শেয়র
Views
  • ষ্টেট শেমদোক্নবা হাংদোকউ

মেলেরিয়া

তোপিক অসিনা মেলেরিয়াগী মরমদা ইনফোর্মেসন পীরি

মেলেরিয়া হায়বসি কাংনা চিকপনা শন্দোকপা শাথীবা লায়না অমনি। মেলেরিয়া অসি মরুওইনা মীরোনবী নুপীশীংগীদমক খুদোংথীনিঙাই ওই। মীরোল্লিঙৈ মতমদা মেলেরিয়া লৈবনা লায়না শন্দোক্লিবা মফমদা লৈবা চাদা 20দি অরুম্বা য়ৌদনা পোকহল্লি অমসুং মসিগী মথক্তা এনেমিয়া, শীনা পোকপা অমসুং মমা শিহনবফাউবা থোকহল্লি।

মেলেরিয়া অসি এনোফেলিস কাং অমনা চিকপদগী শন্দোকই। কাং অদুনা মেলেরিয়া পেরাসাইট, প্লাজমোদিয়ম অসি মী অমদগী মী অমদা শন্দোকই। মী অদু অরুম লাইহৌ, দাইরিয়া, ওবা, কোক চিকপা, ইংথম চনবা অমসুং ফ্লু মানবা অনাবশীংনা নাহল্লি। মরুওইনা অঙাংশীংদা, লায়না অসিনা য়াম্না থুনা শোকচিনহনবা ঙম্মী অমদি কোমা অমসুং শিবফাউবা য়াউহল্লি। চহি 5গী মখাদা লৈবা অঙাংশীংদা মেলেরিয়া অসি খ্বাইদগী হেন্না খুদোংথীনিঙাই ওই মরমদি মখোয়দা মদু থিংনবা ইমুনিটি খজিক্তমক য়াউই।

মেলেরিয়া থীংদুনা অমসুং মদুবু ঙন্না লায়েংদুনা মীওই কয়াগী পুন্সি কনবা য়াই। অঙাংশিং অমসুং মখোয়গী ইমুংগী মীওইশীংনা অথুবা অমসুং ইফেক্তিভ ওইবা লাইয়েং অমসুং মেলেরিয়া থীংনবা ক্বালিতি হেলথ কেয়র ফংবগী হক লৈ।

মরুওইবা ৱাফমশীং:

  1. মেলেরিয়া অসি কাং খরনা চিকপদগী শন্দোকই। তিলহাৎ হিদাক্তা লুপথোক্লবা কাংখল মনুংদা তুম্বদা কাং চিকপদগী থীংনবা খ্বাইদগী ফবা পাম্বৈনি।
  2. মেলেরিয়া লৈবা মফম অদু অঙাংগীদমক্তদি খুদোংথীনিঙাই ওইরে। অরুম হৌরবা অঙাং অমবু খুদক্তা ত্রেন তৌরবা হেলথ ‍ৱার্কর অমনা য়েংহনগদবনি অমসুং করিগুম্বা মেলেরিয়া লৈরে খংলবদি য়ারিবমখৈ থুনা চুনবা এন্টিমেলেরিয়াগী লাইয়েং লৌগদবনি। অরতেমাইসিনিন-বেজ কম্বিনেসন থেরাপিজ (ACTs) অসি প্লাজমোদিয়ম ফলসিপারম মেলেরিয়াগী লাইয়েংগীদমক্তা WHOনা রেকমেন্দ তৌই। মসিনা খ্বাইদগী শাথীবা মেলেরিয়া মখলনি অমসুং মসিনা মেলেরিয়ানা শিহল্লিবা ময়ামসিগী অয়াম্বা মরম ওই।
  3. মেলেরিয়া অসি মীরোনবী নুপীশীংগীদমক য়াম্না খুদোংথীনিঙাই ওই। মেলেরিয়া অসি কমন ওইবা মফমদা, মখোয়না মেলেরিয়া অসি, ত্রেন তৌরবা হেলথ ৱার্কর অমনা রেকমেন্দ তৌবা এন্টিমেলেরিয়াগী তেব্লেট চাদুনা অমসুং তিলহাৎ হিদাক্তা লুপথোক্লবা কাংখল মনুংদা তুমদুনা থীংবা য়াই।
  4. মেলেরিয়ানা নাহল্লবা নত্ত্রগা ফগৎলক্লিবা অঙাং অমদা মহি-মনাই অমসুং চিঞ্জাক মরাং কায়না মথৌ তাই।

সপোর্ট তৌরিবা ইনফোর্মেসন

মেলেরিয়া অসি কাং খরনা চিকপদগী শন্দোকই। তিলহাৎ হিদাক্তা লুপথোক্লবা কাংখল মনুংদা তুম্বদা কাং চিকপদগী থীংনবা খ্বাইদগী ফবা পাম্বৈনি।

কম্যুনিতিগী মেম্বর পুম্নমক, মরুওইনা নৌরিবা অঙাং অমসুং মীরোনবী নুপীশীং অসি কাংনা চিকপদগী ঙাকথোক্কদবনি। ঙাকথোকপা অসি মেলেরিয়াগী কাংনা চিকপা মতম হায়বদি নুমিৎ তারবা অমসুং নুমিৎ থোক্লক্ত্রিঙৈগী মমাং অসিদা মথৌ তাই।

তিলহাৎ হিদাক্তা লুপথোক্লবা শাংনা চৎপা কাংখল অসি য়ামদ্রবদা চহি অহুমদি চৎলি অমসুং তিলহাৎ হিদাক্তা অমুক হন্না লুপথোকপা মথৌ তাদে। কাংখলশীং অসি মেলেরিয়া কন্ত্রোল প্রোগ্রামশীংনা য়েন্থোকই অমসুং হেলথ ফেসিলিটিশীংদগী নত্ত্রগা চাইল্ড হেলথ দে নত্ত্রগা ইন্তিগ্রেতেদ কেম্পেনশীংগী মতমদা ফংই। কাংখল অয়াম্বদি, মরুওইনা মীরোনবী নুপী অমসুং চহি নৌরিবা অঙাংশীংদা শেল লৌদনা য়েন্থোকই। মরুওইনা অর্বান এরিয়াশীংদা, মখোয় অসি কৈথেলদা নত্ত্রগা সোসিএল মার্কেতিং প্রোগ্রামশীংদা ফংই। লুপথোক্তবা কাংখলশীং শিজিন্নরিবা ওইরবসু ত্রেন তৌরবা হেলথ ৱার্করশীংনা শাফবা তিলহাৎ হিদাকশীংদা অমুক হন্না লুপথোক্নবা পাউতাক পীবা য়াই।

তিলহাৎ হিদাক্তা লুপথোক্লবা কাংখল অসি, কাং য়াম্না লৈতবা অকংবা থাশীং য়াউনা চহি চুপ্পা শিজিন্নগদবনি।

তিলহাৎ হিদাক্তা লুপথোক্লবা কাংখলশীং শীজিন্নবগী মথক্তা, নত্ত্রগা করিগুম্বা কাংখল ফংদ্রবা নত্ত্রগা শিজিন্নদ্রবদি অতোপ্পা থৌওংশীংনা মতেং পাংবা য়াই, অদুবু মখোয় অদু কাংখল শীজিন্নবদৌনা ইফেক্টিভ ওইবদি নত্তে:

  • থোং অমসুং থোংনাউদা স্ক্রিনশীং শিজিন্নবা; মসি অর্বানগী ফিভমদা অয়াম্বা শিজিন্নৈ অমসুং খুংগংগি য়ুম কৈশীংদদি ইফেক্টিভ ওইদে
  • কাংমৈ হিদাক শিজিন্নবা; মসিনা তান্থোকই অদুবু কাং হাৎপদি নত্তে। মসি শাংনা চৎপা নত্তে
  • খোং অমসুং খুৎ কুপশিনবা ফি-রোল শেৎপা (খুদাং চোনবা ফুরিৎ অমসুং খোংগ্রাউ অশাংবি নত্ত্রগা স্কর্ট); করিগুম্বা মেলেরিয়া কাংনা খ্বাইদগী এক্টিভ ওইবা মতম- নুমিদাংৱাইরমদগী নোংঙাল্লমদাই ফাউবগী মতমসিদা শেৎ-চারবদি কাং চিকপগী চাং হন্থহনবদা মতেং পাংই।

মেলেরিয়া লৈবা মফম অদু অঙাংগীদমক্তদি খুদোংথীনিঙাই ওইরে। অরুম হৌরবা অঙাং অমবু খুদক্তা ত্রেন তৌরবা হেলথ ‍ৱার্কর অমনা য়েংহনগদবনি অমসুং করিগুম্বা মেলেরিয়া লৈরে খংলবদি য়ারিবমখৈ থুনা চুনবা এন্টিমেলেরিয়াগী লাইয়েং লৌগদবনি। অরতেমাইসিনিন-বেজ কম্বিনেসন থেরাপিজ (ACTs) অসি প্লাজমোদিয়ম ফলসিপারম মেলেরিয়াগী লাইয়েংগীদমক্তা WHOনা রেকমেন্দ তৌই। মসিনা খ্বাইদগী শাথীবা মেলেরিয়া মখলনি অমসুং মসিনা মেলেরিয়ানা শিহল্লিবা ময়ামসিগী অয়াম্বা মরম ওই।

করিগুম্বা ইমুংগী মীওই অমনা লাইহৌ হৌরক্লবা নত্ত্রগা পীক্লিবা অঙাংশীংনা চাউ য়ারক্ত্রবা নত্ত্রগা ওরক্লবা, দাইরিয়া তৌরক্লবা, কোক ঙাউবা নত্ত্রগা হকচাং চিংবা তৌরক্লবদি মেলেরিয়ানি হায়না চিংনবা য়ারে।

মেলেরিয়ানা থোকহনবা লাইহৌনি হায়না অঙাং অমবু চিংনরবদি ত্রেন তৌরবা হেলথ ৱার্কর অমনা রেকমেন্দ তৌবা এন্তিমেলেরিয়াগী লাইয়েং খুদক্তা পীবা মথৌ তাই। করিগুম্বা ওইথোকপা য়ারবদি, অঙাং অদু রেপিদ দাইএগ্নোষ্টিক তেষ্ট (RDT) নত্ত্রগা মাইক্রোস্কোপি (মীওই অদুগী ঈ অদু মাইক্রোস্কোপ শীজিন্নদুনা য়েংবা লেবোরেটরিগী দাইএগ্নোসিস) পাংথোক্তুনা মেলেরিয়া ইনফেক্সন লৈরে হায়বা কনফার্ম তৌবা য়াই। RDT অসি শেল ইচং চংদে অমসুং কোম্না ফংই।

করিগুম্বা অঙাং অমগী মেলেরিয়াগী লাইহৌ অদু নোংমগী মনুংদা মহাক্তু শিবা য়াই। ACT অসি প্লাজমোদিয়ম ফালসিপরুম মেলেরিয়া লাইয়েংনবগীদমক WHOনা রেকমেন্দ তৌই। ত্রেন তৌরবা হেলথ ৱার্কর করম্বা ACT মখলগী লাইয়েং অসিনা খ্বাইদগী ফবগে অমসুং নেসনেল গাইদলাইন্সকী মতুংইন্না কয়াম শাংনা লৌগদগে হায়বদু তাকপা য়াই।

মহৌশানা মেলেরিয়ানা লাইহৌ হৌহল্লি অমসুং নিংথম চলহল্লি। লাইহৌ কন্না হৌরবা অঙাং অমবু লাইহৌ অদুনা শাংথনা লৈরিবমখৈ ঈংনা থম্বীগদবনি অমসুং মখাগীসি পাংথোকপীগদবনি:

  • য়াম্না ঈংদবা ঈশীংনা (খজিক্তং ঈংবা, য়াম্না ঈংদবা) অঙাং অদুবু স্পোঞ্জিং নত্ত্রগা ঈরুজবীবা
  • এস্পিরিনদি নত্তবা, পেরাসিতামোল নত্ত্রগা আইবুপ্রোফেনগুম্বা এন্টিপাইরেটিক্স (লাইহৌ হন্থহনবা নত্ত্রগা থিংবা হিদাক) পীজদুনা লায়েংবা।

লাইহৌ কা-হেন্না হৌবা থীংবা হায়বসি নামা শোইহল্লকপা য়াবা, হকচাং চিংবা হায়বসি থীংনবগীদমক য়াম্না মরুওই।

করিগুম্বা লাইহৌ অদু য়াংনা হন্থখ্রবসু, মেলেরিয়ানা নারবা অঙাং অমনা লাইয়েংদুগী মপুংফাবা কোর্স অদু লোয়হনবা মথৌ তাই। করিগুম্বা লাইয়েং অদু মপুং ফাখিদ্রবদি, মেলেরিয়া অসি হেন্না শাথীরকপা অমসুং লাইয়েংবদা ৱাবা ওইরকপা য়াই। মপুং ফাদবা লাইয়েংনা লোকেল এরিয়া অদুদা লৈরিবা মীওইশীংদা হিদাক্তুগী রেসিষ্টেন্স লৈহল্লকপা য়াই।

করিগুম্বা মেলেরিয়াগী লাইওং অসি লাইয়েংলবা মতুংদসু লৈথরবদি, অঙাং অদুবু হেলথ সেন্টর নত্ত্রগা হোস্পিতাল অমদা পুবিগদবনি। প্রোব্লেম অদু মখাগীসি ওইবা য়াই:

  • অঙাং অদুনা হিদাক মতিক চানা ফংলমদবা য়াই
  • অঙাং অদুদা মেলেরিয়াদগী হেনবা অতোপ্পা অনাবা অমা লৈরম্বা য়াই
  • মেলেরিয়া অসি হিদাক অদুদা রেসিষ্টেন্ট ওইরম্বা য়াই অমসুং অতোপ্পা হিদাক অমা মথৌ তারম্বা য়াই।

হেলথ-কেয়র প্রোভাইদরশীংনা মমা মপা অমসুং অতৈ শেন্নরিবা মীওইশিংদা মেলেরিয়া থীংনবা পাম্বৈশীং অমসুং মেলেরিয়ানা নারবা অঙাং অমবু য়েংশিনবীনবগী খ্বাইদগী ফবা থৌওংশীং শোয়দনা খংহন্নবগী থৌদাং লৈ।

মেলেরিয়া অসি মীরোনবী নুপীশীংগীদমক য়াম্না খুদোংথীনিঙাই ওই। মেলেরিয়া অসি কমন ওইবা মফমদা, মখোয়না মেলেরিয়া অসি, ত্রেন তৌরবা হেলথ ৱার্কর অমনা রেকমেন্দ তৌবা এন্টিমেলেরিয়াগী তেব্লেট চাদুনা অমসুং তিলহাৎ হিদাক্তা লুপথোক্লবা কাংখল মনুংদা তুমদুনা থীংবা য়াই।

মীরোনবী নুপীশীং অতৈ নুপীশীংদগী হেন্না মেলেরিয়া নাগল্লি। লায়না অসি মীরোল্লীঙৈ মতমদা, মরুওইনা অহানবা মীরোনবা মতমদনা হেন্না খুদোংথীনিঙাই ওই। মসি নুপী অমগী হকচাংদা অহোংবা লাকহন্দুনা মহাক্কী হান্না লৈরম্বা মেলেরিয়াগী রেসিষ্টেন্স হন্থখিবননি। মেলেরিয়ানা শাথীরবা এনেমিয়া (‘thin blood’), মিসকেরিএজ, প্রিমেচ্যুওর বার্থ নত্ত্রগা ষ্টিলবার্থ থোকহল্লকপা য়াই।

মীরোল্লিঙৈ মতমদা মেলেরিয়ানা নাখিবা মমাশীংনা পোকপা অঙাংশীং অসি অরুম্বা হন্থগল্লি। মসিনা মখোয়গী অহানবা চহিগী মতমদা ইনফেক্সন থোকহনবা নত্ত্রগা শিহনবা য়াবগী খুদোংথীবা লৈ।

মেলেরিয়া লৈগনবা মফমশীংদা লৈবা নুপীশীংনা অহানবা মীরোনবা মতমদা মেলেরিয়াগী খুদমশীং তোইনা উৎকন্দে।

থীংনবা লাইয়েং অমা ওইনা, মেলেরিয়া লৈগনবা মফমশীংদা লৈবা মীরোনবী নুপীশীং, মরুওইনা লাইওং উৎলক্তবসু য়াবা মখোয়গী অহানবা মীরোনবা মতমদা, ত্রেন তৌরবা হেলথ ৱার্কর অমনা রেকমেন্দ তৌবা মতুংইন্না অনিশূবা অমসুং অহুমশুবা ত্রাইমেষ্টরশীংদা এন্টিমেলেরিএল টেব্লেটশীং চাগদবনি। করম্বা এন্টিমেলেরিএল টেব্লেটশীংনা চাবদা খ্বাইদগী ফগদগে হায়বদু হেলথ ৱার্কর অদুনা খংগনি।

মীরোনবী নুপীশীংনা তিলহাৎ হিদাক্তা লুপথোক্লবা কাংখলশীংগী মনুংদা তুম্বা হায়বসিসু য়াম্না মরুওই।

প্লাজমোদিয়ম ফালসিপারুম মেলেরিয়াগী লাইওং অমসুং খুদমশীং লৈবা মীরোনবী নুপীশীংবু খুদক্তা ত্রেন তৌরবা হেলথ ৱার্কর অমনা, অহানবা ত্রিমেষ্টরদা ক্যুইনাইন (quinine), অমসুং অনিশুবা অমসুং অহুমশুবা ত্রিমেষ্টরশীংদা ACT শিজিন্নদুনা লাইয়েংবা য়াই।

মেলেরিয়ানা নাহল্লবা নত্ত্রগা ফগৎলক্লিবা অঙাং অমদা মহি-মনাই অমসুং চিঞ্জাক মরাং কায়না মথৌ তাই।

মেলেরিয়ানা নারবা নুপীমচা নত্ত্রগা নুপামচা অমবু দিহায়দ্রেসন অমসুং মালন্যুত্রিসন থীংবদা মতেং ওইনবগীদমক মহি-মনাই অমসুং চিঞ্জাকশীং তোয়না পীজবা মথৌ তাই।

তোইনা খোম্লাং পীথকপনা দিহায়দ্রেসন থীংই অমসুং অঙাং অদুনা মেলেরিয়া য়াউনা, ইনফেক্সনশীং ফহনবদা মতেং পাংই। মেলেরিয়ানা নারবা খোম্লাং ইল্লিবা অঙাংশীংবু য়ারিবখৈ তোয়না খোম্লাং পীথক্কদবনি।

মেলেরিয়াগী ইনফেক্সন তোইবনা এনেমিয়া থোকহল্লি। মেলেরিয়ানা কয়ারক হন্না নারবা অঙাং অমবু এনেমিয়াগী চেক তৌথোক্কদবনি।

সোর্স: UNICEF

3.16666666667
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top