অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

সর্বাইকেল স্পোন্দিলোসিস

সর্বাইকেল স্পোন্দিলোসিস

ৱাহৌদোক

সর্বাইকেল স্পোন্দিলাইটিস অসি ঙক্কী শরুক্তা লৈবা ঙক্লিগী শরুশীং মওং চুমদনা থীনগৎলকপা, শোকচিল্লকপা, চোংথোরকপা, সর্বাইকেলগী শরুশীংগী মরক্তা লৈবা কুসনশীং (ইনভর্টিব্রেল ডিস্ক হায়নসু খংনবা)দা কেলসিয়ম পৈশিল্লকপদগী থোরকই।

মীয়াই চল্লবা অমসুং অহল ওইরবশীংদা, সর্বাইকেলগী শরুশীং অসি খরা শোকচিল্লকপা হায়বসি য়াম্না তোইনা উবা ফংই অদুবু মসিনা লাইওং অমত্তদি উৎলক্তে। শরুশীংগী (vertebrae) মরক্তা লৈবা কুসনশীং শোকচিল্লকপনা শিংলিশীং নমশিনলকপা (compress) য়াই অমসুং সর্বাইকেল স্পোন্দিলাইটিসকী লাইওং ওইহল্লকপা য়াই। অয়াম্বা মতমদা, মঙাশুবা অমসুং তরুকশুবা (C5/ C6), তরুকশুবা অমসুং তরেৎশুবা (C6/ C7) নত্ত্রগা মরিশুবা অমসুং মঙাশুবা (C4/ C5) সর্বাইকেল ভর্টিব্রাগী মরক্তা লৈবা ডিস্ক অদুদা নাগল্লি।

লাইওংশীং

সর্বাইকেলগী শরুকশীংদা শোকচিল্লকপদগী থোরকপা অহোংবশীংনা লাইওং নত্ত্রগা হকচাংদা নুঙাইতবগী মওং উৎলক্তবা য়াই। লাইওংশীং অসি সর্বাইকেল নর্ভশীং অমসুং স্পাইনেল কোর্ড অদু চপ তিংলবা নত্ত্রগা চপশিল্লবা মতমদতা থোরক্কল্লি। মখোয়গী মনুংদা মখাগীসিংসি য়াউরকপা য়াই।:

  • ঙক্লি নাবা, মসি পাম্বোম অমসুং লেংজুমদসু ফাউরকপা য়াই।
  • ঙক লৈথোক লৈশিন য়াদবমখৈ ঙক অসি তিংনা লৈরকপা য়াই।
  • কোক চিকপা, মরুওইনা কোক্কী মনিংথংবা শরুক্তা (occipital headache) লৈরকপা য়াই।
  • পাইবদা জিং-জিং লাউবা, লেংজুম, পাম্বোম নত্ত্রগা পাম্বোম মমাংগী শরুক্তা (fore arm) শাবা ফাউবা নত্ত্রগা থেংবদা খংলক্তবা য়াই।
  • ওনিংবা ফাউবা, ওবা, কোক ঙাউবা নত্ত্রগা উরু-উরু লৈবা ফাউরকপা য়াই।
  • লেংজুম, পাম্বোম নত্ত্রগা খুৎকী মসল শোন্থরকপা য়াই।
  • খোং শোন্থবা অমসুং মপান থোক্নিংবা অমসুং খোং হাম্নিংবা থীংবা ঙমদবা (করিগুম্বা স্পাইনেল কোড অদু চপশীনবা/ নমশিনবা লৈরবদি) লৈরকপা য়াই।

মেনেজমেন্ট

লাইয়েংবগী পান্দমদি মখাগীসিনি:

  • শিংলি নমশিনবনা ওইহল্লিবা নাবা অমসুং অতৈ লাইওংশীং হন্থহনবা।
  • স্পাইনেল কোদ নত্ত্রগা নর্ভকী রুট অদু মতম পুম্বগী ওইনা শোকহনবদগী থীংবা।
  • মখা তানা শোকচিল্লকপদগী থীংবা।

মখোয়সি মখাদা পীরিবা পাম্বৈশীং অসিগী মতেংনা ফংবা ঙমগনি:

  • ঙক্কী মসলশীং মপাঙ্গল কনখৎহন্নবা এক্সরসাইজশীং অসি কান্নবদি য়াই অদুবু মসি দোক্টরগা তান্নরবা মতুংখক্তদা পাংথোক্কদবনি। ফিজিওথেরাপিষ্ট অমদগী এক্সসরসাইজশীং তমদুনা য়ুমদা চাং নাইনা প্রেক্টিস তৌবা য়াই।
  • সর্বাইকেল কোলার: সর্বাইকেল কোলারগী মতেংনা ঙক লেং-ওৎপদা অথীংবা লৈহন্দুনা নাবা হন্থহনবা য়াই।

সোর্স: পোর্টেল কন্টেন্ট টিম

অকোনবা শেমদোকখিবা : 6/13/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate