হোম / হকশেল / পুন্সিগী ওইবা অচুম্বশীং / লোক খুবা, লোক থুংবা অমসুং হেন্না শাথীবা অনাবশীং
শেয়র
Views
  • ষ্টেট শেমদোক্নবা হাংদোকউ

লোক খুবা, লোক থুংবা অমসুং হেন্না শাথীবা অনাবশীং

তোপিক অসিনা লোক খুবা, লোক থুংবা অমসুং হেন্না শাথীবা অনাবশীংগা মরি লৈনবা ইনফোর্মেসন পিরি।

লোক খুবা, লোক থুংবা, খৌনাউ নাবা অমসুং নপ মহি চেনবশীং অসি অঙাংশীংগী পুন্সিদা তোইনা থোকই। মহৌশানা মখোয় অসি পাখৎনিঙাই লৈতে।

অদুম ওইনমক কেস খরদদি লোক খুবা অসি ন্যুমোনিয়া নত্ত্রগা ট্যুবরকুলোসিসকুম্বা হেন্না শাথীবা অনাবশীংগী খুদোংথিবা খুদমশীং ওই। ন্যুমোনিয়া অসি চহি 5গী মখাদা লৈবা নুপিমচা অমসুং নুপামচাশীংবু শিহন্নবগী মরুওইবা মরম অমা ওই অমসুং মসিগী মথংদা দাইরিয়া অসিনি। ন্যুমোনিয়ানা AIDS, মেলেরিয়া অমসুং মিজলসনা পুল্লগা শিহনবদগী হেল্লি।

মরুওইবা ৱাফমশীং:

  • লোক খুবা নত্ত্রগা লোক থুংবা অঙাং অমবু লুম্বু লুম্বু শানা থম্বীগদবনি অমসুং য়ারিবমখৈ চানবা অমসুং থক্নবা পুক্নিং থৌগৎপীগদবনি।
  • করিগুম্বা মতমদা, লোক খুবা অসি শাথীবা প্রোব্লেম অমগী খুদম ওইবা য়াউই। শ্বর থবেৎ-থবেৎ নত্ত্রগা ৱানা হোল্লবা অঙাং অদু লংসকী ইনফেক্সন অমা ওইরিবা ন্যুমোনিয়া অসি ওইবা য়াই। মসি মীবু শিহনবা ঙম্বা লায়না অমনি। অঙাং অমনা হেলথ ফেসিলিটি অমদা রিফর পীবসু ঙম্বা ত্রেন তৌরবা হেলথ ৱার্কর অমদা খুদক্তা লায়েংগদবনি।
  • ইমুং মনুংশীংনা ন্যুমোনিয়া অসি অহানবা থা তরুক অদুদা খোম্লাংখক্তনা য়োক্তুনা অমসুং অঙাং পুম্নমকপু মচি ওইবা চিঞ্জাকশীং পীজদুনা অমসুং মপুং ফানা টিকা থাদোক্তুনা থীংবা ঙম্মী।
  • চয়োল অহুমদগী হেন্না শাংনা লোক খুরক্লবা অঙাং অমবু খুদক্কী ওইবা মেদিকেলগী মতেং লৌবা মথৌ তাই। অঙাং অদুদা লংসকী ইনফেক্সন অমা ওইরিবা ট্যুবরকুলোসিস লৈরম্বা য়াই।
  • চুরুটকী নত্ত্রগা চাকথোংবগী মৈখুনা শোকহল্লবা অঙাংশীং অমসুং মীরোনবী নুপীশীং অসি মরুওইনা ন্যুমোনিয়া নত্ত্রগা অতৈ শ্বর হোনবগী অনাবশীংগী রিস্ক লৈ।

সপোর্ট তৌরিবা ইনফোর্মেসন

লোক খুবা নত্ত্রগা লোক থুংবা অঙাং অমবু লুম্বু লুম্বু শানা থম্বীগদবনি অমসুং য়ারিবমখৈ চানবা অমসুং থক্নবা পুক্নিং থৌগৎপীগদবনি।

  • অঙাংশীং অমসুং য়াম্না নৌরিবা অঙাংশীং অসিনা মখোয়গী হকচাংগী মৈশা অসি কোম্না মাংই। মখোয়না লোক খুবা নত্ত্রগা লোক থুংবা মতমদা মখোয় অসি ফিনা য়োমশিনগদবনি অমসুং লুম্বু লুম্বু শানা থম্বীগদবনি।
  • লোক খুবা, লোক থুংবা, নপ মহি চেল্লবা নত্ত্রগা খৌনাউ চাত্থৎলবা অদুবু শ্বরদি নোর্মেল ওইনা হোল্লিবা অঙাংশিংদি য়ুমদা লায়েংবা য়াই অমসুং হিদাক-লাংথকশীং চাদনা ফগৎলক্কনি। মখোয় অদুবু লুম্বু লুম্বু শানা, অদুবু হেন্না শাহনবদি নত্তনা, অমসুং চানা থক্নবা মরাং কায়না পীবিবা মথৌ তাই। হিদাক-লাংথকশীং অসি ত্রেন তৌরবা হেলথ ৱার্কর অমনা প্রেক্রাইব তৌদ্রিবমখৈ শিজিন্নরোইদবনি।
  • অরুম লাইহৌনা নারবা অঙাং অমবু চেক্সিন্না য়েংশিনবা মথৌ তাই। মহাকপু স্পোঞ্জনা নপথোকপীগদবনি নত্ত্রগা অঈংবদি নত্তবা খজিক্তং ইংবা ঈশিংনা ইরুবীগদবনি। অঙাং অদু অহেনবা মহি-মনাইশীংনা ফজনা হায়দ্রেট তৌহন্দুনা থম্বীগদবনি। মেলেরিয়া নাগনবা মফমশীংদদি, অঙাংগী হকশেল অমসুং হিংবদা খুদোংথিনিঙাই ওইবা মেলেরিয়ানা নাবা ওইরম্বসু য়াই। মফমশীং অদুদা লৈবা অরুম লাইহৌনা নারবা অঙাং অমবু ত্রেন তৌরবা হেলথ ৱার্কর অমনা খুদক্তা চেক তৌহনগদবনি।
  • লোক খুবা নত্ত্রগা থুংবা অঙাংগী মনাতোন অদু তোইনা, মরুওইনা অঙাং অদুনা চাদ্রিঙৈ নত্ত্রগা তুমথদ্রিঙৈদা শেংদোকপীগদবনি। ঈনিল চেনবা অকোয়রোন অমা লৈহনবনা শ্বর হোনবা নুংঙাইহনগনি। করিগুম্বা অঙাং অদুনা ঈশীং মনিলশীং অসি অশাবা অদুবু অশৌবদি নত্তবা ঈশীং য়াউবা পাত্র অমদগী হোঞ্জিল্লবদি কান্নগনি। মমা মপা নত্ত্রগা অতৈ শেন্নরিবা মীওইশিং অদুনা ঈশীং অদু কা হেন্না শাদ্রব্রা হায়বা অমসুং অঙাং অদুনা ঈশিং মনিল অদু শ্বর হোঞ্জিনবা মতমদা চেক্সিন্না য়েংশিনগদবনি।
  • লোক খুবা নত্ত্রগা থুংবা খোম্লাং ইল্লিবা অঙাং অমনা শ্বর হোনবা মতমদা ৱাবা য়াই। খোম্লাং ইনবনা অনাবা ফহনবদা মতেং পাংবনা মরম ওইদুনা অমসুং অঙাং অদুবু চাউ-শাংহনবদা মথৌ তাবা মরম্না মমা অদুনা তোয়না খোম্লাং ইনবীগদবনি। করিগুম্বা অঙাং অমনা খোম্লাং চিংবা ঙমদ্রবদি, খোম্লাং অদু তরু-তনানবা পাত্র অমদা শুমদোকপা য়াই অমসুং মদুবু মমা, মপা নত্ত্রগা শেন্নরিবা মীওই অদুনা কপ অমদগী পীথকপা য়াই। অঙাং অদুবু খোম ইনদ্রিঙৈ নত্ত্রগা কপ অমদগী খোম্লাং (নত্ত্রগা খোম্লাংগী মহুৎ) অদু পীথক্ত্রিঙৈদা, করিগুম্বা অঙাং অদুগী মনাতোন অদু নপথীনা ফুঞ্জিল্লবদি, মদু শেংদোকপীগদবনি।
  • থা 6 শুরবা নত্ত্রগা হেল্লবা অঙাংশীংবু তোয়না খোম্লাং থকপা, চাবা অমসুং থক্নবা পুক্নিং থৌগৎকদবনি। অনাবা অদু ফরবা মতমদা, অঙাং অদুবু য়ামদ্রবদা মহাক্না নাদ্রিঙৈদা লৈখিবা অরুম্বা অদু হঞ্জিন্দ্রিবফাউবা অহেনবা মচি ওইবা চিঞ্জাকশীং পীজবীগদবনি।
  • লোক খুবা অমসুং থুংবা অসি কোম্না শন্দোকই। লোক থুংবা অমসুং খুবা মীওইশীংনা অঙাংশীংগী মনাক্তা লোক খুবা, হাকথী খনবা নত্ত্রগা তিন শিৎপা তৌরোইদবনি। মখোয়না মখোয়গী লোক শিৎফমদা নত্ত্রা টিসু অমদা খুগদবনি নত্ত্রগা হাকথী খনগদবনি অমসুং টিসু অদু শাফবা মওংদা মাংহনগদবনি। মসিগী মতুংদা খুৎ-শা অদু সাপোন্না হামদোক্কদবনি। মসিনা মহিকশীং শন্দোরকপা থীংবদা মতেং ওই।

করিগুম্বা মতমদা, লোক খুবা অসি শাথীবা প্রোব্লেম অমগী খুদম ওইবা য়াউই। শ্বর থবেৎ-থবেৎ নত্ত্রগা ৱানা হোল্লবা অঙাং অদু লংসকী ইনফেক্সন অমা ওইরিবা ন্যুমোনিয়া অসি ওইবা য়াই। মসি মীবু শিহনবা ঙম্বা লায়না অমনি। অঙাং অমনা হেলথ ফেসিলিটি অমদা রিফর পীবসু ঙম্বা ত্রেন তৌরবা হেলথ ৱার্কর অমদা খুদক্তা লায়েংগদবনি।

লোক খুবা, থুংবা, লাইহৌ, খৌনাউ চাফৎপা অমসুং নপ মহি চেনবা অয়াম্বদি হিদাক-লাংথক চাদনা ফখি। অদুবু করিগুম্বা মতমদা লোক খুবা অমসুং অরুম লাইহৌ অসি ত্রেন তৌরবা হেলথ ৱার্কর অমনা লায়েংবগী মথৌ তাগদবা ন্যুমোনিয়াগী খুদম ওইবসু য়াউই।

করিগুম্বা ত্রেন তৌরবা হেলথ ৱার্কর অমনা ন্যুমোনিয়া লায়েংনবা এন্টিবাইওটিক পীজরবদি, ইনষ্ট্রকসনশীং অদু ইনবা হায়বসি মরুওই অমসুং করিগুম্বা অঙাং অদু খরা ফগৎনা উরবসু ইনষ্ট্রকসনদুদা হায়রিবদুগী মতুংইন্না অঙাং অদুদা হিদাকশীং অদু মখা শাংথনা পীজগদবনি।

অঙাং কয়ামরুম ময়ুমদা ন্যুমোনিয়ানা শিহল্লি মরমদি মখোয়গী মমা মপা নত্ত্রগা অতৈ শেন্নরিবা মীওইশীংদুনা অনাবা অদুগী শাথীবগী চাং অদু খুদক্কী ওইবা মেদিকেল কেয়রগী মরুওইবদু খংদে। ন্যুমোনিয়ানা শিহল্লিবা অঙাং মিলিয়ন কয়া অসি করিগুম্বা মখাগীশিংসি পাংথোক্লবদি কনবা ঙমগনি:

  • মমা মপা অমসুং অতৈ শেন্নরিবা মীওইশীংনা শ্বর হোনবদা ৱাবা অমসুং থবেৎ থবেৎ হোনবসি খুদোংথীবা খুদম্নি অমসুং অথুবা মেদিকেলগী মতেং মথৌ তাই হায়বা খংলবা।
  • মমা মপা অমসুং অতৈ শেন্নরিবশীংদুনা মেদিকেলগী মতেং অসি কদাইদগী ফংগদগে হায়বদু খংলবা।
  • মেদিকেলগী মতেং অমসুং চুনবা অমসুং মমল য়ামদবা এন্টিবাইওটিক অসি কোম্না ফংলবা।

করিগুম্বা মখাগী লাইওংশীং অসিদগী অমহেক্তা লৈরক্লবদি অঙাং অদুবু খুদক্তা ত্রেন তৌরবা হেলথ ৱার্কর অমদা পুবীগদবনি:

  • অঙাং অদুনা হান্নদগী হেন্না য়াংনা শ্বর হোল্লক্লবা: পোকপদগী নুমিৎ 59 ফাউবদা – মিনট অমদা শ্বর 60রক হোনবা; থা 2দগী থা 12 ফাউবা – মিনট অমা নত্ত্রগা হেনবদা শ্বর 50রক হোনবা; থা 12দগী চহি 5 ফাউবা – মিনট অমা নত্ত্রগা হেনবদা শ্বর 40রক হোনবা।
  • অঙাং অদুনা শ্বর ৱানা হোল্লবা নত্ত্রগা নুংশিৎ লৌশিন্নবা হোৎনরবা।
  • অঙাং অদুনা শ্বর হোঞ্জিনবদা থবাক্কী মখা থংবা শরুক অদু শিৎচিল্লবা, নত্ত্রগা চাকখাউ অদু মথক অমসুং মখাদা লেংবা ওইনা উরবা।
  • অঙাং অদুনা চয়োল অহুমদগী হেন্না লোক খুরবা।
  • অঙাং অদু খোম্লাং ইনবা নত্ত্রগা মহি থকপা ঙমদ্রবা।
  • অঙাং অদু তোয়না ওথোক্লবা।

হেলথ কেয়র প্রোভাইদরশীংনা মমা মপা অমসুং অতৈ শেন্নরিবা মীওইশীংদা ন্যুমোনিয়ানা নারবা অঙাং অমগী হেলথ রিস্কশীং অমসুং মসি থীংনবগী লৌখৎকদবা খোংথাংশীং অমসুং লায়েংশীংগী ওইবা ইনফোর্মেসনশীং অসি পীবগী থৌদাং লৈ।

ইমুং মনুংশীংনা ন্যুমোনিয়া অসি অহানবা থা তরুক অদুদা খোম্লাংখক্তনা য়োক্তুনা অমসুং অঙাং পুম্নমকপু মচি ওইবা চিঞ্জাকশীং পীজদুনা অমসুং মপুং ফানা টিকা থাদোক্তুনা থীংবা ঙম্মী।

  • খোম্লাং পীথকপনা অঙাংশীংবু ন্যুমোনিয়া অমসুং অতৈ অনাবশীংদগী ঙাকথোকপদা মতেং পাংই। অঙাং অমগী পুন্সিগী অহানবা থা তরুক্কী ওইনা খোম্লাংখক্তা পীথকপা হায়বসি মরুওই।
  • থা তরুক শুরবা মতুংদা অঙাং অমনা মশা ফনা লৈনবা মথৌ তাবা ন্যুত্রিএন্টশীং ফংনবা অমসুং রেস্পিরেটরি ইনফেক্সন অমসুং অতৈ অনাবশীং চংহন্দনবা মখল কয়াগী অফবা চিঞ্জাকশীং চাগদবনি অমসুং খোম্লাং ইনবা মখা চত্থগদবনি। অফবা চিঞ্জাকশীংগী খুদম খরদি উহৈ অমসুং মনা মশীংশীং (অশংবা মনা পানবা মনা মশীংশীং), লিভর, রেদ পাল্ম থাউ, শঙ্গোমগী পোত্থোকশীং, ঙা অমসুং য়েরুম অসিনি।
  • শাফবা ঈশীং অমসুং অফবা হায়জিন প্রাক্টিসশীংনা রেস্পিরেটরি ইনফেক্সন অমসুং দাইরিয়াগুম্বা অতৈ অনাবা কয়া হন্থহনবদা মতেং পাংই। প্রাক্টিসশীং অসিগী মনুংদা মনা মশীং অমসুং উহৈ চামথোকপা, চানবা শেম্ফম লু-নান্না থম্বা অমসুং খুৎ-শা সাপোন অমসুং ঈশীং নত্ত্রগা উৎ অমসুং ঈশীংগুম্বনা মহুৎ শিন্দুনা হামদোকপা অসি য়াউই।
  • অঙাং খুদিংমক্না রেকমেন্দ তৌরবা ইমুনাইজেসনগী সিরিজ অমা মপুং ফাহনগদবনি। ঙন্না ঙাকথোকপা হায়বসি মরুওই; অহানবা অমসুং অনিশুবা চহিগী ইমুনাইজেসনশীং অসি অখন্ননা মরুওই। অদুদগী অঙাং অদু মিজলস, পরটুসিস (হুপিং কফ), ট্যুবরকুলোসিস অমসুং ন্যুমোনিয়া থোকহনবা য়াবা অতৈ রেস্পিরেটরিগী অনাবশীংদগী ঙাকথোক্লগনি।
  • মমা মপা অমসুং অতৈ শেন্নরিবশীংনা নুপীমচা অমসুং নুপামচা অনিমকপু মখল মখাগী ওইবা অফবা দাইট অমসুং ইমুনাইজেসন পুম্নমক চপ মান্ননা পীবীগদবনি। হেলথ ৱার্করশীংনা মমা মপা অমসুং অতৈ শেন্নরিবা মীওইশীংবু দাইট, হায়জিন অমসুং ইমুনাইজেসনগী মরমদা অমসুং করম্না মখোয়বু ন্যুমোনিয়া অমসুং অতৈ অনাবশীংদগী ঙাকথোক্কদগে হায়বগী মতাংদা ইনফোর্মেসন পীবীবা য়াই।

চয়োল অহুমদগী হেন্না শাংনা লোক খুরক্লবা অঙাং অমবু খুদক্কী ওইবা মেদিকেলগী মতেং লৌবা মথৌ তাই। অঙাং অদুদা লংসকী ইনফেক্সন অমা ওইরিবা ট্যুবরকুলোসিস লৈরম্বা য়াই।

ট্যুবরকুলোসিস অসি অঙাং অমবু শিহনবা ঙম্বা নত্ত্রগা লংসপু মতম চুপ্পগী ওইনা মাংহনবা ঙম্বা শাথীরবা লায়না অমনি। ইমুং মনুং অমসুং য়েংশিনবীরিবা মীওইশীংনা করিগুম্বা মখোয়গী অঙাংশীংদু মখাদা পীরিবশীং অসি পাংথোক্লবদি ট্যুবরকুলোসিস থীংবদা মতেং পাংবা ঙমগনি:

  • মপুংফানা টিকা থাদোক্লবা – BCG টিকা থাবনা ট্যুবরকুলোসিসকী মওং খরদগী ঙাকথোকপা খরা ঙম্মী।
  • ট্যুবরকুলোসিস লৈবা নত্ত্রগা লোক-তিন্দা ঈ য়াউনা লোক খুবা মীওই অমহেক্তদগী লাপথোক্না থম্বীরবা।

করিগুম্বা ত্রেন তৌরবা হেলথ ৱার্কর অমনা ট্যুবরকুলোসিসকী অখন্নবা হিদাকশীং পীজরবদি, অঙাং অদুদা ইনষ্ট্রকসনগী মতুংইন্না হিদাক পুম্নমক পীজবা তাই। করিগুম্বা অঙাং অদু ফগৎনা উরবসু মদু তাক্লিবগী মতুংইন্না শাংথনা পীজগদবনি। করিগুম্বা পীজদ্রবদি, অঙাং অদুনা হিদাক অদুদা রেসিষ্টেন্স ওইরকপা য়াই অমসুং মদুনা মথং মথৌ তারকপদা কান্নবগী চাং হন্থহনগনি।

চুরুটকী নত্ত্রগা চাকথোংবগী মৈখুনা শোকহল্লবা অঙাংশীং অমসুং মীরোনবী নুপীশীং অসি মরুওইনা ন্যুমোনিয়া নত্ত্রগা অতৈ শ্বর হোনবগী অনাবশীংগী রিস্ক লৈ।

  • অঙাংশীংনা মৈখূ চেনবা অকোয়রোন অমদা লৈরবদি ন্যুমোনিয়া অমসুং অতৈ শ্বর হোনবগী অনাবশীং লাকপগী চাং ৱাংই।
  • মৈখু হোঞ্জিনবনা অঙাং অমবু পোক্ত্রিঙৈগী মমাংদফাউবা শোকহনবা য়াই। মীরোনবী নুপীশীংনা মৈখু শিজিন্নরোইদবনি নত্ত্রগা মৈখুদা লৈরোইদবনি। অঙাংশীংবু মরুওইনা মৈখু চেনবা চাকশং অমসুং চাক্লিবা মৈনাক্তা লৈহল্লোইদবনি।
  • হিদাক মনা শিজিন্নবসি মহৌশানা ইনখৎলকপা মতমদা হৌই। ইনখৎলক্লিবশীংসিনা মৈখু শিজিন্নবসি মখাগী ফিভমশীং অসি লৈরবদি হৌরকপগী চাং হেল্লি (1) মখোয়গী অকোয়বদা লৈবা মপুং মরৈ ফারবা অঙাংশীংনা মৈখু শিজিন্নরবা, (2) হিদাক মনাগী এদভর্টিজমেন্ট অমসুং প্রোমোসন অসি কমন ওইরবা, অমসুং (3) হিদাক মনাগী পোত্থোকশীং অসি হোংনা অমসুং কোম্না ফংলবা। ইনখৎলক্লিবশীংবু মৈখু শিজিন্নদনবা পুক্নিং থৌগৎকদবনি অমসুং মসিগী খুদোংথীবশীং অসিগী মরমদা মখোয়গী মমান্নবশীংদা চেক্সিন-ৱা পীবীগদবনি।
  • নাকোয়ননা মৈখু হোঞ্জিনবসি (Second-hand smoke) মরুওইনা নৌরিবা অঙাংশিংদা শোক্নিংঙাই ওই। চুরুট, পাইপ নত্ত্রগা বিরিশীং মুত্থৎখ্রবা মতুংদা মসিনা নুংশিত্তা শাংনা লৈ। মৈখু অসি হোঞ্জিনবা মৈখু শিজিন্নদবা মীওইশীং অসিদা রেস্পিরেতরি ইনফেক্সনশীং, এজমা অমসুং কেন্সর লাকহন্নবগী মচাক ওইহল্লি।
  • মমা মপা অমসুং অতৈ শেন্নরিবশীংনা নাকোয়ননা মৈখু হোঞ্জিনবনা থোকহনবা মাংনিংঙাই ওইবশীং অসি খংবা মথৌ তাই অমসুং অঙাংশীংগী অকোয়বদা মৈখু শিজিন্নদবা তাই। সরকার অমসুং কম্যুনিটিশীংনা মৈখু চেনবা অকোয়রোনশীং অমসুং নাকোয়ননা মৈখু হোঞ্জিনহনবনা অঙাংশীংদা থোকহনবা মাং-তাক্নিংঙাই ওইবশীং অদু মীয়ামদা খংহন্নবা পুন্না হোৎনমিন্নবা য়াই।

সোর্স: UNICEF

2.90909090909
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top