আইনগী মতেং
আইনগী মতেং
ভারত সংবিধানগী আর্তিকল ৩৯Aনা খংহল্লি মদুদি লৈবাক অসিগী আইনগী চৎন-কাংলোন অসিনা খুদোংচাবা মান্ননা ফংহনবদা য়ুম্ফম ওইদুনা অচুম্বা ৱায়েল ফংহন্নবা তঞ্জা পীবা, অমসুং শেলমিৎলোন অমদি অতোপ্পা খুদোংচাদবা কয়ানা মরম ওইদুনা নাগরিক খুদিংমক্না অচুম্বা ৱায়েল ফংনবগী খুদোংচাবশীং নান্থোকহন্দনবা, মরুওইনা চান্নবা আইন নত্ত্রগা স্কিম চৎনহন্দুনা নত্ত্রগা মওং অমদা হেক্তা আইনগী ওইবা মতেং লেম্না ফংহন্দুনা খুদোংচাবা পীগদবনি। আর্তিকল ১৪ অমসুং ২২(১)নসু আইনগী মীৎয়েংদা মান্নবা অমদি মীপুম খুদিংমক্তা মান্নবা তঞ্জা পীবা হায়বসিদা য়ুম্ফম ওইদুনা অচুম্বা ৱায়েন ফংহনবা হায়বসি লৈবাক অসিগী তৌদবা য়াদবনি হায়না খংহল্লি। আইনগী মতেং পীবা হায়বসিনা সংবিধানগী ৱাশক অদুমক কায়দনা থুংহন্নবা অমসুং সমাজগী লাইরবা, নমথবীরবা অমদি শোত্থরবা মীওই কাংলুপশীংদা মান্নবা ৱায়েন শোয়দনা ফংহন্নবগী পান্দম থম্মী।
নেসনেল লিগেল সর্ভিসেস ওথোরিটি
নেসনেল লিগেল সর্ভিসেস ওথোরিটি (NALSA) হায়বসি লিগেল সর্ভিসেস ওথোরিটি এক্ট, 1987গী মখাদা সমাজগী শোত্থরবা মীওই কাংলুপশীংদা আইনগী ওইবা মতেং লেম্না ফংহন্নবা অমদি য়ান্নদবা কয়াবু মরুপ-মপাং ওইবগী মওংদা শন্দাইনবগীদমক লোক অদালতশীং পাংথোক্নবগীদমক লিংখৎখিবনি।
NALSA অসি নিয়ু দিল্লিদা লৈ। রাজ্য পুম্নমক্তা, NALSAগী পোলিসি অমসুং পাউতাকশীং পাংথোক্নবগীদমক্তা অমসুং মীয়ামদা আইনগী ওইবা মতেং লেম্না ফংহন্নবা অমদি রাজ্য অদুদা লোক অদালত পাংথোক্নবগীদমক ষ্টেট লিগেল সর্ভিসেস ওথোরিতি লিংখৎলি। ষ্টেট লিগেল সর্ভিসেস ওথোরিটি অসি ষ্টেট লিগেল সর্ভিসেস ওথোরিটিগী পেট্রোন-ইন-চিফ ওইরিবা, মরি লৈনবা রাজ্যদুদা লৈরিবা হায় কোর্ট অদুগী ইকায় খুম্নরবা চিফ জষ্টিস অদুনা মকোক ওইদুনা লুচিংগনি।
জিলা খুদিংমক্তা, দিষ্ট্রিক্ট লিগেল সর্ভিসেস ওথোরিট অসি জিলা অদুদা লিগেল সর্ভিসেস প্রোগ্রামশীং চৎনহন্নবা শেম্মী। দিষ্ট্রিক্ট লিগেল সর্ভিসেস ওথোরিটি অসি জিলা খুদিংমক্কী দিষ্ট্রিক কোর্টকী কমপ্লেক্সতা লৈ অমসুং মরি লৈনবা জিলা অদুগী দিষ্ট্রিক জর্জ অদুনা মকোক ওই।
NALSA/ষ্টেট ওথোরিটি/ দিষ্ট্রিক্ট ওথোরিটিনা লেম্না পীবা আইনগী ওইবা মতেং
- আইনগী ওইবা প্রোসিদিং অমহেক্তগা মরি লৈনবা কোর্ট ফি, প্রোসেস ফি অমসুং শেল তিংগদবা নত্ত্রগা ফংগদবা অতৈ চার্জ পুম্নমক পীগনি
- আইনগী ওইবা প্রোসিদিংশীংদা উকিল পীগনি;
- আইনগী ওইবা প্রোসিদিংশীংদা হুকুমশীংগী সর্টিফাই তৌরবা কোপিশীং অমসুং অতৈ চে-চাংশীং ফংহনগনি অমসুং পীগনি;
- আপিল, আইনগী ওইবা প্রোসিদিংশীংগী প্রিণ্টিং অমসুং ত্রান্সলেসন য়াউনা পেপর বুক শেম শাগনি;
লেম্না পীবা আইনগী ওইবা মতেংশীং ফংবদা মতিক চারবা মীওইশীং
- নুপী অমসুং অঙাংশীং
- সেদ্যুল কাষ্ট/সেদ্যুল ত্রাইবকী মীওইশীং
- কল-কারখানাগী শীন্মীশীং
- পাক্তক্ননা খুদোংথীবা থোকপা, হিংসা, ঈচাউ, ঈকং, য়ুহা হাবা, কল-কারখানাগী খুদোংথীবদগী অৱা-অনা তারবা মীওইশীং
- নামা শোয়রবা মীওইশীং
- ফাজিন্দুনা থম্লিবা মীওইশীং
- চহিগী চাগা লুপা ১,০০,০০০দগী হেন্দবা মীওইশীং
লেম্না পীবা আইনগী ওইবা মতেংশীং অসি মখাগীসিদগী ফংবা য়াগনি:
- সুপ্রিম কোর্টকী ওইবা কেসশীংগীদমক্তা সুপ্রিম কোর্ট লিগেল সর্ভিসেস কমিটি, ১০৯, লোৱর্স চেম্বর্স, সুপ্রিম কোর্ট ওফ ইন্দিয়া, নিয়ু দিল্লি।
- ষ্টেট লিগেল সর্ভিসেস ওথোরিটি।
- হায় কোর্টকী ওইবা কেসশীংগীদমক্তা হায় কোর্ট খুদিংমক্কী হায় কোর্ট কমপ্লেক্সতা লৈরিবা হায় কোর্ট লিগেল সর্ভিসেস কমিটি।
- জিলা খুদিংমক্কী দিষ্ট্রিক কোর্টশীংগী কমপ্লেক্সতা লৈরিবা দিষ্ট্রিক লিগেল সর্ভিসেস ওথোরিট।
লোক অদালত
লোক অদালত হায়বসি আইনগী কোর্টতা পন্দুনা লৈরিবা নত্ত্রগা প্রি-লিটিগেসনগী থাক্তা লৈরিবা য়ানদবশীং/কেসশীং অদুবু মরুপ-মপাং ওইবা মওংদা ৱাখৈনবা/শন্দাইননবা ফোরম অমনি। লোক অদালত অসি লিগেল সর্ভিসেস ওথোরিটিজ এক্ট, ১৯৮৭গী মখাদা ষ্টেচুতরি ষ্টেটস (Statutory Status) পীখ্রে। হায়রিবা এক্ট অসিগী মখাদা, লোক অদালতশীংনা পীরিবা ৱায়েন অদু সিভিল কোর্ট অমগী হুকুম অমগুম্না লৌগনি অমদি অরোয়বা ওইগনি অমদি নাকল পুম্নমকপু কোনশীনগনি অমসুং ৱায়েন অসিগী মায়োক্তা কোর্ট অমত্তদা আপিল চৎপসু য়াদে।
লোক অদালততা শীন্নগদবা কেসশীং মওং-মতৌ
- কোর্ট অমহেক্তদা পন্দুনা লৈরিবা কেস অমহেক্তা
- কোর্ট অমহেক্তদা পুখৎলক্ত্রিবা অমসুং কোর্ট অদুদা ৱাকৎলক্কদৌরবা য়ানদবা অমহেক্তা আইনগী মখাদা কম্পাউন্দেবল ওইদবা মরাল অমগা মরি লৈনবা হিরম অমত্তা লোক অদালততা ৱাখৈরোইদবনি।
করম্না কেস অদু ৱাখৈনবগীদমক্তা লোক অদালততা শীন্নহনগদগে
ক) কোর্টতা কেস পন্দুনা লৈরবা:
- করিগুম্বা য়ান্নদবদু নাকল পুম্নমক্না লোক অদালততা ৱাখৈনবদা য়ান্নরবা নত্ত্রগা
- নাকল অমনা কোর্টতা চে থারবা নত্ত্রগা
- কোর্ট অদুনা ৱাফম অদু লোক অদালততা ৱাখৈননবগীদমক মতিক চারবা অমনি হায়না লৌরবা।
খ) প্রি-লিতিগেতিভকী (Pre-litigative) থাক্তা লৈরিবা য়ান্নদবা অমহেক্তা
- ষ্টেট লিগেল সর্ভিসেস ওথোরিটি নত্ত্রগা দিষ্ট্রিক্ট লিগেল সর্ভিসেস ওথোরিটিগী মরক্তা অমনা প্রি-লিতিগেসনগী থাক্তা লৈরিবা ৱাফম অমহেক্তগী মতাংদা নাকল অমহেক্তদগী চেরোল অমা ফংলবদি অসিগুম্বা ৱাফম অসি মরুপ-মপাং ওইবগী মরিদা য়াশিন্ননবগীদমক লোক অদালততা শীন্নৈ।
ষ্টেট লিগেল সর্ভিসেস ওথোরিটিগী ৱেবসাইটশীং
- আন্দামান অমসুং নিকোবর
- অন্ধ্র প্রদেশ
- অরুনাচল প্রদেশ
- আসাম
- বিহার
- চান্দিগর
- ছটিশগর
- দদ্রা অমসুং নগর হবেলি
- দমন অমসুং দিউ
- দিল্লি
- গোৱা
- গুজরাত
- হারয়ানা
- হিমাচল প্রদেশ
- জমু অমসুং কশ্মির
- ঝারখন্দ
- করনাতকা
- কেরলা
- লক্ষদ্বিপ
- মধ্য প্রদেশ
- মহারাষ্ট্র
- মণিপুর
- মেঘালয়
- মিজোরাম
- ওদিশা
- পুদুচেরি
- পঞ্জাব
- রাজস্থান
- সিক্কিম
- তামিল নাদু
- ত্রিপুরা
- উত্তর প্রদেশ
- উত্তরাঞ্চল
- নোংচুপ বেঙ্গল
ষ্টেট লিগেল সর্ভিসেস ওথোরিটিশীংগী পাউ ফাউননবা অকুপ্পা মরোলশীং
লৌথোকফম :NALSA
অকোনবা শেমদোকখিবা : 6/14/2020
