হিট ৱেভ

হিট ৱেভ অমা হায়বসি করিনো

হিট ৱেভ হায়বসি, ইন্দিয়াগী নোর্থ-ৱেষ্টর্ন শরুকশীংদা কালেনথাগী মতমদা লৈগদবা নোর্মেল মেক্সিমম টেম্পেরেচরদগী হেনবা মহৌশাগা মান্নদবা অৱাংবা টেম্পেরেচরশীং লৈরকপা মতম পরিং অমনি। হিট ৱেভশীং অসি মহৌশানা মার্চ অমসুং জুনগী মরক্তা থোকই, অমসুং তোইনা থোক্তবা কেস খরদা জুলাই ফাউবা শাংথবসু য়াউই। কা-হেনবা তেম্পেরেচর অমসুং মসিদগী লাকপা এটমোস্ফরিক কন্দিসনশীংনা ফিজিওলোজিকেল ষ্ট্রেস, করিগুম্বদনা শিবা ফাউবা থোকহনবা মরম্না, মসিনা লমদম অসিদা লৈরিবা মীওইশীংদা নাকোয়ননা শোকহল্লি।

দিজাষ্টরগী মতাংদা উৎলিবা ভিদিও – ভোলকেনো

হিট ৱেভকী ক্রাইটেরিয়া

IMD না হিট ৱেভকীদমক মখাগী ক্রাইটেরিয়া অসি পীরি:

• তম্পাক্তা লৈবা ষ্টেসন অমদা য়ামদ্রবদা 40^oC অমসুং চিংগী লমগী ওইনা য়ামদ্রবদা 30^oCগী ওইবা মেক্সিমম টেম্পেরেচর অমা য়ৌদ্রিফাউবদি হিট ৱেভ অসি খন্নবগী মথৌ তাদে।
• ষ্টেসন অমগী নোর্মেল মেক্সিমম টেম্পেরেচর অসি 40^oCদগী তাথরবা নত্ত্রগা মান্নরবদি, নোর্মেলদগী লাকপা হিট ৱেভ দিপার্টচর অসি 5^oCদগী 6^oC ফাউবা ওই, অদুগা নোর্মেলদগী লাকপা সেভিয়র হিট ৱেভ দিপার্টচর (Severe Heat Wave Departure) অসিনা 7*C নত্ত্রগা মসিদগী হেন্না ওই।
• ষ্টেসন অমগী নোর্মেল মেক্সিমম টেম্পেরেচর অসি 40^oCদগী হেনবা মতমদা, নোর্মেলদগী লাকপা হিট ৱেভ দিপার্টচর অসি 4^oC দগী 5^oC ফাউবা ওই, অদুগা নোর্মেলদগী লাকপা সেভিয়র হিট ৱেভ দিপার্টচর অসিনা 6^oC নত্ত্রগা মসিদগী হেন্না ওই।
• নোর্মেল মেক্সিমম টেম্পেরেচরগা মরি লৈনদনা তশেংবা মেক্সিমম টেম্পেরেচর অদু 45^oCদা লেংদনা লৈরবা নত্ত্রগা হেল্লবদি, হিট ৱেভ লৈরে হায়না লাউথোক্কদবনি। নোংমগী ওইবা খ্বাইদগী ৱাংবা টেম্পেরেচর অদু হেন্না ৱাংনা অমসুং শাংথনা লৈরবদি, ক্লাইমেট চেঞ্জনা মরম ওইদুনা হেন্না কনবা হিট ৱেভশীং মালেমগী ওইনা তোইনা থোকপা হেল্লকই। চহি খুদিংগী হেন্না কনশিনবা হিট ৱেভ লাকপগী থৌদোক হেনগৎলকপসিনা ভারত্তসু ক্লাইমেট চেঞ্জগী চৈথেং পীরি হায়বা তাক্লি, অমসুং হিট ৱেভনা থোকহনবা অশি-অনাগী মশীং হেনগৎহন্দুনা মীওইবগী হকশেলদসু মাং-তাক্নিংঙাই ওইবা চৈথেং অমা পীরি।
• নোংমগী ওইবা খ্বাইদগী ৱাংবা টেম্পেরেচর অদু হেন্না ৱাংনা অমসুং শাংথনা লৈরবদি, ক্লাইমেট চেঞ্জনা মরম ওইদুনা হেন্না কনবা হিট ৱেভশীং মালেমগী ওইনা তোইনা থোকপা হেল্লকই। চহি খুদিংগী হেন্না কনশিনবা হিট ৱেভ লাকপগী থৌদোক হেনগৎলকপসিনা ভারত্তসু ক্লাইমেট চেঞ্জগী চৈথেং পীরি হায়বা তাক্লি, অমসুং হিট ৱেভনা থোকহনবা অশি-অনাগী মশীং হেনগৎহন্দুনা মীওইবগী হকশেলদসু মাং-তাক্নিংঙাই ওইবা চৈথেং অমা পীরি।

হিট ৱেভশীংনা পীবা হকশেলগী চৈথেংশীং (Health Impacts of Heat Waves)

• হিট ৱেভশীংনা পীবা হকশেলগী চৈথেংশীং অসিগী মনুংদা দিহায়দ্রেসন, হিট ক্রাম্প, হিট এগজোসন অমসুং/ নত্ত্রগা হিট ষ্ট্রোক অসি য়াউই। মখোয়গী সাইন অমসুং সিম্পটমশীং অদু মখাদা পীরি:
• হিট ক্রাম্প: এদেরনা (পোমখৎপা) অমসুং মহৌশানা 39^oC নত্ত্রগা 102^oFগী মখা ওইবা লাইহৌগা লোয়নগনবা, সিনকোপ (ৱান্থবা)।
• হিট এগজোসন: চোকথবা, শোন্থবা, কোক ঙাউবা, কোক চিকপা, ওনিংবা, ওবা, মসল চিংবা অমসুং হুমাং পাখৎপা।
• হিট ষ্ট্রোক: দেলিরিয়ম (delirium), শারৈ নত্ত্রগা কোমাগা লোয়ননা হকচাংগী টেম্পেরেচর অসি 40^oC হায়বদি 104^oF নত্ত্রগা মসিদগী হেনবা।

তৌগদবা অমসুং তৌরোইদবশীং

হিট ৱেভ অমা লৈরিঙৈদা করি তৌগদগে

• হিট ষ্ট্রোক, হিট রাশ নত্ত্রগা হিট ক্রাম্পকী খুদমশীং, হায়বদি হকচাং শোন্থবা, কোক ঙাউবা, কোক চিকপা, ওনিংবা, হুমাং পাখৎপা অমসুং শারৈ হৌবনচিংবসি মশক খংজিনবীয়ু।
• ঈশীং অমসুং ওরেল হায়দ্রেসন দ্রিঙ্কশীং থকপীয়ু।
• উরুম লাংবা মফমদা পোত্থাবীয়ু, করিগুম্বা নহাক্না নুংশাদা থবক শুবা তারবদি মরক্তা পোত্থাবীয়ু।
• ইংথহন্নবগীদমক নহাক্কী কোক্তা অঈংবা, অচোৎপা ফি অমা থম্মু।
• য়ুম্লোন্নবশীং অমসুং অহল ওইরবা মীওই লৈবা ফেমিলিশীং ঈংনা লৈরিব্রা হায়বদু চেক তৌ।
• অয়াংবা (light) অমসুং অকোম্বা ফি-রোল শেৎলু।
• ছাটিন নত্ত্রগা তুপি অমা শিজিন্নৌ নত্ত্রগা ফি অমনা কোক কুপশিল্লু।

হিট ৱেভ অমা লৈরিঙৈদা করি তৌরোইদবগে

• নুংশাদা হকথেংননা চত্থোক্কনু।
• কা হেন্না কনবা থবক-ইনখাং শুগনু।
• অঙাংশীং নত্ত্রগা য়ুমশাশীং নুংশাদা থাদোক্কনু নত্ত্রগা মখোয়বু থোং থীংলবা গারিশীংদা থনমগনু।
• কেফাইন য়াউরবা দ্রিঙ্কশীং (এরেটেদ দ্রিঙ্ককুম্বা) অমসুং অলকোহোল অসি কন্না শারিঙৈদা থক্লোইদবনি।
• মকশিনবা মচু (dark), অথাবা নত্ত্রগা অচিনবা ফি-রোল শেৎলোইদবনি।
• য়াম্না কন্না শারিঙৈ মতমদা থোং-থাক্লোইদবনি। করিগুম্বা থোং-থাকপা তঙাইফদ্রবদি, থোং-থাকফম অদুদা মতিক চানা নুংশিৎ চংলক্নবগীদমক থোং অমসুং থোংনাউ হাংদোক্কদবনি।

রিকোভর তৌবা অমসুং শেমগৎ-শাগৎপা

করিগুম্বা কনাগুম্বা মীওই অমা হিটনা শোকহল্লে হায়না নহাক্না খল্লবদি:

• মীওই অদুবু উরুম লাংবা অঈংবা মফম অমদা পুশিল্লু।
• ঈশীং নত্ত্রগা রিহায়দ্রেটিং দ্রিঙ্ক অমা পীথকউ(করিগুম্বা মীওই অদু ৱাখল মাংদ্রিবা ওইরবদি)।
• মীওই অদুদা হুমাই হুমবিয়ু।
• করিগুম্বা সিম্পটমশীং (লাইওংশীং) অদু হেন্না ফৎচিল্লক্ত্রবদি নত্ত্রগা হেন্না শাংথনা লৈরবদি নত্ত্রগা মীওই অদু ৱাখল মাংলবদি (unconscious) দোক্টর অমগা তান্নৌ।
• অলকোহোল, কেফাইন নত্ত্রগা এরেটেদ দ্রিঙ্ক (aerated drink) পীথক্কনু।
• মহাক্কী মমাই/ হকচাংদা অঈংবা অচোৎপা ফি অমা থমদুনা মীওই অদুবু ঈংথহল্লু।
• নুংশিৎ মরাং কায়না চংহন্নবগীদমক (better ventilation) শেৎলি-চারিবা ফি-রোলশীং কোমথোকহল্লু।

এমর্জেন্সি কিট

• ঈশীং বোটল।
• ছাটিন/ তুপি/ কোকখুম ফি (Head Cover)।
• হেন্দ টাউৱেল (Hand Towel)।
• হেন্দ ফেন (খুৎকী হুমাই)।
• ইলেক্ট্রোলাইট/ গ্লুকোজ/ ওরেল রিহায়দ্রেসন।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া