অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

মীরোনবীগী হকশেল

মীরোনবীগী হকশেল

  1. ভারত্তা মমাগী হকশেলগী ফিভম
  2. সেফ মদরহুদ লৈহনবা
    1. মমা শিবগী কমন ওইবা মরমশীং
    2. এন্টিনেটেল কেয়র
    3. ফিজিকেল একজামিনেসন
    4. মীরোল্লিঙৈগী ন্যুত্রিসন
    5. থবক শুবা, পোত্থাবা অমসুং তুম্বা
    6. মীরোল্লিঙৈ মতমগী লাইওংশীং
    7. নাবা
    8. পর্সোনেল হায়জিন (Personal hygiene)
    9. মীরোল্লিঙৈদা হকতিন্নবা
    10. পোক্নবগী শেম-শাবা অমসুং কমপ্লিকেসন থেংননবা শেম-শাবা
    11. পোক্নবগী শেম-শাবা
    12. ফাইনান্সশীং
    13. কমপ্লিকেসনগী শেম-শাবা
    14. করিগুম্বা নুপি অদুনা মখাগী কন্দিসনশীং অসিদগী অমহেক্তা লৈরক্লবদি পুং 24 চুপ্না হাংবা PHC অমদা চৎকদবনি
    15. ত্রান্সপোর্টেসনগী ফেসিলিটিশীং খংদোকপা
    16. ঈ দান তৌনবগী শেম-শাবা
    17. অঙাং পোকপা মতুং চয়োল তরুক্কী মনুংদা, মমা অদুনা ফিজিকেল অমসুং ইমোসনেলগী ওইবা অহোংবা কয়া থেংনৈ
    18. পোষ্টপার্টম ক্লিনিক ভিজিট
    19. দাইট অমসুং পোত্থাবা
    20. হায়জিন
  3. মরি লৈনবা রিসোর্সশীং

মীরোনবা হায়বসি অঙাং পোকপা য়ারিবা চহিগী কাংলুপ্তা লৈরিবা নুপীশীংগী পুন্সিদা থোকপা মহৌশাগী থৌওং অমনি। মীরোনবা হায়বসি নুপী অমগী অঙাংখাওদা এম্ব্রাইও নত্ত্রগা ফিটস হায়না খংনবা অমা নত্ত্রগা অমদগী হেনবা ওফস্প্রিংশীং দিভেলপ তৌরকপবুনি। ফাইবোক নত্ত্রগা অঙান অহুম অমুক্তদা ওইরবদি মীরোনবগী থৌওং অমদা মল্টিপল ওইবা জেষ্টেসন () লৈবা য়াই। অঙাং পোকপা অসি মহৌশানা অঙাং ওইখিবদগী চয়োল 38 রোমগী মতুংদা পোকই অমসুং চয়োল মরি চুপ্না থাগী খোংকাপ লাকপা নুপীশীংদদি মসি অরোইবা থাগী খোংকাপ লাকপদগী (LNMP) পারগা চাউরাক্না চয়োল 40 লৈরগা ওই। অঙাং ওইবসি হকতিন্নবদগী নত্ত্রগা এসিষ্ট তৌরবা রিপ্রদক্টিভ টেক্নোলোজিনা ওইহনবা য়াই। মীরোনবা হায়বসি নুপী অমগী পুন্সিদদি খ্বাইদগী মরুওইবা তাংকক অমনি। মমা শিবা নত্ত্রগা অঙাং শিবা হন্থহন্নবা চেকশীন থৌরাং য়াম্না মথৌ তাই।

ভারত্তা মমাগী হকশেলগী ফিভম

ভারত্তা চহি খুদিংগী নুপী মিলিয়ন 30 রোম্না মীরোল্লি অমসুং মিলিয়ন 26না অহিংবা অঙাং উন্নৈ। মমা শিবা (Maternal mortality) হায়বসি মীরোল্লিঙৈদা, অঙাং পোকপদা নত্ত্রগা অঙাং পোক্লবা মতুং চয়োল 6কী মনুংদা শিবদুবু খংনৈ। চহি খুদিংগী চাউরাক্না অশিবা 45,000 থোকহনবনা লমদম অসিদা মমা শিবগী থৌওং অসিদা ভারতনা অচৌবা পোৎলুম অমা থোনগৎলি।

মেটরনেল মোর্তেলিটি ষ্টেটিষ্টিক্স হায়বসিনা মহৌশানা মখাগী অসি কোনশিল্লি।

  1. মেটরনেল মোর্তেলিটি রেসিও (MMR) - MMR হায়বসি চহি অদুদা অহিংবা অঙাং 100,000 পোকপগী মনুংদা মীরোনবা মতমদা নত্ত্রগা অঙাং পোকপা মতমদা খুদোংথীবা থোক্লকপদগী শিরিবা নুপীগী মশীং অদুবুনি।
  2. মেটরনেল মোর্তেলিটি রেট – মেটরনেল মোর্তেলিটি রেট হায়বসি চহি 15-49গী মনুংদা লৈবা নুপী লাখ অমদা শিরিবা নুপী মশীং অদুবু খংনৈ।
  3. লাইফ টাইম রিস্ক – লাইফ টাইম রিস্ক হায়বসি রিপ্রদক্টিভ এজ (15-49)গী মনুংদা লৈবা নুপী অমনা অঙাং পোকপদগী নত্ত্রগা মীরোল্লিঙৈ মতম পরিংদা, মীরোল্লিঙৈ মতম পরিং অদুদা শিবা য়াবগী খুদোংথীবা চাং মান্ননা লৈ হায়না লৌবদা নুপী অমনা শিবা য়াবগী ওইথোকপা লৈবদুবু খংনৈ।

ভারতকী মেটরনেল হেলথ তাক্লিবা মরুওইবা ইন্দিকেটর ওইরিবা মেটরনেল মোর্তেলিটি রেসিও অসি অহিংবা অঙাং 100,000 পোকপদা চাউরাক্না 174 ওই (ৱার্ল্ড হেলথ ষ্টেটিষ্টিক্স (WHS) 2016)। মীরোল্লিঙৈ অমসুং অঙাং পোকপদা শীবা অমদি তেক-কায়বা হন্থহন্নবা মমাগী অমসুং নৌনা পোক্লিবা অঙাংগী হকশেল ফগৎহন্নবগীদমক্তা মীরোল্লিঙৈ অমসুং অঙাং পোকপা মতম অমসুং পোক্লবা মতুংদা স্কিল কেয়র শীজন্ননবগীদমক্তা কন্টিনম ওফ কেয়র শেম্বা মথৌ তাই।

সেফ মদরহুদ লৈহনবা

সেফ ওইবা মদরহুদ হায়বসি নুপী খুদিংমক্না মীরোল্লিঙৈদা অমসুং অঙাং পোকপা মতমদা শাফবা ওইহন্নবা ইনফোর্মেসন অমসুং সর্ভিসশীং ফংহনবা অদুবুনি। মখোয়দুগী মনুংদা মখাগীসি চল্লি:

  • সেফ ওইবা মদরহুদকী মতাংদা এজুকেসন
  • রিস্ক ৱাংনা লৈবা মীরোনবীশীংদা মীৎয়েং থমদুনা প্রিনেতেল কেয়র (মবুক কংলিঙৈদা চেক্সিন থৌরাং লৌবা) অমসুং কাউন্সেলিং তৌবা।
  • মেটরনেল ন্যুত্রিসন প্রোমোট তৌবা
  • কেস খুদিংমক্তা মতিক চাবা দেলিভরি এসিষ্টেন্স পীবা
  • মীরোনবা, অঙাং পোকপা অমসুং অঙাং য়ৈথবগী কমপ্লিকেসনশীংগীদমক্তা রিফরেল সর্ভিসশীং য়াউনা ওবষ্ট্রেটিক এমর্জেন্সিশীংগী প্রোভিজনশীং লৈহনবা
  • পোষ্টনেতেল কেয়র (অঙাং পোক্লবা মতুংগী কেয়র) লৈহনবা

মমা শিবগী কমন ওইবা মরমশীং

মমা শিবগী মরুওইবা মরমশীং অসি কেটেগোরি 3 থোক্না খায়দোকপা য়াই। মখোয় অদুদি সোসিএল, মেদিকেল অমসুং হেলথ কেয়র ফেসিলিটিশীং ফংবা হায়বসিনি।

সমাজগী ওইবা মরমশীং

মেদিকেলগী ওইবা মরমশীং (মীরোনবগা মরি লৈনবা কমপ্লিকেসনশীং)

হেলথ কেয়র ফেসিলীটিশীং ফংবা

  • ঙন্না লুহোংবা অমসুং মবুক কংবা

  • অঙাং হঞ্জিন হঞ্জিন পোকপা

  • মচানুপা পাম্বা

  • এনেমিয়া

  • খুদোংথীবগী খুদম অমসুং লাইওং খংবা ৱাৎপা

  • রিফর তৌবদা থেংবা

  • ওবষ্ট্রক তৌরবা লেবর

  • হেমোরেজ (এন্টিনেতেল লেবর মনুং অমসুং পোক্লবা মতুং)

  • তোক্সেমিয়া

  • ইনফেক্সন নত্ত্রগা সেপসিস

  • সেন্টরশীংদা চংদ্রবা য়াদ্রবা সপ্লাইশীং অমসুং ত্রেন তৌরবা হেলথ পর্সোনেলশীং য়ামদবা

  • হেলথ পর্সোনেলশীংগী মীনুংশী য়াউদবা মওং-মতৌ

  • কমপ্লিকেসনশীংগী মতিক চাদবা মেদিকেল ত্রিটমেন্ট

  • মেদিকেল পর্সোনেলশীংনা লৌখৎপা মতিক চাদবা এক্সন

এন্টিনেটেল কেয়র

এন্তিনেটেল কেয়র হায়বসিনা মীরোনবগী ফল অদু হেন্না শাফবা, ঙন্না খংদোক্তুনা মোর্বিদিটি অমসুং মোর্টিলিটি লৈহন্দনবা, মীরোনবী নুপী অমদা পীবা হেলথ এজুকেসন অমসুং চাং নাইবা মেদিকেল চেক-অপ অদুবুনি। ANC অসি ৱাংনা রিস্ক লৈবা প্রেগনেন্সিশীং অমসুং ৱাংনা রিস্ক লৈবা লেবরগী খুদমশীং খংদোকপদা মথৌসু তাই। এন্তিনেতেল কেয়রগী মরুওইবা কম্পোনেন্টশীং অসি মখাদা নৈনরি:

ঙন্না রেজিষ্ট্রেসন তৌবা:

মীরোনবী নুপী অমনা এন্টিনেতেল ক্লিনিক (ANC) অমদা অহানবা রেজিষ্ট্রসন তৌনবা ভিজিট অসি মীরোল্লে হায়না হেক চিংনবগা চৎকদবনি। মচা পোকপা য়াবগী গ্রুপ মনুংদা লৈরিবা নুপী খুদিংমক্না মশামক মীরোল্লে হায়না থাজজরবদি মহাক্কী হেলথ প্রোভাইদরগী মনাক্তা চৎনবা নত্ত্রগা পাউ পীনবা পুক্নিং থৌগৎকদবনি। অহানবা ভিজিত অদু অহানবা ত্রিমেষ্টর (মীরোনবগী অহানবা থা অহুম), মীরোনবগী 12শুবা চয়োলগী মমাংদা ওইবনা হেন্না ফৈ। অদুম ওইনমক করিগুম্বা নুপী অমনা মহাক্কী মীরোনবগী রেজিষ্ট্রেসন অদু তৌনবা থেংনা লাক্লবদি মহাকপু রেজিষ্টর তৌবীগদবনি অমসুং জেষ্টেসনেল এজ (মীরোল্লিঙৈদা) গী মতুংইন্না কেয়র পীগদবনি।

মীরোনবী নুপী খরদি ওর্গানাইজ তৌরবা এন্টিনেতেল ক্লিনিকশীংদা মশানা লাকচগনি। অদুম ওইনমক অতৈ কয়াদি লাক্তবা য়াই। হেলথ কেয়র প্রোভাইদর অদুনা খুঙ্গং অদুদা লৈবা মবুক কংবা নুপীশীং খংবা ASHA ৱার্করশীং, অঙ্গনৱাদি ৱার্করশীং, ত্রেদিস্নেল বর্থ এটেন্দেন্ট /দাই, মহিলা মন্দলশীং, সেলফ-হেল্প গ্রুপশীং, পঞ্চায়ত অমসুং ভিলেজ হেলথ কমিটিশীংগুম্বা কম্যুনিটিদা য়ুম্ফম ওইবা ফঙ্কসনরিশীংগী মতেংগা লোয়ননা লিষ্ট অপদেট তৌগদবনি অমসুং সর্ভিসশীং পীগদবনি।

ঙন্না রেজিষ্ট্রেসন তৌবগী মরুওইবা

  • ব্লদ প্রেসর (BP)গী বেজলাইন ইনফোর্মেসন, অরুম্বা অসিনচিংবা ফংননবা মমা অদুগী হকশেল অদু এসেস তৌই।
  • কমপ্লিকেসনশীং ঙন্না খংদোকই অমসুং মখোয়শীংদু রিফর তৌদুনা অমসুং নুপী অদুনা মহাক্কী থাগী খোংকাপকী তারিখকী মতেংনা মেনেজ তৌই।
  • নুপী অদুনা মতম চানা টেটানস টোক্সোইদ ইঞ্জেক্সন (TT)গী অহানবা দোজ লৌই।
  • করিগুম্বা নুপী অদুনা মহাক্কী মীরোল্লিবদু পামদ্রবদি অঙনবা অমসুং শাফবা এবোর্সন অমা ফংহনবদা মতেং পাংই।
  • মীরোল্লিবী নুপী অমসুং হেলথ ৱার্কর অদুগী মরক্তা মরি অমা শেম্মী।

ফিজিকেল একজামিনেসন

অরুম্বা

মীরোনবা নুপী অমগী অরুম্বা অদু ভিজিট খুদিংগী চেক তৌগদবনি। মহৌশানা নুপী অমনা মীরোল্লিঙৈ মতমদা কেজি 9 -11 ফাউবা হেনগৎকদবনি। অহানবা ত্রিমেষ্টরগী মতুংদা মীরোনবী নুপী অমনা থা খুদিংগী কেজি 2 রোম নত্ত্রগা চয়োল খুদিংগী কেজি 0.5 হেনগৎকনি। করিগুম্বা মথৌ তারিবা কেলোরি অদু য়ৌদবা দাইট অদু মতিক চাদ্রবদি নুপি অদুনা মহাক্কী মীরোল্লিঙৈ মনুংদা কেজি 5 - 6 ফাউবদং হেনগৎলি। করিগুম্বা নুপী অদুনা থা অমদা কেজি 2দগী তানা হেনগৎলবদি মহাক্কী দাইট অদু মতিক চাদে হায়না লৌবা য়ারে। মহাকপু অহেনবা চিঞ্জাক পীজবা তাই। অরুম্বা নেম্না হেনগৎপনা ইন্ত্রেয়ুটরিন গ্রোথ রিতার্দেসন থোকহল্লি অমসুং অরুম্বা ফাদবা অঙাং পোকহল্লি। কা হেন্না অরুম্বা হেনগৎলবদি (থা অমদা >3) প্রি-এক্লাম্পসিয়া/ ফাইবোক ওইবগী চিংনবা লৈ। মহাকপু মেদিকেল ওফিসর অমদা রিফর তৌগদবনি।

অৱাংবা

মমাগী অৱাংবা অমসুং দেলিভরি আউতকম অদুগা মচেৎ খরদি মরি লৈনৈ। মরমদি য়াম্না নেম্বা নুপীগী অপিকপা পেলভিস লৈবা মরম্না রিস্ক হেনগৎলি। অৱাংবা সেন্টিমিটর 145গী মখাদা লৈবা নুপীশীংদা দেলিভরিগী রিস্ক লৈ অমসুং মখোয় অদু অৱাংবা রিস্ক লৈবা মমাশীংনি হায়না লৌই অমসুং হোস্পিতালদা ওইনা অঙাংদু পোক্নবা রিকমেন্দ তৌই।

ব্লদ প্রেসর

মীরোনবী নুপিগী BP ওনবশি মীরোল্লিঙৈদা থোকপা হায়পরসেন্সিটিভ দিসওর্দরশীং লৈহন্দনবগীদমক্তা য়াম্না মরুওইবা অমনি। করিগুম্বা BP অদু ৱাংলবদি (140/90 mmHg হেল্লবদি; নত্ত্রগা দাইএষ্টোলিক অদু 90 mmHgদগী হেল্লবদি) অমসুং এলবুমিন (প্রোটিন)না য়ুরিনদা য়াউরবদি নুপী অদু প্রি-এক্লাম্পসিয়া লৈরে হায়না লৌগনি। করিগুম্বা দাইএষ্টোলিক BP অদু 110 mmHgগী মথক ওইরবদি এক্লাম্পসিয়া লৈরকপগী খুদোংথীবা খুদম অমনি। অসিগুম্বা নুপীশীং অসিদা খুদক্কী ওইবা মেদিকেলগী চেক্সিন-থৌরাং মথৌ তাই। মবুক কংবনা থোকহনবা হায়পরটেন্সন ()/ প্রি-এক্লাম্পসিয়া লৈবা নুপীশীংদি হোস্পিটালাইজেসন মথৌ তাই।

পালর (Pallor)

করিগুম্বা নুপী অদুগী মখাথংবা পালপেব্রেল কঞ্জঙ্কটিভা (মিৎখাগী মনুং থংবা শরুক), খুবাক অমসুং খুজিনশীং, ওরেল ম্যুকোসা অমসুং মরৈ অদু তাইফেৎ তাইরবদি নুপী অদু এনেমিয়া লৈবগী খুদম্নি।

রেস্পিরেটরি রেট (RR)

করিগুম্বা মরুওইনা নুপী অদুনা শ্বর হোনবা ৱাবগী ৱাকৎ লৈরবদি RR চেক তৌথোকপা য়াম্না মরুওই। করিগুম্বা RR অদু মিনট অমদা শ্বর হোনবা অদু 30রক্তগী হেল্লবদি পালর লৈরে হায়না লৌগনি। মসিনা নুপী অদু এনেমিয়া শাথিনা নারে অমসুং দোক্টর অমদা য়েংহনবা মথৌ তারে হায়বা তাকই।

জেনেরেলাইজ তৌরবা ওদিমা (Generalized Oedema)

মায় চাউথোকপনা তাক্লিবা জেনেরেলাইজ তৌরবা ওদিমা (পোমথোকপা) লৈবনা প্রি-এক্লাম্পসিয়া লৈবগী চিংননিঙাই লৈহল্লি।

এবদোমেনগী একজামিনেসন (Abdominal examination)

প্রেগনেন্সিগী প্রোগ্রেস অমসুং ফিটেল গ্রোথ মোনিতর তৌনবা, অমসুং ফিটেল পোজিসন অমসুং প্রেজেন্টেসন (মকোক্না নত্ত্রগা মনিংনা হান্না লৈব্রা) চেক তৌনবা এবদোমেনগী একজামিনেসন তৌবা তাই।

আইরন-ফোলিক এসিদ (IFA) সপ্লিমেন্টেসন

মীরোল্লিঙৈদা আইরনগী অহেনবা মথৌ তাবশীং লৈহনবা অমসুং মীরোনবী নুপীশীংদা এনেমিয়াগী খুদোংথীবা লৈহন্দবা মথৌ তাই। মবুক কংবা নুপী পুম্নমক্তা জেষ্টেসনগী চয়োল 14-16কী অহানবা ত্রিমেষ্টরদগী হৌদুনা য়ামদ্রবদা নুমিৎ 100নিদি IFA টেব্লেট অমা (ইলিমেন্টেল আইরন 100mg অমসুং ফোলিক এসিদ 0.5mg) নুমিৎ খুদিংগী পীজবা মথৌ তাই। মসি এনেমিয়া (প্রোফাইলেটিক দোজ) থীংনবা পীবা IFAগী দোজনি। করিগুম্বা নুপী অমা এনেমিক ওইরবদি (Hb<10g/dl) নত্ত্রগা মহাক অদু পালর (pallor) লৈরবদি, থা 3গী ওইনা নুমিৎ খুদিংগী IFA অনি পীজবা মথৌ তাই। মসিগী অর্থদি এনেমিয়া লৈরবা নুপী অমনা মহাক্কী অপুনবা মীরোল্লিঙৈ মতমদা য়ামদ্রবদা IFAগী টেব্লেট 200 চাবা মথৌ তাই। মসি এনেমিয়া কোকহন্নবগী মথৌ তারিবা IFAগী দোজনি। এনেমিয়ানা শাথীনা নারবা নুপীশীংদী (Hb<7g/dl) নত্ত্রগা শ্বর হোনবা ৱাবা অমসুং তেকিকার্দিয়া (হার্ট রেট হেনগৎপা) নুপীশীংদি IFAগী থেরাপ্যুতিক দোজনা হৌগদবনি অমসুং মখা তানা লায়েংনবগীদমক দোক্টরদা রিফর তৌগদবনি।

ইঞ্জেক্সন টেতানস টোক্সোইদ পীবা

মীরোনবী নুপী অমদা ইঞ্জেক্সন TTগী দোজ 2 পীবা অসি নিওনেটেল টেতানস (নৌনা পোকপা অঙাংশীংদা টেতানস লৈবা) থীংনবা মরুওইবা খোংথাং অমনি। TTগী অহানবা দোজ অদু অহানবা ত্রিমেষ্টরগী হেক মতুংদা নত্ত্রগা ANCদা নুপীদুনা হেক রেজিষ্টর তৌবগা অনিশীগী মরক্তা অকোনবদুদা পীগদবনি। TT ইঞ্জেক্সন অসি মীরোনবগী অহানবা ত্রিমেষ্টর অদুদা পীরোইদবনি। অনিশুবা দোজ অদুনা অহানবা দোজ পীখিবা থা অমগী মতুংদা অদুবু য়ামদ্রবদা EDDগী থা অমগী মমাংদা পীগদবনি।

মীরোল্লিঙৈগী ন্যুত্রিসন

মীরোনবী নুপী অদুগী চারিবা চিঞ্জাক্না শেমগৎলক্লিবা ফিটস, মমাগী হকশেল ঙাক্তুনা থম্নবা, লেবর মতমগী মথৌ তাবা মপাঙ্গল অমসুং মায়পাক্না শঙ্গোম থোকহনবদা মতেং পাংবা ওইগদবনি।

ফিটস শেমগৎপদা প্রোটিনগী চিঞ্জাকশীং অসি য়াম্না মরুওই। করিগুম্বা য়ারগদি মবুক কংলিবী নুপী অদুনা শঙ্গোম, য়েরুম, ঙা, য়েন অমশুং শা মরাং কায়না চাগদবনি। করিগুম্বা নুপী অদু মনা-মশিং চাবা মীওই ওইরবদি, মহাক্না হৱাই-চেংৱাই, মরু-মরাংনচিংবা চাবা মথৌ তাই।

আইরন অসি অঙাং অদুগী ঈ শেম্বদা অমসুং এনেমিয়া লৈহন্দবদা য়াম্না মরুওই। নুপী অদুনা চিনিগী মহুত্তা জাগরি (jiggery) চাগদবনি; রাগী নত্ত্রগা বাজরানা শেম্বা চিঞ্জাকশীং, সেসাম মরুশীং অমসুং মুনা শংবা মনা পানবা মনা-মশীংশীং মরাং কায়না চাগদবনি। লিভর অমসুং কিদনি অসিসু আইরন মরাং কায়না য়াউই।

কেলসিয়ম অসি অঙাং অদুগী শরু অমসুং ময়া শেম্বদা য়াম্না মথৌ তাই। কেলসিয়ম খ্বাইদগী য়াম্না ফংবসি শঙ্গোমদনি। কেলসিয়ম অসি রাগি অমসুং বাজরাদসু য়াউই। নুপী অদুবু অপিকপা অকংবা ঙা চানবা পুক্নিং থৌগৎকদবনি।

ভিটামিনশীং অসি মীরোনবী নুপীগীদমক য়াম্না মরুওই। মহাক্না মনা-মশীং (মরুওইনা মুনা শংবা মনা পানবা মনা-মশীংশীং) অমসুং সাইত্রস মখল য়াউনা উহৈ-ৱাহৈশীং মরাং কায়না চাগদবনি।

শেমদোক্লবা দাইটশীং

মীরোনবনা থোকহনবা হায়পরটেন্সন নত্ত্রগা প্রিক্লাম্পসিয়া লৈরবদি থুম হন্থবা চিঞ্জাক অসি ওদিমা লৈহন্দনবা নত্ত্রগা হন্থহন্নবা পীজগদবনি। নুপী অদুনা নোর্মেল ওইবা দাইট চাবা য়াই অদবু থুম য়াউবা চিঞ্জাক্তি চারোইদবনি অমসুং থোং-থাকপদা থুম খজিক্তং নত্ত্রগা য়াউহন্দনা থোংগদবনি। প্রিক্লাম্পসিয়াগীদমক্তা, মরুওইনা করিগুম্বা য়ুরিনদা এলবুমিন য়াউরবদি প্রোতিন ৱাংবা চিঞ্জাকশীং পীজগদবনি। মমা অদুবু প্রোটিন য়াউবা চিঞ্জাকশীং চাবা হেনগৎনবা পাউতাক পীগদবনি।

থবক শুবা, পোত্থাবা অমসুং তুম্বা

মবুক কংলিঙৈদা অকনবা থবক কা হেন্না শুবনা মিসকেরিএজ, প্রিমেচ্যুওর লেবর নত্ত্রগা লুম্বা শুদবা অঙাংশীং, করিগুম্বা নুপী অদুনা ফজনা চাদ্রবদি থোকহল্লকপা য়াই।

মরম অদুনা নুপীশিংনা মীরোল্লীঙৈদা অকনবা থবক শুবা তৌরোইদবনি। করিগুম্বা মখোয়না মপুং ফানা তোকপা য়াদবা তারবসু, নুপীশীংনা থবক তৌরিঙৈ শরক্তা য়ারিবমখৈ ফজনা পোত্থাগদবনি।

মীরোনবী নুপী অমনসু য়ারিবমখৈ পোত্থানবা হোৎনগদবনি। মহাক্না অয়ুক-নুংথীলগী মতমদা পুং অমদি হিপকদবনি অমসুং নুমিদাং খুদিংগী পুং তরুক্তগীনা তরা ফাউবগী মরক্তা তুমগদবনি।

মীরোল্লিঙৈ মতমগী লাইওংশীং

মখাদা পিরিবা লাইওংশীং অসিনা নুংঙাইতবা থোকহল্লি অমসুং কমপ্লিকেসনশীং তাকই।


নুংঙাইতবা থোকহনবা লাইওংশীং

কমপ্লিকেসনশীং থোকহল্লকপা য়াই তাক্লিবা লাইওংশীং

  • ওনিংবা ফাউবা অমসুং ওবা

  • হার্ট চাকপা

  • খোং হাম্বা য়াদবা

  • মপান থোকপগী চাং হেনবা

  • লাইহৌ

  • ভজাইনেল দিসচার্জ

  • মিহুন চোংবা, থুনা চোকথবা, পোত্থাবা মতমদা শ্বর হোনবা নুংঙাইতবা

  • হকচাংদা স্বেলিং লৈবা অমসুং মায় চাউথোকপা

  • য়ুং লিক্না থোকপা

  • ভজাইনেল ব্লিদিং

  • ফিটএল মুভমেন্ট হন্থবা নত্ত্রগা লৈতবা

  • ঈশীং ওইবা ফ্লুইদ পর ভজাইনা (P/V) লিক ওইবা

নাবা

মীরোল্লিঙৈ মতমদা নাবা অসি মরুওইনা নুংঙাইতবা অমসুং পামদবা অমনি মরমদি মীরোল্লিঙৈদা হিদাক খরদি চাবা য়াদে। মসিগী মথক্তা মেলেরিয়াগুম্বা লায়না খরনা মীরোল্লিঙৈদা শাথিবা সমস্যাশিং থোকহনবা য়াই। মরম অসিদগী নুপীশীংনা মীরোল্লিঙৈদা লায়নাশীং অমসুং ইনফেক্সনশীং থোক্তনবা চেকশীনবা তাই। খুদম ওইনা, মখোয়না তুম্বা মতমদা কাংখল শিজিন্নবা তাই অমসুং শেংদবা ঈশীং থক্তবা তাই।

পর্সোনেল হায়জিন (Personal hygiene)

নুমিৎ খুদিংগী ঈরুজবনা হকচাং খিংহল্লি অমসুং ইনফেক্সন অমসুং অনাবা লৈহনবগি চাং নেমথহল্লি। মরুওইনা থবাক অমসুং মনুংগী হকচাং মফম অসি তরুবা ঈশীংনা তোইনা চামথোক্তুনা শেংদোক্কদবনি; কেমিকেলশীং অমসুং দিটরজেন্টশীংগী মথৌ তাদে অমসুং মদুনা হেন্না শোকহনবসু য়াই। লাইট ওইবা কোটনগী ফিনা শেম্বা অকোম্বা ফি-রোলশীং শিজিন্নবা ফৈ। খোম চাউখৎলকপা অমসুং থোৎপা হেল্লকপা মরম্না ফজনা তুরবা ব্রাশীং শিজিন্নবা ফৈ।

মীরোল্লিঙৈদা হকতিন্নবা

করিগুম্বা মীরোনবদু নোর্মেলদা ওইখিবা ওইরবদি মীরোল্লিঙৈদা হকতিন্নবা কায়দে। করিগুম্বা এবোর্সনগী রিস্ক লৈরবা (মমাংদা তোইনা এবোর্সন তৌখিবা ওইরবা) নত্ত্রগা প্রি-তার্ম দেলিভরি (হান্না প্রি-তার্ম লেবর লৈখিবা ওইরবদি) মীরোল্লিঙৈ মনুংদা হকতিন্নবা তৌরোইদবনি। নুপী খরদি মীরোল্লিঙৈ মনুংদা হকতিন্নবগী অপাম্বা হন্থরকপসু থেংনৈ। মপুরোইবা অদুনসু মসি নোর্মেল ওই হায়বা খংবা তাই অমসুং হক্তিন্নবগী অয়াবা অদু নুপী অদুদগী হান্না লৌবা তাই। মতৈ-মনাও খরদি মীরোল্লিঙৈদা হকতিন্নবা হায়বসি য়াম্না নুংঙাইবা ফাউদে। হক্তিন্নবগী মরি থম্বা মতমদা মপুরোইবা অদুনা নুপী অদুগী পেলহন্নবসু খনবা তাই।

পোক্নবগী শেম-শাবা অমসুং কমপ্লিকেসন থেংননবা শেম-শাবা

মীরোনবী নুপী তরাগী মনুংদা মরিদি মখোয়গী মীরোনবদুগা মরি লৈনবা এক্সপরিএন্স খরদি থেংনৈ; নুপীশীং অসিগী মনুংদা 15% রোমদি কমপ্লিকেসন অদু পুন্সিগী ওইবা খুদোংথীনিঙাই ওইবা য়াউই অমসুং খুদক্কী ওইবা ওবষ্টেট্রিক কেয়র মথৌ তাই। অসিগুম্বা কমপ্লিকেসনশীং অসি হান্না খংবা ঙমদবা মরমনা, মীরোনবী নুপী খুদিংমক ওইথোকপা য়াবা এমর্জেন্সি খুদিংগীদমক শেম-শাবা তাই।

পোক্নবগী শেম-শাবা

মীরোনবী নুপী পুম্নমকপু হোস্পিটালদা পোকহন্নবা পুক্নিং থৌগৎকদবনি। দেলিভরিগী মনুংদা কমপ্লিকেসন অমা হেক্তা থোরকপা য়াই, কমপ্লিকেসনশীং অসি মাংজৌননা খংবসু ঙমদে, মখোয়দুনা মরম ওইদুনা মমা নত্ত্রগা মচা অদুগী পুন্সি অদুদা খুদোংথীনিঙাই ওইবসু য়াই।

করিগুম্বা মথৌ তারবদি খ্বাইদগী ফবা হেলথ কেয়র পীনবগীদমক হেলথ ফেসিলিটি অমদা ষ্টাফ, ইক্যুইপমেন্ট, সপ্লাইশীং অমসুং হিদাক-লাংথকশীং ফংলি। করিগুম্বা রিফর তৌবগী মথৌ তারক্লবসু পীনবা রিফরেল সিষ্টেম অমা লৈ।

সপোর্ট পিনবা মী খংদোকপা: মীওইশীং অসিনা মহাক্কী অঙাংশীং অমসুং/নত্ত্রগা ইমুং অদুগী মথৌ তাবা নুপীগী কেয়র পীবা, ত্রান্সপোর্টেসনগী শেম-শাবা, অমসুং /নত্ত্রগা এমর্জেন্সিদা নুপী অদুবু হেলথ কেয়র ফাউবা লোয়নগনি। নক্নবা মরি-মতাশীং নত্ত্রগা AWW (অঙ্গনৱাদি ৱার্কর) অমসুং TBA(ত্রেইন তৌরবা বার্থ এটেন্দেন্ট) গুম্বা কম্যুনিতিদা য়ুম্ফম ওইবা হেলথ ফঙ্কসনরিশীংদগী মতেং লৌগদবনি।

ফাইনান্সশীং

নুপী অমসুং মহাক্কী ইমুং-মনুংদা দেলিভরি অমসুং মরি লৈনবা এস্পেক্টশীং (ত্রান্সপোর্ট অসিনচিংবা)গী চংগদবা চাদিংগী চাউরাকপা অমা ফংহনগদবনি। মখোয়বু এমর্জেন্সি ফন্দ খরা থম্নবা নত্ত্রগা এমর্জেন্সি ফন্দিংগী সোর্স খরা থম্নবা খংহনগদবনি মরমদি কমপ্লিকেসন অমহেক্তা থোক্লক্লবদি হান্না খল্লম্বদগী শেল হেন্না চংগনি। মখোয়বু হৌজিক চৎনরিবা মমাগী হকশেলগীদমক্তা ফন্দ পীরিবা স্কিমশীং অমসুং মতম মতমগী ওইনা হৌদোক্লিবা অতোপ্পা স্কিমশীংগী মতাংদা খংহনগদবনি।

লেবরগী সাইনশীং: মখাদা পীরিবা লেবর হৌরক্লে হায়বগী খুদমশীং অসি অমহেক্ত উবা মতমদা নুপী অদুবু হেলথ ফেসিলিটিদা চৎনবা নত্ত্রগা TBA কন্তেক্ট তৌনবা পাউতাক পীগদবনি।

  • ঈ য়াউবা নপ নপ লাউবা ভজাইনাদা (মহাক্কী ফিনুংগী হকচাং)দিসচার্জ লাক্লবা
  • মিনট 20 নত্ত্রগা তাথবা মতম খুদিংগী নাবা ফাউবা এবদোমিনেল কন্ট্রাক্সন লাক্লবা
  • ঈশীংগী বেগ কায়থরক্লবা অমসুং নুপী অদুনা ভজাইনাদগী তরুবা মহি থোক্লক্লে হায়বা ফাউরক্লবা

কমপ্লিকেসনগী শেম-শাবা

খুদোংথীবগী খুদমশীং: নুপী অমসুং মহাক্কী ইমুং মনুং/কেয়রতেকরশীংদা মবুক কংলিঙৈ/ দেলিভরি অমসুং পোষ্টপার্টম পেরিওদ মনুংদা ওইরকপা য়াবা খুদোংথীবা খুদমশীংগী মতাংদা খংহনগদবনি। করিগুম্বা মখাদা পীরিবশীংসিদগী অমহেক্তা প্রেগনেন্সি, দেলিভরি নত্ত্রগা পোষ্টপার্টম/ পোষ্ট-এবোর্সন মনুংদা থোক্লক্লবদি পন্থদনা, অয়ুক নত্ত্রগা নুমিদাং ওইরবসু হোস্পিতাল নত্ত্রগা হেলথ কেয়র অমদা খুদক্তা চৎকদবনি হায়বসি নুপী অদুদা শোয়দনা তাক্কদবনি।

নুপী অমনা মখাগী ফিভমশীং অসিদগী অমহেক্তা ওইরকপদা মহাক্না FRU অমদা চৎকদবনি:

  • প্রেগনেন্সি মনুংদা ব্লিদিং P/V লৈরবা অমসুং দেলিভরিগী মনুং অমসুং মতুংদা ভজাইনেল ব্লিদিং য়াম্না (>500 ml) লৈরবা
  • ময়েক শেংনা উদবগা লোয়ননা কোক শাথিনা চিক্লবা
  • হকচাং চিংলক্লবা নত্ত্রগা জ্ঞ্যান মাংলক্লবা
  • লেবর অদু পুং 12দগী হেঞ্জিলক্লবা
  • দেলিভরিগী মিনট 30গী মনুংদা নাউফম (placenta) অদু মপান্দা থোক্লক্ত্রবা
  • প্রিটর্ম লেবর (জেষ্টেসন থা 8গী মমাংদা লেবর হৌরবা)
  • মেম্ব্রেইনশীং প্রিমেচ্যুওর নত্ত্রগা প্রিলেবরদা পোকখায়বা
  • এবদোমেন লেপ্পা লৈতনা কন্না নারবা

করিগুম্বা নুপি অদুনা মখাগী কন্দিসনশীং অসিদগী অমহেক্তা লৈরক্লবদি পুং 24 চুপ্না হাংবা PHC অমদা চৎকদবনি

  • পুক নাবা য়াউরবসু নত্ত্রগা য়াউদ্রবসু লাইহৌ কন্না হৌরবা অমসুং ফমুংদগী হৌগৎপদা শোনমল্লবা
  • শ্বর থুনা নত্ত্রগা ৱানা হোল্লবা
  • ফিটেল মুভমেন্ট হন্থনা নত্ত্রগা লৈরক্ত্রবা
  • কা হেন্না ওরবা, চিন্না করিমত্তা চাবা য়ারক্তবনা মরম ওইদুনা মপান থোকপগী চাং হন্থরক্লবা

খ্বাইদগী মনাক নকপা PHC/FRUগী লৈফম:

নুপী অমসুং মহাক্কী ইমুং-মনুংশীংনা খ্বাইদগী নকপা পুং 24 চুপ্না চলাইবা ওবষ্টেত্রিক কেয়র সর্ভিসেস লৈবা হেলথ ফেসিলিটি PHC অমসুং ঈ কাপ্পা অমসুং সর্জরিগী ফেসিলিটি লৈবা FRU অনিমক্কী লৈফম খংজিনগদবনি।

ত্রান্সপোর্টেসনগী ফেসিলিটিশীং খংদোকপা

হেলথকেয়র ফেসিলিটি অমদা য়ৌবদা থেংবা হায়বসি মমা শিহনবগী মরম ওইহনবা মরুওইবা থেংবগী মশক অমনি। করিগুম্বা নুপী অদুনা হেলথ ফেসিলিটি অমদা দেলিভর তৌবা পাম্লবদি, নুপী অদুনা পাম্বা মতম অমদা হেলথ কেয়র ফেসিলিটি অদুদা চৎনবগীদমক গারি অমা খংদোক্কদবনি। করিগুম্বা নুপী অদুনা য়ুমদা দেলিভর তৌবা পাম্লবসু করিগুম্বা খুদক্কী লাইয়েং অমদি চেক্সিন-থৌরাং মথৌ তাবা কমপ্লিকেসন অমা লাকপা মতমদা খ্বাইদগী নকপা হেলথ ফেসিলীটি অমদা মহাকপু পুনবগীদমক গারি অমদি খংদোক্তুনা থমগদবনি। করিগুম্বা খুঙ্গং অদুদা গারি অমা ফংদ্রবদি এমর্জেন্সি লৈরকপদা গারি অমা কমদৌনা ফংগদগে হায়বসি পঞ্চায়ট ভিলেজ হেলথ কমিটি, মহিলা মন্দলশীং, য়ুথ গ্রুপশীং নত্ত্রগা অতোপ্পা অসিগুম্বা গ্রুপকী মতেং লৌদুনা লেপ্পা য়াই। মখল-মখা কয়াগী স্কিমশীংনা হৌজিক নুপীগীদমক্তা পীরিবা ত্রান্সপোর্টেসনগী ফেসিলিটিশীং অসিসু খংজিনবদা কান্নগনি।

ঈ দান তৌনবগী শেম-শাবা

এন্টিপার্টম অমসুং পোষ্টপার্টম অনিমক ওইবা হেমোরেজ অসি মমা শিহনবগী মরুওইবা মরম অমনি। অসিগুম্বা কেসশীংদা ঈ কাপ্পনা পুন্সি কনবা ঙম্মী। ঈ হায়বসি লৈবা য়াবা নত্তবনিনা শিজিন্ননবা ইসু তৌদ্রিঙৈদা মদু মহুৎ শিঞ্জিন্নবা ভোলুন্টরি দোনর অমা মথৌ তাই। অসিগুম্বা দোনরশীং (মশিং 2-3) অসি ঈ কাপ্পগী মথৌ তারকপা মতমদা শিজিন্ননবগীদমক শেম-শাদুনা থম্বা তাই।

পোষ্ট-নেতেল কেয়র:

রিসর্চনা উৎলি মদুদি মমা শিবগী 50% হেনবদি পোষ্টপার্টম পেরিওদতা থোকই। মহৌশানা, দেলিভরিগী মতুং নুমিৎ 42দি (চয়োল 6) পোষ্টপার্টম পেরিওদ ওইনা লৌই অমসুং মসি মমা অমসুং মচাগী হকশেল অমসুং হিংবগী খ্বাইদগী হেন্না মরুওইবা তাংককনি মরমদি খুদোংথীনিঙাই ওইবা নিওনেতেল কমপ্লিকেসনশীং হায়রিবা মতম অসিগী শরুক্তা থোকই।

মমাগী অমসুং মচাগী হেলথকী কম্পোনেন্ট পুম্নমক্তা পোষ্ট-নেতেল কেয়র অমসুং নৌনা পোকপা অঙাংগী কেয়র অসি খ্বাইদগী হেন্না থৌশানদবা কম্পোনেন্টশীংনি। ভারত্তা নুপী তরুক্কী মনুংদা অমখক্তনা পোষ্টপার্টম পেরিওদদা কেয়র ফংই। নেসনেল ফেমিলি হেলথ সর্ভে (NFHS) দেতানা তাক্লি মদুদি য়ুমদা দেলিভর তৌবা নুপীশীংগী মনুংদা 17% খক্তনা অঙাং পোক্লবা মতুং থা অনিগী মনুংদা চেক-অপ অমা তৌই। অমুকসু য়ুমদা পোকপশীংগী মনুংদা 2% খক্তনা অঙাং পোক্লবা মতুং নুমিৎ নিনিগী মনুংদা অমসুং অহানবা নুমিৎ 7নিগী মনুংদা 5% খক্তনা পোষ্টপার্টম কেয়র ফংই। নুপীশীংগী পিক্লবা ফ্রেক্সন অসিগী মনুংদসু মখোয় অয়াম্বদা পোষ্টপার্টম ভিজিট অমদা পীফম থোকপা ইনফোর্মেসন অমসুং সর্ভিসশীং লোয়না পীদে।

অঙাং পোক্লবা মতুংদা নুপী অমনা ফিজিকেল অমসুং ইমোসনেল এদজষ্টমেন্ট অনিমক লৈহনবা তাই অমসুং মহাক্না সপোর্ট অমসুং অন্দরষ্টেন্দিং মথৌ তাই। মতম অসিদা লৈবা মেদিকেল দিসওর্দরশীংদি প্যুওরপেরেল সেপসিস নত্ত্রগা য়ুটরস অমসুং অকোয়বগী টিসুশীংগী ইনফেক্সন, য়ুরিনরি ইনফেক্সন, সরভিক্স প্রোলাপজ ওইবা অমসুং প্যুওরপেরেল সাইকিয়াত্রিককী অনাবা অসিনি। কন্দিসনশীং অসি ঙন্না খংদোকপা অমসুং লায়েংহৌবা মরুওই। মখোয়শীংসিগী মনুংদা খরদি খ্বাইদগী খুদোংথীবা/থৱাই মাংবফাউবা ওইহল্লকপা য়াই।

অঙাং পোকপা মতুং চয়োল তরুক্কী মনুংদা, মমা অদুনা ফিজিকেল অমসুং ইমোসনেলগী ওইবা অহোংবা কয়া থেংনৈ

  • প্রেগনেন্সি অমসুং লেবরগী স্ত্রেস লৈরুরবগী মতুংদা মহাক্না থৱাই নুংঙাইতবা নত্ত্রগা কপ্নিংবা ফাউরকপা য়াই।
  • মহাক্কী ইন্টরনেল ওর্গানশীং মরুওইনা অঙাং খাও অদু নোর্মেল সাইজদা হঞ্জিল্লকই।
  • অঙাংখাউদগী থোরকপা ঈ অমসুং অতৈ মহিশীংগী মচু অসি ঙাংলম্বদগী তাইফেৎ তাইবা ক্রিম মচুদা ওল্লকই অমসুং দেলিভরিগী মতুং চয়োল মরিগূ মতুংদদি লেপখি। দিসচার্জ অসিবু লোকিয়া (lochia) কৌই।
  • করিগুম্বা মহাক্না খোম্না অঙাং য়োকপা নত্ত্রবদি থাগী খোংকাপ অসি চয়োল 4 -6কী মতুংদা লাকপা হৌই নত্ত্রগা খোম্না অঙাং য়োকপা ওইরবদি থা কয়াগী মতুংদা লাকপা হৌই।

ওইবা য়াবা কমপ্লিকেসনশীং:

দেলিভরিগী মতুংদা শাথীবা কমপ্লিকেসন অহুম লাকপা য়াই। মখোয় অদুদি এক্লাম্পসিয়া (দেলিভরি মতুংগী অহানবা নুমিৎ নিনি নত্ত্রগা পুং 48 গী মনুংদা), ইনফেক্সন অমসুং হেমোরেজ (ঈ হেন্না চৎপা) অসিনি।

ইনফেক্সন অসি শাংনা লেবর লৈবা নত্ত্রগা মেম্ব্রেইনশীং ঙন্না তৎপনা তোইনা থোকহল্লি। মসি দেলিভরি অমগী মনুংদা অফবা হায়জিন লৈতবনসু ওইহল্লি (খুদম ওইনা, করিগুম্বা বার্থ এটেন্দেন্ট অদুগী খুৎ নত্ত্রগা ইন্সট্রুমেন্টশীং অদু শেংদ্রবদি) নত্ত্রগা মসি সিজরিয়ান সেক্সন অমগী মতুংদসু ওইরকপা য়াই। শাথীবা ইনফেক্সন অমগী খুদমদি লাইহৌ, কোক চিকপা, মখা থংবা এবদোমেন্দা নাবা, মনম নমথীবা ভজাইনেল দিসচার্জ অমসুং ওবা নত্ত্রগা দাইরিয়া অসিনি। মসি খুদোংথীনিঙাই ওইবা খুদমশীংনি অমসুং করিগুম্বা নুপী অমনা মসি লৈরবদি মহাক অদু খুদক্তা ক্লিনিক নত্ত্রগা হোস্পিটালদা চৎকদবনি।

হেমোরেজ অসি পোক্লবা মতুং নুমিৎ তরানি নত্ত্রগা হেনবদা থোক্লকপা য়াই। দেলিভরিগী মতুংদা নাউফম অদু মপুং ফানা থোক্লক্ত্রবদি, ঈ থোকপা লেপ্তবা য়াই অমসুং চাং হেনগৎলকপসু য়াই।

দেলিভরিগী মতুংদা লাকপা য়াবা অতোপ্পা কমপ্লিকেসনশীংদি এনেমিয়া অমসুং ফিষ্টুলানি। ফিষ্টুলা হায়বসি ভজাইনা অমসুং য়ুরিনরি ত্রেক্ট নত্ত্রগা রেক্টমগী মরক্তা থোক্লকপা মখুলশীংনি।

শাথীবা কমপ্লিকেসনশীং

পোষ্টপার্টমগী খুদোংথীনিঙাই ওইবা খুদমশীং:

করিগুম্বা নুপী অমনা মহাক্কী অঙাং অদু পোক্লবা মতুংদা মখাদা পীরিবা খুদোংথীনিঙাই ওইবা খুদমসীং অসিগী মরক্তা অমহেক লৈরকপদা মহাক্না খুদক্তা কেয়র লৌগদবনি:

  • ৱান্থবা, চপ তিংবা নত্ত্রগা মসল চপশিল্লকপা
  • ঈ থোকপা হন্থরকপগী মহুত্তা হেনগৎলকপা নত্ত্রগা তিসুগী মচেৎ নত্ত্রগা অচৌবা ক্লোটশীং লৈরকপা
  • লাইহৌ
  • এবদোমেনদা শাথীনা নাবা নত্ত্রগা নাবা হেনগৎলকপা
  • ওবা অমসুং দাইরিয়া
  • ভজাইনাদগী মনম নমথীবা ঈ নত্ত্রগা মহি থোরকপা
  • থবাক্তা শাথীনা নাবা নত্ত্রগা শ্বর মতেক মতেক হোনবা
  • খোং নত্ত্রগা খোমদা নাবা, পোম্বা অমসুং /নত্ত্রগা ঙাংবা
  • লেল্লিবা মফম অমদা (করিগুম্বা নুপী অদু এপিসিওটোমি নত্ত্রগা সিজরিয়ান সেক্সন অমা পাংথোকখিবা ওইরবদি) নাবা, পোম্বা, ঙাংবা অমসুং/ নত্ত্রগা দিসচার্জ লৈরকপা
  • ভজাইনাদা য়ুং নত্ত্রগা অমাংবা লিক ওইরকপা
  • মপান থোকপদা নাবা
  • য়ারি-য়াখোং, মীৎপান, লৈ নত্ত্রগা খুবাক্তা তাইফেৎ তাইবা

পোষ্টপার্টম ক্লিনিক ভিজিট

য়াম্না ফবদি অনৌবা মমা অমনা হেলথ ফেসিলিটি অমদা মহাক্কী অহানবা পোষ্টপার্টম ভিজিট নত্ত্রগা হেলথ ৱার্কর অমনা য়ুমদা লাকপা অসি অঙাং পোক্লবা মতুং নুমিৎ 7 -10নি ফাউবগী মনুংদা তৌবনা ফৈ। করিগুম্বা মহাক্না য়ুমদা অঙাং উনবা ওইরবদি মসি খ্বাইদগী চুম্মী। মসিগী অহানবা ভিজিট অসি নুপী অমসুং অঙাং অদু লেবর অমসুং দেলিভরিদগী ফগৎলক্লিব্রা হায়বদু খংদোক্নবা য়াম্নমক মরুওই। করিগুম্বা খুদিংমক ফরবদি, মথংগী ভিজিট অদু অঙাং অদু পোক্লবা মতুং চয়োল তরুক্কী মতুংদা ওইবা য়াই। মমা অমসুং মচা অনিমক মপুংফানা ফিজিকেল একজামিনেসন তৌথোক্কদবনি অমসুং অঙাং অদু টিকা থাদোক্কদবনি। মসিগী মথক্তা নুপী অদুনা অঙাং মখোম পীথকপগী, সেক্সকী ওইবা মরি থম্বগী, ফেমিলি প্লানিংগী অমসুং অঙাং অদুগী ইম্মুনাইজেসনগী নত্ত্রগা অতোপ্পা তোপিকশীংগী মতাংদা ৱাহং অমহেক্তগী পাউখুম পীনবগী খ্বাইদগী ফবা তঞ্জা অমসুনি।

দাইট অমসুং পোত্থাবা

অঙাং পোক্লবা মতুংদা, নুপীশীংনা মখোয়গী মপাঙ্গল হঞ্জিন্নবা অমসুং লেবর অমসুং দেলিভরিদগী হনগৎলক্নবা ফজনা চাবা মথৌ তাই। মখোয়না দেলিভরিগী মতমদা ঈ মাংখিবা মরম্না এনেমিয়া লাক্তনবা আইরনগী তেব্লেটশীং চাবা মথৌ তাই। করিগুম্বা নুপী অদুনা মখোম পীথক্লিবা ওইরবদি, মহাক্কী দাইটতা অহেনবা চিঞ্জাক অমসুং থক্নবশীং য়াউহনবা তাই। মখোম পীথক্লিবা নুপীশীংনা মখোয়না মীরোল্লিঙৈদা চাখিবদগী হেন্না চাবা তাই মরমদি মখোম পীথকপা হায়বসি ন্যুত্রিসনেল রিজর্ভ য়াম্না মথৌ তাই। কেলোরিশীং, প্রোতিনশীং, আইরন, ভিতামিনশীং অমসুং অতৈ মাইক্রোন্যুত্রিএন্টশীং য়াম্না য়াউবা চিঞ্জাকশীং চাবা তাই। খুদম ওইনা, হৱাই-চেংৱাইশীং, শঙ্গোম অমসুং শঙ্গোমগী প্রদক্টশীং, অশংবা মনা পানবা মনা-মশীং অমসুং অতৈ মনা-মশীংশীং, উহৈ-ৱাহৈশীং, য়েন, শা, য়েরুম অমসুং ঙা অসিনি। দেলিভরিগী হেক মতুং অমসুং মখোম থোক্লিঙৈ মতমদদি চাবা য়াদে থাজনবা চিঞ্জাকশী হেনগৎলকই অমসুং মীরোল্লীঙৈদগী মশিং হেল্লি। মসি তৌরোইদবনি। মখোয়না মহি-মনাই মরাং কায়না থক্কদবনি। নুপী অদুনা পোষ্টপার্টমগী মতমদদি পোত্থাবা মরাং কায়না ফংগদবনি মরমদি মদুনা মহাক্কী পাংগল হেনগৎহনগনি। মহাক অমসুং মহাক্কী মপুরোইবা অমদি অতৈ ইমুং মনুংগী মীওইশীংনা মহাক্কী মচা অমসুং মশামক য়েংশিনবগী থবক নত্তনা অতৈ অকনবা থবক তৌহল্লোইদবনি।

হায়জিন

নুপী অদুদা মহাক্কী ভজাইনাদা করিগুম্বা অমত্তা থীংজিন্দনবা অমসুং মদু নুমিৎ খুদিংগী শেংদোক্নবা অমসুং খোং হাম্লবা মতুংদা শেংদোক্নবা পাউতাক পীগদবনি। করিগুম্বা লোকিয়া হেন্না চৎলবদি পেরিনিএল পেদ অদু তোইনা নত্ত্রগা পুং 4 -6 খুদিংগী শিন্দোক্কদবনি। করিগুম্বা ফিগী পেদ শিজিন্নবা ওইরবদি, পেদশীং অদু শাপোন অমসুং ঈশীংনা শেংনা শুদোক্তুনা নুংশাদা কংহনগদবনি। মহাকপু চাং নাইনা ইরুজনবা অমসুং অঙাং শেন্নবা মতমদা মখুৎ অদু শেংনা হামদোক্নবা পাউতাক পীগদবনি।

মরি লৈনবা রিসোর্সশীং

  1. ফেক্টস ফোর লাইফ
  2. মেটরনেল মোর্টেলিটি - WHO ফেক্ট সিট
  3. সিসু সামরকশক – চাইল্ড প্রোতেক্তর (মল্টিমিদিয়া প্রেজেন্টেসন)

অকোনবা শেমদোকখিবা : 6/11/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate