হোম / হকশেল / আয়ুশ / মেদিসিনগী সোৱা-রিগপা (SOWA-RIGPA) সিষ্টেম
শেয়র
Views
  • ষ্টেট শেমদোক্নবা হাংদোকউ

মেদিসিনগী সোৱা-রিগপা (SOWA-RIGPA) সিষ্টেম

তোপিক অসিনা সোৱা-রিগপাগা মরি লৈনবা অকুপ্পা ইনফোর্মেসন পীরি।

সোৱা-রিগপাবু মশক তাকপা

সোৱা-রিগপাগী হৌরকফম অমসুং পোকফম লমদম

মীয়াম্না কমন ওইনা মেদিসিনগী আমচি সিষ্টেম (Amchi system of medicine) হায়না খংনরিবা “সোৱা-রিগপা” অসি পৃথীবীগী খ্বাইদগী লিরবা, চত্থরিবা অমসুং ফজনা দোক্যুমেন্ট থম্লবা মেদিকেল ত্রেদিসনশীংগী মনুংদা অমনি। মসি টিবেট, মঙ্গোলিয়া, ভুটান, চিনাগী মফম খরা, নেপাল, ভারতকী হিমালয়া লমদমশীং অমসুং সোভিয়েট য়ুনিয়নগী শরুক খরনচিংবদা পাক-শন্না শিজিন্নৈ। মেদিকেল ত্রেদিসন অসিগী হৌরকপগী মতাংদা মীয়াম্না খন্নবা কয়ামরুম লৈ, স্কোলার খরনদি মসি ভারত্তগী হৌরকপনি হায়না থাজনৈ; খরনদি চিনা অমসুং অতৈ খরনদি টিবেট মশামক্তগী হৌরকপনি হায়না থাজনৈ। সোৱা-রিগপাগী অয়াম্বা থীওরি অমসুং প্রাক্টিস অসি “আয়ুরবেদা”গা মান্নৈ। টিবেত্তা  আয়ুরবেদিককী অহানবা ঈথীল অসি খৃষ্টনা পোক্লবা মতুং 3শুবা চহি-চাদা লাকখি অদুবু মসি টিবেত্তা বুধ ধর্ম লাকপগা লোয়ননা 7শুবা চহি-চাগী মতুংদতা মীয়াম্না পাম্নবা ওইরকখি। মসিগী মতুংদদি, ভারতকী মেদিকেল লিটরেচর, বুধ ধর্ম অমসুং অতৈ ভারতকী আর্ট অমসুং সাইন্সপু মীরমদা শন্দোকপগী থবক অসি 19শুবা চহি-চাগী অঙনবা শরুক ফাউবা চত্থখি।

পৃথীবীগী খ্বাইদগী লিরবা, লৈরিবা অমসুং ফজনা দোক্যুমেন্ট শেম্লবা মেদিকেল ত্রেদিসন

ভারত অসি বুধ অমসুং বুধ ধর্মগী পোক্নফম লমদম ওইবা মরম্না মফম অসি মতম পুম্বদা টিবেটান ছাত্রশীংগী ওইনা বুধিষ্ট আর্ট অমসুং কলচর খংজিন্নবা চুনবা মফম অমা ওইরি; ভারতকী স্কোলার কয়াবুসু বুধিজম অমসুং অতৈ ভারতকী আর্ট অমসুং সাইন্স কয়া শন্দোক্নবগীদমক বার্তন তৌরি। ভারতকা মরি শাংনা লৈনরকপসিনা ধর্ম, সাইন্স, আর্তস, কলচর অমসুং লোল অসিনচিংবা মখল-মখা কয়াগী বিষয়শীংবু টিবেট লোন্দা অর্থ হন্দোক্তুনা অমদি য়োক্তুনা থমহনখি। মখোয় অসিগী মনুংদা মেদিসিনগা মরি লৈনবা টেক্সট কুনমঙাদি টিবেটকী লিটরেচরগী কেনোনিকেল (canonical) অমসুং নন-কেনোনিকেলগী (non-canonical) মওংশীংদা য়োক্তুনা থমখি। নোলেজ অসিগী মনুংদা কয়া অমদি টিবেত্তা মখা তানা য়ুমথংনবা লৈবাকশীংগি নোলেজ অমসুং স্কিলশীং অমসুং মখোয় মশাগি লমদমগী ওইবা নোলেজশীংনা হেন্না চাউখৎহনখি। “সোৱা-রিগপা” (শোক-পনবা ফহনবগী বিজ্ঞান) অসি মসিগী ময়েক লারবা খুদম অমনি। মেদিসিন অসিগী ফন্দামেন্টেল টেক্সট বুক ওইরিবা Gyud-Zi (তন্ত্র মরি) অসি ভারত্তগী অহানবা ওইনা অর্থ হন্দোকখি অমসুং টিবেত্তা মশাগী ফোল্কলোর অমসুং চাইনিজ অমসুং পর্সিয়ান অসিনচিংবগী মেদিকেল ত্রেদিসননচিংবনা হেন্না চাউখৎহনখি। বুধ ধর্ম অমসুং অতৈ টিবেটকী আর্ট অমসুং সাইন্সকা লোয়ননা সোৱা-রিগপা অসি য়ুমথংনবা হিমালয় চীংজাউগী লমদমশীংদা শন্দোকখি। ভারত্তা, সিষ্টেম অসি সিক্কিম, অরুনাচল প্রদেস, দার্জিলিং (নোংচুপ বেঙ্গল), লাহোল অমসুং স্পীটি (হিমাচল প্রদেস) অমসুং জমু অমসুং কশ্মিরগী লাদাখ লমদম অসিনচিংবদা শন্দোকখি।

থীওরি অমসুং প্রাক্টিস

সোৱা-রিগপা অসি জুং-ৱা-ঙা (সংস্কৃত: পঞ্চমহাভুট) অমসুং ঙেপা-সুম (সংস্কৃত: ত্রিদসা)গী প্রিন্সিপলশীংদা য়ুম্ফম ওই। সংসার অসিদা লৈরিবা থৱাই পানবা জিবা অমসুং থৱাই পান্দবা পোৎশক পুম্নমক জুং-ৱা-ঙা; হায়বদি সা, চু, মে, লুং অমসুং নম-খা (সংস্কৃত: পৃথীবী, জল, অগ্নি, বায়ু অমসুং আকাশ)না শেম্বনি।  সিষ্টেম অসিগী ফিজিওলোজি, পেথোলোজি, ফার্মাকোলোজি অমসুং মেত্রিয়া-মেদিকা অসি থীওরিশীং অসিদা য়ুম্ফম ওইদুনা শেম্বনি। ঐখোয়গী হকচাং অসি জুং-ৱা-ঙাগী কোস্মো ফিজিকেল ইলিমেন্ট মঙা অসিনা শেম্বনি; ইলিমেন্টশীং অসিগী চাং অসি বেলেন্স লৈরক্তবা মতমদা ঐখোয়গী হকচাংদা না-য়েকপা থোকই। না-য়েকপা অসিবু লায়েংবদা শিজিন্নরিবা হিদাক অমসুং চিঞ্জাক অসিসু চপ মান্নবা ইলিমেন্ট মঙানা শেম্বনি। হকচাংদা ইলিমেন্টশীং অসি ঙেপা-সুম (সংস্কৃত: ত্রি-দসা) লুস-সুং-দুন (সংস্কৃত: সপ্তা ধাতু) অমসুং দ্রি-মা-সুম (সংস্কৃত: ত্রিমালা)গী মওংদা লৈ। হিদাক-লাংথক, চিঞ্জাক অমসুং থক্নবশীংদা মখোয় অসি রো-দুগ (সংস্কৃত: শষ্ট-রস) নুস-পা (ভিরয়া) য়োন্তন (সংস্কৃত: গুন) অমসুং ঝু-জেস (সংস্কৃত: ভিপাকা) গী মওংদা লৈ। থীওরি অসিদা য়ুম্ফম ওইদুনা ইলিমেন্ট মঙা অসিগী মান্নবা অমসুং মান্নদবগী থীওরি (সংস্কৃত: সমান্যা অমসুং বিষেস) শীজিন্নদুনা, ফিজিসিয়ান অমনা মহাক্কী নোলেজ, স্কিল অমসুং এক্সপিরিএন্স অসি অনাবা অমা লায়েংবদা শিজিন্নৈ।

সোৱা-রিগপাগী বেসিক ওইবা থীওরি অসি মখাগী পোইণ্ট মঙাসিদা শুপচিনবা য়াই:

  • লায়না লৈরবা হকচাং অসি লায়েং অদুগী মফম (locus) ওইনা লৌই;
  • এন্টিদোট, হায়বদি, লায়েং;
  • এন্টিদোটকী খুত্থাংদা লায়েংগী মেথদ;
  • লায়না অদুবু কোকহনবা হিদাক;
  • মেটরিয়া মেদিকা, ফার্মাসি অমসুং ফার্মাকোলোজি

ত্রেনিং অমসুং এজুকেসন

চৎনবী ওইনা, আমচিশীং অসি ত্রেদিসনেল এজুকেসন সিষ্টেমগী মখাদা লনাইগী ওইবা গুরু-শিষ্য ত্রেদিসন নত্ত্রগা নোলেজ অসি মপাদগী মচাদা শুথাং কয়া থংথরকপা gyud-pa (lineage) সিষ্টেমগী মখাদা ত্রেন তৌই। হৈ-শিংলবা আমচি অমা ওইরকপদা থীওরি অমসুং প্রাক্টিকেলগী ওইবা অকনবা ত্রেনিং মথৌ তাই অমসুং চহি কয়া চংই। মহাক্কী ত্রেনিং লোয়রবা মতুংদা ত্রেনি আমচি অদুনা মহাকপু আমচি অমা ওইনা লাউথোক্কদবা থৌরম অদুদা আমচি এক্সপর্ট খরা য়াউনা কম্যুনিটি অপুনবদুগী মমাংদা একজামিনেসন অমা পীবা তাই। হেন্না ৱাংবা ত্রেনিংগীদমক্তা মমাংঙৈদদি, ভারতকী হিমালয়া লমদমগী ওইবা মীওইশীংদি মমীং লৈরবা স্কোলারশীংগা লোয়ননা টিবেটতা লৈবা মেদিকেল কোলেজশীংদা চৎনরম্মী। লমদমশীং অসিগী মীওই খরদি সোৱা-রিগপাগী মহৈ তম্বা হৌনবগীদমক টিবেত্তনা হেন্না চৎনরম্মী।

মোদর্ন ওইবা সোসিএল অমসুং এজুকেসনেল সিষ্টেম অসি য়েংলগা, ইনষ্টিট্যুসন খরদি, মতমগী মতাংদা অকক্নবা মতম পরিং অমদা লোয়শিন্ননবা মোদর্ন ওইবা সিষ্টেমগা মান্ননা মহৈ-মশীং অসি তম্বীরি। হৌজিক্কী ওইনা, গ্রেদ 10+2কী মতুংদদি ছাত্রশীং অসি এন্ত্রান্স টেষ্ট মেরিত বেসিসতা খল্লে। চহি তরুক্কী কোর্স অসিগী মমীং অসি বেচলর ইন টিবেটান মেদিকেল সিষ্টেম (BTMS) নত্ত্রগা আমচি চিকিৎশা আচার্য্য হায়না কৌই। ভারত্তা হৌজিক্কী ওইনদি কোর্স অসি মখাদা পীরিবা ইনষ্টিট্যুসন মরি অসিদা তম্লি:

  • সেন্ত্রেল ইনষ্টিট্যুট ওফ বুধিষ্ট ষ্টদিজ, লেহ (মিনিষ্ট্রি ওফ কলচর, গবর্নমেন্ট ওফ ইন্দিয়াগী মখাদা)
  • টিবেটান মেদিকেল এন্ড এষ্ট্রোলোজিকেল ইনষ্টিট্যুট, ধর্মসালা HP ওফ হিজ হোলিনেস দলাই লামা
  • সেন্ত্রেল য়ুনিভর্সিটি ফোর টিবেটান ষ্টদিজ, সারানাথ UP (মিনিষ্ট্রি ওফ কলচর, গবর্নমেন্ট ওফ ইন্দিয়াগী মখাদা)
  • চোকপোরি মেদিকেল ইনষ্টিট্যুট দার্জিলিং (W.B)

ভারত্তা SOWA-RIGPAগী ইনফ্রাষ্ট্রকচরশীং

হিমালয়াগী লমদম অয়াম্বদা সোৱা-রিগপা অসি খুঙ্গং খুদিংমক্তা আমচি অমগা লোয়নবা কম্যুনিটি সপোর্টকা লোয়ননা ত্রেদিসনেল ওইবা মওংদা শিজিন্নরি। অদুবু হৌখিবা চহি কুন অসিদগী হৌদুনা ফিভম অসি, এজুকেসনেল ইনষ্টিট্যুসনশীং, দিস্পেন্সরিশীং, হোস্পিটালশীং অমসুং ফার্মাসিনচিংবদা মোদর্ন হোস্পিটালগী সিষ্টেমগী এদমিনিষ্ট্রেটিভ ইলিমেন্ট খরা লৌশিন্দুনা হোংবা হৌরক্লি। অদুবু হৌজিকসু ভারত্তা সোৱা-রিগপা অসি প্রাক্টিস তৌরিবা মীওই অসি পুন্না 1000 ওইদুনা হিমালয় চিংজাউগী মওং-মরিল তাদবা লমদমশীং অমসুং অতৈ মফমশীংদা হেলথ কেয়র পীরি। ভারত্তা, হিমাচল প্রদেসকী ধর্মসালা অমসুং জমু অমসুং কাস্মিরগি লাদাখ লমদম অসি সোৱা-রিগপা ইনষ্টিট্যুসনশীংগী মরুওইবা সেন্টরশীং ওইরি। ভারত্তা চংজফম লৌরবা মতুংদা হিজ হোলিনেস দলাই লামা অসি ধর্মসালা (হিমাচল প্রদেস)তা লৈদুনা নহারোলশীংবু ত্রেন তৌনবা অমসুং সোৱা-রিগপাগী খুত্থাংদা ক্বালিটি হেলথ কেয়র পীনবা টিবেটান মেদিকেল এন্ড এষ্ট্রোলোজিকেল ইনষ্টিট্যুট লিংখৎখি। ইনষ্টিট্যুট অসিগী মেদিকেল কোলেজ, ফার্মাসি, এষ্ট্রোলোজি সেক্সন অমা লৈ অমসুং ভারত শিনবা থুংনা ক্লিনিক 40দগী 50 ফাউবা লৈ।  ভারত্তা সোৱা-রিগপাগী প্রাক্টিস অসি নিয়ম নাইহন্নবা ধর্মসালাদা সেন্ত্রেল কাউন্সিল ফোর টিবেটান মেদিসিন অসি লৈ। মসিনা প্রাক্টিসনরশীংগী রেজিষ্ট্রেসন, কোলেজশীংগী ষ্টেন্দার্দ অমসুং সোৱা-রিগপাবু রিগুলেট তৌনবা অতৈ মেকানিজমশীং য়েংশিল্লি।

  • লাদাখ
  • হিমাচল প্রদেস
  • অরুনাচল প্রদেস
  • সিক্কিম, দার্জিলিং অমসুং কালিমপোং
  • ভারতকী অতৈ মফমশীং

সোর্স: মিনিষ্ট্রি ওফ আয়ুশ

2.7619047619
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
Back to top