পার্কিনসনস দিজিজ

পার্কিনসনস দিজিজ হায়বসি করিনো?

পার্কিনসনস দিজিজ (PD) হায়বসি নহাক্না লেং-ওৎপদা শোকহল্লিবা নর্ভস সিষ্টেমগী ক্রোনিক অমসুং প্রোগ্রেসিভ (chronic and progressive) ওইবা দিসওর্দর অমনি। মসিনা দোপামাইন (dopamine) পুথোক্লিবা ব্রেনদা লৈবা নর্ভ সেলশীংদা শোকহল্লি। দোপামাইন হায়বসি ঐখোয়না লেং-ওৎপগী অমসুং কোওর্দিনেসনগী কন্ত্রোল তৌরিবা ব্রেনগী শরুক অদুদা মেসেজ থারিবা কেমিকেল অমনি। পার্কিনসনস দিজিজনা খুমাং চাউশিল্লক্লিবমখৈ, হায়বদি মসিগী লাইওংশীং অসি মতমগী মতুংইন্না ফৎচিল্লক্ত্রিবমখৈ, ব্রেনদা দোপামাইন পুথোকপা হন্থরকই, অমসুং মসিদগী মীওই অদুদা লেং-ওৎপসি কন্ত্রোল তৌবা ঙমদে। পার্কিনসনস দিজিজ অসি হেন্না অহল ওইবশীংদা হেন্না কমন ওই অমসুং মহৌশানা চহি 50মুক শুরকপদা হৌগল্লি।

লাইওংশীং

পার্কিনসনস দিজিজগী লাইওং অসি মীওই অমগা মীওই অমগা মান্নদে অমসুং মখোয়দা মখাদা পীরিবশীংসি য়াউবা য়াই:

• খুৎ, পাম্বোম, খোং, খয়াৎ অমসুং মায় নিকপা।
• চপ তিংনা ফাজিনবা (Stiffness), লেং-ওৎপদা তপ্পা।
• লেং-ওৎপদা তপ্পা।
• চৎপদা ৱাবা অমসুং খোংজেল তপ্পা।

লাইওংশীং অসি কন্দবা নত্ত্রগা শাথীদবা নত্ত্রগা তোইনা তৌদবগুম্না উরবসু, পার্কিনসনস দিজিজদা মখাদা পিরিবা ষ্টেজ মঙা অসি লৈ:

• অহানবা ষ্টেজ: মসি লায়না অসিগী অহৌবা ষ্টেজনি অমসুং লাইওংশীং অসি কন্দবা ওইনা উই। লাইওংশীংগী মনুংদা ফজনা উবা ফংদবা মওংদা নিকপা, খোং নাম্বা নিকপা, চুম্না লেপ্পা ঙমদবা, বেলেন্স পুবা ঙমদবা, অমসুং ময়ামগা মান্নদবা মওংগী মাইথোং উৎপা।
• অনিশূবা ষ্টেজ: অনিশূবা ষ্টেজ অসিদা, পেসেন্ট অদুগী মখোং অনিমক্তা অমসুং হকচাংগী নাকল অনিমক্তা শোকহল্লি। পেসেন্ট অদুনা মহৌশানা, চৎপা নত্ত্রগা বেলেন্স পুবদা ৱানা থোকই অমসুং মখোয়না তৌজবা থবকশীং মপুংফানা পাংথোকপা ঙমদে।
• অহুমশুবা ষ্টেজ: ষ্টেজ অসিদা, লাইওংশীং অদু হেন্না শাথীবা ওইরকই। পেসেন্ট অদুনা চুম্না চৎপা নত্ত্রগা লেপ্পা ঙমলক্তে।
• মরিশুবা ষ্টেজ: লায়না অসিগী ষ্টেজ অসিনা অহুমশুবা ষ্টেজদগী হেন্না শাথী। পেসেন্ট অদু চৎপদি ঙম্মী, অদুবু লেং-ওৎপদা তপ্পী। ষ্টেজ অসিদা পেসেন্ট অয়াম্বদি মখোয়না নুংতিগী তৌবা মথৌশীং অদু লোইশীনবা ঙমদে, অমসুং মহৌশানা মসাগী তাইবংদা হিংবা ঙমদে।
• মঙাশুবা ষ্টেজ: পার্কিনসনস দিজিজগী অরোইবা ষ্টেজ অসিনা পেসেন্ট অদুগী ফিজিকেল বোদি মুভমেন্টশীংদা শোকহল্লি। পেসেন্ট অদুনা চৎপা নত্ত্রগা লেপ্পা ঙমদে অমসুং মতম পুম্বদা য়েংশিনবা অমসুং মতেং মথৌ তাই।

পার্কিনসনস দিজিজ অসি মতৌ করম্না থোক্লকপগে?

লায়না অসিগী থোরকপগী মরম অসি হৌজিকসু খংদ্রি। অদুম ওইনমক, পার্কিনসন দিজিজ অসি পারি-পুরিদগী থংথরকপা ওইবা য়াবগী প্রমাণ লৈ।

পার্কিনসনসকী রিস্ক হেনগৎলকপগা লোয়নবা অকোয়রোনগী ওইবা ফেক্টর কয়ামুক লৈ, মখোয়দুগী মনুংদা, পেষ্টিসাইদকা শোক্ন-শম্নরুবা, কোক্তা শোকপা অসিনসিংবসিসু য়াউই। খূঙ্গংগী অকোয়রোন অমসুং গুহাদগী ঈশীং থকপনসু রিস্ক লৈহনবা য়াই মরমদি মখোয় অসি পেষ্টিসাইদশীংদা এক্সপোজ তৌনবগী নাকোইনবা লম্বী অমনি। সাইন্টিষ্টশীংনা মসিমসু হায় মদুদি মপানগী নত্ত্রগা মনুংগী হু-চেনবা পোৎশকশীংনসু দোপামিনরজিক ন্যুরোনশীং (dopaminergic neurons) খনগত্তুনা মাংহনবা য়াই। পার্কিনসনসকা মরি লৈনবা অতৈ হু-চেনবা পোৎশকশীংগী মনুংদা মেঙ্গানিজ, কার্বোন দাইসলফাইদ, অমসুং কার্বোন মোনোক্সাইদ অসিসু য়াউরি।

মসিমসু থাজনৈ মদুদি ওক্সিদেটিভ ষ্ট্রেস (oxidative stress)নসু পার্কিনসনস দিজিজ অসি থোকহনবা য়াই। ওক্সিদেসননা ন্যুরোনশীং য়াউনা টিসুশীংদা অমাং-অতা থোকহল্লি হায়না খন্নৈ।

পার্কিনসনস দিজিজগা লিঙ্ক তৌবা ময়ামগা মান্নদবা নর্ভ ফঙ্কসন অসি করিনা থোকহনবগে হায়বসি ময়েক শেংনা খংদ্রবসু, পার্কিনসনস দিজিজগা মান্নবা লাইওংশীং থোকহনবা অকক্নবা কন্দিসন অমসুং মেদিকেসন খরদি লৈ। মখোয়গী মনুংদা মখাদা পীরিবশীংসি চল্লি:

• ষ্ট্রিট দ্রগশীং: সিন্থেটিক হিরোইন কন্টামিনেন্ট অমা ওইরিবা MPTP অসিনা শাথীবা পার্কিনসনস দিজিজগা মান্নবা লাইওংশীং থোকহনবা য়াই।
• ব্লদ ভেসেল দিসওর্দরশীং: তোইনা থোকপা নত্ত্রবসু, ষ্ট্রোক অমসুং এথেরোস্কলেরোসিস (আর্টরিশীং কনশীনবা)না পার্কিনসনস দিজিজগা মান্নবা লাইওংশীং থোকহনবা য়াই।
• মেদিকেসন: শাথীবা পেরানোইয়া অমসুং সিজোফ্রেনিয়া (paranoia and schizophrenia ) লাইয়েংবদা শীজিন্নবা এন্টিসাইকোটিক্সকুম্বা অকক্নবা হিদাক খরনা মীওই অমদা পার্কিনসনস দিজিজগা মান্নবা লাইওংশীং থোকহল্লকপা য়াই।
• শাই-দ্রেগর সিন্দ্রোম (Shy-Drager syndrome): মসি পার্কিনসনস দিজিজগা মান্নবা লাইওংশীং পুথোকপা, য়াম্না তোইনদি থোক্কন্দবা দিজেনেরেটিভ কন্দিসন অমনি।

ফেক্টরশীং অসি পুন্সিন্দুনা লায়না অমা থোকহল্লকপা য়াই হায়না অয়াম্বা রিসর্চরশীংনা হায়।

পার্কিনসনস দিজিজ অসি থীংবা ঙম্ব্রা?

হৌজিক ফাউবদি, পার্কিনসনস দিজিজ অসিবু ফহনবা নত্ত্রগা থীংবা ঙম্বা ওইদ্রি। অদুবু, পার্কিনসনস দিজিজগী ইফেক্ট হন্থহনবা ঙম্বা লাইয়েংগী ওপশনশীং নত্ত্রগা সর্জিকেল প্রোসিদ্যুওরশীং নত্ত্রগা দ্রগ থেরাপি কয়াদি লৈ।

লাইয়েংবগী প্রোসিদ্যুওরশীং

হৌজিক্কী ওইনদি পার্কিনসনস দিজিজবু ফহন্নবা লাইয়েং অমত্তা লৈত্রি, অদুবু হিদাক-লাংথক, সর্জরি অমসুং মল্টিদিসিপ্লিনরি মেনেজমেন্টনা লাইওংশীংদগী রিলিফ পীবদি ঙম্মী, অদুবু মসিনা লায়না অসিগী ইফেক্টসীংদগী হান্নগী ফিভমদা হঞ্জিনহনবদি ঙমদ্রি।

সোর্স: পোর্টেল কন্টেন্ট টিম