হোম / হকশেল / দিজিজ অমসুং দিসওর্দরশীং / ভেক্টর বোর্ন দিজিজশীং / লিম্ফেটিক ফিলারিয়াসিস নত্ত্রগা এলিফেন্সিয়াসিস
শেয়র
Views
  • ষ্টেট শেমদোক্নবা হাংদোকউ

লিম্ফেটিক ফিলারিয়াসিস নত্ত্রগা এলিফেন্সিয়াসিস

তোপিক অসিনা ভারত্তা থোকলিবা এলিফেন্সিয়াসিস, মসি থোক্লকপগী মরম, লাইয়েং, অসিনচিংবগী মতাংদা মচং ওইবা ইনফোর্মেসন পীরি।

এলিফেন্সিয়াসিস হায়বসি করিনো?

লিম্ফেটিক ফিলারিয়াসিস (LF), ময়াম্না এলিফেন্সিয়াসিস হায়রগসু খংনরিবা অসি মহৌশানা অঙাং ওইরিঙৈ মতমদা থোক্কনবা হকচাংবু শোয়নাইহনবা, মওং-মতৌ শোয়হনবা লায়না অমনি। মপুং-মরৈ ফারবা কাং অমদা মাইক্রোফিলারিয়া (microfilariae) হায়না খংনবা য়াম্না পীকপা, মপুং-মরৈ ফাদ্রিবা মরুম (larvae) মিলিয়ন কয়া পুথোকই অমসুং মসিনা মার্ক তৌরবা নুমিদাংগী ওইবা মতমগা (nocturnal periodicity) লোয়ননা মপানগী ওইবা ঈদা (peripheral blood) সর্ক্যুলেট তৌই। তিনশীং অসি মহৌশানা চহি 4 দগী 6 ফাউবদি হিংই অমসুং মাইক্রোফিলারিয়া পুথোকই।

লিম্ফেটিক ফিলারিয়াসিস অসি কাংনা চিকপদগী শন্দোকই। ঈদা মাইক্রোফিলারিয়া য়াউরবা মীওই অমগী মশাদা কাং অমনা চিক্লুবা (mf পুরিবা এজেন্ট) মতমদা মাইক্রোফিলারিয়া অদুনা মশাদা চংখি। মাইক্রোফিলারিয়ানা কাং অমগী মশা মনুংদা দিভেলপ তৌবদা নুমিৎ 7-21 ফাউবা চংগনি।  .

ইনফেক্সন থোক্লকপগী রিস্ক লৈবশিংদু কনা কনানো?

লিম্ফেটিক ফিলারিয়াসিস লাক্নবগীদমক্তা থাদগী চহি কয়া ফাউবদা কাং কয়ানা চিকপা তাই। ফিলারিয়াগী লাইচৎ লৈগনবা অমসুং লায়না অসি কমন ওইবা মফমশীংদা মতম শাংনা লৈবা মীওইশীংদা ইনফেক্সন থোরকপগী রিস্ক খ্বাইদগী য়াম্মী। ইনফেক্সন অসি নাইট ব্লদ সর্ভে (night blood survey)গী মতেংনা খংদোকপা ঙম্মী।

লিম্ফেটিক ফিলারিয়াসিসকী লাইওংশীং অদু করি করিনো?

অহানবদা, মীওই অয়াম্বদদি মহৌশানা মপুং-মরৈ ফারবা তিনশীং অদুনা শীদ্রিফাউবা লাইওং অমত্তা উদে। লায়না অসি মহৌশানা পুন্সিবু খুদোংথীহনবা মখলগীদি ওইদে, অদুবু মসিনা লিম্ফ সিষ্টেম অমসুং কিদনিশীং মতম চুপ্পগী ওইনা মাং-তাকহনবা ঙম্মী। মরমদি, লিম্ফ সিষ্টেম অদুনা মওং চুম্না মথৌ তৌদবদা, মহি তুংশিল্লকই অমসুং পাম্বোম, থবাক অমসুং খোংদা পোমথোরকই। পোমখৎপা অসিগী মমীং অসি লিম্ফোএদিমা (lymphoedema) হায়না কৌই। নুপাশীংগী ওইনদি, হকচাংথোংগী অকোয়বদা পোমখৎলকই, অমদি কন্দিসন অসিবু হায়দ্রোসিলি (hydrocele) হায়না খংনৈ। মসিগী মথক্তা, পোমখৎপা অমসুং লিম্ফ সিষ্টেমগী ফঙ্কসন হন্থখিবনা হকচাংবু জর্মশীং অমসুং ইনফেক্সনশীং থেংনবদা শোন্থহল্লি। মীওইশীং অসিদা উনশা অমসুং লিম্ফ সিষ্টেমদা বেক্টেরিয়াগী ইনফেক্সনশীং হেন্না লৈগনি। মসিনা এলিফেন্সিয়াসিস (elephantiasis) কৌবা, উনশা অদুবু কনশিলহনবা অমসুং থাগৎহনবগী থৌওং লৈহল্লকই।

ঐনা মতৌ করম্না ইনফেক্সন থীংগদগে?

মসিবু থীংবা হায়বসিগী মনুংদা, কম্যুনিটি অপুনবদুদা অপিকপা তিনশীং হাৎকদবা অমসুং কাংশীং কন্ত্রোল তৌনবা হিদাক-লাংথকশীং পীবা হায়বসিসু চল্লি। কাংনা চিকহন্দনবা হোৎনবা হায়বসিসু মসিবু থীংনবগী অতোপ্পা মওং অমনি। ফিলারিয়েল ৱার্মশীং পুদুনা শন্দোক্লিবা কাংশীং অসিনা মহৌশানা নুমিৎ তাবদ্গী নোং ঙাল্লমদাই ফাউবগী মরক্তা মহৌশানা চিক্কল্লি। করিগুম্বা নহাক্না লিম্ফেটিক ফিলারিয়াসিস লৈবা এরিয়া অমদা লৈবা তারবদি, মখাদা পীরিবা চেক্সিন থৌরাংশীং অসি মাংজৌননা লৌখৎলু:

  • কাংখল/ তিলহাৎ হিদাক লুপ্লবা কাংখল অমগী মখাদা তুম্বা।
  • নুমিৎ তারবা মতুংদগী হৌদুনা নোংঙাল্লমদাই ফাউবগী মনুংদা ফি থুংদবা হকচাংগী শরুকশীংদা কাং চিক্তনবা হিদাক (mosquito repellent) শিজিন্নবা।

লিম্ফেটিক ফিলারিয়াসিসকী লাইয়েং অদু করিনো?

মপুং-মরৈ ফারবা তিনশীংনা (adult worms) ইনফেক্ট তৌরবা মীওইশীংনা, ঈদা য়াউদুনা সর্ক্যুলেট তৌরিবা মাইক্রোফিলারিয়া অদুবু হাৎকদবা চহিগী ওইবা হিদাক্কী দোজ (DEC) অমা লৌবা য়াই। মসিনা মপুং-মরৈ ফারবা তিনশীং অদু লোয়নমক হাত্ত্রবসু, ইনফেক্ট তৌরবা মীওই অদুনা অতোপ্পা মীওই অমদা শন্দোকপদি থীংগনি। মপুং-মরৈ ফারবা তিনশীং অদু শিরবা ফাউবদা, লিম্ফোএদিমাদি দিভেলপ তৌরকপা ঙম্মী। মখাদা পীরিবা মরুওইবা প্রিন্সিপলশীং অসি ইন্দুনা লিম্ফোএদিমা অদু হেন্না শাথীরকপদগী থীংবা য়াই:

  • পোমখৎলিবা শরুকশীং অদু সাপোন অমসুং ঈশীংনা নুমিৎ খুদিংগী চেক্সিন্না চামথোক্কদবনি।
  • অশোকপা অমহেক্তদা এন্টি-বেক্টেরিএল ক্রিম শিজিন্নগদবনি। মসিনা বেক্টেরিএল ইনফেক্সনশীং থীংই।
  • পোমখৎলিবা পাম্বোম নত্ত্রগা খোং অদু, মহি (ফ্ল্যুইদ) চেলহন্দুনা লিম্ফ ফ্লো (lymph flow) হেন্না ফগৎহন্নবগীদমক ৱাংখৎনা থাংগত্তুনা থমগদবনি অমসুং  শাজেল তৌগদবনি।

সোর্স: নেসনেল ভেক্টর বোর্ন দিজিজেস কন্ত্রোল প্রোগ্রাম, মিনিষ্ট্রি ওফ হেলথ এন্ড ফেমিলি ৱেলফয়র

2.89473684211
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top