সোর্সনি। মসি সষ্টেনেবল ওইবা রিসোর্সনি হায়বদি মসি লোয়বা নাইদে অমসুং য়োক্তুনা থম্বা ঙম্মী মরমদি মসি অয়াম্বা মতমদা নুমিৎ খুদীংগী ঙাল্লি। কয়লা নত্ত্রগা গ্যেস অসিদি সষ্টেনেবল নত্ত্রগা রিন্যুএবল ওইদে মরমদি মখোয় অসি অমুকপু লোয়রবদি অমত্তা লেমহৌদে। মী অয়াম্বনা মোত্তবা, রিন্যুএবল ওইবা এনর্জি হায়বদি নুমিত্তগী লৌবা, নুংশিত্তগী লৌবা, জিওথর্মেল ষ্টিম অমসুং অতৈ অসিনা হেন্না পাম্মি। মসিবু ‘গ্রিন পাৱর’ হায়না কৌনৈ। মসিনা ঐখোয়গী য়ুমশীংবু অয়ুক-নুংথিলদা ঙালহল্লি, ফি-রোল অমসুং লৌউ-শিংউগী পোত্থোকশীং কংহল্লি, ঐখোয়বু শানা থম্মী অমসুং অতৈ কয়া পাংথোকই। মসিগী তৌবা ঙম্বা অসি য়াম্না ৱাংই।

কান্নবশীং

  • মসি শাংনা চৎলি, মহৌশাগী সোর্সনি অমসুং লেম্না ফংই।
  • মসি য়াম্না মরাং কায়না ফংই।
  • মসিনা মোৎহন্দে।
  • মসিনা গ্রিন হাউস গ্যেস অমত্তা থাদোক্তে।
  • সোলার এনর্জিনা অয়াম্বা (নুমিৎকী মঙাল ফংবা) মফমদা দিসেন্ত্রেলাইজ তৌই হায়বদি মশানা লেপচবা ঙম্বা সোসাইটি ওইহল্লি।
  • সোলার এনর্জিগী খ্বাইদগী অচৌবা কান্নবা অমদি মসিনা পোলিটিক্স অমসুং ফোসিল ফ্যুএল মার্কেটকী লেপ্তবা মশক অমা ওইরিবা মমলগী অরেপ্পা লৈহন্দবা অসিনা শোকহন্দে।
  • অয়াম্বা ফোসিল ফ্যুএলগী থবক থৌরমশীংগা কোন্নরিবা উমং অমসুং ইকো-সিষ্টেম মাংহনবা হায়বসি মসিনা থোকহন্দে।

কান্নদবশীং

  • ঋতু / অঈং অশা হোংবগী মখা পোল্লি – মরম অদুনা মখোয়শি মতম পুম্বদা শিজিন্নবা য়াদে।
  • প্রদক্টিভ ওইনা শিজিন্ননবগীদমক্তা হৌরকপদা অৱাংবা ইনভেষ্টমেন্ট মথৌ তাই।
  • সোলারগী সিষ্টেমশীং অসিনা নুমিদাংদা হকথেংননা মথৌ তৌদে অদুবু অয়ুক-নুংথীলগী মতমদা এনর্জি তুংশিল্লিবা বেত্তরি বেঙ্ক অসিনা নুমিদাংগী মতমদা শিজিন্নবা য়াই।
  • সোলার ইলেক্ট্রিসিটি ষ্টোরেজ টেক্নোলোজি অসি হৌজিক্কী ওইনা মসিগী পোটেন্সিএল য়ৌদ্রি।
  • সোলার পেনেলশীং অসি য়াম্না চাউই। মসি হাইয়র-ইফিসিএন্সি, ত্রেদিসনেল ওইবা সিলিকোন ক্রাইষ্টেলাইন ৱাফর সোলার মোদ্যুলশীংখক্তদা চুম্মী।

সোলার এনর্জি প্রদক্টিভ ওইনা শিজিন্ননবগী টেক্নোলোজিশীং

সোলার এনর্জি অসি ইলেক্ট্রিসিটি পুত্থোকপদা শিজিন্নবা য়াই। সোলার ফোটোভোল্টেইক (SPV) সেলশীংগী খুত্থাংদা, সোলার রেদিএসন অসি হকথেংননা DC ইলেক্ট্রিসিটিদা ওন্থোকই। পুথোক্লিবা ইলেক্ট্রিসিটি অদু মওং অদুদা অদুম শিজিন্নবা য়াই নত্ত্রগা মদু বেটরি অমদা ষ্টোর তৌশিনবা য়াই। ষ্টোর তৌরবা ইলেক্ট্রিকেল এনর্জি অদু সোলার এনর্জি ফংদবা মতমদা শিজিন্নবা য়াই। হৌজিক্কান্দি SPV অসি ইমুংদা অমসুং লম্বীদা মৈ ঙালহনবা অমসুং খুঙ্গংশীংদা পম্পনা ঈশীং চিংবদা মায়পাক্না শিজিন্নরে। চিংগী লমশীংদা, সোলার ৱাটর হিটিং অসিসু শিজিন্নৈ।

অশীৎপা নুংশিত্তগী লৌবা এনর্জি (Wind Energy)

অশিৎপা নুংশিৎ হায়বসি নুংশিৎনা কংফাল অমসুং সমুদ্রদা মহৌশাগী ওইবা মওংদা লেং-ওৎপবুনি। অশিৎপা নুংশিৎ অসি ৱিন্দ মিল অমগী ব্লেদশীং অদু ওন্থোক-ওনশীন তৌবদা শিজিন্নবা মতমদা অশিৎপা নুংশিৎ অদুনা মখোয়বু এটেচ তৌরিবা মচৈ (shaft) অদু উংই। মচৈ অদু পম্প নত্ত্রগা জেনেরেটর অমগী খুত্থাংদা উংলবদি মসিনা ইলেক্ট্রিসিটি পুথোক্কনি। গ্রিদ ইন্টরেক্সনগীদমক্তা অশিৎপা নুংশিত্তগী পুথোকপা মৈ অসি চাউরাক্না 1,02,788 MW ওইগনি অমসুং অশিৎপা নুংশিৎকী পাৱর দেনসিটি অসিনা ৱিন্দ ফার্ম @ 9 MW/sq. km. লিংখৎপা মতমদা কংফাল লমগী অফংবা শরুক 2%দা হবকী অৱাংবনা 80 m ওইবা মতমদা 200 W/sq. mদগী হেন্না চাউগনি। হৌজিক ভারতনা 26743 MW (ইং 2016গী মার্চ ফাউবদা) লৈদুনা পৃথীবীদা 5শুবা খ্বাইদগী চাউবা ৱিন্দ পাৱর ইনষ্টোল তৌবগী কেপাসিটি লৈবা লৈবাক ওইরি। ইং 2015-16দা লৈবাক অসিদা হাপচিল্লকপা ৱিন্দ পাৱর কেপাসিটি অসি 3300 MW ফাউবা য়ৌরে। ভারত্তা লৈবা ৱিন্দ ফার্মশীংগী মনুংদা 95 %দি প্রাইভেট এজেন্সিশীংনা মপু ওইরি।

কান্নবশীং

  • মসি অকোয়রোনগা চান্নৈ।
  • মসি কোম্না অমদি মরাং কায়না ফংই।

কান্নদবশীং

  • অচৌবা ইনভেষ্টমেন্ট মথৌ তাই।
  • অশিৎপা নুংশিৎকী স্পিদ অসি মতম চুপ্পদা চাং মান্নদে অমসুং মসিনা পুথোক্লিবা মৈদা অকায়বা পী।

বাইওমাস অমসুং বাইওফ্যুএলশীং (Biomass and Biofuels)

বাইওমাস করিনো?

পাম্বী-শীংবীশীংনা বাইওমাস পুথোক্নবগীদমক ফোটোসিন্থেসিসকী খুত্থাংদা সোলার এনর্জি অসি অরেপ্পা লৈহল্লি। বাইওমাস অসিনা মখল-মখা কয়াগী সাইকলশিং ফাউদুনা তোঙান-তোঙানবা এনর্জিগী সোর্সশীং পুথোকই। খুদম ওইনা, শাশীংগী শজিকশীং অসিনা শন্থী, চাক থোংনবা এগ্রিকলচরেল ৱেষ্ট, অসিনচিংবা পুথোকই। ভারত্তা হৌজিক ফংলিবা বাইওমাস অসি চাউরাক্না লৌউ-শীংউ অমসুং উমংগী অরেম-অপাশীংদগী ফংবা অহেনবা বাইওমাস চহিদা মেত্রিক তন মিলিয়ন 120 – 150গা লোয়ননা,চহিদা মিলিয়ন 500 MT য়ৌই হায়না পানরি। মসিনা 18,000 MWয়ৌনা পুথোকপা ঙম্মী হায়না লৌবা য়াই। লৈবাক অসিগী চিনিগী মিল 550গী চুগং (bagasse)গা কোজেনেরেসন তৌদুনা 5000 MWগী অহেনবা মৈ পুথোকপা ঙমগনি।

শিজিন্নবা (Usage)

বাইওমাস অসি এনর্জিগী মরুওইবা সোর্স অমনি অমসুং মসিনা লৈবাক অসিদা শিজিন্নরিবা অপুনবা ফ্যুএল অহুম থোকপগী অমরোম অমসুং খুংগংগী ইমুংগী 90% রোমদা কান্নবা পীরি। বাইওমাস পাক-শন্না শিজিন্নরিবসি ইমুং মনুংদা থোং-থাকপদা অমসুং মৈশা পীবদনি। শিজিন্নরিবা বাইওমাস মখলশিংদি এগ্রিকলচরেল ৱেষ্ট, উ, চারকোল নত্ত্রগা অকংবা শন্থিনি।

কান্নবশীং

  • লোকেল ওইনা ফংই অমসুং খরা হেন্না মরাং কায়না ফংই।
  • ফোসিল ফ্যুএলগা চাংদম্নবা মতমদা মসিনা খরা হেন্না মোত্তে। মওং অমরোমদা বাইওমাসনা কার্বোন-দাই-ওক্সাইদ ফাজিন্দুনা ঐখোয়গী অকোয়রোন অসি শেংদোকই।

কান্নদবশীং

  • ফ্যুএল খোমজিনবদা অকনবা থবক চংই।
  • ইমুংদা থোং-থাকপা মতমদা অমসুং মতিক চাবা ভেন্টিলেসন লৈত্রবদি শন্থীগুম্বগী মৈনা হকশেলদা শাথীনা শোকহনবা নুংশিৎকী পোল্যুসন থোকহল্লি।
  • সষ্টেনেবল অমসুং ইফিসিএন্ট ওইদবা মওংদা বাইওমাস শীজিন্নবনা য়াম্না তোইনা উমং-ৱামং মাংশিল্লকই অমসুং মসিনা অকোয়রোল কায়থরকই।

বাইওমাস প্রদক্টিভ ওইনা শিজিন্ননবগী টেক্নোলোজিশীং

বাইওমাস ইফিসিএন্ট ওইনা শিজিন্নবা ঙমহল্লিবা টেক্নোলোজিশীং অসি খুংগংগী লমদা উবা ফংই। ফ্যুএল ইফিসিএন্ট ওইনা শিজিন্নবসি মখাগীসিনা হেনগৎহল্লি:

বাইওফ্যুএলশীং (Biofuels)

বাইওফ্যুএলশীং অসি মরুওইনা বাইওমাস ফিদ ষ্টোকশীং নত্ত্রগা এগ্রিকলচরেল নত্ত্রগা ফুদ প্রদক্টশীংগী ইন্দষ্ট্রিএল প্রোসেসীংদগী, নত্ত্রগা কুকিং অমসুং ভেজিটেবল থাওনচিংবা প্রদক্টশীং রিকোভরি অমসুং রিপ্রোসেসিং তৌবদগী পুথোরকপনি। বাইওফ্যুএলদা পেট্রোলিয়ম য়াউদে অদুবু মসি লেভেল অমহেক্তদা পেত্রোলিয়ম ফ্যুএলগা ব্লেন্দ তৌদুনা বাইওফ্যুএল ব্লেন্দ অমা শেম্বা য়াই। মসি কনভেন্সনেল হিলিং ইক্যুইপমেন্ট নত্ত্রগা দিজেল ইঞ্জিনশীংদা য়াম্না চাউনা শেমদোক-শেমজিন তৌদনা শিজিন্নবা য়াই। বাইওফ্যুএল অসি শীজিন্নবা লাই, বাইওগ্রেদেবল ওই, হু চেন্দে অমসুং সলফর অমসুং এরোমা য়াউদে।

ঈশীং অমসুং জিওথর্মেল (Water and geothermal)

ঈশিং

চেল্লিবা ঈশীং অমসুং সমুদ্রগী ঈথক-ঈপোমশীং অসি এনর্জিগী সোর্সশীংনি। অচৌবা প্রোজেক্টশীংদা অচৌবা ইনভেষ্টমেন্টশীং থাদরি। হন্দক্কি চহি খরশিদা, ইলেক্ট্রিক য়ৌদ্রিবা মনুং হঞ্জিনবা খুঙ্গংশীংদা মৈ পীনবগীদমক হায়দেল এনর্জি (অপিকপা অমদি য়াম্না পীকপা হায়দেল পাৱর প্লান্টশীংগী খুত্থাংদা) অসিসু শিজিন্নরি। লৈবাক অসিদা স্মোল হায়দ্রো পাৱরগী পোটেন্সিএল অসি চাউরাক্না 15,000 MW নি হায়না পানৈ। ইং 2016গী মার্চ থা ফাউবদা, স্মোল হায়দ্রো প্রোজেক্টকী (3MW ফাউবা) ইন্সষ্টোল তৌরবা কেপাসিটি অসি 4273.90 MW য়ৌখ্রে।

এনর্জিগী সোর্স অমা ওইনা স্মোল হায়দ্রো পাৱরগী কান্নবশীং

  • এনর্জিগী সোর্স অমা ওইনা স্মোল হায়দ্রো পাৱরগী কান্নবশীং
  • সেন্সিটিভ ওইবা মাউন্টেইন ইকোলোজিগীদমক্তা হেন্না চুনৈ।
  • ঈশীং মরাং কায়না চেনবা মফমশীং হায়বদি, অপীকপা ঈচেলশীংদা, ময়াই ওইবা অমদি অপিকপা তুরেলশীংদা অমসুং নুংশা, অশীৎপা নুংশিৎকী এনর্জি অমসুং অতৈ বাইও-এনর্জি সোর্সশীং মরাং কায়না ফংবা মফম অমহেক্তদা পাংথোকপা য়াই।
  • অচৌবা দামশীং শেমগৎপা মথৌ তাদে অমসুং উমং-ৱামং কোকথোকপা, ঈশীংদা লুপশীনহনবা অমসুং রিহেব্লিটেসনগী সমস্যা লৈতে।
  • মোৎশিন্দে, কান্নদবা অরেম-অপাশীং অমসুং হু চেনবা গ্যেসশীং পুথোক্তে, অকোয়রোনগা চান্নৈ।
  • অপিকপা কেপিটেল ইনভেষ্টমেন্ট অমসুং শেমগৎপগী মতম য়াম্না চংদে।
  • ত্রান্সমিসনগী অমাংবা য়াম্না লিকই।
  • চেকশিন্না প্লান তৌবা অমসুং লায়থোকহল্লবা অমসুং ষ্টেন্দার্দাইজ তৌরবা দিজাইনশীংগা লোয়ননা, SHP ইনষ্টোলেসনশীং অসিনা থর্মেল, দিজেল নত্ত্রগা গ্যেসতা য়ুম্ফম ওইবা মৈ পুথোকপগা কন্না লমজেন তান্নরক্লি।

জিওথর্মেল এনর্জি

জিওথর্মেল এনর্জি হায়বসি মালেমগী লৈমায়থক্তা ষ্টোর তৌদুনা লৈরিবা মৈশা (heat)নি অমসুং মসি ইলেক্ট্রিক পুথোকপদা অমসুং হকথেংনবা মৈশা শিজিন্নবগী থবকশীংদা শিজিন্নৈ। জিওথর্মেল হায়বগী অর্থদি মালেমনা পুথোকপা মৈশা হায়বনি। মখল-মখা কয়াগী এজেন্সিশীংনা পাংথোকপা তোঙান-তোঙানবা রিসোর্স এসেসমেন্টশীংগী মতুংইন্না 10600 MWth /1000MWeগী পোটেন্সিএলদি জিওথর্মেল প্রোভিন্স তরেত্তা/ রাজ্য 11দা অশাবা ঈশিংচাইবী 340দা লৈ।

জিওথর্মেল পাৱর অসি খ্বাইদগী অকোয়রোনগা চান্নবা পাৱরনি। মসি চহিদা 24x7 ফংই। মসি হায়দ্রোগুম্না নিংথমগী থা 6 দগী 7 ফাউবদা অকায়বা লৈতে অমসুং নুমিৎনা সোলার PVদা মখা পোনবগুম্না সমস্যা লৈতে।

ভারতকী জিওথর্মেলগী দেটাবেজ য়েংনবগীদমক্তা, মফমসিদা ক্লিক তৌবীয়ু।.

নন-রিন্যুএবল এনর্জি

কয়লা, থাউ অমসুং নেচরেল গ্যেস অসি এনর্জিগী নন-রিন্যুএবল সোর্সশীংনি। মখোয় অসি চহি লিশিং কয়াগী মমাংদা লৈরম্বা পাম্বী-শীংবীশীংগী পোত্থোক ওইবা মরমনা ফোসিল ফ্যুএল হায়নসু কৌনৈ। ফোসিল ফ্যুএলশীং অসি হৌজিক মরুওইনা শীজিন্নরিবা এনর্জিগী সোর্সশীংনি। জিওলোজিকেল রিসোর্সেস ওফ কোলগী (1.4.2014 ফাউবদা) টোন বিলিয়ন 301.56 লৈবগা লোয়ননা ভারত অসি পৃথিবীদা কয়লা খ্বাইদগী য়াম্না পুথোকপা অহুমশুবা লৈবাক্নি। কয়লানা লৈবাক অসিগী অপুনবা দরকার লৈরিবা এনর্জিগী 50%দগী হেন্না পিরি। ভারতনা চহিদা শুংদোক্তবা থাউ (crude oil) 210 MT রোম শীজিন্নৈ অমসুং মসি 70% দগী হেন্না ইম্পোর্ট তৌই। ফোসিল ফ্যুএলশীং মৈ থাবনা অকোয়রোন কা-হেন্না মোৎশিলহল্লি।

সোর্স :পোর্টেল কন্টেন্ট টিম

2.52941176471
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
Back to top