অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

হিট ৱেভ মেনেজমেন্টগী মতাংদা পীরিবা গাইদলাইনশীং

এভরেজ গ্লোবেল টেম্পেরেচর (চাংচত্তা ওইবা মালেমগী অঈং-অশা) হেনগৎলকপনা মরম ওইদুনা অকনবা হিট ৱেভ অসি মালেম শিনবা থুংনা কমন ওইরক্কনি হায়না পানরি। 21শুবা চহি-চাগী অহৌবা মতমদগী হৌদুনা, মসি দিগ্রি সেন্টিগ্রেদ অমগী ময়া নক্না হেনগৎলকখ্রে। ৱেদর পেটর্ন (অঈং-অশাগী মওং) অসিনা এল-নিনো ইফেক্টকা (El-Nino effect) পুন্সিন্দুনা, এসিয়াদা টেম্পেরেচর ৱাংখৎহল্লি। মখা তানা, অৱাংবা হ্যুমিদিটি (humidity)না মীওইবদা ফাউরিবা টেম্পেরেচরগী ইফেক্ট অসি হেনগৎহল্লি।

কা-হেনবা হিটনা, হিট ষ্ট্রোক অমসুং হিট ষ্ট্রেস য়াউনা, করিগুম্বদা শিহনবা য়াউনা খুদোংথীনিঙাই ওইবা ফল কয়া লাকহল্লি। ভারত অসি ক্লাইমেট চেঞ্জগী ইম্পেক্টশীং য়াম্না লৈগনবা মফমসু ওইরি। টেম্পেরেচর হেনগৎলকপনা ঈচাউ, হিট-ৱেভ, ষ্টোর্ম, সমুদ্রগী ঈমায় হেনগৎপা অমসুং ফার্মগী পোত্থোক তম্বা ঙমদবা হেনগৎলকপা অসিনচিংবা কয়া থোকহল্লক্কনি হায়না এক্সপর্টশীংনা চেক্সিন-ৱা হায়রি। ক্লাইমেট চেঞ্জনা কা-হেনবা অঈং-অশাগী ফিভম অমসুং নেচরেল দিজাষ্টরশীংগী শাথীবা অমসুং তোইনা থোকপগী চাং হেনগৎহল্লি হায়বগী প্রমাণ লৈরে। উমং কোকথোকপনা (Deforestation) অকোয়রোনগী তংদু-লৈতাদবা হেনগৎহল্লি অমসুং গ্লোবেল ৱার্মিং অমসুং ক্লাইমেট চেঞ্জ হেনগৎহনবগী মচাক ওইরি। শরুক য়ারি।

হিট-ৱেভ হায়বসি কদাইবু কৌবগে তাকপা

হিট ৱেভ হায়বসি ফিজিওলোজিকেল ষ্ট্রেস থোকহনবা, করিগুম্বা মতমদা মীওইবগী পুন্সিবু মাংহনবা এটমোস্ফরিক টেম্পেরেচরগী কন্দিসন অমনি। হিট ৱেব হায়বসি, নুমিৎ 3নি নত্ত্রগা মসিদগী হেন্না, গ্রিদ পোইন্ট অমদা নোর্মেল টেম্পেরেচরদগী মেক্সিমম টেম্পেরেচর অদু 3oC ওইবা নত্ত্রগা হেনবা ফিভম অদুবুনি।

ৱার্ল্ড মেটিওরোলোজিকেল ওর্গানাইজেসননা, নুমিৎ মঙানি নত্ত্রগা মসিদগী হেন্না থংন-থংননা, নোংমগী ওইবা মেক্সিমম টেম্পেরেচর অদুনা এভরেজ মেক্সিমম টেম্পেরেচর অদুদগী সেলসিয়স দিগ্রি মঙা হেল্লবদি, মদুবু হিট ৱেভ কৌই হায়না তাক্লি। করিগুম্বা মফম অমহেক্তগী মেক্সিমম টেম্পেরেচর অদু নুমিৎ নিনি থংন-থংননা 45oCদগী হেল্লবদি, মদুবু হিট ৱেব কন্দিসন অমনি হায়না লৌগনি।

করিগুম্বা অকোয়রোনগী টেম্পেরেচর অদুনা 37o Cদা লেংদনা লৈরবদি মীওইবগী হকচাংদা অমাং-অতা করিসু থোক্লোই। অকোয়রোনগী টেম্পেরেচর অদুনা 37o Cগী মথক্তা হেনগৎলক্লবদি, মীওইবগী হকচাংনা এটমোস্ফিয়রদগী (নুংশিৎ কুয়োম) হিট লৌশিনবা হৌই। করিগুম্বা হ্যুমিদিটি ৱাংলবদি, টেম্পেরেচর অদু 37o C নত্ত্রগা 38o C ওইরবা ফাউবদা, মীওই অমবু হিট ষ্ট্রেস দিসওর্দরশীংনা নাহনবা য়াই। হ্যুমিদিটিগী ইফেক্ট হোৎনবা ঐখোয়না হিট ইন্দেক্স ভেল্যুশীং শিজিন্নবা য়াই। হিট ইন্দেক্স হায়বসি, রিলেটিভ হ্যুমিদিটি অসি নুংশিৎকী তশেংবা টেম্পেরেচরদা ফেক্টর শাদোকপা মতমদা (factored in) মীওই অদুনা থাঙ্গৈশেংনা কয়াম শাবগে হায়বদু ওন্নবা পাম্বৈ অমনি। খুদম অমা ওইনা হায়রবদা, করিগুম্বা নুংশিৎকী টেম্পেরেচর অদু 34 oC ওইরবা অমসুং রিলেটিভ হ্যুমিদিটি অদুনা 75% ওইরবদি, হিট ইন্দেক্স, হায়বদি শাবগী চাং অদু 49oC ওইগনি। রিলেটিভ হ্যুমিদিটি অদুনা 100 % ওইবা মতমদা, চপ মান্নবা ইফেক্ট অসি শুপ্নগী 31oC ওইবদা য়ৌগনি।

ভারত্তা হিট ৱেভ

হৌখিবা চহি কয়াশীদা, ভারতকী সহর কয়াবু শাথীনা শোকহন্দুনা, ভারত্তা হিট ৱেভ লাকপগী চাং হেনগৎলক্লি। হিট ৱেভনা মীওই লিশিং কয়া হাৎখ্রে অমসুং ভারত্তা লৈবা জু কয়াদা লৈরিবা শা-ষনশীংদা অশি-অনা থোকহনবগী মথক্তা, য়ুমদা লোয়বা শা-ষন অমসুং লমলক্কী শা কয়াশু শিহনখ্রে। হিট ৱেভ থোকপগী চাং অমসুং শাথীবা হেনগৎলক্লিবা অসিনা মীচম মীয়াম, য়ুমশা অমসুং লমশাগী পুন্সি কন্ননবগীদমক, প্রিভেন্সন, প্রিপ্যার্দনেস অমসুং কম্যুনিটি আউটরিচকী মথৌ তাবা থবক-থৌরম পায়খৎপা হৌনবা ঈঙ্গিৎনি।

হিট ৱেভ হায়বসি নোর্মেল মেক্সিমম টেম্পেরেচরগী হেন্না, মহৌশাগা মান্নদবা অৱাংবা টেম্পেরেচর লৈবা মতম পরিং অমনি, অমদি মসি প্রি-মোন্সুন (এপ্রিলদগী জুন ফাউবা) সম্মর সিজন (কালেনথা) মতমদা থোকই। হিট ৱেভশীং অসি মহৌশানা মার্চতগী জুন ফাউবগী মনুংদা থোক্নৈ, অমসুং করিগুম্বা তাংনা থোকপা থৌওং খরদদি মসি জুলাই ফাউবা শাংথবা য়াউই। হিট ৱেভশীং অসি ভারতকী ইন্দো-গঙ্গেটিক প্লেনশীংদা হেন্না তোয়না থোকই। চাংচৎ অমদা, লৈবাক অসিগী অৱাংথংবা শরুকশীংদা চহি খুদিংগী হিট ৱেভকী থৌদোক 5দগী 6 ফাউবদি থোকই।

হিট ৱেভ এক্সন প্লান শেম্বগী পান্দম

হিট ৱেভ এক্সন প্লাননা, কা হেনবা মৈশাগী নেগেটিভ ইম্পেক্ট হন্থহল্লিবা এক্সত্রিম হিট রেস্পোন্স এক্টিভিটিশীংগী ইমপ্লিমেন্টেসন, কোওর্দিনেসন অমসুং ইভাল্যুএসনগী ফ্রেমৱার্ক অমা পীনবা পান্দম থম্লি। প্লান অসিগী মরুওইবা পান্দম অসি কা-হেনবা হিট কন্দিসনশীং লৈবা নত্ত্রগা লৈরকপা য়াবা মফমশীংদা লৈবা, হিটকা মরি লৈবা অনা-অয়েকশীংগী রিস্ক লৈবা মীওইশীংদুবু, মাংজৌননা চুনবা চেক্সিন-থৌরাং লৌহৌনবা এলর্ট তৌবনি।

সহর পুম্নমক্না মখোয়না থেংনখিবা থৌদোকশীংদগী খংজিনবা য়াই অমসুং মখোয়গী অকক্নবা সিটি/ টাউনশীংদা হিট ৱেভ থেংননবা প্লান শেমদুনা কা-হেনবা হিটশীংগী নেগেটিভ হেলথ ইম্পেক্টশীং হন্থহনবা য়াই। মসিগী মথক্তা, ষ্টেট গবর্ণমেন্টশীংনসু হিট ৱেভ থেংননবা পাক-চাউবা প্লান অমা শেম্বা য়াই।

মরুওইবা থৌশিলশীং

হিট ৱেভ এক্সন প্লান অসিনা, ইন্দিভিজুএল অমসুং কম্যুনিটিশীংবু মখোয়গী য়ুম্লোন্নবশীং, মরুপ-মপাংশীং, মরি-মতাশীং অমসুং মখোয় মশামকপু, য়াম্না শাবা ৱেদর লৈরকপা মতমদা হেলথ প্রোব্লেম থোকপদগী ঙাকথোকপদা মতেং পাংনবগীদমক মোবিলাইজ তৌনবা পান্দম থম্লি। ব্রোডকাষ্ট মিদিয়া অমসুং এলর্ট পীরিবা এজেন্সিশীংনসু প্লান অসি কান্নৈ হায়রকপসু য়াই। শাথীবা অমসুং মতম শাংথবা হিট ৱেভশীংনসু জেনেরেল, সোসিএল অমসুং ইকোনোমিক সর্ভিসশীংদা অপন-অরাক থোকহনবা য়াই। মরম অসিনা, লোকেল লেভেলদা হিট ৱেভশীং থেংননবা শেম-শাবদা, অশাংবা মতমগী ওইবা ষ্ট্রাটেজিক প্লান অমগা লোয়ননা, গবর্ণমেন্ট এজেন্সিশীংনা হেলথ অমসুং অতৈ মরি লৈনবা দিপার্টমেন্টশীংগা নকশিন্ননা থবক তৌমিন্নদুনা লৌগদবা মরুওইবা থৌদাং অমা লৈগনি।

  • আর্লি ৱার্নিং সিষ্টেম অমসুং ইন্টর-এজেন্সি কোওর্দিনেসন লিংখৎপা: মাংজৌননা তাকপা হায় অমসুং এক্সত্রিম টেম্পেরেচরশীংগী মতাংদা রেসিদেন্টশীংদা এলর্ট তৌনবগীদমক আর্লি ৱার্নিং সিষ্টেম অমসুং ইন্টর-এজেন্সি কোওর্দিনেসন লিংখৎকদবনি। কনানা করি, করম্বা মতমদা, অমসুং কমদৌনা তৌগদগে হায়বদু ইন্দিভিজুএলশীং অমসুং মরুওইবা দিপার্টমেন্টশীং, মরুওইনা হেলথকী য়ুনিটশীংদা শেংনা খংহল্লি।
  • হেলথ কেয়র প্রোফেসনেলশীংগী ত্রেনিং প্রোগ্রাম /কেপাসিটি বিল্ডিং পাংথোকপা: মরুওইনা এক্সত্রিম হিট ইভেন্ট লৈবা মতমদা থোরকপা হিটকা মরি লৈনবা অনা-অয়েকশীং মশক খংদোক্নবা অমসুং থেংননবগীদমক, লোকেল লেভেলদা হেলথ কেয়র প্রোফেসনেলশীংগী ত্রেনিং প্রোগ্রাম /কেপাসিটি বিল্ডিং  পাংথোক্কদবনি। অশি-অনা অমসুং লায়না নাবগী (mortality and morbidity) চাং হন্থহন্দুনা, হেলথকা মরি লৈনবা মেদিকেল ইসুশীং মায়পাক্না থীংবা অমসুং মেনেজ তৌবা ঙমহন্নবগীদমক, ত্রেনিং প্রোগ্রামশীং অসিনা মেদিকেল ওফিসরশীং, পেরামেদিকেল ষ্টাফ অমসুং কম্যুনিটি হেলথ ষ্টাফশীংদা অহেনবা মীৎয়েং থমগদবনি।
  • পব্লিক এৱারনেস অমসুং কম্যুনিটি আউটরিচ পাংথোকপা - কা-হেনবা হিটতগী মতৌ করম্না ঙাকথোক্কদগে হায়বগী মতাংদা, প্রিন্ট, ইলেক্ট্রোনিক অমদি সোসিএল মিদিয়াগী খুত্থাংদা পব্লিক এৱারনেস লৈহনবা, অমসুং পমফ্লেট, পোষ্টর অমসুং এদভর্টিজমেন্টগুম্বা ইনফোর্মেসন, এজুকেসন অমসুং কম্যুনিকেসন (IEC) মেটরিএলশীং অমসুং টেলিভিজন কম্মর্সিএলশীং (TVCs)গী খুত্থাংদা হিটকা মরি লৈনবা অনা-অয়েকশীংগী ‘তৌগদবা’ অমসুং ‘তৌরোইদবশীং’ অমসুং লাইয়েংনবা পাম্বৈশীংগী মতাংদা খংহনগদবনি।
  • নন-গবর্ণমেন্ট অমসুং সিভিল সোসাইটিগা পুন্না থবক তৌমিন্নবা – বস ষ্টেন্দশীং ফগৎহন্নবা, মথৌ তাবা মফমশীংদা টেম্পোরেরি শেলটরশীং শানবা, পব্লিক এরিয়াশীংদা ফগৎহল্লবা ৱাটর দেলিভরি সিষ্টেমশীং লৈহন্নবা অমসুং হিট ৱেভ কন্দিসনশীং থেংননবা অতৈ ইন্নোভেটিভ মিজরশীং লৌখৎনবগীদমক্তা নন-গবর্ণমেন্টেল ওর্গানাইজেসনশীং অমসুং সিভিল সোসাইটি ওর্গানাইজেসনশীংগা পুন্না থবক তৌমিন্নগদবনি।

হিট ৱেভ মেনেজ তৌনবগী লৌগদবা থৌদাং অমসুং দায়ত্বশীং

 

সে. নম্বর

থবক-থৌরমশীং

সেন্ত্রেল/ ষ্টেট এজেন্সিশীং & মখোয়গী দায়ত্বশীং

সেন্টর

দায়ত্ব

ষ্টেট

দায়ত্ব

1

হিট ৱেভ এক্সন প্লান শেম্বা

NDMA

হিট ৱেভ এক্সন প্লান অমা শেম্নবগী গাইদলাইন

SDMA / DDMA/ম্যুনিসিপাল কোরপোরেসন অমসুং লোকেল বোডিশীং

হিট ৱেভ এক্সন প্লান অমা শেম্বা অমসুং ইমপ্লিমেন্ট তৌবা

2

আর্লি ৱার্নিং

IMD

হিট ৱেভ এলর্ট অমসুং ৱেদর ফোরকাষ্টশীং অতেনবা/ ময়াই ওইবা/ অশাংবা রেঞ্জগী মতমদা ইসু তৌবা

ষ্টেট গবর্ণমেন্টশীং/ দিষ্ট্রিক্ট এদমিনিষ্ট্রেসন

IMDদগী ফংবা ইনফোর্মেসন অদু মীয়ামদা খংহনবা

3

হিট ৱেভকী ময়াই  হন্থহনবা

মিনিষ্ট্রি ওফ অর্বান/ রুরেল দিভেলপমেন্ট, দিপার্টমেন্ট ওফ দ্রিঙ্কিং এন্ড সেনিটেসন, মিনিষ্ট্রি ওফ সর্ফেস ট্রান্সপোর্ট

শেলটর/ শেদ, বস ষ্টেন্দশীং শাবা অমসুং থবক মফমদা দ্রিঙ্কিং ৱাটর পোইন্টশীং ফংহনবা

পব্লিক হেলথ এঞ্জিনিয়রিং দিপার্টমেন্ট

শেলটর/ শেদ, বস ষ্টেন্দশীং শাবা অমসুং সিটিশীং, থবক মফমদা দ্রিঙ্কিং ৱাটর পোইন্টশীং ফংহনবা


মিনিষ্ট্রি ওফ হেলথ এন্ড ফেমিলি ৱেলফেয়র

ষ্টোক্তা ORS থমজিনবা, হ্যুমেন রিসোর্সশীং ত্রেনিং পীবা, মীয়াম পুনবা মফমদা মেদিকেল পোষ্টশীং শেম্বা

দিপার্টমেন্ট ওফ হেলথ

ষ্টোক্তা ORS থমজিনবা, মীয়াম পুনবা মফমদা মেদিকেল পোষ্টশীং শেম্বা

4.

মোনিটর তৌবা অমসুং রেস্পোন্স পীবা

মিনিষ্ট্রি ওফ হেলথ এন্ড ফেমিলি ৱেলফেয়র

  • সর্ভিলেন্স
  • রেপিদ রেস্পোন্স টিমশীং থমজিনবা
  • খুদোংথিবা য়াবা গ্রুপশীংগী অখন্নবা কেয়র লৌবা

হেলথ দিপার্টমেন্ট

  • সর্ভিলেন্স
  • রেপিদ রেস্পোন্স টিমশীং থমজিনবা
  • খুদোংথিবা য়াবা গ্রুপশীংগী অখন্নবা কেয়র লৌবা

5.

শিনফমগী ওইবা সপোর্ট অমসুং এদভাইজরিশীং

মিনিষ্ট্রি/ দিপার্টমেন্ট পুম্নমক

এপ্লিকেবল ওইবা মফমদা, গাইদলাইনশীংদা তাক্লিবা মতুংইন্না মথৌ তাবা থৌরাংশীং লৌখৎপা

দিপার্টমেন্ট পুম্নমক

এপ্লিকেবল ওইবা মফমদা, গাইদলাইনশীংদা তাক্লিবা মতুংইন্না মথৌ তাবা থৌরাংশীং লৌখৎপা

6.

মিদিয়া কেম্পেইন অমসুং IEC এক্টিভিটিশীং

মিনিষ্ট্রি ওফ ইনফোর্মেসন এন্ড ব্রোডকাষ্টিং

প্রিন্ট, ইলেক্ট্রোনিক অমসুং সোসিএল মিদিয়াগী খুত্থাংদা এৱারনেস পীনবগী পাক-চাউবা IEC কেম্পেইনশীং

দিপার্টমেন্ট ওফ ইনফোর্মেসন এন্ড ব্রোডকাষ্টিং/ SDMAশীং/ রিলিফকী কমিসনরশীং/ ষ্টেট গবর্ণমেন্ট/ হেলথ দিপার্টমেন্ট

প্রিন্ট, ইলেক্ট্রোনিক অমসুং সোসিএল মিদিয়াগী খুত্থাংদা এৱারনেস পীনবগী পাক-চাউবা IEC কেম্পেইনশীং

7.

দোক্যুমেন্টেসন

IDSPগী খুত্থাংদা মিনিষ্ট্রি ওফ হেলথ এন্ড ফেমিলি ৱেলফেয়র

গাইদলাইনশীংগী মতুংইন্না ষ্টেটশীংদগী দেটা খোমজিনবা অমসুং নেসনেল লেভেল দেটা বেজ থম্বা

রেভেন্যু দিপার্টমেন্টশীং/ SDMAশীং/ DDMAশীং/ হেলথ দিপার্টমেন্ট

গাইদলাইনশীংগী মতুংইন্না দেটা অমসুং ইনফোর্মেসন খোমজিনবা

8.

অশাংবা মতমগী ওইবা থৌরাংশীং

মিনিষ্ট্রি ওফ অর্বান দিভেলপমেন্ট, মিনিষ্ট্রি ওফ এনভাইরনমেন্ট ফোরেষ্ট এন্ড ক্লাইমেট চেঞ্জ

গাইদলাইনশীংগী মতুংইন্না ষ্টেটশীংদগী দেটা খোমজিনবা অমসুং নেসনেল লেভেল দেটা বেজ থম্বা

রেভেন্যু দিপার্টমেন্টশীং/ SDMAশীং/ DDMAশীং/ হেলথ দিপার্টমেন্ট

ফোরেষ্ট কভরেজ অমসুং গ্রিন এরিয়াশীং ফগৎহনবা ফোরেষ্ট দিপার্টমেন্ট/ SDMAশীং অমসুং অতৈ মরি লৈনবা দিপার্টমেন্ট ফোরেষ্ট কভরেজ অমসুং গ্রিন এরিয়াশীং ফগৎহনবা

সোর্স : গাইদলাইনস ফোর প্রিপারেসন ওফ এক্সন প্লান – প্রিভেন্সন এন্ড মেনেজমেন্ট ওফ হিট ৱেভ

অকোনবা শেমদোকখিবা : 6/10/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate