থায়রোইদ

থায়রোইদপু খংজিনসি

থায়রোইদ (Thyroid) হায়বসি ঙক্কী মখা থংবগী ময়াইদা লৈবা কুরাক (butterfly) মওং মানবা, অপিকপা গ্ল্যান্ড (gland) অমনি। মসিগী মরুওইবা ফঙ্কসন অসি হকচাংগী মেটাবোলিজম (হিংবদা তঙাইফদনা চংবা মথৌশীং সেলশীংনা পাংথোকপগী রেট) কন্ত্রোল তৌবসিনি। মেটাবোলিজম কন্ত্রোল তৌনবা, থায়রোইদনা হোর্মোনশীং পুথোকই অমদি মসিনা হকচাংগী সেলশীংদা এনর্জি কয়াম শিজিন্নগদগে হায়বদু তাকই।

ফঙ্কসন মওং চুম্না তৌরিবা থায়রোইদ অমনা হকচাংগী মেটাবোলিজম অদু চান্নবা চাং অমদা ফঙ্কসন তৌনবগী মথৌ তারিবা হোর্মোনগী চাং অদু লেংদনা থমগনি। হোর্মোনশীং অদু শিজিন্নখিবা মরম্না থায়রোইদনা মদুগী মহুৎ শিঞ্জিন্নবা পূথোকই। ঈগী খোংজেলদা য়াউরিবা থায়রোইদ হোর্মোনগী চাং অদু পিটুইটরি গ্ল্যান্ড (pituitary gland)না মোনিটর অমসুং কন্ত্রোল তৌই। ব্রেনগী মখাথংবা স্কল (skull)গী ময়াইদা লৈরিবা পিটুইটরি গ্ল্যান্ড অসিনা থায়রোইদ হোর্মোন ৱাৎলকপা নত্ত্রগা হেনবগী ফিভম উরকপা মতমদা, মসিনা মশাগী হোর্মোন (TSH) অসি এদজষ্ট (চাশিন্নহনবা) তৌই অমসুং মদু থায়রোইদতা থাদুনা থায়রোইদনা করি তৌগদগে হায়বদু তাকই।

থায়রোইদ দিজিজ হায়বসি করিনো অমসুং মসিনা কনাদা শোকহনবগে?

থায়রোইদনা হোর্মোন কা হেন্না পুথোকপা মতমদা, হকচাংনা এনর্জি অসি শিজিন্নফম থোকপা চাংদগী হেন্না য়াংনা শিজিন্নৈ। মসিবু হায়পরথায়রোইদিজম কৌই। থায়রোইদনা হোর্মোন মতিক চানা পুথোক্তবা মতমদা, হকচাংনা এনর্জি অসি শীজিন্নফম থোকপা চাংদগী হেন্না তপথনা শিজিন্নৈ। মসিগী কন্দিসন অসিবু হায়পোথায়রোইদিজম কৌই।

চহি মতাং পুম্নমক্কী মীওই খুদিংমক্তা থায়রোইদকী দিজিজ লাকপা য়াই। অদুম ওইনমক, থায়রোইদকী প্রোব্লেম অসি নুপাশীংদগী নুপীশীংদনা শরুক মঙাদগী নিপাল ফাউবগী চাং হেন্না লাকপা য়াই।

করিনা থায়রোইদ দিজিজ অসি থোকহনবগে?

থায়রোইদ দিজিজ থোকহনবগী তোঙান-তোঙানবা মরম কয়ামুক লৈ।

মখাদা পীরিবা কন্দিসনশীং অসিনা হায়পোথায়রোইদিজম থোকহল্লি:

• থায়রোইদাইটিস হায়বসি থায়রোইদ গ্ল্যান্ডগী অপোম্বা (an inflammation) অমনি। মসিনা পুথোক্লিবা হোর্মোনগী চাং অদু নেমথহনবা ঙম্মী।
• হাশিমোটোজ থায়রোইদাইটিস (Hashimoto’s thyroiditis) হায়বসি পারি-পুরিদগী লৌনরকপা (hereditary) ইম্যুন সিষ্টেমগী নাবা ফাউদবা লায়না অমনি।
• পোষ্টপার্টম থায়রোইদাইটিস অসি অঙাং উন্নরবা মতুংদা নুপীশীংদা চাদা 5দগী চাদা 9 ফাউবদা লাক্কল্লি। মসি মহৌশানা মতম খরগী ওইবা কন্দিসন ওইগল্লি।
• আইওদিন দিফিসিএন্সি হায়বসি পৃথীবীদা লৈরিবা মীওই মিলিয়ন 100রোমদা শোকহল্লিবা প্রোব্লেম অমনি। আইওদিন অসি থায়রোইদনা হোর্মোন পুথোকপদা শিজিন্নৈ।
• ফঙ্কসন তৌদবা থায়রোইদ গ্লান্ড অমনা নৌনা পোকপা অঙাং 4,000 গী মনুংদা অঙাং অমদা শোকহল্লি। করিগুম্বা প্রোব্লেম অদু চুমথোকহৌদ্রবদি, অঙাং অদু ফিজিকেল্লি অমসুং মেন্টেল্লি রিটার্দেদ ওইরকপা য়াই।

মখাদা পীরিবা কন্দিসনশীং অসিনা হায়পোথায়রোইদিজম থোকহল্লি:

• গ্রেভস দিজিজ (Graves’ disease)না, থায়রোইদ গ্ল্যান্ড অপুনবদু ওভরএক্টিভ ওইহল্লকপা য়াই অমসুং মসিনা হোর্মোন কা হেন্না পুথোরকপা য়াই।
• নোদ্যুলস অসি থায়রোইদকী মনুংদা ওভরএক্টিভ ওইরকপা য়াই।
• থায়রোইদাইটিস, হায়রিবা নাবা ফাউবা নত্ত্রগা নাবা ফাউদবা দিসওর্দর অসিনা, থায়রোইদ গ্ল্যান্ডদা ষ্টোর তৌশিল্লিবা হোর্মোনশীং থাদোরক্তুনা চয়োল নত্ত্রগা থা খরগী ওইনা হায়পোথায়রোইদিজম থোকহল্লি। নাবা ফাউদবা মখল অসিনা নুপীশীংনা অঙাং উন্নরবা মতুংদা খ্বাইদগী হেন্না তোইনা থোক্কল্লি।
• আইওদিন কা হেন্না য়াউবসি দ্রগ কয়াদা থেংনৈ অমসুং মসিনা থায়রোইদপু করিগুম্বদা মীওই খরদদি হোর্মোন কা হেন্না ৱাংনা অদুগা করিগুম্বদনা কা হেন্না নেম্না পুথোকহনবা য়াই।

হায়পোথাইরোদিজম অমসুং হায়পরথায়রোইদিজমগী সিম্পটমশীংদু করি করিনো?

মখাদা পীরিবশীংসি হায়পোথায়রোইদিজমগী সিম্পটম (লাইওং)নি:

• চোকথবা
• থাগী খোংকাপ তোইনা, চাং য়াম্না চৎপা
• কাউজন থীবা
• হকচাংগী অরুম্বা হেনগৎপা
• উনশা, শম মচু থোক্তবা অমসুং কংবা (Dry, coarse skin and hair)
• খোন হৌবা (Hoarse voice)
• অঈংবদা খাংবা ঙমদবা

মখাদা পীরিবসিংসি হায়পরথায়রোইদিজমগী সিম্পটমশীংনি:

• শাউগনবা/ পাখৎপা (Irritability/nervousness)
• মসল শোন্থবা/ নিকপা
• থাগী খোংকাপ তোয়দনা, চাং য়ামদনা চৎপা
• অরুম্বা হন্থবা
• তুম্বা য়াদবা
• থায়রোইদ গ্ল্যান্ড চাউথোকপা
• উবগী প্রোব্লেমশীং নত্ত্রগা মীৎ নাবা (Vision problems or eye irritation)

• মৈশাদা খাংবা ঙমদবা (Heat sensitivity)

থায়রোইদ দিজিজ অসি ঙন্না খংদোকহৌরবদি, লাইওংশীং (সিম্পটমশীং) থোরক্ত্রিঙৈদফাউবা দিসওর্দর অসি কন্ত্রোল তৌবা ঙম্মী। থায়রোইদ দিজিজ অসি পুন্সি চুপ্পগী ওইবা (life-long) কন্দিসনশীংনি। চেক্সিন্না য়েংশিল্লবদি, থায়রোইদ দিজিজ লৈবা মীওই পুম্নমক্না মশা-মউ ফনা, নোর্মেল ওইবা পুন্সি মহিং অমা হিংবা ঙম্মী।

ঈশীংদা ফ্লুওরাইদ য়াউবা অমসুং হায়পোথাইরোইদিজম

য়ুনিভর্সিটি ওফ কেন্টকী রিসর্চরশীংগী মতুংইন্না, অকক্নবা লেভেল অমদগী হেন্না ঈশীংদা ফ্লুওরাইদ য়াউবগা অন্দরএক্টিভ থায়রোইদ (underactive thyroid) অমসুং হকচাংগী অরুম্বা হেনগৎহনবা অমসুং দিপ্রেসন (পুক্নিং ৱাবা) থোকহনবা য়াবা হায় হায়পোথাইরোইদিজম (high hypothyroidism)গী পানরম্বা চাংদগী চাদা 30 হেনগৎপগা মরি লৈনবা থেংনখি। ষ্টদি অসি জর্নেল ওফ ইপিদেমিওলোজি এন্ড কম্যুনিটি হেলথতা ওনলাইন ওইনা ফোংখ্রে।

মরি লৈনবা রিসোর্সশীং

• থায়রোইদ প্রোব্লেমস–খ্বাইদগী কমন ওইবা থায়রোইদকী প্রোব্লেমশীং, সিম্পটমশীং অমসুং লাইয়েং