হোম / হকশেল / এজিং(অহল ওইরকপা) / হকশেল ফনা অহল ওইনবগী পাংথোক্কদবা থৌওং খরা
শেয়র
Views
  • ষ্টেট শেমদোক্নবা হাংদোকউ

হকশেল ফনা অহল ওইনবগী পাংথোক্কদবা থৌওং খরা

তোপিক অসিনা হকশেল ফনা অহল ওইনবগী পাংথোক্কদবা থৌওং খরা পীরি।

নুংঙাই-য়াইফনা লেনবা পুন্সি পরিং অমা শেম্নবগী চাউরাকপা নিয়ম (thumb rule) অসিনা, ঐখোয়গী পুন্সিগী অকোনবা শরুক্তা লৈগদবা পুন্সিগী মগুন অদু পুন্সিগী অহানবা শরুক্তা ঐখোয়না মতৌ করম্না লেনখিবগে হায়বদুদা য়ুম্ফম ওইগদবনি হায়বগী ৱাখল্লোন (concept) অদুদা মীৎয়েং থম্মী। এক্টিভ ওইনা অহল ওইনবগীদমক, অহল অমসুং নহাগী জেনেরেসনশীংগী মরক্তা পিবা অমসুং লৌবগী চাং মান্নহনবা তাই। ঙরাংগী অঙাংশীং অদু ঙসিগী নহারোলশীংনি অমসুং হয়েংগী মবোক নত্ত্রগা মপুবোক্নি।

এক্টিভ ওইনা অহল ওইবদা শিংনরিবশীং (Challenges to Active Ageing)

অহল ওইরকপগী চহি (Ageing Age) অসিদা হকশেল অমসুং মসিগা মরি লৈনবা প্রোব্লেমশীংগা তুনা চৎমিন্নৈ। খুউদা খজিক্তং নাবনচিংবনা নোংমগী তৌগদবা থবকশীং হায়বদি চাক থোংবা নত্ত্রগা অয়ুক্কী পাউচে লৌশিনবনচিংবদা অপনবা পী। হেন্না চৈথেং পীবগী খুদম অমা পিরবদা, দাইএবেটিজ, হার্ট এটেক নত্ত্রগা ষ্ট্রোক অমনা মীওই অদুদা নত্তনা ইমুং-মনুং পুম্নমক্তা শোকহল্লি। পুন্সিগী ষ্টেজ অসিদা লাকপা হেলথ ইসু অয়াম্বদি ক্রোনিক (chronic) ওইবা য়াই অমসুং চপ মান্নবা মতম অমত্তদা, মখোয় পুম্নমকপু লেপ্তনা শেন্নবগী মথৌ তাবা মওংদা নারকপা য়াই। ওষ্টিওপোরোসিস অমসুং অতৈ অশোক-অপননচিনবা মরি লৈনবা প্রোব্লেম কয়াদসু দিসএবিলিটিগী রিস্ক লৈ অমসুং মদুনা নিংতম্না থবক-ইনখাং তৌবদা অপনবা পীবা য়াই। চহিগা মরি লৈনবা কন্দিসন খরদদি মতম শাংনা য়েংশিনবা অমসুং নর্সিং কেয়র ফাউবা মথৌ তাবা য়াই। মরম অদুনা, অহল ওইরবা মীওইশীং অসি মতম শাংনা হিংগল্লবসু, হেন্না মকা লাম্বা অমসুং মশক থোকপা পুন্সি অমা ফংহন্নবগীদমক লৌখৎকদবা মাংজৌনবা চেক্সিন-থৌরাং কয়া লৈ।

য়েংশিনগদবশীং:

  • হেনগৎলক্লিবা হেলথ ইসুশীংগী মশীং।
  • সেক্যুরিটিগী মথৌ তাবা।
  • কেয়র লৌবা অমসুং সপোর্ট তৌবগী অৱাবশীং।
  • পুন্না লৈমিন্নবা ইমুং ওইরম্বদগী নাইতোম ওইবা ইমুংদা হোংবনা নত্ত্রগা থবক তৌনবা অঙাংশীং মপান্দা চৎখিবনা মরম ওইদুনা ফেমিলি সপোর্ট হন্থরকপা।
  • থৌশাদবা/ য়েংশিনবীদবা (Negligence)।
  • শেন-থুমদা তাংজবা (Economic dependency)।
  • সোসিএল ইন্টরেক্সন নত্ত্রগা কম্যুনিটিগী অতৈ মীওইশীংগা শম্নবা ৱাৎলকপা।

এক্টিভ ওইনা অহল ওইনবগী পাংথোক্কদবা থবকশীং (Tips on Active Ageing)

  • চহি 40 শুরবা মতুংদদি চাং নাইনা হেলথ চেক-অপ তৌথোক্কদবনি।
  • চুনবা টেষ্ট প্রেস্ক্রাইব তৌরক্কদবা, পুক্নিং ফাথবীগদবা অমসুং করিগুম্বা মথৌ তারবদি হিদাক-লাংথক ইরক্কদবা নহাক্কী ফেমিলি দোক্টরগা ৱারি-ৱাতাই তৌ।
  • নাৎকী, লাইনিংবগী, শেল-থুমগী অমসুং লৈকায়গী থৌদোকশীংদা লেপ্তনা শরুক য়াউ।
  • অঙাংশীংগী প্রোব্লেমশীং য়াউনা, ইমুংগী পুন্সিদা শরুক য়াউ অমসুং অনিমক্না পুক্নিং নুংঙাইগদবা থবক-থৌরমশীংদা মখোয়গা পুনমিন্নৌ।
  • নশামকপু ফাইনান্সিএল্লি সেক্যুওর ওইহল্লু।
  • নহাক্কী পুক্নিংগী ৱাফমশীং তাবীগদবা অমসুং মথৌ তারকপা মতমদা কেয়র লৌবীগদবা মীওই অমা লৈবা য়াই।
  • দিজাষ্টর অমসুং এমর্জেন্সিশীংনা অহল ওইবশীংদা শাথীনা অকায়বা পী হায়বসি খংজিনগদবনি।
  • অহল ওইরবশীংদা তাথী-তাওইনা তৌব্রা য়েংশিল্লু – মসি য়াম্না তোইনা থোকপা থৌদোক্নি।
  • অনৌবা থবকশীং তমশিন্দুনা; ৱার্দ পজলশীং, ক্রোসৱার্দশীং অমসুং সুদোকু শান্নদুনা হকচাং অমসুং পুক্নিংবু মথৌ তৌহল্লু।
  • নহাক্কী এজেন্দা পাক-চাউহন্নবগীদমক নহাক্কী ইন্টরেষ্ট অদু ফংনবা তান্নৌ।
  • রিটায়ার তৌরবা মতুংগী থবকশীং থীয়ু – হেন্না ফগৎপা সেলারি অমা নেগোসিএট তৌবা কাউগনু অমসুং নহাকপু থবক পীগদৌরিবা মীওইশীংদুদা “শেল অসি মরুওইদে” হায়গনু।
  • মীৱা ঙাংনবদা পুক্নিং চংগনু অমসুং পোজিটিভ, এনর্জেটিক ওইবা মীওইশীংগা লোয়নৌ।
  • নহা খরগসু মরুপ ওইয়ু। মখোয়দু দিকেদ (decades) খরা খন্নবা ওইরবসু কাইদে।

হকশেলগী তৌগদবা থৌওং খরা (Health tips)

  • উহৈ, মনা-মশীং অমসুং ফেট নেম্বা শঙ্গোমগী চিঞ্জাকশীং য়াউবা হকশেল ফবা চানবগী প্লান (healthy eating plan) অমা শেম্মু।
  • নঙোন্দা রিকমেন্দ তৌবা কেলসিয়ম অমসুং ভিটামিন সপ্লিমেন্টশীং নুমিৎ খুদিংগী চাউ।
  • অরুম্বা হন্থহনবা হকচাং শাজেলশীং চাং নাইনা পাংথোকউ।
  • হকশেল ফবা হকচাংগী অরুম্বা অমা লৈহল্লু।
  • মৈখু থাদোক্কদবনি অমসুং য়ু কা-হেন্না থক্লোইদবনি।
  • হায়জিন অমসুং ক্লিনলিনেস (hygiene and cleanliness) লৈহনগদবনি।
  • নহাক্কী মীৎশীংদু হকথেংনবা নুংশা মঙাল (direct sunrays) অমসুং অতৈ খুদোংথীনিঙাই ওইবা পোৎশকশীংদগী ঙাকথোক্কদবনি।

সোর্স : হেলদি ইন্দিয়া

2.80952380952
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
Back to top