এপেন্দিসাইটিস

ৱাহৌদোক

এপেন্দিসাইটিস (Appendicitis) হায়বসি এপেন্দিক্স পোম্বা (ইনফ্লেমেসন)নি। এপেন্দিক্স (appendix) অসি লার্জ ইন্তেষ্টাইনদা (অচৌবা ইন্টেষ্টাইন) এটেচ তৌবা অপিকপা, ট্যুব মানবা ওর্গান অমনি। কন্দিসন অসি এপেন্দিক্স মনুংদা ব্লোকেজ (blockage) লৈবনা থোকহল্লি। ব্লোকেজ অসিনা প্রেসর হেনগৎপা অমসুং ইনফ্লেমেসন (অপোম্বা) থোকহল্লি। এপেন্দিসাইটিস অসি চহি তাংকক অমহেক্তদা থোকপা য়াই অদুবু মসি অঙাং ওইরিঙৈ অমসুং ইনখৎলকপা মতমদনা হেন্না থোকই।

সিম্পটম (লাইওং)

মসিগী মপুংওইবা লাইওং অসি পুক্তা নাবসিনি। অহৌবদদি য়াম্না কল্লমদে অদুবু কুইরক্লগা হেন্না কন্না নারকই।

অতৈ লাইওংশীংগী মনুংদা মখাদা পীরিবশীংসি য়াউই:

• পুক্তা পোম্বা (Swelling)।
• চানিং-থক্নিংবা পোক্তবা।
• ওনিংবা অমসুং ওবা।
• খোং হাম্বা য়াদবা নত্ত্রগা দাইরিয়া।
• নুংশিৎ খায়দোকপা ঙমদবা (Inability to pass gas)।
• লাইহৌ নেম্না হৌবা।

মসি থোকহল্লক্লিবা মরমশীং

এক্যুট এপেন্দিসাইটিস (acute appendicitis) লাকপগী চপ চাবা মরম অসি হৌজিকসু ময়েক শেংদ্রি। মসি এপেন্দিক্স মনুংদা ব্লোকেজ লৈবগা মরি লৈনজরবসু, ব্লোকেজ অসি অমাংবা (faeces)গী অপিকপা মচেৎশীং, মপানগী পোৎশক (foreign object) অমা নত্ত্রগা অতৈ অমনা থোকহনবা ওইবসু য়াই।

দাইএগ্নোসিস (লাইওং খংদোকপা)

দাইএগ্নোসিসতা মপুংফাবা ফিজিকেল একজামিনেসন তৌবা অমসুং সিম্পটমশীং চেক্সিন্না য়েংশিনবা হায়বসি য়াউবা য়াই। করিগুম্বা দাইগ্নোসিস অদু ময়েক শেংদ্রবদি, লেবোরেটরি টেষ্ট অমসুং অলত্রাসাউন্দ নত্ত্রগা CT স্কেনশীং পাংথোকপা য়াই।

মেনেজমেন্ট

মহৌসানা মসিগী লাইয়েংদা এপেন্দিক্সপু সর্জরি তৌদুনা লৌথোকপা হায়বসিসু অমনি। প্রোসিদ্যুওর অসিবু এপেন্দিসেক্টোমি নত্ত্রগা এপেন্দেক্টোমি কৌই। এপেন্দিক্স অদু লেপেরোস্কোপিক (কি-হোল) সর্জরি শিজিন্নদুনা লৌথোকই। প্রোসিদ্যুওর অসিদা, সর্জন অদুনা অপাবা (slender) ইনষ্ট্রুমেন্ট (লেপেরোস্কোপ) অমা শিজিন্নৈ, অমসুং মহাক্না মদু পুক্তা পীক্না লেনবা মখুনশীংদা (tiny incisions) থীংজিল্লি। মসিনা পুক্তা লেনবগী মথৌ তাবদু লৈহন্দে।

সোর্স: নেসনেল হেলথ পোর্টেল