হোম / হকশেল / পুন্সিগী ওইবা অচুম্বশীং / অঙাং পোকপগী চান্নবা মতম
শেয়র
Views
  • ষ্টেট শেমদোক্নবা হাংদোকউ

অঙাং পোকপগী চান্নবা মতম

তোপিক অসিনা অঙাং পোকপগী চান্নবা মতমগা মরি লৈনবা ইনফোর্মেসন পীরি।

করিগীদমক্তা মসি মরুওইরিবনো

  • কা হেন্না অঙাং পোকপা, য়াম্না মতম কান্নদনা অঙাং পোকপা অমসুং চহি 18গী মখাদা লৈবী ইনখৎলক্লিবী নুপীমচাশীং অমসুং চহি 35গী মথক্তা লৈবী নুপীশীংনা অঙাং পোকপা অসিনা নুপীশীং অমসুং ইনখৎলক্লিবী অমসুং মখোয়গী অঙাংশীং অদুগী পুন্সিদা খুদোংথীনিঙাই ওইহল্লি।
  • ফেমিলি প্লানিং অসি নুপীশীং অমসুং অঙাংশীংগী হকশেল অমসুং হিংবগী খ্বাইদগী ইফেক্তিভ ওইবা লম্বীনি। ফেমিলি প্লানিং সর্ভিসশীংনা নুপি অমসুং নুপাশীংদা করম্বা মতমদা অঙাং পোক্কনি, কয়া পোক্কনি অমসুং মতম কয়াম কান্নহনগনি অমসুং করম্বা মতমদা লেপকনি হায়বগী ইনফোর্মেসন অমসুং এজুকেসন পী। অদুম ওইনমক, ইনখৎলক্লিবা নুপীমচাশীং য়াউনা অঙাং পোকপা য়াবগী চহি য়ৌরবা নুপী মিলিয়ন কয়াদি মীরোনবা মশীং অকক্নহনবা, মতম কান্নহনবগী কন্ত্রোল লৈতে অমসুং মখোয়দা ইফেক্তিভ ওইবা ফেমিলি প্লানিং মেথদশীংগী খুদোংচাবা লৈতে।
  • নুপী অমসুং নুপা অনিমক্না অঙাং মশিং কয়া লৈগনি অমসুং মখোয় অদু করম্বা মতমদা লৈহনগনি হায়বা খন্নবগী অধিকার লৈ। ফেমিলি প্লানিং সর্ভিসশীংগা লোয়ননা মখোয়না চহিগী অমসুং হেলথ সর্ভিসশীং ফংবগী মতুংইন্না কান্নবশীং অমসুং রিস্কশীং য়েংদুনা ফিরেপ লৌবা য়াই।
  • নুপী অমসুং নুপাশীংগীদমক ফেমিলি প্লানিং সর্ভিসশীং ফংহনবা অমসুং অঙাং পুম্নমক্কী ওইনা মহৈ-মশীং তমহনবনা মরুওইনা পুন্সিগী অঙনবা শরুক্তা লুহোংবা চৎনরিবা লৈবাকশীংদা মমা অমসুং অঙাং শিবা অমসুং শোয়নাইবা থোকহনবদগী থীংবা ঙমগনি। পাম্বৈশীং অসিনা পুন্না নুপীশীংগী, ইনখৎলক্লিবী নুপীমচাশীংগী অমসুং অঙাংশীংগি হিংবগী, হকশেলগী অমসুং নুংঙাইনা হিংবগী অধিকারদা মতেং পীবা ঙমগনি।

মরুওইবা ৱাফমশীং

  1. চহি 18গী মমাং নত্ত্রগা চহি 35গী মতুংদা মীরোনবনা মমা অমসুং মহাক্কী মচাগি হকশেলদা রিস্ক হেনগৎহল্লি।
  2. মমা অমসুং মচাগী হকশেলগীদমক্তা, নুপী অমনা অমুক হন্না মীরোন্নবগীদমক্তা মহাক্কী অকোনবা মচা অদু চহি 2 শুদ্রিফাউবা ঙাইগদবনি
  3. করিগুম্বা নুপী অমনা মশীং য়াম্না মীরোল্লবদি মীরোনবগী অমসুং অঙাং পোকপগী হকশেলগী রিস্ক হেনগৎলি।
  4. ফেমিলি প্লানিং সর্ভিসশীংনা অঙাং পোকপা য়াবগী চহি মনুংদা লৈবা নুপা অমসুং নুপীশীংদা করম্বা মতমদা অঙাং পোকপা হৌগনি, মশীং কয়া পোক্কনি, মখোয়গী মরক্তা কয়াম লাপ্নহনগনি অমসুং করম্বা মতমদা লেপকনি হায়বগি লৌশীং অমসুং পাম্বৈশীং তাকই। প্লানিং তৌনবগী অমসুং মীরোন্দনবগী শাফবা, কান্নবা অমসুং চৎনবা য়াবা পাম্বৈ কয়া লৈ।
  5. ফেমিলি প্লানিংগীদমক্তা ইনখৎলক্লিবশীং য়াউনা নুপা অমসুং নুপী অনিমক্কী দায়ত্ব লৈ। মতৈ মনাও অনিমক্না ফেমিলি প্লানিংগী হকশেলগী কান্নবশীং অমসুং ফংলিবা ওপশনশীংগী মরমদা খংজিনবা মথৌ তাই।

সপোর্ট তৌবা ইনফোর্মেসন

চহি 18গী মমাং নত্ত্রগা চহি 35গী মতুংদা মমা অমসুং মচাগী হকশেলগী রিস্কশীং হেনগৎহল্লি।

অহানবা মীরোনবা অদু নুপীমচা অদুনা য়ামদ্রবদা চহি 18 শুদ্রিফাউবা ঙাইবনা হেন্না শাফবা মীরোনবা অমসুং অঙাং পোকপা ঙমহল্লি। মসিনা মহাক্কী অঙাং অদু চহি শুদনা অমসুং/নত্ত্রগা লুম্বা য়ৌদনা পোকপগী রিস্ক হন্থহল্লি। মসি মরুওইনা ঙন্না লুহোংবগী অমসুং লুহোংলবা ইনখৎলক্লিবশীংদা মীরোন্নবগী ইনশিনবগী চৎনবী লৈবা মফমশীংদা য়াম্না মরুওই।

অঙাং পোকপা হায়বসি মপুং মরৈ ফারবা মীওই অমদগীদি ইনখৎলক্লিবা অমদনা হেন্না লুবা অমসুং খুদোংথীবা থোকপগী চাং হেল্লি। য়াম্না নহা ওইরিবা মমাশীংনা পোকপা অঙাংশীং অসি অহানবা চহিদা শিবগী চাং হেনবা য়াই। নহা ওইরিবী ইনখৎলক্লিবশীংদা মপুং ফানা চাউখৎলবা নীংজোল (pelvis) য়াউদে। মখোয়না মীরোনবা হায়বসিনা এক্লাম্পসিয়া, চহি শুদনা পোকপা, পোকপদা মতম শাংনা চংবা, অথীংবা লৈবা অঙাং পোকপা, ফিষ্টুলা, এনেমিয়া (অপাবা ঈ) নত্ত্রগা অঙাং নত্ত্রগা মমা শীবনচিংবা শাথীবা ফলশীং থোকহল্লকপা য়াই।

মমা অদুনা নহা ওইরিবমখৈ মহাক্কী অমসুং মহাক্কী মচাগী রিস্ক হেন্না চাউই। চহি 15গী মমাংদা অঙাং পোকপা নুপীমচাশীংনা চহি কুনগী মতুংদা পোকপা নুপীশীংদগী শীবগী চাং অসি শরুক মঙা হেল্লি।

ইনখৎলক্লিবী নুপীমচাশীং অমসুং নহা ওইরিবী নুপীশীং, লুহোংলবী নত্ত্রগা লুহোংদ্রিবীশীংনা মীরোনবা থেংথহন্নবগীদমক অখন্নবা মতেং মথৌ তাই। ঙন্না মীরোনবগী মতাংদা কোন্নরিবা মীওই খুদিংমক হায়বদি ইনখৎলক্লিবী নুপীমচাশীং অমসুং নহা ওইরিবী নুপীশীং অমসুং ইনখৎলক্লিবা নুপামচাশীং অমসুং নুপাশীং অমসুং মখোয়গী ইমুং মনুংশীংনা লৈরিবা রিস্কশীং অদু অমসুং করম্না ঙাকথোক্কদগে হায়বদু খংবা তাই। মসিগী মনুংদা HIV য়াউনা হক্তিন্নবদগি লৌনরকপা ইনফেক্সনশীং (STIs) অসি করম্না থীংগদগে হায়বগী ইনফোর্মেসন অসিসু য়াউহনগদবনি।

চহি 35 শুরবা মতুংদা মীরোনবা অমসুং অঙাং পোকপগা মরি লৈনবা হকশেলগী রিস্ক অসি অমুক হন্না হেনগৎলকই। রিস্কশীং অদুগী মনুংদা নুপীশীংগী ওইনা হায়পরতেন্সন (ব্লদ প্রেসর ৱাংবা), হেমোরেজ (ঈ মাংবা), মিসকেরিয়েজ অমসুং জেষ্টেসনেল দাইএবেটিজ (মীরোল্লিঙৈ মতমগী দাইএবেটিজ) অমসুং অঙাংশীংগী ওইনা কোনজেনাইটেল এনোমেলিশীং (পোক্লকপদা শোয়বশীং) অসি মনুং চনবা য়াই।

মমা অমসুং অঙাংশীংগীদমক, নুপী অমনা অমুক হন্না মীরোন্দ্রিঙৈদা মহাক্কী অকোনবা পোকপা অঙাং অদু চহি 2 শুদ্রিবফাউবা ঙাইগদবনি।

  • নৌনা পোকপা অমসুং অপীকপা অঙাংশীংনা শিবগী রিস্ক অসি করিগুম্বা পোকপা মতম অদু কান্নদ্রবদি য়াম্না হেনগৎলি। নৌনা পোক্লিবা অঙাং অদু য়াম্না ঙন্না পোকপা নত্ত্রগা য়াম্না হন্থনা লুম্বগী ওইথোকপা য়াবা চাং য়াম্না হেল্লি। লুম্বা য়ৌদনা পোকপা অঙাংশীংদি ফজনা চাউখত্তে অমসুং নাবগী চাং হেল্লি অমসুং নোর্মেল ওইনা লুম্বা অঙাংশীংদগী অহানবা চহিদা শিবগী চাং অসি শরুক মরি হেল্লি।
  • চহি 2গী মখাদা লৈবা অঙাং অমগী হকশেল অমসুং চাউখৎপদা খুদোংথিনীঙাই অমদি অতোপ্পা অঙাং অমা পোক্লকপদুনি। অহানবা অঙাং অদুগীদমক খোম্লাং ইনবীবা লেপখিগনি অমসুং চানবা চিঞ্জাক শেম শাবগী মতম য়াম্না পীবা ঙম্লরোই অমসুং অঙাং অদুনা মথৌ তারিবা চেক্সিন থৌরাং অমসুং পুক্নিং চংবদু হন্থখিগনি।
  • ইমুং অমদা অনৌবা অঙাং অমা পোক্লকপা মতমদা মমা অদুবু অনৌবা অঙাং অমসুং অতোপ্পা অঙাং অদুগা লোয়ননা মপা অদুনা মতেং পাংবীবা হায়বসি য়াম্না মরুওই। মমা অমসুং মপা অনিমক অমসুং অতোপ্পা য়েংশিনবীরিবা মীওইশীংনা নুপীমচা অমসুং নুপামচাশীং অদুদা চপ মান্নবা মীৎয়েংগা লোয়ননা য়েংশিনবীবা তাই।
  • মমা অমগী মশা অদু মীরোনবা অমসুং অঙাং পোক্লুবদগী ফজনা কনখৎলকপদা মতম চংই। মহাক্কী হকশেল, ন্যুত্রিসনগী থাক অমসুং এনর্জি অদু মহাক্না অমুক হন্না মীরোন্দ্রিঙৈদা হঞ্জিনবা মথৌ তাই।
  • করিগুম্বা নুপী অমনা মিসকেরিয়েজ নত্ত্রগা এবোর্সন লৈখ্রবদি মশামক্কী অমসুং মহাক্কী অঙাং অদুগী রিস্ক হন্থহন্নবগীদমক অমুক হন্না মীরোন্দ্রিঙৈদা মহাক্না য়ামদ্রবদা থা তরুক্তি ঙাইথবা তাই।
  • মখোয়গী ইমুং মনুংশীং অদু ঙাক-শেন্নবগীদমক নুপা অমসুং নুপী অনিমক্না মখাগী মরুওইবশীং অসি খংজিনবা মথৌ তাই (1) অকোনবা অঙাং পোকপা অমসুং অনৌবা মীরোনবা অনিগী মরক্তা চহি অনি কান্নহনগদবনি অমসুং (2) মীরোনবগী মশীং অকক্নহনবা মথৌ তাই।

করিগুম্বা নুপি অমনা মীরোনবগী মশীং অসি য়াম্লবদি মীরোনবা অমসুং অঙাং পোকপগী হকশেলগী ওইবা রিস্কশীং হেনগৎলকই।

  • নুপী অমগী মশা অসি হঞ্জিন-হঞ্জিন্না মীরোনবা, অঙাং পোকপা অমসুং অপীকপা অঙাং য়েংশীনবদা থুনা চোকথৈ। মশীং য়াম্না মীরোল্লবা মতুংদদি এনেমিয়া অমসুং হেমোরেজনচিংবা শাথীবা হকশেলগী সমস্যা কয়াগী রিস্ক হেনগৎলকই।

ফেমিলি প্লানিং সর্ভিসশীংনা অঙাং পোকপা য়াবগী চহি মনুংদা লৈবা নুপা অমসুং নুপীশীংদা করম্বা মতমদা অঙাং পোকপা হৌগনি, মশীং কয়া পোক্কনি, মখোয়গী মরক্তা কয়াম লাপ্নহনগনি অমসুং করম্বা মতমদা লেপকনি হায়বগি লৌশীং অমসুং পাম্বৈশীং তাকই। প্লানিং তৌনবগী অমসুং মীরোন্দনবগী শাফবা, কান্নবা অমসুং চৎনবা য়াবা পাম্বৈ কয়া লৈ।

  • ত্রেন তৌরবা হেলথ ৱার্করশীং অমসুং ক্লিনিকশীংনা নুপীশীংবু ফেমিলি প্লানিংগী মরমদা ফিরেপ লৌবা ঙমহন্নবগীদমক ইনফোর্মেসন অমসুং পাউতাক পীগদবনি অমসুং চৎনবা য়াবা, শাফবা, খুদোংচাবা, ইফেক্টিভ অমসুং মমল চংদবা ফেমিলি প্লানিং মেথদ অমা খনবদা নুপী অমসুং নুপাশীংবু মতেং পাংগদবনি।
  • ত্রেন তৌরবা হেলথ ৱার্করশীং অমসুং ক্লিনিকশীংনা ইনখৎলক্লিবা নুপীমচাশীং অমসুং নুপামচাশীংদা মখাদা পিরিবা রিপ্রদক্টিভ হেলথ ইনফোর্মেসন অমসুং ফেমিলি প্লানিং সর্ভিসশীং অসি পীগদবনি (1) ইনখৎলক্লিবশীংদা সেন্সিটিভ ওইবা অমসুং (2) মচং ওইবা অমসুং দায়ত্ব লৈবা পুন্সিগী ফিরেপশীং লৌনবা মখোয়গী স্কিলশীং হেনগৎহন্নবা মতেং পাংবা।
  • ইনখৎলক্লিবি নুপীমচাশীং অমসুং ইনখৎলক্লিবী মীরোনবীশীংগা শম্ননবগীগী অখন্নবা চেনেলশীং শেমগত্তুনা কাউন্সেলিং, কন্ত্রাসেপ্তিপশীং অমসুং অঙাং পোক্ত্রিঙৈ অমসুং পোক্লবা মতুংগী সর্ভিসশীং য়াউনা সপোর্ট পীবা তাই। ইনখৎলক্লিবী মীরোনবীশীং অসিগী অখন্নবা মীৎয়েং মথৌ তাই অমসুং অঙাং পোক্ত্রিঙৈ অমসুং পোক্লবা মতুংগী চেক্সিন থৌরাংগীদমক হেলথ ক্লিনিকশীংদা তোইনা চৎপা মথৌ তাই।
  • ইনখৎলক্লিবা নুপামচাশীং অমসুং নুপাশীংনা প্লান তৌদবা (নিংদবা) মীরোনবশীং থীংবদা মরুওইবা থৌদাং লৌবা য়াই। মখোয়না সেক্সুএল অমসুং রিপ্রদক্টিভ হেলথকা মরি লৈনবা ইনফোর্মেসন অমসুং সর্ভিসশীংগী এক্সেস লৈবা হায়বসি য়াম্না মরুওই।
  • ইনখৎলক্লিবি নুপীমচাশীং নত্ত্রগা নুপীশীংনা অহেনবা ফোর্মেল এজুকেসন লৈবা হায়বসিনা মহাকপু হেন্না ফবা ফেমিলি প্লানিং মেথদশীং শিজিন্নহনগনি, লুহোংবা অমসুং অঙাং য়াউবা থেংথহনগনি, হেন্না ফবা শেনমিৎলোন লৈহনগনি অমসুং মশীং য়ামদবা অমসুং হেন্না মশা-মউ ফবা অঙাংশীং লৈহনগনি। মরম অদুনা এজুকেসনগী অতোপ্পা কান্নবশীংগী মথক্তা নুপীমচাশীং স্কুলদা মীং চনশীনবা অমসুং থম্বা হায়বসি মমা অমসুং মচাগী হকশেলগী য়াম্না মরুওইবা অমনি।
  • মখল মখা কয়াগী কন্ত্রাসেপ্তিভ মেথদশীংগী মনুংদা, কোন্দোম অসিখক্তনা মীরোনবা অমসুং HIV য়াউনা হক্তিন্নবদগী লৌনবা লায়না অনিমক্তগী ঙাকথোকপা ঙম্মী।
  • ইনখৎলক্লিবা নুপামচাশীং, নহা ওইরিবা নুপাশীং অমসুং নুপাশীংদা কোন্দোম শিজিন্নবগী মতাংদা লৈরিবা দায়ত্বগী মতাংদা তম্বীবা অসি য়াম্না মথৌ তাই। ইনখৎলক্লিবা নুপীমচাশীং অমসুং নুপামচাশীং, লুহোংলবা নত্ত্রগা লুহোংদ্রিবশীংনা কোন্দোমনা ঙাকথোকপা ঙম্বগী অমসুং অতোপ্পা কন্ত্রাসেপ্সন অমনা (মতম অমত্তদা কন্ত্রাসেপ্সনগী মেথদ অনি শিজিন্নদুনা) মীরোনবদগী ঙাকথোকপা অমসুং HIV য়াউনা হক্তিন্নবদগী শন্দোরকপা লায়নাশীং (STIs) থীংবা ঙম্বগী মতাংদা খংবা মথৌ তাই।
  • লৈবাক খরদা অঙাং য়ৈথবগা মরি লৈননা শিবশীং অসি ইনখৎলক্লিবা নুপীমচাশীংদা য়াম্না ৱাংই। ইনখৎলক্লিবা নুপীমচাশীং, নহা ওইরিবী নুপীশীং অমসুং মখোয়গী লোয়নরিবশীং অদুদা মীরোনবা থীংনবগী অমসুং অঙাং য়ৈথবগা লোয়নরিবা খুদোংথীবশীংগী মতাংদা ইনফোর্মেসন পীগদবনি।
  • মমা অমনা মহাক্কী মচা অদু খোম্লাংখক্তনা অয়ুক অমসুং নুংথীলদা অঙাং অদুগী অহানবা থা তরুক অদু পীথকপনা থাগী খোংকাপ লাকপা থেংথহল্লি অমসুং মসিনা মীরোনবা তপথহনবদা মতেং পাংই। মহাক্কী থাগী খোংকাপ অমুক হৌরক্ত্রিঙৈদা মীরোল্লকপা য়াবগী চাং য়াম্না নেম্মী। রিস্ক অসি চাদা 2দগী তাথৈ অমসুং মসি ফেমিলি প্লানিং মেথদ অতৈগা মান্নৈ। অদুম ওইনমক রিস্ক অসি থা তরুক্কী মতুংদগী হেনগৎলকই।

ইনখৎলক্লিবশীং য়াউনা নুপা অমসুং নুপী অনিমক ফেমিলি প্লানিংগী দায়ত্ব লৈ। মতৈ মনাও অনিমক্না ফেমিলি প্লানিংগী অমসুং ফংলিবা ওপশনশীং অনিমক্কী হকশেলগী কান্নবশীং খংবা মথৌ তাই।

  • ইনখৎলক্লিবশীং য়াউনা নুপা অমসুং নুপীশীংনা প্লান তৌদবা মীরোনবশীং থীংনবা দায়ত্ব লৌগদবনি। মখোয়না ত্রেন তৌরবা হেলথ ৱার্কর অমদগী ফেমিলি প্লানিংগী কান্নবা অমসুং মখল কয়াগী মেথদশীংগী মতাংদা পাউতাক লৌগদবনি অমসুং ইনফোর্মেসন ফংনবা হোৎনগদবনি।
  • ইনফোর্মেসন অসি দোক্টর, নর্স, মিদৱাইফ, মেটরনিটি সেন্টর নত্ত্রগা ফেমিলি প্লানিং ক্লিনিক অমদগী ফংবা য়াই। মফম খরদদি, ওজা অমা, য়ুথ ওর্গানাইজেসন অমা নত্ত্রগা নুপীশীংগী ওর্গানাইজেসন অমনসু ইনফোর্মেসন অসি পীবা ঙম্বা য়াই।

সোর্স: UNICEF

3.0
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top