শেয়র
Views
  • ষ্টেট শেমদোক্নবা হাংদোকউ

কালা-অজার

তোপিক অসিনা কালা-অজার লায়নাগী মরমদা অমসুং মসিবু কন্ত্রোল তৌনবা গবর্ণমেন্টনা পায়খৎলিবা থৌরাংশীংগী মতাংদা ইনফোর্মেসন পীরি।

কালা-অজার হায়বসি করিনো?

  • কালা-অজার (Kala-Azar) হায়বসি জিনস লৈসমেনিয়াগী প্রোটোজোয়ান পেরাসাইট অমনা থোকহনবা খোংজেল তপ্পা লমদমসিগী ওইবা (indigenous disease) লায়না অমনি।
  • ভারত্তদি লৈসমেনিয়া দোনোভানি অসি লায়না অসিবু থোকহল্লিবা অমত্তা ঙাইবা পেরাসাইটনি।
  • পেরাসাইট অসিনা মরুওইনা রেতিক্যুলোএন্দোথেলিএল সিষ্টেমদা শোকহল্লি অমসুং বোন মেরো (bone marrow), স্প্লিন অমসুং লিভরদা মরাং কায়না ফংবা য়াই।
  • পোষ্ট কালা-অজার দর্মেল লৈসমেনিয়াসিস (PKDL) অসি, লৈসমেনিয়া দোনোভানিনা উনশাগী সেলশীংদা লান্দাবা, লৈবা অমসুং দিভেলপ তৌবা মতমদা অমসুং উনশা থাগৎলকপদৌনা (dermal leisions) উরকপা মতমদা লৈবা কন্দিসন অমনি। কালা-অজারগী কেস খরদি চহি খরগী লাইয়েং মতুংদা PKDL লাকপা উবা ফংই। চৎখিবা মতম খরসিদা, PKDL অসি ভিসেরেল ষ্টেজ (visceral stage) ফাউদনা লাকপসু য়াই হায়বগী থাজবা লৈরে। অদুম ওইনমক, PKDL লাকপা উবগী মতাংদা মতিক চাবা দেটা পুথোকপা মথৌ তারি।

কালা-অজারগী খুদম অমসুং লাইওংশীং অদু করি করিনো?

  • মরক মরক্তা শরুক অনি হেন্না কনখৎলকপা হঞ্জিন-হঞ্জিন লাকপা লাইহৌ।
  • চানিং-থক্নিংবা পোক্তবা, কুচু থোক্তবা অমসুং অরুম্বা হন্থবা অমসুং তপ্না-তপ্না য়াং কংশিল্লকপা।
  • স্প্লিনোমেগালি – স্প্লিন অদু য়াংনা, মহৌশানা থোৎনা অমসুং পায়বদা নাদবা মওংদা য়াম্না চাউথোরকপা।
  • লিভর – স্প্লিননা চাউথোক্লিবগী চাংদু য়ৌদনা, থোৎনা, নান্না, অমসুং মচিন তুম্না চাউথোরকপা।
  • লিম্ফএদিনোপেথি – ভারত্তা য়াম্না তোইনা উবা ফংদে।
  • উনশা অদু মরেক-মহাউ থোক্তবা, পাথরকই অমসুং মকু থোক্লকই অমসুং শম কেল্লকপসু য়াউই। কুচু ঙৌ

    বা মীওইশীংদা খুৎ, খোং, পুক অমসুং মায়গী উনশাশীংদা উৎ মচু (grayish) উবা হৌরকই, অমসুং মসিদগী ভারত্তা মসিবু কালা-অজার, অর্থদি “ব্লেক ফিবর” হায়রগা খংনরি।
  • এনেমিয়া (Anaemia) – য়াংনা দিভেলপ তৌরকই।
  • শোন্থবা লৈরকই।

হকচাং কংশীল্লকপা অমসুং স্প্লিনোমেগালিগা লোয়নবা এনেমিয়া অসিনা অনাবশীংদা তোপ-তোপ্পা মওংগী শকফম অমা লাকহ

ল্লি।

পোষ্ট কালা-অজার দর্মেল লৈসমেনিয়াসিস (PKDL) হায়বসি করিনো?

পোষ্ট কালা-অজার দর্মেল লৈসমেনিয়াসিস হায়বসি লৈসমেনিয়া দোনোভানি পেরাসাইটশীং অসি উনশাদা ফংলকপা কন্দিসন অমনি। PKDL অসি ভারত্তা লৈবা কালা-অজারগী অনাবা খরদা, মহৌশানা কালা-অজারদগী ফরবা মতুং চহি 1-2 নত্ত্রগা মসিদগী হেনবা মতমদা দিভেলপ তৌরকই, অমসুং কালা-অজারনা নাদ্রবদি মসি তোইনা উবা ফংদে।

PKDLগী খুদম অমসুং লাইওংশীং অদু করি করিনো?

মোর্ফোলোজিকেল লেজনশীংগী (morphological lesions) মখলশীং:

  • লেপ্রোমেটস লেপ্রোসিগী কুচু ওল্লবা উনশাশীংগী মওংগা মান্নবা অঙনবা হায়পোপিগমেন্টেদ মেক্যুলশীং (Early hypopigmented macules), অদুবু মহৌশানা সেন্টিমিটর 1দগী হন্থবা ওই। মহৌশানা মসি মায়দা থোক্কল্লি অদুবু মসিনা হকচাংগী শরুক অমহেক্তদা শোকহনবা ঙম্মী।
  • মতুং তারকপা মতমদা (থা নত্ত্রগা চহি খরগী মতুংদা) মেক্যুলশীংদুগী নোদ্যুলর লেজনশীংদু কায়রকই।
  • নুংশাদা থোক্লুবা মতমদা হেন্না শোকচিনগদবা এরিথেমেটস বটরফ্লাই রাশ (Erythematous butterfly rash) অসি PKDLগী অঙনবা লাইওং খুদমনি।
  • এরিথেমাটস পেপ্যুলশীং অমসুং নোদ্যুলশীং অসি মহৌশানা মায়, মরুওইনা খদাংদা লাক্কল্লি।
  • লেজনশীং (Lesions) অসি চহি কয়া চংনা তপ্না তপ্না লাক্কল্লি, মশা মথন্তসু ফজগন্দে।

PKDLগী তাংনা উবা ফংবশীংগী মনুংদা মখাদা পীরিবশীংসি চল্লি:

  • অশোকপা মফম কয়ানা হেন্না চাউবা উনশা থাগৎপা অশোকপা মখল (larger plaque type lesions) শেম্লকপা।
  • মচিন থোক্লকপা অশোকপশীং (খুৎ অমসুং খোংশীংদা)
  • কোইনা পোমথোরকপশীং (Papillomatous lesions) (চিন, নাতোন, খদাং অমসুং চিনগী মতোনথংবা শরুক্তা)
  • হকচাং কয়াৎ চাউথোরকপা (মীৎপানশীং, নাতোন অমসুং চিনবানশীং)
  • উনশা ঙাংনা পোমখৎপা (শেগ্রাক্তা, পাম্বোম থেকচিনফম, ফৈগন তাইনফম, মীৎকী মপানথংবা মীৎথক অমসুং মীৎখা তাইনফম কাচিন)।
  • উনশা কংদুনা কেনবা মওংগী অশোকপা।

ঐচআইভি অমসুং কালা-অজার পুন্না নাবা (HIV and Kala-azar co-infection)

  • ভিসেরেল লৈসমেনিয়াসিস (VL) অসি ঐচআইভি (HIV) অমসুং অতৈ ইম্যুন ৱাৎপা অনাবশীংদা হেন্না নাগনবা ওই।
  • লৈবাক 25দগী HIV অমসুং VL গী কেস 1000 হেন্না লৈবা উখ্রে। অদুম ওইনমক, মসি ভারত্তা হৌজিক ফাউবদি শাথীবা প্রোব্লেম অমা ওইদ্রি।
  • VL অসি সিম্পতম লৈত্রিবা HIV-I গী ইনফেক্সন লৈরবা মীওইদা অহানবা ওপোরচুনিষ্টিক ইনফেক্সন (Opportunistic Infection) ওইবা য়াই।
  • মসি AIDS কী এদভান্স ওইরবা ষ্টেজদসু থোকই।
  • অনি অসি পুন্না নাবা অনাবা পুম্নমক লাইওং উত্তবা মখলদি ওইদে।
  • লাইওংশীং অদু অতেনবা মতমগী ওইবা মরম্না দাইএগ্নোসিস (লায়না খংদোকপা) অদু ওন্নবা য়াউই; ফিবর অমসুং স্প্লিন অদু মার্ক তৌদবা য়াই; লৈসমেনিয়া এন্টিবোদিশীং অসি দিতেক্ট তৌবা (খংদোকপা) ঙমদবা য়াউই।
  • অদুম ওইনমক বফিকোটকী পেরিফরেল ব্লদ স্মিয়ার অমসুং ব্লদ কলচরনা চানবা ফল পীবা য়াই।
  • লাইয়েংগী ফল লিকই; দ্রগকী সাইদ ইফেক্টনা হেনবা য়াই অমসুং অনাবদু অমুক হঞ্জিল্লকপা হায়বসি তোইনা থোকই।

মতৌ করম্না কালা-অজার অসি লৌনরকপগে/ শন্দোকপগে?

  • কালা-অজার অসি ভেক্টর বোর্ন দিজিজ (এজেন্ট অমগী খুত্থাংদা শন্দোকপা লায়না) অমনি।
  • জিনস ফ্লেবোটোমস অর্জেন্টিপিজগী মনুং চনবা সেন্দফ্লাই অসি ভারত্তা কালা-অজার শন্দোক্লি হায়না শকখংলবা অমত্তা ঙাইরবা এজেন্টনি।
  • ভারতকী কালা-অজার অসি এনথ্রোপোনোটিক ওইবগী তোপ-তোপ্পা এপিদেমিওলোজিকেল ফিচর (লাইচৎ শন্দোকপগী মশক) লৈ; মীওইবা অসি অমত্তা ঙাইরবা ইনফেক্সনগী রিজর্বর ওইনা শকখংই।
  • ফিমেল সেন্দফ্লাইশীংনা, মহিক অসি চেল্লবা মীওইবদা চিকপা মতমদা পেরাসাইট অসি (অমাষ্টিগোট নত্ত্রগা LD বোদিশীং) পুরকই।
  • পেরাসাইট অসিনা মোর্ফোলোজিকেলগী অহোংবা চত্থদুনা ফ্লেজিলেট (প্রোমাষ্টিগোট নত্ত্রগা লেপটোমোনাদ) ওইরকই, মসিনা সেন্দফ্লাইশীংগী গটতা (gut) দিভেলপ তৌদুনা অমদি মশীং য়ামখৎলক্তুনা মচিনগী শরুকশীংদা চংদুনা লৈখি।
  • মশা-মউ ফবা হ্যুমেন হোষ্টশীংদা (মীওইবশীংদা) মহিক অসি চেল্লবা সেন্দফ্লাই ভেক্টরশীংনা চিক্লবা মতমদা ইনফেক্সন লাকই।

ভারত্তা কালা-অজার ভেক্টর

  • ফ্লেবোটোমস অরেজেন্টিপিজ অসি ভারত্তা লৈবা কালা-অজারগী অমত্তা ঙাইরবা সেন্দফ্লাই ভেক্টরনি।
  • সেন্দফ্লাইশীং অসি, কাং অমগী শরুক মরি থোকপগী অমরোমতমক চাউবা অপিকপা তিন (ইন্সেক্ট) অমনি। সেন্দফ্লাই অমগী মশাগী অশাংবা অসি মিলিমিটর 1.5দগী 3.5 ফাউবা ওই।
  • মপুং-মরৈ ফারবা সেন্দফ্লাই অমসি মতু চোম্বা অপিকপা, অচৌবা চপ তিংবা মশা পানবা হয়িং (ফ্লাই) অমনি। মশাশীং য়াউনা মশা (বোদি) পুম্নমক্তা অশাংবা মতুশীংনা কুংনা পাল্লি।
  • মখোয়গী লাইফ সাইকলদা মরুম, মরুমদগী মচা, তিন মচা ওল্লকপা অমসুং মপুং-মরৈ ফারকপগী থাক মরি  অসি য়াউই। সাইকল অসিনা মপুং ফাবদা থা অমদগী হেন্না চংই, অদুম ওইনমক, মসিগী মতম অসি টেম্পেরেচর অমসুং অতৈ ইকোলোজিগী ওইবা ফিভমশীংগী মখা পোল্লি।
  • মখোয়না রিলেটিভ হ্যুমিদিটি ৱাংবা, অশাবা টেম্পেরেচর লৈবা, অৱাংবা সবসোইল ৱাটর অমসুং উ-ৱা মরাং কায়বা মফমদনা হেন্না লৈগল্লি।
  • সেন্দফ্লাইশীং অসিনা, মরুমদগী ওল্লকপা মচাশীংগী মচিঞ্জাক ওইগদবা ওর্গানিক্কী মচাক ৱাংনা ফংবা চুনবা মাইক্রো-ক্লাইমেটিক কন্দিসনশীংদা মরুম কোকই।
  • মখোয় অসি ইকোলোজিগী ওইনা সেন্সিটিভ ওইবা অমসুং য়াম্না শোনবা (fragile) ঈশীং মনিল লৈত্রবদি হিংবা ঙমদবা তিন-কাংশীংনি।

মতৌ করম্না কালা-অজার অসি দাইএগ্নোস তৌগদগে?

ক্লিনিকেল: চয়োল 2দগী হেন্না লাইহৌ হৌরবা অমসুং এন্টিমেলেরিয়া অমসুং এন্টিবাইওটিকশীংনা ফহনবা ঙমদ্রবা থৌওং। ক্লিনিকেল লেবোরেটরিদা ফংবশীংগী মনুংদা এনেমিয়া, প্রোগ্রেসিভ ল্যুকোপেনিয়া থ্রোম্বোসাইতোপেনিয়া অমসুং হায়পরগামাগ্লোবুলিনেমিয়া অসি মনুং চনবা য়াই।

লেবোরেটরি:

  • সেরোলোজি তেষ্টশীং: কালা-অজারগী দাইএগ্নোসিসকীদমক মখল-মখা কয়াগী টেষ্টশীং ফংই। খ্বাইদগী হেন্না কমন ওইনা শিজিন্নবা টেষ্টশীং অসি রিলেটিভ সেন্সিটিভিটিদা য়ুম্ফম ওই; স্পেসিফিসিটি অমসুং ওপরেসনগী মতুংইনবা ফিসিবিলিটিগী মনুংদা দাইরেক্ট এগ্লুটিনেসন টেষ্ট (DAT), rk39 দিপষ্টিক অমসুং ELISA অসি য়াউই। অদুম ওইনমক টেষ্ট পুম্নমক অসিনা শাংনা চৎপা IgG এন্টিবোদিশীং খংদোকই। এলদিহায়দ টেষ্ট (Aldehyde Test) অসি কমন ওইনা শিজিন্নৈ অদুবু মসি নন-স্পেসিফিক টেষ্ট অমনি। IgM দিটেক্টিং টেষ্টশীং অসি শেমগৎলি অমসুং ফিল্ডদা শিজিন্ননবগীদমক্তদি ফংদ্রি।
  • বোন মেরো/ স্প্লিন/ লিম্ফনোদ এস্পিরেসন নত্ত্রগা কলচর মেদিয়মদা পেরাসাইট দিমোন্সত্রেসন পাংথোকপা অসিনা লাইওং কনফার্ম তৌনবা টেষ্টশীংনি। অদুম ওইনমক, এস্পিরেসনগীদমক খল্লবা ওর্গান অদুগী মতুংইন্না সেন্সিটিভিটি অসি অমগা অমগা মান্নদে। স্প্লিন এস্পিরেসন অসিনা খ্বাইদগী ৱাংবা সেন্সিটিভিটি অমসুং স্পেসিফিসিটি (গোল্ড ষ্টেন্দর্দনি হায়না লৌনৈ) লৈরবসু মসি স্কিল লৈরবা প্রোফেসনেল অমনা চুনবা মাংজৌনবা চেক্সিন-থৌরাংশীংগা লোয়ননা অফবা হোস্পিটালগী ফেসিলিটি অমদখক্তদা পাংথোকপা য়াগনি।

দিফরেন্সিএল দাইএগ্নোসিস:

  • টাইফোইদ
  • মিলিয়ারি ট্যুবরক্যুলোসিস
  • মেলরিয়া
  • ব্রুসিলোসিস
  • এমোবিক লিভর এবসেস (Amoebic liver abscess)
  • ইনফেক্সিয়স মোনোন্যুক্লিওসিস (Infectious mononucleosis)
  • লিম্ফোমা, ল্যুকেমিয়া (Lymphoma, Leukemia)
  • ত্রোপিকেল স্প্লিনোমেগালি (Tropical splenomegaly)
  • পোর্টেল হায়পরটেন্সন (Portal hypertension)

কালা-অজারগী লাইয়েং অদু করি করিনো?

  • ভারত্তা ফংলিবা কালা-অজারগী হিদাকশীং।
  • সোদিয়ম ষ্টিবোগ্লুকোনেট (লৈবাক অসিদা শুংজবা, শিজিন্নবা অমসুং য়োন্নবগীদমক রেজিষ্টর তৌরবা)।
  • পেন্টামিদিন আইসেথিওনেট: (ইম্পোর্ট তৌরবা, শিজিন্ননবগীদমক রেজিষ্টর তৌরবা)।
  • এম্ফোটেরিসিন B: (লমদম অসিদা শুংজবা, শিজিন্ননবা অমসুং য়োন্নবগীদমক রেজিষ্টর তৌরবা)।
  • লাইপোসোমেল এম্ফোটেরিসিন B: (লমদম অসিদা শুংজবা অমসুং ইম্পোর্ট তৌরবা, শিজিন্ননবা অমসুং য়োন্নবগীদমক রেজিষ্টর তৌরবা)।
  • মিলটেফোসিন (ইম্পোর্ট তৌরবা/ শিজিন্ননবা অমসুং য়োন্নবগীদমক রেজিষ্টর তৌরবা)।

ফার্ষ্ট লাইনগী দ্রগশীং (First Line Drugs)

A. অতেনবা মতমগী (Short Term)

  • SSG সেন্সিটিভিটিগা লোয়নবা এরিয়াশীং >90%

নোংমদা কেজি অমদা SSG IM/IV 20mg X নুমিৎ 30

  • SSG সেন্সিটিভিটিগা লোয়নবা এরিয়াশীং <90%

এম্ফোটেরিসিন কেজি অমদা B 1mg, ইনফ্যুজন 15-20গীদমক্তা নোংমদা নত্ত্রগা নোংমা কাল্লগা ইনফ্যুজন b.w. IV পীবা। মপুংফানা রেস্পোঞ্জ লৈতবা অনাবশীংদদি দোজ হেনগৎহন্দুনা ইঞ্জেক্সন 30 পীবা য়াই।

B. অশাংবা মতমগী (Long Term)

  • SSG রেসিষ্টেন্সকী অৱাংবা লেভেলগা লোয়নবা এরিয়াশীং (>20%)

-   নোংমদা মিল্টেফোসিন 100 mgগী চাংদা চয়োল 4 পীবা (ফেজ IIIগী মতুংদা শাফবা অমসুং তৌবা ঙম্বগী মপাঙ্গল লৈ হায়বগী প্রমাণ লৈ)।

  • SSG সেন্সিটিভিটিগা লোয়নবা এরিয়াশীং >80%

-  নোংমদা কেজি অমদা SSG IM/IV 20mg X নুমিৎ 30

-   নোংমদা মিল্টেফোসিন 100 mg x চয়োল 4 পীগদবা (ফেজ IIIগী মতুংদা শাফবা অমসুং তৌবা ঙম্বগী মপাঙ্গল লৈ হায়বগী প্রমাণ লৈ)।

  • অনিশুবা লাইনগী দ্রগশীং (Second Line Drugs)

A. SSG গী মায়পাক্তবশীং (Failures)

এম্ফোটেরিসিন কেজি অমদা B 1mg, ইনফ্যুজন 15-20গীদমক্তা নোংমদা নত্ত্রগা নোংমা কাল্লগা ইনফ্যুজন b.w. IV পীবা। মপুংফানা রেস্পোঞ্জ লৈতবা অনাবশীংদদি দোজ হেনগৎহন্দুনা ইঞ্জেক্সন 30 পীবা য়াই।

B.  SSG অমসুং মিল্টেফোসিনগী মায়পাক্তবশীং (Miltefosine Failures)

লাইপোসোমেল এম্ফোটেরিসিন B (শাফরে অমসুং মপাঙ্গল লৈরে হায়না প্রমান তৌবগা লোয়ননা অরোয়বা ফলশীং ফংবা মতমদা)।

PKDLগী লাইয়েং

  • KAগী ওইনা মহৌশাগী ওইবা দোজদা  SSG অসি নুমিৎ 120 ফাউবা পীবা য়াই।
  • এম্ফোটেরিসিন B গী হঞ্জিনবা কোর্স 3-4 ফাউবদি SSGগী লাইয়েং মায়পাক্ত্রবা অনাবশীংদা পীবা য়াই।

ভারত্তা কালা-অজারগী প্রোব্লেম অসি কয়াম শাথীবগে?

  • ভারতকী নোংপোক থংবা ষ্টেটশীং, মমীং ওইনা পল্লবদা বিহার, ঝারখন্দ, উত্তর প্রদেশ অমসুং ৱেষ্ট বেঙ্গলদা লাইচৎ থোকই।
  • দিষ্ট্রিক্ট 48দা লাইচৎ ওইনা শন্দোকখি; অতৈ দিষ্ট্রিক্ট খরদদি মরক-মরক্তা থোকপা থৌওং ওইখি।
  • ষ্টেট 4দা চাউরাক্না মীশীং মিলিয়ন 165.4দা রিস্ক লৈহনখি।
  • মরুওইনা খুঙ্গংগী লমদা লৈবা লায়রবা সোসিও-ইকোনোমিক গ্রুপ অয়াম্বদা শোকহনখি।

ভারত্তা পায়খৎলিবা কালা-অজারগী থৌরাংশীং (Kala-azar Control Efforts in India)

  • ইং 1990-91দা লাইচৎ থোক্লিবা মফমশীংদা ওর্গানাইজ তৌরবা সেন্ত্রেল্লি স্পোন্সর কন্ত্রোল প্রোগ্রাম অমা হৌদোকখি।
  • গবর্ণমেন্ট ওফ ইন্দিয়ানা কালা-অজারগী হিদাকশীং, তিলহাৎ হিদাকশীং অমসুং তেক্নিকেল সপোর্ট পীখি অমসুং ষ্টেট গবর্ণমেন্টশীংনা প্রোগ্রাম অদুবু প্রাইমারি হেলথ কেয়র সিষ্টেম অমসুং দিষ্ট্রিক্ট/ জোনেল অমসুং ষ্টেট মেলরিয়া কন্ত্রোল ওর্গানাইজেসনশীংগী খুত্থাংদা পায়খৎখি অমসুং ষ্ট্রাটেজি ইমপ্লিমেন্টেসনদা চংখিবা অতৈ শেনফমশীং পীখি।

 

সোর্স: নেসনেল ভেক্টর বোর্ন দিজিজেস কন্ত্রোল প্রোগ্রাম, মিনিষ্ট্রি ওফ হেলথ এন্ড ফেমিলি ৱেলফেয়র

2.80952380952
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
সম্পর্কিত উপাদান
অতৈ য়েংবিয়ু...
Back to top