অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

চিকনগুনিয়া

চিকনগুনিয়া হায়বসি করিনো?

চিকনগুনিয়া (চিকনগুনিয়া ভাইরস দিজিজ নত্ত্রগা চিকনগুনিয়া ফিবর হায়নসু খংনবা) অসি মীওইবগী পাঙ্গলবু (debilitating) শোন্থহনবা, অদুবু শিবা য়াবদি ওইদবা, লায়না অসি চেল্লবা কাংশীংনা চিকপদগী থোকপা ভাইরসকী অনাবনি।

চিকনগুনিয়াবু থোকহল্লিবা মহিক পুবা এজেন্ট অদু করিনো?

চিকনগুনিয়া অসি তোগাভাইরিদে, অলফাভাইরস জিনসকী ফেমিলিগী কাংলুপ্তা চনবা চিকনগুনিয়া ভাইরসনা থোকহল্লি।

চিকনগুনিয়া অসি মতৌ করম্না শন্দোকপগে?

চিকনগুনিয়া অসি এদিস কাংনা, মরুওইনা এদিস এজিপটিনা চিকপদগী শন্দোকই। মীওইবা অসি কাংগী ওইনদি চিকনগুনিয়া ভাইরসকী মরুওইবা সোর্স নত্ত্রগা রিজর্ভর ওইনা খন্নৈ। মরম অদুনা, মহৌশানা কাং অসিনা লায়না চেল্লবা মীওই অমদা চিক্লবা মতুংদা অতোপ্পা মীওই অমদা অমুক চিক্তুনা লায়না অসি শন্দোকই। লায়না অসিনা নারবা মীওই অমনা অতোপ্পা মীওইশীংদা হকথেংননা লায়না অসি শন্দোকপদি ঙমদে (হায়বদি, মসি লৌনগনবা লায়না নত্তে)। এদিস এজিপটি কাংশীংনা অয়ুক-নুংথিলগী মতমদা চিকই।

ক্লিনিকেলগী ওইবা ফিচরশীং

চিকনগুনিয়াগী ক্লিনিকেল প্রেজেন্টেসন অসি ফেজ অহুমথোক্না খায়দোকই। চিকনগুনিয়াদদি অয়াম্বা লাইওং অসি, খংহৌদনা অরুম কন্না হৌরকপা, শরু তাং অমদা নত্ত্রগা কয়াদা নাবা ফাউরকপা, উনশা ঙাংশিন্দুনা তৎপা, কোক চিকপা অমসুং মসলদা নাবা ফাউবা উত্থোরকপসিনি। চিকনগুনিয়াগী ক্লিনিকেল প্রেজেন্টেসন অসি মহৌশানা মখাদা পীরিবা ফেজ 3 (অহুম)সিদা উৎলি:

  • এক্যুট ফেজ (শাথীনা নাবা ফাউবা) : চয়োল 3দগী তানা
  • সব-এক্যুট ফেজ (খরা নাবা ফাউবা) : চয়োল 3 দগী হেনবা অদুবু থা 3দগী হন্থবা
  • ক্রোনিক ফেজ (মতম শাংনা নাবা ফাউবা) : থা 3দগী শাংবা মতম

ক্লিনিকেল প্রেজেন্টেসন অসি খজিক্তং ওইবা, ময়াই ওইবা নত্ত্রগা কা-হেন্না শাথীবা ওইবা য়াই অমসুং অয়াম্বা লাইওংশীংদি লাইওং অদু থোক্লকপা মতুং চয়োল 3 গী মনুংদা হন্থখি। লাইওং খরদি থা 3 ফাউবা অমসুং মসিদগী হেন্না লৈবসু য়াউই। মহৌশানা, চিকনগুনিয়ানা শাথীনা নারবা অনাবশীংগী 10 – 1 5 % দি সব-এক্যুট নত্ত্রগা ক্রোনিক ফেজদা চংগল্লি।

কমন ওইবা লাইওংশীং

  • অরুম-লাইহৌ
  • অরথ্রালজিয়া/ অরথ্রাইটিস
  • য়াংলেন নাবা
  • কোক চিকপা
  • উনশা ঙাংশিনবা/ হাক্কচবা

মপুং-মরৈ ফারবা মীওইশীংদদি তোইনা থোক্কনবা অদুবু করিগুম্বা মতমদা অঙাংশীংদদি উবা ফংগনবা খরদি মখাগীসিনি।

  • ফোটোফোবিয়া
  • রেত্রো-ওর্বাইটেল পেন (Retroorbital pain)
  • ওবা
  • দাইরিয়া
  • মেনিঙ্গিএল সিন্দ্রোম (Meningeal syndrome)
  • এক্যুট এন্সেফালোপেথি

নাবগী মওং

লাইওংশীং অমসুং খুদমশীং অসি অনাবা অয়াম্বশীংদদি মহৌশানা মীওই অমগা অতোপ্পা অমগা মান্নদে। সব-এক্যুট নত্ত্রগা ক্রোনিক ফেজদা চংগনবা খুদম অমসুং লাইওং খরা মখাদা পীরি।

  • অরথ্রালজিয়া
  • মায়ালজিয়া (Myalgia)
  • অরথ্রাইটিস
  • শরু তাং চপ তিংদুনা লৈবা (Persistent Joint stiffness)
  • শরু তাংশীং কোন্থোক-কোনশিন তৌবদা নুংঙাইতবা
  • শরু তাং লেং-ওৎপদা নাবা ফাউবা
  • এনথেসোপেথি (Enthesopathy)
  • টেন্দিন্নাইটিস (Tendinnitis)
  • উনশা মচু ওনবা (Skin pigmentation)
  • উনশা ঙাংশিন্দুনা থাগৎলকপা (Skin rash)

হৌখিবা করম্বা মতমদা চিকনগুনিয়াগী লাইচৎ থোকখিবগে?

ভারত্তা, হৌখিবা মিল্লেনিয়ম অসিগী মনুংদা, হায়বদি 1963 (কলকটা), 1965 (তামিল নাদুগী পোন্দিচেরি অমসুং চেন্নাই, অন্ধ্র প্রদেশকী ভিশাখাপত্নম অমসুং কাকিনাদা; মধ্য প্রদেশকী সাগর; অমসুং মহারাষ্ট্রগী নাগপুর) অমসুং 1973 (মহারাষ্ট্রগী বারসি)দা চিকনগুনিয়া ফিবরগী অচৌবা লাইচৎ অমা লৈখি। মসিগী মতুংদা 1983 অমসুং 2000গী মনুংদা মরুওইনা মহারাষ্ট্রদা মসিগী কেস খরা থেংনখি।

চিকনগুনিয়ানা শোকহল্লবা ষ্টেটশীংদু করম-করম্বনো?

চিকনগুনিয়ানা শোকহল্লবা ষ্টেটশীং অদুদি অন্ধ্র প্রদেশ, করনাটকা, মহারাষ্ট্র, মধ্য প্রদেশ, টামিল নাদু, গুজরাট অমসুং কেরলা অসিনি।

সোর্স : নেসনেল গাইদলাইনস ফোর চিকনগুনিয়া

অকোনবা শেমদোকখিবা : 6/12/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate