সাইক্লোনশীং

ইনফোর্মেসন

সাইক্লোনশীং অসি লো-প্রেসর এরিয়া (অনেম্বা প্রেসর লৈবা মফম) অমগী অকোয়বদা লৈবা এটমোসফরিক দিষ্টর্বেন্সশীংনা থোকহনবনি, অমদি মসি য়াম্না য়াংবা অমসুং তোইনা অমাং-অতা থোক্কনবা নুংশিৎকী সর্ক্যুলেসন (air circulation) ওইগল্লি। মহৌশানা সাইক্লোনশীংগা অকনবা নোংলৈ-নুংশিৎ অমসুং ফত্তবা ৱেদর (অঈং-অশা)গা লোয়নগল্লি। নুংশিৎনা নোর্দন হেমিস্ফিয়রদা এন্টিক্লোকৱাইজ অমসুং সাউদর্ন হেমিস্ফিয়রদনা ক্লোকৱাইজ দিরেক্সন অমদা মনুংলোমদা  লৈশিল্লি (circulates inward)। সাইক্লোনশীং অসি: (i) এক্সত্রা ত্রোপিকেল সাইক্লোন (টেম্পরেট সাইক্লোন হায়নসু কৌনৈ); অমসুং (ii) ত্রোপিকেল সাইক্লোন হায়না খায়দোকপা য়াই। সাইক্লোন হায়বা ৱাহৈ অসি গ্রিক্কী সাইক্লোজ হায়বা ৱাহৈ অসিদগী লৌথোরকপনি, অমদি মসিগী অর্থদি লিন অমগী মকোন (coils of a snake) হায়বনি। মসি বে ওফ বেঙ্গল অমসুং আরাবিয়ান সিদা শিৎপা ত্রোপিকেস ষ্টোর্মশীং অসি সমুদ্রগী লিনগী কোনশিনবা মকোন মাল্লি হায়দুনা হেনরি পেদিংটননা শিজিন্নবা হৌদোকখিবনি।

ক্লাসিফিকেসনশীং (কাংলুপ খায়দোকপা)

সাইক্লোনশীং অসি এক্সত্রা ত্রোপিকেল সাইক্লোন (টেম্পেরেট সাইক্লোন হায়নসু কৌনবা); অমসুং ত্রোপিকেল সাইক্লোন হায়না কাংলুপ খায়দোকই।

ৱার্ল্ড মেতিওরোলোজিকেল ওর্গানাইজেসন (WMO, 1976) না ‘ত্রোপিকেল সাইক্লোন’ হায়বা ৱাহৈ অসি নুংশিৎনা ‘গেল ফোর্স’ (মিনিমম ওইনা 34 knots নত্ত্রগা 63 kph)দগী হেনবা ৱেদর সিষ্টেমশীং কোনশিনবদা/ কুপশিনবদা (to cover) শিজিন্নৈ। ত্রোপিকেল সাইক্লোনশীং অসি ওসিন (মহাসাগর) অমসুং এটমোস্ফিয়র (নুংশিৎ কুয়োম)না থোকহনবা, সমুদ্রদগী লাকপা মৈশানা মপাঙ্গল হেনগৎহনবা; অমসুং ইষ্টর্লি ত্রেদ অমসুং টেম্পরেট ৱেষ্টর্লিশীং, অকনবা প্লানেটরি নুংশিৎশীং অমসুং মখোয় মশামক্কী অকনবা এনর্জিনা হুম্লিবা পোত্থোক অমনি।

ভারত্তা, সাইক্লোনশীং অসি মখাদা পীরিবসিগী মতুংইন্না কাংলুপ খায়দোকই:

• লোয়নরিবা অশিৎপা নুংশিৎশীংগী মপাঙ্গল,
• খংহৌদনা লাকপা অকনবা নুংশিৎ (Storm surges),
• অখন্নবা মওংদা নোং তাবা থোকপা।

এক্সত্রা ত্রোপিকেল সাইক্লোনশীং অসি পোলার রিজনদগী হৌরকপনি হায়বা খংনরবসু, মখোয় অসি টেম্পরেট জোন অমসুং হায় অলটিট্যুদ রিজনশীংদা থোকই।

ত্রোপিক ওফ কেপ্রিকোন অমসু কেন্সরগী মরক্তা লাকপা সাইক্লোনশীং অসিবু ত্রোপিকেল সাইক্লোন হায়না কৌনৈ। ত্রোপিকেল সাইক্লোনশীং অসি ত্রোপিকেল নত্ত্রগা সব-ত্রোপিকেলগী ঈশীংদা লাকপা পাক-চাউবা ৱেদর সিষ্টেমশীংনি, অমদি মফমশীং অসিদা মখোয় অসি সর্ফেস ৱিন্দ সর্ক্যুলেসনদা পুনশিনখি।

পৃথীবীগী ওইনা শিজিন্নবা মীংগৌ (Worldwide terminology)

সাইক্লোনশীং অসি পৃথীবীগী তোঙান-তোঙানবা মফমশীংদা মমীং কয়া থোন্নৈ – চিনা সি অমসুং পেসিফিক ওসিনদা মখোয় অসি টাইফুন; কেরিবিয়ান সি অমসুং অটলান্টিক ওসিনদা লৈবা ৱেষ্ট ইন্দিয়ান ঈথৎশীংদা হুরিকেন; ৱেষ্ট অফ্রিকা অমসুং সাউদর্ন USAগী গিনি লেন্দদা টোর্নেদো; নোর্থ-ৱেষ্টর্ন ওষ্ট্রেলিয়াদা ৱিলি-ৱিলি অমসুং ইন্দিয়ান ওসিনদা ত্রোপিকেল সাইক্লোন হায়না খংনৈ।

ইন্দিয়ান মেটিওরোলোজিকেল দিপার্টমেন্ট

মখাদা পীরিবা ক্রাইটেরিয়া অসি ইন্দিয়ান মেটিওরোলোজিকেল দিপার্টমেন্ট (IMD)না শেম্বনি, মসিনা WMO না চৎনরিবা কেপাসিটি টু দেমেজদা য়ুম্ফম ওইদুনা বে ওফ বেঙ্গল অমসুং আরাবিয়ান সিদা লৈরিবা লো প্রেসর সিষ্টেমশীং অসি কাংলুপ খায়দোকই।

নোট 1  - পুং অমদা কিমি 1.85

সাইক্লোনশীং অসি অশিৎপা নুংশিৎকী অয়াংবদা (wind speed) য়ুম্ফম ওইদুনা তোঙান-তোঙানবা লেভেল মঙা থোক্না খায়দোকপা য়াই। মখোয়না অমাং-অতা থোকহনবা ঙম্বগী কেপাসিটিগী মতুংইন্না মখোয় অসি মখাদা পিরিবা কেটেগোরিশীং অসিদা খায়দোকই:-

ষ্টোর্ম সর্জ (টাইদেল ৱেব) হায়বসি নোর্মেল ওইনা মাংজৌননা তাক্লিবা এষ্ট্রোনোমিকেল টাইদ অদুগী হেনগৎনা সমুদ্রগী লেভেল ৱাংখৎলকপবু খংনৈ। মরুওইবা ফেক্টরশীংগী মনুংদা মখাদা পীরিবশীংসি চল্লি:

• সমুদ্রগী সর্ফেস মথক্তা পীবা এটমোস্ফরিক প্রেসর হন্থরকপা।
• অশিৎপা নুংশীৎকী ইফেক্ট।
• সি বেদ (sea bed)কী ঈথীল।
• ফনেল্লিংগী ইফেক্ট অমা (A funnelling effect)।
• নোংলৈ-নুংশীৎ অদুনা সমুদ্র খোংবাল্লোমদা লাক্লিবা এঙ্গল অমসুং স্পিদ (অয়াংবা)।
• ঈথকশীং (tides)।

য়াম্না ৱাংবা অকক্নবা হ্যুমিদিটিনা কা-হেন্না চাউবা রেনদ্রোপশীং অমসুং অচৌবা লৈচিলশীং ওইনা তাশিল্লক্তুনা প্রেসিপিটেসন রেট ৱাংখৎহল্লি। সাইক্লোন অমনা কংফালদা তারকপা মতমদা, মফমদুদা য়াম্না থুনা নোংনা ঈশীং তুংশিল্লি অমসুং মফমদুদগী ঈশীং য়াংনা চেন্থোরকপনা ঈশীংগী সোর্সশীংদা পাক-চাউনা ঈচাউ থোকহনবা য়াই নত্ত্রগা অনৌবা মফম অমা শেম্বা য়াই।

মতৌ করম্না সাইক্লোনশীং শেম্লকপগে

ত্রোপিকেল সাইক্লোনগী দিভেলপমেন্ট সাইকল অসি ষ্টেজ অহুম থোক্না খায়দোকপা য়াই:

শেম্লকপা অমসুং চাউৎলকপগী অহৌবা তাংকক (ফোর্মেসন অমসুং ইনিসিএল দিভেলপমেন্ট ষ্টেজ)

সাইক্লোনিক ষ্টোর্ম অমা শেম্লকপা অমসুং চাউখৎলকপগী অহৌবা তাংকক (ফোর্মেসন অমসুং ইনিসিএল দিভেলপমেন্ট ষ্টেজ) অসি তোঙান-তোঙানবা কন্দিসনশীংগী মখা পোল্লি। মখোয় অদুদি:

• অশাবা সমুদ্র (60 mগী অরুবদা অহেনবা সেলসিয়স দিগ্রি 26কী টেম্পেরেচর অমা লৈবা) অমগী মথক্তা লৈরিবা এটমোস্ফিয়র অদুদা ইভাপোরেসনগী থৌওংনা ঈশীং মনিল য়াম্না মরাং কায়না অমসুং কন্না চেনশিনবা।
• ওসিন সর্ফেসকী মথক্তা কাখৎলক্লিবা নুংশিৎ অদু কুংশিল্লকপগা লোয়ননা চংশিল্লকপদগী য়াম্না চাউবা ভর্টিকেল ওইবা লৈচিল মপৈ শেম্লক্তুনা এটমোস্ফরিক ইনষ্টেবিলিটি লৈরকপা।

মেচ্যুওর ত্রোপিকেল সাইক্লোনশীং (Mature Tropical Cyclones)

করিগুম্বা ত্রোপিকেল ষ্টোর্ম অমা কা-হেন্না কনশিল্লক্লবদি, নুংশিৎনা শাথীবা নোংলৈ-নুংশিৎ ওল্লকই অমসুং ত্রোপোপোজগী লেভেলদা হোরাইজোন্টেল ওইনা শন্দোক্নবা তৌরকই। নুংশিৎনা অমুকপু শন্দোকখ্রবদি, পোজিটিভ ওইবা পরতুর্বেসন প্রেসর (perturbation pressure) অমা ৱাংখৎপা থাকশীংদা পুথোরকই, অমদি মদুনা নুংশিৎকী মখারোমদা শিৎপা খোংজেল অদু কনভেক্সননা মরম ওইদুনা য়াংখৎহল্লি। মদুনা খোংজেল তপথখিবগা লোয়ননা, কম্প্রেসননা মরম ওইদুনা নুংশিৎ শাগৎলকই অমসুং অশাবা ‘মমীৎ” (warm ‘Eye’) অমা শেমলকই। মহৌশানা, ষ্টোর্মশীংগী ‘মমীৎ’কী মরুওইবা মওং-মতৌ অহুম লৈ: (i) সার্ক্যুলর; (ii) কন্সেন্ত্রিক; অমসুং (iii) এলিপটিকেল অসিনি। ইন্দিয়ান ওসিনদা লৈবা মেচ্যুওর ত্রোপিকেল সাইক্লোন অমগী মরুওইবা ফিজিকেল ফিচর অদুদি কা-হেন্না চাউবা লৈচিল মপৈগী মওং অসিনি।

শেমদোক-শাদোকপা অমসুং মপাঙ্গল হন্থখিবা (মোদিফিকেসন অমসুং দিকে)

ত্রোপিকেল সাইক্লোন অমনা, মসিগী অশাবা মনিল য়াউবা নুংশিৎ অসি তপ্না তপ্না হন্থরকপা নত্ত্রগা লেপখিবা মতমদা মসিগী মনুংগী অনেম্বা শাফু (সেন্ত্রেল লো প্রেসর), মনুংগী ওইবা অশাবা অমসুং কা-হেন্না য়াংবা খোংজেল শোন্থরকপা হৌরকই। মসি কাংফালদা কুমথরক্লবা মতুংদা নত্ত্রগা মসিনা অঈংবা ঈশীং মথক্তা ফাউদুনা চৎপা মতমদা থোকই। সাইক্লোন অমগী মপাঙ্গল শোন্থরকপনা পুন্সি অমসুং শম্পতি (প্রোপর্টি)দা খুদোংথিনিঙাই লৈত্রে হায়না লৌবদি য়াদে।

ভারতকী ওইনা য়েংবদা

ইন্দিয়ান সবকন্টিনেন্ট (ভারত উপ-মহাসাগর) অসি পৃথীবীদা খ্বাইদগী শাথীনা শোকহনবা মফমশীংগী মনুংদা অমনি। কিলোমিটর 8041 শাংবা কোষ্টলাইন (সমুদ্র মপান পরিং) অমা লৈরিবা সবকন্টিনেন্ট অসি পৃথীবীগী ত্রোপিকেল সাইক্লোনশীংগী চাদা 10দা এক্সপোজ তৌই। মসিগী মনুংদা অয়াম্বদি বে ওফ বেঙ্গলদগী হৌরকই অমসুং ভারতকী নোংপোক থংবা সমুদ্র খোংবালদা য়ৈ। চাংচত্তা, চহি খুদিংগী ত্রোপিকেল সাইক্লোন মঙাদগী তরুক ফাউবা শেম্মী, মখোয়গি মনুংদা অনিদগী অহুম ফাউবদি শাথীবা মখলগী ওই। আরাবিয়ান সিদগী বে ওফ বেঙ্গলদনা সাইক্লোন হেন্না থোকই অমসুং মসিগী রেসিও অসি চাউরাক্না 4:1 ওই। সাইক্লোনশীং অসি সমুদ্র খোংবাল অনিমক্তা (ৱেষ্ট কোষ্ট – আরাবিয়ান সি; অমসুং ইষ্ট কোষ্ট – বে ওফ বেঙ্গল) তোয়না থোকই। ইং 1891 and 1990 গী মরক্তা ভারতকী ইষ্ট অমসুং ৱেষ্ট কোষ্টশীংদা লৈখিবা সাইক্লোনশিংগী ফ্রিক্বেন্সি নৈনবা মতমদা কিলোমিটর 50গী ইষ্ট কোষ্ট মথক্কী অপাকপা পরিং অমদা সাইক্লোন 262 রোম থোকখি (মখোয়সিগী মনুংদা 92দি শাথীবা মওংগীনি) হায়বা খংবা ঙম্মী। ৱেষ্ট কোষ্টতা শাথীবগী চাং নেম্বা সাইক্লোনিক এক্টিভিটি উবা ফংখি, অমদি হায়রিবা চপ মান্নবা মতম অসিগী মনুংদা সাইক্লোন 33 লৈখি, অমসুং মসিগী মনুংদা 19 দি শাথীবা মওংগী ওইখি।

ত্রোপিকেল সাইক্লোনশীং অসি মে-জুন অমসুং ওক্টোবর-নবেম্বরগী থাশীংদা থোকই। নোর্থ ইন্দিয়ান ওসিন্দা থোকপা শাথীবা ইন্টেন্সিটি অমসুং ফ্রিক্বেন্সি লৈবা সাইক্লোনশীং অসিগী মশক অসি বাই-মোদেল (bi-modal)নি, হায়বদি মখোয়গি প্রাইমারি পিক (primary peak) অসি নভেম্বরদা অমসুং সেকেন্দরি পিক অসিনা মে থাদা ওই। লোয়নরিবা মাং-তাকহনবা ঙম্বা অশিৎপা নুংশিৎ, ষ্টোর্ম সর্জ অমসুং তোরেন্সিএল রেনফোলনা মরম ওইদুনা দিজাষ্টর পোটেন্সিএল অসি মরুওইনা নোর্থ ইন্দিয়ান ওসিন (বে ওফ বেঙ্গল অমসুং আরাবিয়ান সি)দা লেন্দফোল (landfall) লৈবা মতমদা ওই। মখোয় অসিগী মনুংদা, ষ্টোর্ম সর্জশীংনা খ্বাইদগী হেন্না অমাং-অতা থোকহল্লি, মরমদি সমুদ্রগী ঈশীংনা সমুদ্র খোংবালদা লৈবা অনেম্বা মফমশীংদা থুনা চেনশিনল্লি অমসুং অচৌবা ঈশীং ঈচাউ থোকহল্লি, তোর্বান কিন্থহল্লি, পাম্বী-শীংবী মাং-তাকহল্লি অমসুং লৈহাউ চেনবা হন্থহল্লি।

সাইক্লোনশীং অসিগী দাইমিটর অসি কিমি 50 দগী 320 ফাউবগী মনুংদা তোঙান-তোঙানলি অদুবু মখোয়গী ইফেক্টনা ওসিন সর্ফেস অমসুং অনেম্বা এটমোস্ফিয়রগী স্কুয়ার কিলোমিটর লিশিং কয়াদি নমদুনা (dominate) চৎলি। পেরিমিটর অসি কিমি 1,000 ওইবা য়াই অদুবু পাৱরহাউস অসি কিমি 100গী রেদিয়স মনুংদা লৈবা য়াই। মীৎকী মনাক নক্না, অশিৎপা নুংশিৎনা কিমি 320গী অয়াংবগা লোয়ননা য়ৈবা য়াই। মতৌ অসুম্না, অমাং-অতা থোকহনগদবা অশিৎপা নুংশিৎ য়াউবা ত্রোপিকেল সাইক্লোনশীং, তোরেন্সিএল রেনফোল অমসুং ষ্টোর্ম সর্জশীংনা নোং তাবগী চাং হেনগৎহন্দুনা অমসুং ইনলেন্দ এরিয়াশিংদা ঈশীং থুমজিন্দুনা মীয়ামগী মহৌশাগী পুন্সিদা অপন-অরাক থোকহল্লি। সাইক্লোনশীং অসিগী মশকশীং অসি ষ্ট্রকচরশীং, হায়বদি, য়ুম-কৈশীং, লাইফলাইন ইনফ্রাষ্ট্রকচর-পাৱর অমসুং কম্যুনিকেসন টাৱরশীং; হোস্পিটালশীং; চিঞ্জাক থমজিনফম; লম্বীশীং, থোংশীং অমসুং কলভর্টশীং; মহৈ-মরোংশীংনচিংবা থুগায়বা ঙম্বগী মখোয়গী পাঙ্গল অদুনা তাকই। খ্বাইদগী হেনবা অমাং-অতা অসি ষ্টোর্ম সর্জশীং অমসুং সমুদ্র খোংবালগী অনেম্বা মফমশীংবু ঈশীং চাউহল্লিবা তোরেন্সিএল রেনদগী থোকই।

জোন মেপ

তৌগদবা অমসুং তৌরোইদবশীং

সাইক্লোন সিজন লাক্ত্রিঙৈ মমাংদা

• য়ুম অদু কুপ্না য়েংশিল্লু; অকোম্বা তাইলশীং শেমজিল্লু অমসুং থোং অমদি থোংনাউশীং শেমজিল্লু।
• য়ুম মনাক নক্না লোইবা অকংবা উশাশীং নত্ত্রগা তুগদৌরবা উশীং লৌথোকউ; লৌথোক-লৌশিন য়াবা পোৎ-চৈ হাপ্নবা উপুশীং, নান্থোক্কদৌরবা টিনশীং, অকায়বা চেকশীং, অমোৎ-অকায় হাপ্নবা পাত্রশীং, সাইন বোর্দশীংনচিংবা অকনবা নুংশিৎনা হুমদোকপা ঙম্বা পোৎ-চৈশীং অসি চেৎনা ফাজিল্লু।
• করিগুম্বা মথৌ তারবদি গ্লাসকী থোংনাউশীং শেমজিন্নবা উপাক খরদি থৌরাং তৌদুনা থম্মু।
• কেরোসিন হাপচিল্লবা লেন্টর্ন, বেটরিনা চলাইবা টোর্চশীং অমসুং দ্রাই সেলশীং মতিক চানা থমজিল্লু।
• মল্লবা-কিন্থরবা বিল্ডিংশীং থুগাইরো।
• ত্রান্সিষ্টরশীংদা শিজিন্ননবা অহেনবা বেটরি খরা থমজিল্লু।
• অকংবা পত্থ-পুমথরোইদবা চিঞ্জাক খরদি এমর্জেন্সিদা শীজিন্ননবা মতম চুপ্পদা থমজিল্লু।

তৌগদবা মথৌ তাবা থবকশীং

• সাইক্লোন অমা লাকপা য়াবগী মমি লৈবা মতমদা লৌখৎকদবা মথৌ তাবা থবকশীং অসি চাউরাক্না মখাদা পিরিবশীংসিদা খায়দোকপা য়াই:
• সাইক্লোন সিজনগী হেক মমাংদা।
• সাইক্লোন এলর্ট অমসুং ৱার্নিংশীং পীরক্লবা মতমদা।
• ইভাক্যুএসন তৌনবা খংহল্লকপা মতমদা।
• সাইক্লোন অদুনা কোষ্ট অদু লান্থোকখ্রবা মতমদা।

সাইক্লোন অদু হৌরক্লবা মতমদা

• রেদিও তাউ (ওল ইন্দিয়া রেদিও ষ্টেসনশীংনা ৱেদর ৱার্নিংশীং পী)।
• ৱার্নিংশীং অদু লেপ্তনা মোণিটর তৌ। মসিনা নহাকপু সাইক্লোন এমর্জেন্সি অমগীদমক শেম-শাবদা মতেং পাংগনি।
• ইনফোর্মেসন অদু অতোপ্পা মীওইশীংদসু খংহল্লু।
• তোকঙা থাজগনু অমসুং শন্দোক্কনু; মসিনা পুক্নিং নুংনাংনিঙাই ওইবা ফিভমশীং লৈহন্দবদা মতেং পাংগনি।
• ওফিসিএল ওইবা ইনফোর্মেসনদা থাজবা থম্মু।
• সাইক্লোন এলর্ট অমা নহাক্কী এরিয়াগী ওইনা পীরকপা মতমদা, নহাক্কী তৌগদবা থবক অদুম মখা চত্থৌ অদুবু রেদিওদা পীরকপা ৱার্নিংশীংদা এলর্ট ওইদুনা লৈয়ু।
• সাইক্লোন এলর্ট অমনা খংহল্লিবসি পুং 24গী মনুংদা খুদোংথীরকপা য়াই হায়বসিনি, মরম অদুনা মথংগী পুং 24 অদু মীৎশিং-নাশীংনা লৈয়ু।

নহাক্কী এরিয়া অদু সাইক্লোন ৱার্নিংগী মখাদা লৈবা মতমদা, অনেম্বা সমুদ্র খোংবাল নত্ত্রগা খোংবাল অদুগা নক্ননা লৈবা অনেম্বা মফমশীংদগী লাপ্না লৈয়ু।

• হেন্না ৱাংখৎপা গ্রাউন্দা ঙন্না চৎলু নত্ত্রবদি নহাক্কী লৈফম অদু ঈশীং থুমজিল্লকপা য়াই।
• থেংথগনু অমসুং নাইতোম লৈহৌবগী (marooned) রিস্ক লৈহনগনু।
• করিগুম্বা নহাক্কী য়ুম অদু ৱাংখৎপা মফমদা শাবা ওইরবদি, য়ুম অদুগী শাফগদবা শরুক্তা চংজফম লৌ। অদুম ওইনমক, করিগুম্বা ইভাক্যুএট (evacuate) তৌনবা খংহল্লক্লবদি মফমদু পন্থদনা থাদোকউ।
• গ্লাসকী থোংনাউশীং উগী বোর্দনা ঙাকশিল্লু নত্ত্রগা ষ্টোর্ম সত্তরশীং মফম চানা থম্মু।
• মপানগী থোংশীংদা অকনবা চুনবা সপোর্ট পীয়ু।
• করিগুম্বা নহাক্না উগী বোর্দ খুদক্তা ফংদ্রবদি, গ্লাসশীং মচেৎ চোংথোরকপা থীংনবা চে নপশিল্লু। অদুম ওইনমক, মসিনা থোংনাউ কায়বদি থীংবা ঙমদবা য়াই।
• থোংদনা চাবা য়াবা অহেনবা চিঞ্জাক থমজিল্লু। মওং চুম্না মখুম কুপশিল্লবা পাত্রশীংদা অহেনবা থক্নবা ঈশিং থমজিল্লু।
• করিগুম্বা নহাক্না য়ুম থাদোকপা তারবদি, নহাক্কী মমল লৈবা পোৎ-চৈশীং ঈচাউনা মাং-তাকহনবা হন্থহন্নবা মথক্কী ফ্লোরশীংদা মফম হোংদোকউ।
• নহাক্কী হুরিকেন লেন্টর্ন, টোর্চ নত্ত্রগা অতৈ এমর্জেন্সি লাইটশীং অদু মথৌ তৌরিবা কন্দিসন ওইব্রা য়েংসিল্লু অমসুং মখোয়দু খুদক্তা সিজিন্নবা য়ানবা মওংদা থম্মু।
• অকনবা নুংশিৎনা পায়হনবা ঙম্বা অপিকপা অমসুং কোম্না লৈবা পোৎ-চৈশীং কা অমদা শাফবা মওংদা থমজিনগদবনি।
• থোংনাউ অমসুং থোং অমবু অশিৎপা নুংশিৎ মায়োক্নরিবা মায়কৈ অদুগী ওন্ন-তৈনবা মায়কৈ অদুখক্তদা হাংদোকপা য়াগনি হায়বসি শোয়দনা খংজিনলু।
• অখন্নবা দাইট মথৌ তাবা অঙাংশীং অমসুং নহাশীংগী চিঞ্জাক শেম-শাদুনা থম্মু।
• করিগুম্বা সাইক্লোন অদুগী সেন্টর অদুনা নহাক্কী য়ুম অদুগী মথক্তা দাইরেক্ট ওইনা ফাউদুনা চৎখ্রবদি, অশীৎপা নুংশিৎ অমসুং নোং অদু পুংখায় অমগুম্বা লেপ্তুনা লৈবা য়াই। হায়রিবা মতম অসিদা মপান্দা থোক্কনু; মরমদি মদুগী হেক মতুংদা, ওন্ন-তৈনবা মায়কৈরোমদগী (ওপোজিট দিরেক্সন) য়াম্না কনবা নুংশিৎ শিৎলক্কনি।
• নহাক্কী য়ুমগী ইলেক্ত্রিকেল মেনস অদু স্বিটচ ওফ তৌ।
• পুক্নিং ঈংথনা লৈয়ু।

ইভাক্যুএসন তৌনবা খংহল্লকপা মতমদা

• নুমিৎ খরনি ফাউবা চৎনবা মওংদা নশামক্কী অমসুং নহাক্কী ফেমিলিগী মথৌ তাবশীং অদু পেক তৌশিল্লু। মসিদা মেদিসিন, অপিকপা অঙাং, অঙাংশীং নত্ত্রগা অহলশীংগী অখন্নবা চিঞ্জাকশীং য়াউগদবনি।
• নহাক্কী এরিয়াগী ওইনা তাক্লিবা চুনবা শেলটর নত্ত্রগা ইভাক্যুএসন পোইন্টশীংদা চৎলু।
• নহাক্কী প্রোপর্টিগী মরমদা পুক্নিং ৱাগনু।
• শেলটর অদুদা ইন-চার্জ ওইরিবা মীওই অদুগী ইনষ্ট্রক্সনশীং ইল্লু।
• নঙোন্দা চৎননবা খংহল্লক্ত্রিফাউবা শেলটর অদুদা লেংদনা লৈয়ু।

সাইক্লোন থোকখ্রবা মতুংদা পাংথোক্কদবা থবকশীং

• নহাকপু নয়ুমদা হনবা য়ারে হায়না খংহল্লক্ত্রিফাউবা শেলটর অদুদা লেংদনা লৈগদবনি।
• নহাক্না খুদক্তা লায়না চংদনবা টিকা থাদোকপা তাই।
• লেম্প পোষ্টশীংদগী তারকপা ৱায়রশীং শোক্লোইদবনি।
• করিগুম্বা নহাক্না গারি থৌবা তারবদি, চেক্সিন্না থৌগদবনি।
• নহাক্কী য়ুম অকোয়বদগী অতেক-অকায়শীঙ খুদক্তা লৌথোক্কদবনি।
• মাং-তাকখিবশীংদুগী অচুম্বা হিসাব অদু মরি লৈনবা ওথোরিটিদা রিপোর্ট তৌগদবনি।

রিকভর তৌবা অমসুং শেমগৎ-শাগৎপা

‘ষ্টেট’না য়ুমদা হন্নবগীদমক ‘ওল ক্লিয়ার’ ইসু তৌরবা মতুংদা, মখাদা পীরিবশীং অসিদা পুক্নিং চংগদবনি:

• য়ুম য়ৌগদবা ‘লম্বীশীং’ অদু ওথোরিটিশীংনা রিকমেন্দ তৌরব্রা হায়বদু খংগদবনি।
• পাৱর লাইনশীং সেফ ওইরব্রা খংগদবনি।
• ত্রান্সপোর্ট এরেঞ্জমেন্ট অদু ওথোরিটিশীংনা এপ্রুভ তৌরব্রা হায়বদু খংগদবনি।
• অশেংবা থক্নবা ঈশীং ফংব্রা য়েংগদবনি।
• অমোৎ-অকায়গী লাইনশীঙ (Sewage lines) মথৌ তৌরিব্রা হায়বদু য়েংগদবনি।
• এরিয়া অদুদা লাইচৎ শন্দোরকপ্রা হায়বদু খংদোক্কদবনি।
• য়ুমলোন্নবশীংগী সেফটি শোয়দনা লৈরব্রা হায়বদু য়েংগদবনি।

এমর্জেন্সি কিট

• বেটরিনা চলাইবা টোর্চ
• অহেনবা বেটরিশীং
• বেটরিনা চলাইবা রেদিও
• ফার্ষ্ট এইদ কিট অমসুং তঙাইফদবা মেদিসিনশীং
• মরুওইবা পেপরশীং (রেসন কার্দ, ভোটর ID কার্দ, আধার কার্দ, অসিনচিংবা)
• এমর্জেন্সি ফুদ (অকংবা আইটেমশিঙ) অমসুং ঈশীং (পেক অমসুং সিল তৌরবা)
• ঈশিঙ চংদবা পাত্র অমদা হাপ্লবা কেন্দল অমসুং মৈখেৎশীং
• থাং
• ক্লোরিন টেব্লেট নত্ত্রগা পাউদর হাপ্লবা ৱাটর প্যুরিফায়রশীং
• শেল, আধার কার্দ অমসুং রেসন কার্দ
• অচৌবা থৌরি অমসুং কিনবা থৌরি
• খোংউপশীং

প্রোজেক্ট অমসুং স্কিমশীং

নেসনেল সাইক্লোন রিস্ক মিটিগেসন প্রোজেক্ট

ভারতকী সমুদ্র খোংবালশীং (Indian coasts) অসি ত্রোপিকেল সাইক্লোনশীংগী খুদোংথীবা নংগনবা অমসুং পুন্সি অমসুং লন-থুম মাংগনবা মফমশীংনি। মসিবু মশক খংলদুনা, ভারত সরকারনা অতেনবা অমসুং অশাংবা মতমগী থৌরাংশীংগী খুত্থাংদা, প্রিভেনসন, প্রিপার্দনেস অমসুং মিটিগেসননা অহেনবা মীৎয়েং থম্লিবা হেজার্দ রিস্ক মিটিগেসন এপ্রোচ অমা খন্নরি। মসিগি মীৎয়েং অসিগা লোয়ননা, মিনিষ্ট্রি ওফ হোম এফিয়ার্স (MHA), গবর্ণমেন্ট ওফ ইন্দিয়ানা, ইং 2003দা পাংথোকপা “দিভেলপিং ষ্ট্রাটেজি ফোর সাইক্লোন মিটিগেসন ইন দি কোষ্টেল এন্ড আইলেন্দ রিজনস ওফ ইন্দিয়া” হায়রিবা নেসনেল ৱার্কশোপ অসিনা লোইশীনবা কন্সলটেসন কয়াগী খুত্থাংদা কম্প্রেহেনশিভ ওইবা নেসনেল সাইক্লোন রিস্ক মিটিগেসন ষ্ট্রাটেজি অমা শেমখ্রে। ষ্ট্রাটেজিক ইন্টরভেনসনশীংদা ইফেক্ট পীনবা, মিনিষ্ট্রি ওফ হোম এফিয়ার্সনা “নেসনেল সাইক্লোন রিস্ক মিটিগেসন প্রোজেক্ট” চৎনহনখ্রে। নেসনেল দিজাষ্টর মেনেজমেন্ট ওথোরিটি (NDMA) শেম্লবা মতুংদা, সেপ্টেম্বর, 2006দা প্রোজেক্ট অসিগী মেনেজমেন্ট অসি NDMAদা ত্রান্সফর তৌখি। মসিনা কোষ্টেল ষ্টেট অমসুং UT 13বু কোনশীন্দুনা, ৱার্ল্ড বেঙ্ককী মতেংগা লোয়ননা জাতিগী থাক্তা শেম্বা অহানবা খোংথাংনি।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া