প্রধান মন্ত্রি অৱাস যোজনা (হাউসিং ফোর ওল –অর্বান)

মিনিষ্ট্রি ওফ হাউসিং এন্ড অর্বান পোবর্টি এলেভিএসন (MoHUPA)না মিসন মোদদা হৌদোক্লিবা প্রধান মন্ত্রি অৱাস যোজনা (অর্বান) অসিনা ইং 2022 ফাউবদা, হায়বদি, লৈবাক অসিনা মনিং তম্লকপা চহি 75 মপুং ফারকপা মতম ফাউবদা, মীওই খুদিংমক্কী য়ুম লৈহন্নবগী পান্দম থম্লি। মিসন অসিনা মখাদা পিরিবা প্রোগ্রাম ভর্টিকেলশীং অসিগী খুত্থাংদা স্লমদা লৈরিবশীং য়াউনা অর্বানগী লায়রবশীংনা য়ুমগী মথৌ তারিবশীংদু কোকহন্নবা পান্দম থম্লি:

• লমনা রিসোর্স অমগুম শিজিন্নদুনা অমসুং প্রাইভেট দিভেলপরশীং শরুক য়াহন্দুনা স্লমদা লৈবা মীওইশীংগী স্লম রিহেবিলিটেসন।
• ক্রেদিট লিঙ্ক সবসিদিগী খুত্থাংদা শোত্থরবা সেক্সনশীংগীদমক শেল চংদনা য়ুম শাবা প্রোমোট তৌবা।
• পব্লিক অমসুং প্রাইভেট সেক্টরশীংগা খুতশম্নদুনা শেল চংদবা য়ুম শাবা।
• বেনিফিসরিনা লমজিংবা ইন্দিভিজুএল হাউস কনষ্ট্রক্সন/ এনহান্সমেন্টগীদমক সবসিদি।

বেনিফিসরিশীং

• মিসন অসিনা স্লমদা লৈবা মীওইশীং য়াউনা অর্বানগী লায়রবশীংনা য়ুমগী মথৌ তারিবশীংদু কোকহন্নবা পান্দম থম্লি। স্লম অমা হায়বসি মতিক চাদবা ইনফ্রাষ্ট্রকচর, মওং তাবা সেনিটরি অমসুং থক্নবা ঈশীংগী খুদোংচাবা লৈতবা হায়জিনিক ওইদবা অকোয়রোনদা লৈফম ফজনা শাদনা য়ামদ্রবদা মীওই 300 নত্ত্রগা য়ুমথোং 60 – 70না কুংনা তাবা কম্পেক্ট ওইবা এরিয়া অমবু খংনগনি।
• বেনিফিসরিশীংগী মনুংদা ইকোনোমিকেল্লি ৱিকর সেক্সন (EWS) অমসুং লো-ইনকম গ্রুপস (LIGs) অসি য়াউরি। চহিগী ওইবা ইনকম কেপ অসি EWSকী ওইনা লুপা লাখ 3 ফাউবা অমসুং  LIGগী ওইনা লুপা লাখ 3-6 ফাউবা ওইগনি। বেনিফিসরিগী EWS কেটেগোরি অসি মিসন অসিগী ভর্টিকেল মরিমক্তা লোয়না ইলিজিবল ওইগনি অদুগা LIG কেটেগোরি অসিদি মিসন অসিগী ক্রেদিট লিঙ্ক সবসিদি স্কিম (CLSS) কম্পোনেন্টখক্তদা ইলিজিবল ওইগনি।
• স্কিম অসিগী মখাদা EWS নত্ত্রগা LIG বেনিফিসরি অমা ওইনা মশক খংনবগীদমক, লোন থারক্লিবা মীওই অমনা ইনকমগী প্রুফ ওইনা সেলফ-সর্টিফিকেট/ এফিদেবিট সবমিট তৌরকপা তাই।
• বেনিফিসরিগী ফেমিলি অমদা মপুরোইবা, নুপী, লুহোংদ্রিবা মচানুপাশীং অমসুং/ নত্ত্রগা লুহোংদ্রিবী মচানুপীশীং য়াউগনি।
• মিসন অসিগী মখাদা সেন্ত্রেল এসিষ্টেন্স ফংনবগী ইলিজিবল ওইনবগীদমক্তা বেনিফিসরি ফেমিলি অদুনা নুপী/ নুপা অদুগী মমীংদা নত্ত্রগা নুপী/ নুপা অদুগী ইমুং অদুগী মেম্বর অমহেক্তগী মমীংদা ভারতকী মফম অমহেক্তদা পক্কাগী য়ুম অমা লৈতবা ওইগদবনি।

• রাজ্যশীং/ UTশীংনা, মখোয়গী অপাম্বগী মতুংইন্না, স্কিম অসিগী মখাদা কান্নবশীং লৌনবা ইলিজিবল ওইনবগীদমক বেনিফিসরিশীংনা অর্বান এরিয়া অদুগী রেসিদেন্ট অমা ওইবা মথৌ তাবগী কট-ওফ তাং অমা লেপ্পা য়াই।

স্লম দিকেদেল গ্রোথ রেট 34% ওইবদা, স্লমগী য়ুমথোংশীং অসি মিলিয়ন 18 ফাউবা ওইবা য়াই। নন-স্লম অর্বানগী লায়রবা য়ুমথোং মিলিয়ন 2 দি মিসন অসিগী মখাদা কোনশিন্নবা পান্দম থম্লি। মরম অদুনা, অনৌবা মিসন অসিগী খুত্থাংদা কোকহনগদবা অপুনবা য়ুমগী অৱাৎপা অসি মিলিয়ন 20 নি।

স্কোপ

• “হাউসিং ফোর ওল” মিসন ফোর অর্বান এরিয়া অসি ইং 2015-2022গী মনুংদা ইমপ্লিমেন্ট তৌখি অমসুং মিসন অসিনা ইং 2022 ফাউবগী মনুংদা ইলিজিবল ওইবা ইমুং/ বেনিফিসরি পুম্নমক্তা য়ুমশীং পীনবগীদমক রাজ্যশীং অমসুং UTশীংগী খুত্থাংদা ইমপ্লিমেন্টিং এজেন্সিশীংদা সেন্ত্রেল এসিষ্টেন্স পীগনি।
• সেন্ত্রেল সেক্টর স্কিম অমগুম্না ইমপ্লিমেন্ট তৌগদবা ক্রেদিট লিঙ্ক সবসিদিগী কম্পোনেন্টখক নত্তনা, মিসন অসি সেন্ত্রেলি স্পোন্সর্দ স্কিম (CSS) অমগুম্না ইমপ্লিমেন্ট তৌগনি।
• মিসন অসি মসিগী কম্পোনেন্ট পুম্নমক্কা লোয়ননা 17.06.2015 দগী ইফেক্টিভ ওইরে অমসুং মসি 31.03.2022 ফাউবা ইমপ্লিমেন্ট তৌগনি।

কভরেজ অমসুং মতম

• ইং 2011গী মীকোক থীবা মতুংইন্না, ষ্টেটুটরি টাউন 4041 মক্তা, ক্লাস Iগী সহর 500দা মীৎয়েং থমদুনা মখাদা পীরিবা ফেজ অহুম অসিদা কোনশিনগনি:
• ফেজ I (এপ্রিল 2015 - মার্চ 2017) ষ্টেট/UTশীংনা মখোয়গী অপাম্বা মতুংইন্না খনগৎলবা সহর 100 কোনশিনগনি।
• ফেজ II (এপ্রিল 2017 - মার্চ 2019) অহেনবা সহর 200 কোনশিনগনি।
• ফেজ III (এপ্রিল 2019 - মার্চ 2022) লেমহৌরিবা সহর পুম্নমক কোনশিনগনি।

মিনিষ্ট্রিনা, অদুম ওইনমক করিগুম্বা ষ্টেটশীং/ UTশীংদগী রিসোর্সনা বেক তৌরবা দিমান্দ অমা লাকপা তারবদি অহেনবা সহরশীং অঙনবা ফেজশীংদা হাপচিন্নবগী ফ্লেক্সিবিলিটি লৈগনি।

• মিসন অসিনা বেসিক ওইবা সিভিক ইনফ্রাষ্ট্রকচরগা কোন্নবা কার্পেট এরিয়া স্কুয়ার মিটর 30 ফাউবা ওইবা য়ুমশীং শাবদা মতেং পাংগনি। ষ্টেটশীং/ UTশীংনা য়ুমগী সাইজ অমসুং অতৈ ফেসিলিটিশীং মিনিষ্ট্রিগা খন্নদুনা রাজ্যগী থাক্তা সেন্টরদগী অহেনবা ফাইনান্সিএল এসিষ্টেন্স অমত্তা য়াউদনা লেপথোক্নবগী ফ্লেক্সিবিলিটি লৈগনি। পার্টনরশীপতা পায়খৎপা স্লম রিদিভেলপমেন্ট প্রোজেক্ট অমসুং এফোর্দেবল হাউসিং প্রোজেক্টশীংদা ঈশীং, সেনিটেসন, সেৱেরেজ, লম্বী, ইলেক্ত্রিসিটি, অসিনচিংবা বেসিক সিভিক ইনফ্রাষ্ট্রকচর লৈগনি। অর্বান লোকেল বোদি (ULB)শীংনা ক্রেদিট লিঙ্ক ইন্টরেষ্ট সবসিদি অমসুং বেনিফিসরি লেদ কনষ্ট্রক্সনগী মখাদা শাবা ইন্দিভিজুএলগী য়ুমশীং অদুদা বেসিক সিভিক সর্ভিস ময়ামসিগী প্রোভিজনশীং শোয়দনা য়াউহন্নবগী দায়ত্ব লৌগদবনি।
• কম্পোনেন্ট খুদিংমক্কী মখাদা মিসন অসিগী মখাদা শাবা য়ুমশীংগী মিনিমম ওইবা সাইজ অসি নেসনেল বিল্ডিং কোদ (NBC)দা পীরিবা ষ্টেন্দর্দশীং অদুগী মতুংইন্না ওইগদবনি। অদুম ওইনমক, করিগুম্বা লমগী অফংবা এরিয়া অদু NBCগী মতুংইন্না অসিগুম্বা য়ুমগী মিনিমম সাইজ অদুগী অয়াবা পীদবা ওইরবা অমসুং করিগুম্বা হন্থবা সাইজগী য়ুম শানবগী অয়াবা অদু বেনিফিসরিদগী ফংবা ওইরবদি, SLSMCগী এপ্রুভেলগা লোয়ননা ষ্টেট/ UTশীংনা চুনবা ফিরেপ অমা লৌবা য়াই। মিসন অসিগী মখাদা শাবা নত্ত্রগা চাউথোকহনবা য়ুম পুম্নমক্তা তঙাইফদনা টোইলেটকী ফেসিলিটি য়াউহনগদবনি।
• মিসন অসিগী মখাদা সাবা য়ুমশীং অসি নেসনেল বিল্ডিং কোদ অমসুং অতৈ মরি লৈনবা ব্যুরো ওফ ইন্দিয়ান ষ্টেন্দর্দস (BIS) কোদশীংগী মতুংইন্না য়ুৱারহাবা, ঈচাউ, সাইক্লোন, লেন্দস্লাইদ অসিনচিংবদগী ঙাকথোক্নবগী মওংদা শেম্বগী মথৌ তাবশীংদু য়েংদুনা দিজাইন তৌরবা অমশূং শাবা ওইগদবনি।
• মিসন অসিগী মখাদা সেন্ত্রেল এসিষ্টেন্সকা লোয়ননা শারবা য়ুমশীং অদু য়ুমথোং অদুগী য়ুম্বুরেম্বী অদুগী মমীংদা নত্ত্রগা য়ুম্বুরেম্বা অমসুং মহাক্কী নুপী অদুগী অপুনবা মমীংদা লৈবা ওইগদবনি, অমসুং করিগুম্বা মপুং মরৈ ফারবা নুপী মেম্বর অমত্তা ইমুংদা লৈত্রবদি য়ুম অদু য়ুমথোং অদুগী নুপা মেম্বর অদুগী মমীংদা লৈবা য়াগনি।
• ষ্টেট/UT গবর্ণমেন্ট অমসুং ইমপ্লিমেন্টিং এজেন্সিশীংনা স্কিম অসিগী মখাদা লৈবা বেনিফিসরিশীংগী এসোসিএসনশীং হায়বদি রেসিদেন্ট ৱেলফেয়র এসোসিএসন অসিনচিংবা শেমদুনা মিসন অসিগী মখাদা শাবা য়ুমশীংগী মেইন্টিনেন্স তৌনবগী পুক্নিং থৌগৎকদবনি।
• মিসন অসিগী মখাদা সেন্ত্রেল এসিষ্টেন্সকা লোয়ননা শাবা/ লৌশিল্লবা য়ুমশীং অদু য়ুমথোং অদুগী য়ুম্বুরেম্বী অদুগী মমীংদা নত্ত্রগা য়ুম্বুরেম্বা অমসুং মহাক্কী নুপী অদুগী অপুনবা মমীংদা লৈবা ওইগদবনি, অমসুং করিগুম্বা মপুং মরৈ ফারবা নুপী মেম্বর অমত্তা ইমুংদা লৈত্রবদি লৈফম য়ুনিট/ য়ুম অদু য়ুমথোং অদুগী নুপা মেম্বর অদুগী মমীংদা লৈবা য়াগনি।

ইমপ্লিমেন্টেসন মেথোদোলোজি

মিসন অসি বেনিফিসরিশীং, ULBশীং অমসুং ষ্টেট গবর্নমেন্টশীংদা ওপশন পীদুনা ভর্টিকেল মরিগী খুত্থাংদা ইমপ্লিমেন্ট তৌগনি। ভর্টিকেল মরি অদুদি মখাদা পিরি।

ইন সিটু স্লম রিদিভেলপমেন্টতা (In Situ Slum Redevelopment)

ভর্টিকেল অসি “লম অসি রিসোর্স অমগুম্না” হায়বা কন্সেপ্ট অসিদা প্রাইভেট সেক্টরনা শরুক য়াহনবগা লোয়ননা ইলিজিবল ওইরবা স্লমদা লৈরিবা মীওইশীংদা য়ুম পীনবগীদমক পায়খৎকনি। স্লমশীং অসি সেন্ত্রেল গবর্নমেন্টকী লম/ ষ্টেট গবর্নমেন্টকী লম/ ULBগী লম/ প্রাইভেটকী লমদা লৈজরবসু ইলিজিবল ওইরবা স্লমদা লৈবা মীওইশীংদা য়ুম পীনবগীদমক “ইন-সিটু” রিদিভেলপমেন্টগীদমক্তা লৌশিনগদবনি। অসুম্না রিদিভেলপ তৌরবা স্লমশীং অদু শোয়দনা দিনোটিফাই তৌগদবনি।

অসিগুম্বা প্রোজেক্ট পুম্নমক্তা, ইলিজিবল ওইরবা স্লমদা লৈবা মীওই পুম্নমক্কী ওইনা শারবা য়ুম অমদা, চাংচত্তা লুপা লাখ 1গী ওইবা স্লম রিহেবিলিটেসন গ্রান্ট অসি এদমিসিবল ওইগনি।

ক্রেদিট লিঙ্ক সবসিদিগী খুত্থাংদা শেল চংদবা য়ুম শাবা

ক্রেদিট লিঙ্ক সবসিদিগী মখাদা, ইকোনোমিকেলি ৱিকর সেক্সন (EWS) অমসুং লো ইনকম গ্রুপ (LIG)কী বেনিফিসরিশীংনা বেঙ্কশীং, হাউসিং ফাইনান্স কম্পনিশীং অমসুং অসিগুম্বা অতৈ ইনষ্টিট্যুসনশীংদগী নৌনা শাগৎনবগী অমসুং শিজিন্নরিবা য়ুম অদু চাউথোকহন্নবগীদমক হাউসিং লোন লৌবা য়াই। ক্রেদি লিঙ্ক সবসিদি অসিদা লুপা লাখ 6 খক ফাউবগী লোনগী শেনফম ফংবা য়াগনি অমসুং অসিগুম্বা লোন অসি চহি 15গী নত্ত্রগা লোনগী মতম অপুনবা অদুগী মরক্তা হেন্না তেনবদুদা লৌদুনা 6.5 %গী ইন্টরেষ্টতা ফংগনি। ইন্টরেষ্ট সবসিদিগী নেট প্রেজেন্ট ভেল্যু (NPV) অদু 9 % গী দিসকাউন্ট রেটতা হোৎকনি। লুপা লাখ 6তগী হেনবা অহেনবা লোনশীংদি নন-সবসিদাইজ রেটতা ওইগনি। ইন্টরেষ্ট সবসিদি অসি শেল শান্দোক্লিবা ইনষ্টিট্যুসনশীংগী খুত্থাংদা, রিদ্যুস তৌরবা ইফেক্টিভ হাউসিং লোন অমসুং ইক্বেটেদ মন্থলি ইনষ্টোলমেন্ট (EMI) লৌনবগী মওংদা বেনিফিসরিশীংগী লোন একাউন্টশীংদা ক্রেদিট তৌগনি

কম্পোনেন্ট অসিগী মখাদা শাবা য়ুমশিংগী কার্পেট এরিয়া অদু EWS কেটেগোরিগী ওইনা স্কুয়ার মিটর 30 অমসুং  LIG কেটেগোরিগী ওইনা স্কুয়ার মিটর 60 ফাউবা ওইগদবনি। মসিগী অর্থদি করিগুম্বা কার্পেট এরিয়া অদুনা মরি লৈনবা লিমিট অদুদগী হেল্লবদি, বেনিফিসরিশীং অদু কম্পোনেন্ট অসিগী মখাদা কান্নবা ফংনবগীদমক ইলিজিবল ওইরোই।

স্কিম অসিগী মখাদা অহেনবা খুদোংচাবসি EWS / LIG সেগমেন্টশীংদগী বেনিফিসরি ওইবগী মখা পোন্না, মখুৎনা অমোৎ-অকায় শেংবা মীওইশীং, নুপীশীং (লুখ্রাবিশীংদনা হেন্না খুদোংচাবা পীগনি), সেদ্যুল কাষ্ট/ সেদ্যুল ত্রাইব/ অদর বেকৱার্দ ক্লাসশীংদা চনবা মীওইশীং, মাইনোরিটিশীং, নামা শোয়রবা মীওইশীং অমসুং ত্রান্সজেন্দরশীংদা পীগনি।

পার্টনরশিপকী খুত্থাংদা শেল চংদবা য়ুম শাবা

মিসন অসিনা ষ্টেটশীং/ UTশীং/ সিটিশীংগী তোঙান তোঙানবা পার্টনরশিপকী মখাদা শাবা EWS য়ুম অমমমদা লুপা লাখ 1.5গী চাংদা শেলগী মতেং পীগনি। শেল চংদবা মওংগী হাউসিং প্রোজেক্ট অমা হায়বসি তোঙান তোঙানবা কেটেগোরিশীংগী (EWS, LIG, অমসুং HIG অসিনচিংবা) য়ুমশীংনা পুন্সিন্নবা মওং অমগী ওইবা য়াই অদুবু মসি করিগুম্বা প্রোজেক্ট অদুগী য়ুমশীং অদুগী মনুংদা য়ামদ্রবদা 35% না EWSকী কেটেগোরিদা ওইরবা অমসুং সিঙ্গল প্রোজেক্ট অমদা য়ামদ্রবদা য়ুম 250 লৈরবা মতমদতা সেন্ত্রেল এসিষ্টেন্সকীদমক ইলিজিবল ওইগনি।

বেনিফিসরি-লেদ ইন্দিভিজুএল হাউস কনষ্ট্রক্সনগী সবসিদি

মসি EWS কেটেগোরিদা লৈবা ইন্দিভিজুএল ইলিজিবল ফেমিলিশীংদা অনৌবা য়ুম শানবা নত্ত্রগা মিসন অসিগী অতৈ অতোপ্পা কম্পোনেন্ট অমহেক্তগী খুদোংচাবা লৌবা ঙমদ্রবা বেনিফিসরিশীংবু কোভর তৌনবগীদমক লৈনরিবা য়ুম অদু মশানা শেমদোক-শেমজিন তৌজনবগী পীবা মতেংনি। অসিগুম্বা ফেমিলিশীং অসিনা লুপা লাখ 1.5গী ওইবা সেন্ত্রেল এসিষ্টেন্স লৌবা য়াগনি অমসুং HFA PoAগী শরুক অমা ওইগদবনি। হাউসিং মিশন অসিগী ‘বেনিফিসরি লেদ কনষ্ট্রক্সন’গী মখাদা সেন্ত্রেল এসিষ্টেন্স ফংনবগী ইলিজিবল ওইনবগীদমক্তা শিজিন্নরিবা য়ুম অদুদা স্কুয়ার মিটর 9.0গী কার্পেট এরিয়া অমা য়ামদ্রবদা হাপচিনবা তাই। এসিষ্টেন্স অসি ফংবা পাম্বা বেনিফিসরি অমনা মহাক্না মপু ওইরিবা লম ফংবগী মতিক চাবা দোক্যুমেন্টশীংগা লোয়ননা ULBশীংদা এপ্রোচ তৌগদবনি। অসিগুম্বা বেনিফিসরিশীং অসি স্লমদা নত্ত্রগা স্লমশীংগী মপান্দা লৈবা ওইবা য়াই। রিদিভেলপ তৌদবা স্লমশীংদা লৈবা বেনিফিসরিশীং অসি করিগুম্বা মখোয়গী কটচা নত্ত্রগা সেমি-পক্কাগী য়ুম অমা লৈবা তারবদি কম্পোনেন্ট অসিগী মখাদা কোনশিনবা য়াই।

সেন্ত্রেল এসিষ্টেন্স অসি ষ্টেট/UTগী রেকমেন্দেসনগী মতুংইন্না ষ্টেট/ UTশীংগী খুত্থাংদা পায়খৎপা প্রোজেক্টশীংগী মশক খংদোক্লবা বেনিফিসরিশীংগী বেঙ্ক একাউন্টশীংদা পীগনি। অহেনবা ইনফোর্মেসনগীদমক্তা, মফমসিদা ক্লিক তৌবীয়ু।

সোর্স: মিনিষ্ট্রি ওফ হাউসিং এন্ড অর্বান পোবর্টি এলেভিএসন, গবর্ণমেন্ট ওফ ইন্দিয়া

মরি লৈনবা রিসোর্সশীং

1. PMAYগী মতাংদা FAQs

ষ্টেট লেভেল নোদেল এজেন্সিশীং – কন্টেক্টকী অকুপ্পা মরোলশীং (173KB)