শেয়র
Views
  • ষ্টেট শেমদোক্নবা হাংদোকউ

ওপরেসন স্মাইল

তোপিক অসিনা মাংখিবা অঙাংশীংবু রেস্ক্যু/ রিহেবিলিটেট তৌনবা কেম্পেইন অমা ওইরিবা ওপরেসন স্মাইলগী মতাংদা ইনফোর্মেসন পীরি।

ওপরেসন স্মাইল অসি মাংখিবা অঙাংশীংবু রেস্ক্যু/ রিহেবিলিটেট তৌনবা মিনিষ্ট্রি ওফ হোম এফিয়ার্স (MHA)না পায়খৎপা খোংথাং অমনি। মসি থা অমগী ওইবা দেদিকেটেদ কেম্পেইন অমনি অমসুং মসিগী মনুংদা মাংখিবা অঙাংশীংবু থীনবা অমসুং রেস্ক্যু তৌনবা অমদি মখোয়বু মখোয়গী ইমুং-মনুংশীংগা পুনশিন্নহন্নবা থবক-থৌরম কয়া ষ্টেট পুলিস পর্সোনেলশীংনা লৌখৎলি।

“ওপরেসন স্মাইল-II” অসি জানুৱারিগী তাং 1, 2016 দগী জানুৱারিগী তাং 31, 2016 ফাউবা, মমাংদা পাংথোকখিবা মাংখিবা অঙাংশিংগী রেস্ক্যু/ রিহেবিলিটেট তৌনবগী কেম্পেইনশীংগী মতুং তানা য়েংশিনবা (follow up) থৌওং অমা ওইনা লৈবাক শিনবা থুংনা পাংথোকই।

ওপরেসন স্মাইল – হৌরকপা

হৌজিক লৈরিবা য়ুনিয়ন গবর্ণমেন্ট অসিগী খোংথাং অসি ইং 2014গী সেপ্টেম্বর থাদা ঘাজিয়াবাদ পুলিস, উত্তর প্রদেশনা পায়খৎখিবা “ওপরেসন স্মাইল” কৌবা মায়পাকপা ওপরেসন অমদা য়ুম্ফম ওইবনি। ওপরেসন অসিগী শরুক অমা ওইনা, মাংখিবা ঘাজিয়াবাদকী অঙাং 227বু শূপ্নগী থা অমগী মনুংদা লৈবাক অসিগী তোঙান-তোঙানবা মফমদগী রেস্ক্যু তৌখি।

ওপরেসন স্মাইলগী মরুওইবা পোইন্টশীং

  • তোঙান-তোঙানবা রেঙ্কশীংগী চাউরাক্না পুলিস ওফিসর 100  হেনববু মাংখিবা অঙাংশীংগা মরি লৈনবা ইসুশীং, প্রোটেক্সন ওফ চিলদ্রেন ফ্রোম সেক্সুএল ওফেন্সেস (POCSO) এক্ট, জুবেনাইল জষ্টিস (কেয়র এন্ড প্রোটেক্সন ওফ চিলদ্রেন)JJ এক্ট, প্রোটেক্সন ওফ চাইল্ড রাইট এক্ট, Cr.PC অমসুং  IPCগী মরি লৈনবা সেক্সনশীং অমসুং MHA না ইসু তৌবা এদভাইজরি অসিনচিংবগী মতাংদা ভাব তাহনখি অমসুং ত্রেন তৌখি।
  • ত্রেন তৌরবা ওফিসরশীং অসিনা লৈবাক অসিগী তোঙান-তোঙানবা মফম কয়াদা, ঘাজিয়াবাদকী পোলিস ষ্টেসনশীংদা পীশিনখিবা FIR কয়াগা মরি লৈননা মাংখিবা অঙাংশীংবু রিকোভর তৌনবা চৎখি।
  • য়াম্না মরুওইনা খংবা ঙমখিবা অমদি চংজফম হোমশীং (shelter homes), রেলৱে প্লেটফোর্মশীং, বস ষ্টেন্দ অমদি ধর্মগী ওইবা মফমশীং অমসুং লম্বীনচিংবদা লৈরিবা অঙাংশীং অসি মাংখিবা অঙাংশীং অদুগী শরুক অমা ওইরমখি।
  • মাংখিবা অঙাংশীং অদুগী ইনফোর্মেসন শেয়র তৌনবগীদমক্তা প্রিন্ট অমসুং ইলেক্ট্রোনিক মিদিয়াগী মতেংশু লৌখি। মরি লৈনবা মফমশীংগী পুলিস পর্সোনেল অমসুং মমা-মপাশীংনা অঙাংশীং অদুবু অমুক হন্না পুরক্নবা ঘাজিয়াবাদ পুলিসতা তকশিনখি।

ওপরেসন স্মাইলগী শরুক অমা ওইনা লৌখৎখিবা থবক-থৌরমশীং

  • চংজফম হোমশীং, প্লেটফোর্মশীং, বস ষ্টেন্দশীং, লম্বীশীং, ধর্মগী মফমশীং অসিনচিংবদা লৈরিবা অঙাং পুম্নমকপু ত্রেন তৌরবা পুলিস পর্সোনেলনা কুপ্না য়েংশিনখি।
  • ওপরেসন অসিগী মমাংদা, ষ্টেট খুদিংদগী লাকপা পুলিস পর্সোনেলশীং অদুবু অসিগুম্বা অঙাংশীং অসিদগী হৈ-শীংনা মখোয়বু অকিবা পোকহন্দনা ইনফোর্মেসন লৌথোক্নবা মেথদশীং ত্রেন তৌখি অমসুং মসিগা লোয়ননা প্রোটেক্সন ওফ চিলদ্রেন ফ্রোম সেক্সুএল ওফেন্সেস (POCSO) এক্ট, জুবেনাইল জষ্টিস (কেয়র এন্ড প্রোটেক্সন) JJ এক্ট, প্রোটেক্সন ওফ চাইল্ড রাইট এক্টকী তোঙান-তোঙানবা প্রোভিজনশীং, Cr.PC অমসুং IPC গী মরি লৈনবা সেক্সনশীং অমসুং MHAনা ইসু তৌবা এদভাইজরিনচিংবগী মতাংদা খংহনখি।
  • প্রোব্লেম অসিগী পাক-চাউবা খংনবা, মাংখিবা অঙাংশীংগী কেসশীংগী মশীংগা লোয়নবা অকুপ্পা মরোল য়াউবা দেটা মেইন্টেন তৌগনি অমসুং ষ্টেটকী মনুং অমসুং মপানগী থাক্তা শেয়র তৌমিন্নগনি। চাইল্ড ৱেলফেয়র কমিটিশীং (CWCs)গী মতাংদা ইনফোর্মেসন শেমগনি অমসুং রেস্ক্যু টিম অমসুং ষ্টেকহোল্ডর পুম্নমক্কী মরক্তা শেয়র তৌমীন্নগনি।
  • ওপরেসনগী মনুংদা, মশক খংদোক্লবা অঙাংশীংদুগী মরোলশীং অদু মরি লৈনবা ষ্টেট পুলিসনা মিনিষ্ট্রি ওফ ৱুমেন এন্ড চাইল্ড দিভেলপমেন্টকী “মিসিং চাইল্ড” পোর্টেলদা অপলোদ তৌগনি।
  • রিহেবিলিটেসনগী থৌরাংশীং অদু, রি-ভিক্টিমাইজেসনগী স্কোপ লৈহন্দনবগীদমক দিপার্টমেন্ট ওফ ৱুমেন এন্ড চাইল্ড দিভেলপমেন্ট, পুলিস, লেবর অসিনচিংবা মরি লৈনবা দিপার্টমেন্টশীংগা খুৎশম্নদুনা হেক মথৌ তারকপদা পায়খৎকদবনি।
  • নেসনেল কেম্পেইন পাংথোকপা, নেসনেল মিদিয়াদা এদভর্টাইজ তৌবনচিংবগী খুত্থাংদা পব্লিককী এৱারনেস হেনগৎহনগদবনি।

হৌখিবদা পাংথোকখিবা ওপরেসন স্মাইল কেম্পেইনশীং অমসুং মখোয়গী ফলশীং

মমাংদা, মাংখিবা অঙাংশীং রেস্ক্যু/ রিহেবিলিটেদ তৌনবা ‘ওপরেসন স্মাইল’ কৌবা থা অমগী কেম্পেইন অমা ইং 2015গী জানুৱারিদা পায়খৎনবা ষ্টেট/ UT পুম্নমক্তা পাউতাক পীখি। মসিগা মান্ননা, ‘ওপরেসন মুসকান’ কৌবা অতোপ্পা দেদিকেটেদ কেম্পেইন অমা লৈবাক শিনবা থুংনা ইং 2015গী জুলাই থাদা হৌদোকখি।

হৌজিক ফাউবদা ষ্টেটশীংনা ওপরেসন ‘স্মাইল’গী মখাদা অঙাং 9146 অমসুং ওপরেসন ‘মুসকান’গী মখাদা অঙাং 19742 রেস্ক্যু/ রিহেবিলিটেদ তৌরে হায়না রিপোর্ট পীরক্লে। মাংখিবা অঙাং মশীং কয়া অমা মখোয়গী ইমুং-মনুংশীংগা অমুক হন্না পুনবা ফংখ্রে অমসুং মসি ফিল্ড ওফিসশীংনা ফংবা মশক থোকপা মায়পাকপনি। অসিগুম্বা কেসশীং অসি পুকচেল শেংনা অমসুং মীনুংশীগা লোয়ননা পায়খৎনবা পুলিসমেনশীংবু পুক্নিং থৌগৎনবগীদমক ইং 2015গী জানুৱারিদা পাংথোকখিবা ওপরেসন “স্মাইল”গী মনুংদা শীংথানিঙাই ওইবা থৌদাং লৌখিবা তোঙান-তোঙানবা ষ্টেটশীং/ UTশীংগী পুলিস ওফিসর 44 বু য়ুনিয়ন হোম মিনিষ্ট্রিনা শকখংখি অমসুং মনা পীখি।

সোর্স: PIB

2.54166666667
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top