অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ষ্ট্রোক

ষ্ট্রোক নত্ত্রগা ব্রেন এটেক্ট অসি চহি 60গী মথক্তা লৈবা মীওইশীংদা শীবা-নাবা থোকহল্লিবা অমসুং চহি খুদিংগী ভারত্তা মীওই লাখ 17পু অৱাবা তাহল্লিবা অনিশুবা মরুওইবা মরমনি, অদুবু এক্সপর্টশীংগী মতুংইন্নদি মসি থীংবা অমসুং লাইয়েংবা ঙম্মী হায়রি। “মেলেরিয়া, ট্যুবরক্যুলোসিস অমসুং AIDSনা পুন্সিন্দুনা শিহনবদগীদি ষ্ট্রোক্না শিহনবনা হেল্লি। মসিগী কেসকী চাদা 80দদি, মসিবু থোকহল্লিবা মরম অসি হায় ব্লদ প্রেসর অমসুং হায়পরটেন্সননা ওই, অমসুং মসি পর্মিসিবল লেভেল অমদা কন্ত্রোল তৌবা মথৌ তাই।

  • ষ্ট্রোক অমা হায়বসি ব্রেনগী শরুক অমদা ঈগী সপ্লাইদা অপন-অরাক পীরবা নত্ত্রগা শাথীনা হন্থখিদুনা, ব্রেন টিসুদা ওক্সিজেন অমসুং ফুদ ফংলক্তবা মতমদা থোকই। মিনট খরগী মনুংদা ব্রেন সেলশীং শীবা হৌই।
  • ষ্ট্রোক অমা হায়বসি মেদিকেল এমর্জেন্সি অমনি। খুদক্তা লাইয়েংবা য়াম্না মরুওই। ঙন্না লাইয়েং ফংহনবনা ব্রেন শোকপা অমসুং ওইরকপা য়াবা কমপ্লিকেসনশীং হন্থহনবা ঙম্মী।
  • সেকেন্দ তরুক খুদিংগী, মফম অমদা মীওই অমদি ষ্ট্রোকতগী শিরি অমসুং মীওই তরুক্কী মনুংদা অমদি মখোয়গী মপুন্সিদা ষ্ট্রোক অমা থেংনৈ।

লাইওংশীং

করিগুম্বা মীওই অমদা ষ্ট্রোক অমা লৈরম্বা য়াই হায়না চিংনরবদি মখাদা পীরিবা খুদম অমসুং লাইওংশীং অসি য়েংশিল্লু। করম্বা মতমদা খুদম অমসুং লাইওংশীং অসি হৌরকপগে হায়বদু নোট তৌশিল্লু, মরমদি মখোয়না লৈরিবা মতমগী অশাংবদুনা লাইয়েংবগী দিসিজনশীংদা লমজিং-লমতাক পীগনি।

  • ৎপদা ৱাবা: খুদক্তা কোক ঙাউরকপা, বেলেন্স মাংবা নত্ত্রগা কোওর্দিনেসন লৈতবা।
  • ৱা ঙাংবা অমসুং খংজিন-হৌজিনবদা ৱাবা: চমম্নবা ৱাখল থোক্তবা লৈগনি। মরোল ফাইবা নত্ত্রগা নঙোন্দা করিগুম্বা খরা খংহন্নবা অচুম্বা ৱাহৈ ফংবা ঙমদবা (aphasia) অসিনচিংবা থোকই। অচম্বা ৱাহৈ পরেং অমা হঞ্জিন হঞ্জিন হায়দুনা য়েংউ। ষ্ট্রোক অমা থোকখিরম্বা য়াই।
  • নহাক নশাগী হকচাং নাকল অমদা পেরালাইসিস নত্ত্রগা শিথবা: হকচাং নাকল অমদা খংহৌদনা শিথবা, শোন্থবা নত্ত্রগা পেরালাইসিস লৈরকপা য়াই। মতম অমত্তদা পাম্বোম অনিদু নকোক্তগী হেন্না ৱাংনা থাঙ্গৎনবা হোৎনৌ। করিগুম্বা পাম্বোম অমনা মখারোমদা তারকপা হৌরক্লবদি ষ্ট্রোক অমা লৈখিরম্বা য়াই। মসিগা মান্ননা, মোমোন নোক্নবা হোৎনবা মতমদা চিনগী নাকল অমা চোন্থবা (droop) য়াই।
  • মীৎ অমা নত্ত্রগা অনিমক্না য়েংবদা ৱাবা: খংহৌদনা ময়েক শেংদবা নত্ত্রগা মুশিনবা ভিজন অমা লৈরকপা য়াই, নত্ত্রগা অনি-অনি ওইনা উরকপা য়াই।
  • কোক চিকপা: খংহৌদনা, ওবা, কোক ঙাউবা নত্ত্রগা ৱাখল মাংবগা লোয়নবা য়াম্না শাথীবা “খজিক্তংদগী য়াম্না কনবা ওইরকপা” মওংগী কোক চিকপা লৈরক্লবদি ষ্ট্রোক অমা লৈরে হায়বা তাকপা ওইবা য়াই।
  • করিগুম্বা ষ্ট্রোক অমগী খুদম নত্ত্রগা লাইওং উরবদি, মখোয়দু অমুক উবা অমুক মাংখিবা মওংগী ওইরবসু, খুদক্তা 108দা নত্ত্রগা লোকেল এমর্জেন্সি নম্বরদা কোল তৌগদবনি। মিনট খুদিং য়াম্না মরুওই। লাইওংদু মাংখিব্রা হায়বদু য়েংদুনা লৈরোইদবনি।
  • ষ্ট্রোক অমবু শাংনা লাইয়েংদ্রবদি, মদুনা ব্রেন মাংহনবা নত্ত্রগা দিসএবিলিটি লৈহনবগী চাং হেল্লি। ইভাল্যুএসন অমসুং ত্রিটমেন্টগী ইফেক্ট হেনগৎহন্নবগীদমক, অহানবা লাইওং হেক লাকপগা মিনট 60গী মনুংদা এমর্জেন্সি রুমদা পুশিনবনা খ্বাইদগী ফৈ।
  • করিগুম্বা কনাগুম্বা অমদা ষ্ট্রোক অমা লৈরে হায়না চিংনরবদি, এমর্জেন্সি এসিষ্টেন্স ঙাইরিঙৈদা মীওই অদুবু কুপ্না য়েংগদবনি।
  • করিগুম্বা মীওই অদু শ্বর হোনবা লেপখ্রবদি চিন্দগী চিন্দা শ্বর কামসিন্দুনা হোলহন্নবা হোৎনগদবনি।
  • করিগুম্বা ওবা য়াউরবদি, শ্বর ফুনবা থোক্তনবা মীওই অদুগী মকোক অদু নাকল অমদা চেপহল্লু।
  • মীওই অদু চাবা নত্ত্রগা থকপদগী লাপ্না থম্মু।
  • ষ্ট্রোককী মরুওইবা মখল অসি অনি শুই।
  • খ্বাইদগী কমন ওইবা মখল ওইরিবা ইস্কেমিক ষ্ট্রোক (ischemic stroke) অসি আর্টরি অমদা অথীংবা পীবদগী থোকই।
  • অতোপ্পা মখল ওইরিবা হেমোরেজিক ষ্ট্রোক (hemorrhagic stroke) অসি ব্লদ ভেসেল য়ুবা নত্ত্রগা পোকখায়বা লৈরবা মতমদা থোকই।
  • করিগুম্বা মতমদা মিনি ষ্ট্রোক হায়নসু কৌনবা ত্রান্সিএন্ট ইস্কেমিক এটেক (TIA) অসিনা ব্রেন ফাউদুনা ঈ চেনবদা মতম খরগী ওইনা অপন-অরাক পী।

ইস্কেমিক ষ্ট্রোক(Ischemic stroke)

ষ্ট্রোকশীংগী মনুংদা চাদা 90 রোমদি ইস্কেমিক ষ্ট্রোকশীংনি। মখোয় অসি ব্রেন য়ৌনা চেল্লিবা আরটেরিশীংদা খুজিল্লকপা নত্ত্রগা অথীংবা পীবদগী, ঈ চেনবা শাথীনা হন্থহনবা (ischemia) থোকহল্লি। ঈ চেনবা ৱাৎপনা ব্রেন সেলশীংদা ওক্সিজেন অমসুং ন্যুত্রিএন্টশীং ফংহন্দে, অমসুং সেলশীংনা মিনট খরগী মনুংদা শীবা হৌরকপা য়াই। খ্বাইদগী কমন ওইবা ইস্কেমিক ষ্ট্রোককী মখল অসি মখাদা পীরি:

থ্রোমবোটিক ষ্ট্রোক(Thrombotic stroke)

ষ্ট্রোককী মখল অসি ব্রেনদা ঈ পীরিবা আরটেরিশীংগী মনুংদগী অমদা ঈ ফমজিনবগী (thrombus) মওং অমা লৈরকপা মতমদা থোকই। ফমজিনবসি (clot) মহৌসানা, ফেটি দিপোজিটশীং (প্লেকশীং)না অরটেরিশীংদা ফুনজিনবা (clogged) লায়না অমা ওইরিবা, এথেরীস্কেলেরোসিসনা শোকহল্লবা মফমশীংদা লৈগল্লি। প্রোসেস অসি ব্রেনদা ঈ পুরিবা ঙকশমগী কেরোটিদ অরটেরি অনিগী মনুংদগী অমগী মনুংথংবদা, অমসুং ঙক নত্ত্রগা ব্রেনগী অতৈ অরটেরিশীংদা থোকপসু য়াই।

এমবোলিক ষ্ট্রোক

ঈ ফমজিনবা (blood clot) অমা লৈবা নত্ত্রগা ব্রেনদগী লাপ্না লৈবা ব্লদ ভেসেল অমদা, কমন ওইনা হার্টতা অতৈ অমোৎ-অকায়শীং লৈবা অমসুং হেন্না খুজিনবা ব্রেন আরটেরিশীংদা তুংনবগীদমক ঈগী খোংজেলদা য়াউখিবা মতমদা এম্বোলিক ষ্ট্রোক (embolic stroke) অমা থোকপা য়াই। অসিগুম্বা মখলগী ঈ ফমজিনবসিবু এম্বোলস অমা হায়না কৌই। মসি হার্টকী মথক থংবা চেম্বর অনি (atrial fibrillation)দা চাং নাইদনা চোঙবনা থোকহল্লি। অসিগুম্বা মহৌশাগা মান্নদনা হার্ট চোংবনা হার্টতা ঈ তুংশিনবা অমসুং হকচাংগী অতৈ শরুকশীংদা চেনখিগদবা ঈ মপং শেম্বগী থৌওং থোকহল্লি।

হেমোরেজিক ষ্ট্রোক

হেমোরেজ অসি ঈ থোকপগী মেদিকেল টর্ম অমনি। হেমোরেজিক ষ্ট্রোক অসি ব্লদ ভেসেল অমনা ব্রেনদা য়ুবা নত্ত্রগা পোকখায়বা লৈরকপা মতমদা থোকই। ব্রেন হেমোরেজশীং অসি অনকন্ত্রোল হায় ব্লদ প্রেসর (হায়পরটেন্সন) অমসুং নহাক্কী ব্লদ ভেসেল ৱালদা (aneurysms) অশোনবা মফম লৈবা অসিনচিংবা য়াউনা কন্দিসন কয়ানা থোকহল্লি। হেমোরেজ থোকহল্লিবা মরমশীংগী মনুংদা য়াম্না তোইনদি থোক্তবা, অরটেরিওভেনস মালফোর্মেসন (AVM) কৌবা পোক্লকপদা য়াউরকপা অপাবা ৱাল লৈবা ব্লদ ভেসেলশীংদা মহৌশাগা মান্নদবা অনংবা (abnormal tangle) অমা লৈবদগী পোকখায়বসিসু অমনি। হেমোরেজিক ষ্ট্রোককী মখল অনি লৈ, মখোয় অদু মখাদা পীরি:

ইন্ত্রাসেরেব্রেল হেমোরেজ

ষ্ট্রোক মখল অসিদা, ব্রেনদা লৈবা ব্লদ ভেসেল অমা পোকখায়রকই অমসুং অকোয়বদা লৈবা ব্রেন টিসুশীংগী সেলশীংবু মাং-তাকহন্দুনা চাইখাই। অয়ুবা (leak) অদুনা য়ৌহৌদবা ব্রেন সেলশীংদা ঈ ফংদবনা মরম ওইদুনা মখোয়দুসু মাং-তাকই। হেমোরেজিক ষ্ট্রোক মখল অসিবু খ্বাইদগী কমন ওইনা থোকহল্লিবা মরম অসি হায় ব্লদ প্রেসর অসিনি। মতমগী মতুংইন্না, হায় ব্লদ প্রেসরনা ব্রেন মনুংদা লৈবা অপিকপা অরটেরিশীং অদুবু চেকখায়গনবা অমসুং পোকখায়গনগদবা (brittle) মওংগী ওইহল্লকপা য়াই।

সুবারাকনোইদ হেমোরেজ (Subarachnoid hemorrhage)

ষ্ট্রোক মখল অসিদা, ঈ থোকপসি আরটেরি অমদগী নত্ত্রগা ব্রেনগী মমাই (surface) মনাক্তগী হৌরকই অমসুং ব্রেনগী মমাই অমসুং নহাক্কী স্কল (skull)গী মরক্তা লৈবা অহাংবা মফমদুদা চাইখাই। ঈ থোকপা (bleeding) অদু খংহৌদবা, শাথীবা “নোংথাং” গুম্না কোক চিকপা অমনা সিগ্নেল পীরকই। ষ্ট্রোক মখল অসি কমন ওইনা, চহিগী মতুংইন্না নত্ত্রগা পোকপদগী য়াউরকপা এন্যুরিজম (aneurysm) অমা পোকখায়বদগী থোক্কল্লি। হেমোরেজ অদুগী মতুংদা, ব্রেনদা লৈবা ব্লদ ভেসেলশীং অদু মাংজৌননা খংবা ঙমদবা মওংদা পাকথোরকপা অমসুং খুজিল্লকপা (মসিনা ব্রেনগী শরুকশীংদা ঈগী খোংজেল য়াম্না হন্থহন্দুনা ব্রেন সেল মাং-তাকহনবা) য়াই।

ত্রান্সিএন্ট ইস্কেমিক এটেক (TIA)

করিগুম্বা মতমদা মিনি ষ্ট্রোক হায়নসু খংনবা ত্রান্সিএন্ট ইস্কেমিক এটেক (TIA) অসি ষ্ট্রোক অমগী লাইওংগা মান্নবা অতেনবা মতমগী লাইওং অমনি। ত্রান্সিএন্ট ইস্কেমিক এটেক অমবু থোকহল্লক্লিবা মরম অসি ব্রেনগী শরুক্তা ঈগী সপ্লাই মতম খরগী ওইনা হন্থরকপননি। TIA কয়াদি মিনট মঙাদগী হন্থবা মতমগী ওই।

লাইওংশীং অদু হনখ্রে হায়না লৌরবফাউবদা এমর্জেন্সি কেয়রদি লৌগদবনি। TIAনা খংহনবা, হায়বদি ব্রেন য়ৌবা আরটেরি অমদা খরা ফুনবা নত্ত্রগা খুজিনবা অমা লৈরে হায়বা মরম্না পর্মেনেন্ট ওইনা অমাং-অতা থোকহনবা য়াবা মপুংফাবা ষ্ট্রোক অমগী (full-blown stroke) অচৌবা রিস্ক অমদি অদুম লৈরিবনি। মসিগা লোয়ননা, নঙোন্দা ষ্ট্রোক অমা নত্ত্রগা TIA অমা লৈখিব্রা হায়বদুসু নহাক্কী লাইওংশীং অদুখক্তদা য়ুম্ফম ওইদুনা হায়বসু ঙমদে। লাইওংশীং হন্থখ্রে হায়রিবা মীওইশীং অদুগী মনুংদা তঙখায় অমগীদি তশেংনা ব্রেনবু মাং-তাকহল্লিবা ষ্ট্রোক অমদি লৈগল্লি। ফেক্টর কয়ানা নঙোন্দা ষ্ট্রোক অমগী রিস্ক হেনগৎহনবা য়াই। মসিগী মনুংদা য়াউরিবা ফেক্টর কয়ানা নঙোন্দা হার্ট এটেক অমা লাক্নবগী ওইথোকপা হেনগৎহল্লি।

ষ্ট্রোককী রিস্ক ফেক্টরশীং

ষ্ট্রোক, হার্ট এটেক নত্ত্রগা TIA তৌখিবগী ইশাগী নত্ত্রগা ফেমিলিগী হিষ্টরি

  • চহি 55 নত্ত্রগা মসিগী মথক।
  • হায় ব্লদ প্রেসর – ষ্ট্রোককী রিস্ক অসি মর্ক্যুরি (mm Hg)গী মিলিমিটর 115/75 দগী হেন্না ৱাংখৎপা ব্লদ প্রেসর রিদিং লৈরকপা মতমদা ষ্ট্রোককী রিস্ক হেনগৎপা হৌরকই। নহাক্কী দোক্টরনা নহাক্কী চহি, নঙোন্দা দাইএবেটিজ লৈবা লৈতবা অমসুং অতৈ ফেক্টরশীংগী মখা পোন্না টার্গেট ব্লদ প্রেসর অমা লেপ্পদা নংবু মতেং পাংগনি।
  • কোলেষ্টেরোল ৱাংবা – দেসিলিটর অমদা মিলিগ্রাম (mg/dL) 200গী মথক্তা লৈবা অপুনবা কোলেষ্টেরোল লেভেল, নত্ত্রগা লিটর অমদা মিলি মোল (mmol/L) 5.2 লৈবা।
  • চুরুট থকপা নত্ত্রগা মৈখু শিজিন্নবশীংদগী মৈখু লৌশিনবা।
  • দাইএবেটিজ লৈবা।
  • অরুম্বা হেনবা (25দগী 29 ফাউবগী বোদি মাস ইন্দেক্স লৈবা) নত্ত্রগা কা-হেন্না নোইবা (obese) (30 নত্ত্রগা মসিদগী হেনবা বোদি মাস ইন্দেক্স লৈবা)।
  • ফিজিকেল ইনএক্টিভিটি।
  • হার্ট ফেল ওইবা, হার্টতা অশোয়বা লৈবা, হার্ট ইনফেক্সন, নত্ত্রগা নোর্মেল ওইদবা হার্টকী রিদম (heart rhythm) অসিনচিংবা কার্দিওভাস্কুলর দিজিজ লৈবা।
  • অঙাং পোকপা কন্ত্রোল তৌনবা পিল নত্ত্রগা এষ্ট্রোজেন য়াউবা হোর্মোন থেরাপি শিজিন্নবা।
  • য়ু কা হেন্না থকপা।
  • কোকেইন অমসুং মেতামফেটামিনসকুম্বা আইন্না য়াদবা দ্রগশীং শিজিন্নবা।
  • ষ্ট্রোককী রিস্ক অসি চহিগী মতুংইন্না হেনগৎলকপা, অমদি নুপীনা নুপাদগী হেন্না শাংনা হিংগনবা মরম্না, নুপাদগী নুপীশীংদনা হেন্না ষ্ট্রোক লৈগল্লি অমসুং চহি খুদিংগী শিহল্লি। অতৈ জাতি কাংলুপশীংদগীদি অমুবা জাতিদনা হেন্না ষ্ট্রোক লৈগল্লি।

কমপ্লিকেসনশীং

  • ষ্ট্রোক অমনা করিগুম্বা মতমদা, ব্রেনদা মতম কয়াম শাংনা ঈগী খোংজেল লেপখিবগে অমদি করম্বা শরুক্তা শোকহনখিবগে হায়বদুগী মখা পোন্না, টেম্পরেরি নত্ত্রগা পর্মেনেন্ট ওইবা দিসএবিলিটিশীং লৈহনবা য়াই। কমপ্লিকেসনশীংগী মনুংদা মখাদা পীরিবশীংসি য়াউবা য়াই:
  • ব্রেনগী অশোক-অপন অমহেক্তগা মরি লৈনবা কমপ্লিকেসনশীং অসি লাইয়েংবদা মায় পাকপগী চাং অসি মীওই অমগা মীওই অমগা খেৎনগনি।
  • পেরালাইসিস নত্ত্রগা মসল মুভমেন্ট লৈতবা: করিগুম্বা মতমদা ব্রেনদা ঈগী খোংজেল য়ৌবা ৱাৎপনা মীওই অমগী হকচাং নাকল অমদা পেরালাইজ ওইহনবা য়াই, নত্ত্রগা মায় নাকল অমগী মসলগুম্বা অকক্নবা মসল খরগী কন্ত্রোল মাংখিবা য়াই। ফিজিকেল থেরাপি তৌদুনা মসল মুভমেন্ট নত্ত্রগা পেরালাইসিসকী ইমপ্রুভমেন্ট অমা নহাক্না উবা ফংবা য়াই।
  • ৱা ঙাংবা নত্ত্রগা চানবা য়োৎপদা ৱাবা: ষ্ট্রোক অমনা মীওই অমদা মচিন অমসুং খৌনাউনা লেং-ওৎপগী মসলশীংগী কন্ত্রোল মাংহনখিবা য়াই, অমসুং মদুনা ৱা ঙাংবদা, চানবা য়োৎপদা নত্ত্রগা চাবদা ৱাবা থোকহনগনি। ষ্ট্রোক অমনা এফাসিয়া (aphasia), হায়বদি মীওই অমনা লোলগী খুত্থাংদা মহাক্কী অনিংবা ফোংদোকপা ৱাবগী থৌওং অসি থোকহনবা মরম্না ৱা ঙাংবদা ৱানা থোকপসু য়াই। স্পিচ অমসুং লেঙ্গুএজ পেথোলোজিষ্ট অমনা থেরাপি পীহন্দুনা দিসএবিলিটি অসিদগী ফগৎহনবা য়াই।
  • মেমোরি মাংবা নত্ত্রগা খংজিনবদা ৱাবা (Memory loss or trouble with understanding): ষ্ট্রোক অমা লৈখিবা মীওইশীংদা মেমোরি খরা মাংবা থোকপা হায়বসি কমন ওই। অতৈ মীওই কয়াদদি কন্সেপ্টশীংগী জজমেন্ট, রিজনিং অমসুং অন্দরষ্টেন্দিং লৈহনবদা ৱানা থোকই। কমপ্লিকেসনশীং অসি রিহেবিলিটেসন থেরাপিশীংনা ফগৎহনবা য়াই।
  • চৈনা ফাউবা (Pain): ষ্ট্রোক লৈখ্রবা মীওই খরদদি ষ্ট্রোক্না শোকহনখিবা হকচাংগী শরুকশীংদা চৈনা ফাউবা, পংশীনবা (numbness) নত্ত্রগা অতৈ অঙকপা ঈহুলশীং (strange sensations) থেংনবা য়াই। খুদম ওইনা হায়রবদা, করিগুম্বা ষ্ট্রোক অমনা ওইথংবা পাম্বোমদা ঈহুল (feeling) ফাউহন্দ্রবদি পাম্বোম অদুদা টেম্পেরেচরগী অহোংবশীংদা, মরুওইনা কা-হেন্না ঈংবা মতমদা সেন্সিটিভ ওইবা থোক্কল্লি। মসিবু সেন্ত্রেল ষ্ট্রোক পেন নত্ত্রগা সেন্ত্রেল পেন সিন্দ্রোম (CPS) হায়না কৌনৈ। কমপ্লিকেসন অসি মহৌশানা ষ্ট্রোক তৌখ্রবা মতুং চয়োল কয়া লৈরবা মতুংদা লাক্কল্লি, অমসুং মসি মতমগী মতুংইন্না ফগৎলকপা য়াই। অদুবু, চৈনা অদু ফিজিকেল ওইনা শোক-পনবনা থোকহনবা নত্তবনিনা অমদি ব্রেনদা থোকপা প্রোব্লেম অমনা ওইহনবা মরম্না CPS লাইয়েংনবগী হিদাক-লাংথকসি য়াম্না ফংদে।
  • লমচৎ-শাজৎ অমসুং ইশানা লৌজবা চেক্সিন-থৌরাংদা লাকপা অহোংবশীং (Changes in behavior and self-care): ষ্ট্রোক থেংনখ্রবা মীওইশীং অসি হেন্না পুক্নিং হন্থরকপা (withdrawn) অমসুং সোসিএল য়াম্না ওইদবা (less social) নত্ত্রগা পুক্নিংনা পাম্বা হেক্তা (impulsive) তৌগনবা ওইরকপা য়াই। মখোয় মশাবু কেয়র লৌজনবগী পাঙ্গল মাংলকপা য়াই অমসুং মখোয়গী নোংমগী পুন্সিদা মখোয়বু মতেং পাংবীনবগীদমক কেয়রটেকর অমগী মথৌ তারকপা য়াই।

সোর্স: পোর্টেল কন্টেন্ট টিম

অকোনবা শেমদোকখিবা : 10/23/2019



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate