শেয়র
Views
  • ষ্টেট শেমদোক্নবা হাংদোকউ

জপানিজ এন্সেফেলাইটিস

জপানিজ এন্সেফেলাইটিসকী মতাংদা তোইনা হংবা ৱাহংশীং মফম অসিদা নৈনরি।

মতৌ করম্না জপানিজ এন্সেফেলাইটিস লৌনবগে?

জপানিজ এন্সেফেলাইটিস ভাইরস (সেন্ট লুইস এন্সেফেলাইটিস ভাইরসকা এন্টিজেনগী হিরমদা মরি লৈনবা ফ্লেভিভাইরস অমা) চেল্লবা, লৌবুক্তা মরুম কোকপা কাংশীং (মরুওইনা ক্যুলেক্স ত্রাইতেনিয়রহিনকস গ্রুপ)না শন্দোকই।

মতৌ করম্না মীওইবদা জপানিজ এন্সেফেলাইটিস চংলকপগে?

জপানিজ এন্সেফেলাইটিস ভাইরসনা ইনফেক্ট তৌরবা কাংশীংনা চিকপদগী লৌরকই।

বেসিক ত্রান্সমিসন সাইকল হায়বসি করিনো?

জাপানিজ এন্সেফেলাইটিস ভাইরস চেল্লবা য়ুমদা য়োকপা ওকশীং অমসুং লম্লক্কী উচেকশীংদা চিক্লুবদগী কাংশীংদা মহিক অসি চেল্লকই। মহিক অসি চেল্লবা কাংশীং অসিনা জপানিজ এন্সেফেলাইটিস ভাইরস অসি অমুক মীওইবা অমসুং শাশীংদা চিকপদগী শন্দোরকই। জপানিজ এন্সেফেলাইটিস ভাইরস অসিনা য়ুমদা য়োকপা ওকশীং অমসুং লম্লক্কী উচেকশীংদা চংখ্রগা মখোয়গী ব্লদ সিষ্টেমশীংদা মশিং য়াম্না হেনগৎলকই।

নহাক্না জপানিজ এন্সেফেলাইটিস অসি অতোপ্পা মীওই অমদগী লৌনরকপা য়াব্রা?

য়াদে, জপানিজ এন্সেফেলাইটিস ভাইরস অসি মীওই অমদগী মীওই অমদা শন্দোক্তে। খুদম ওইনা, নহাক্না ভাইরস অসি, লায়না অসি চেল্লবা মীওই অমগা শোক্ন-শম্নবা নত্ত্রগা চুপ্নবদগী, নত্ত্রগা লায়না অসি চেল্লবা মীওই অমগী সেবা তৌরুবা হেলথ ৱার্কর অমদগী লৌরক্লোই।

জপানিজ এন্সেফেলাইটিস অসি য়ুমদা য়োকপা ওকশীংদা নত্তনা অতৈ শাশীং, লম্লক্কী উচেকশীং নত্ত্রগা কাং নত্তবা অতৈ তিন-কাংশীংদগী নঙোন্দা লৌনরকপা য়াব্রা?

য়াদে। য়ুমদা য়োকপা ওকশীং অমসুং লম্লক্কী উচেকশীং অসিখক্তনা জপানিজ এন্সেফেলাইটিস শন্দোক্নবগী এজেন্টনি।

জপানিজ এন্সেফেলাইটিসকী লাইওংশীং অদু করি করিনো?

কোক চিকপগা লোয়নবা লাইহৌ নত্তবা অতৈ লাইওংশীং য়াউদনা য়াম্না কন্দবা ইনফেক্সনশীং (Mild infections) থোকপা য়াই। হেন্না শাথীবা ইনফেক্সন ওইনা য়াম্না থুনা, কোক চিকপা, লাইহৌ হৌবা, ঙক লেংবা য়াদবা, ৱাখল তাদবা, চমম্নবা, কোমা, নিকপা, মরক মরক্তা চিংথেকপা (মরুওইনা পিক্লিবা অঙাংশীংদা) অমসুং স্পাষ্টিক (চিংথোক-চিংশিন য়াদবা মওংগী) পেরালাইসিস অসিনচিংবা উবা ফংই।

জপানিজ এন্সেফেলাইটিসকী মচা কোনবগী মতম (ইঙ্ক্যুবেসন পেরিওদ) অসি করিনো?

মহৌশানা নুমিৎ 5 দগী 15 নি ফাউবনি।

জপানিজ এন্সেফেলাইটিসকী মোর্টেলিটি রেট (অশি-অনাগী চাং) অসি কয়ানো?

কেস-ফেটালিটি রেট (Case-fatality rate) অসি 0.3% দগী 60% ফাউবগী মনুংদা ওই।

ভারত্তা জপানিজ এন্সেফেলাইটিস ভাইরসকী ভেক্সিন ফংলব্রা?

ভারত্তা জপানিজ এন্সেফেলাইটিস থীংনবগীদমক ইনএক্টিভেটেদ মাউজ ব্রেন-দিরাইভ জপানিজ এন্সেফেলাইটিস ভেক্সিন (Inactivated Mouse Brain-Derived JE Vaccine) অসি ফংই। ভেক্সিন অসি সেন্ত্রেল রিসর্চ ইনষ্টিট্যুট, কাসাউলি, হিমাচল প্রদেশতা শেম্মী।

সোর্স: নেসনেল ভেক্টর বোর্ন দিজিজেস কন্ত্রোল প্রোগ্রাম, মিনিষ্ট্রি ওফ হেলথ এন্ড ফেমিলি ৱেলফেয়র

2.90909090909
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top