অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ৱান ষ্টোপ সেন্টর স্কিম

জেন্দর বেজ ভাইওলেন্স (GBV) হায়বসি জিওগ্রাফি, ক্লাস, কলচর, চহি, জাতি অমসুং ধর্মদগী হেন্না মরুওইবা পৃথীবীদা লৈবা কম্যুনিতি অমসুং লৈবাক পুম্নমকপু শোকহনগদবা গ্লোবেল হেলথ, হ্যুমেন রাইটস অমসুং দিভেলপমেন্ট ইসুশীংনি। ভাইওলেন্স লৈহন্দনবগী ইং 1993গী য়ুএন দিক্লারেসনগী আর্টিকল 1না জেন্দরদা য়ুম্ফম ওইবা এব্যুজ হায়বসিগী দিফিনিসন অসি, “জেন্দরদা য়ুম্ফম ওইবা হিংসানা থোকহনবা নত্ত্রগা থোকহল্লকপা য়াবা ফিজিকেল, সেক্সুএল নত্ত্রগা সাইকোলোজিকেল হার্ম নত্ত্রগা নুপীশীংবু অৱাবা পীবা, থবকশীং, লৌতুনবশীং নত্ত্রগা লিবর্টি ফংহন্দনবগী কিহনবশীং য়াউনা, পব্লিক নত্ত্রগা লনাইগী পুন্সিদা থোকহনবা অদুবুনি” হায়না পীরি”।

ভারত্তা জেন্দরদা য়ুম্ফম ওইবা হিংসা অসিগী তশেংবা মশক কয়ামুক লৈ। মসি মালেমদা থোক্লিবা দোমেষ্টিক অমসুং সেক্সুএল ভাইওলেন্স হায়বদি রেপ, অউনপোৎকী অমসুং ইজৎকী হাৎপা, এসিদকী এটেকশীং, হেলোই শান্নবগী হাৎপা, সেক্সুএল হরাসমেন্ট, অঙাংগী সেক্সুএল এব্যুজ, কমর্সিএলগী ওইনা ত্রাফিক্কীং অমসুং সেক্সুএল এক্সপ্লোইটেসন, অঙাং লুহোংবা, নুপা-নুপী খংদোক্লগা হাৎপা, সটি অসিনচিংবা সেক্সুএল ভাইওলেন্সশীং অসিসু য়াউরি।

মিনিষ্ট্রি ওফ ৱুমেন এন্ড চাইল্ড দিভেলপমেন্ট (MWCD)না ইন্দিরা গান্ধী মাত্রিতাভ সহযোগ যোজনা য়াউনা অম্ব্রেলা স্কিম ওইরিবা নেসনলে মিসন ফোর এম্পাৱরমেন্ট ওফ ৱুমেনগীদমক ৱান ষ্টোপ সেন্টর কৌবা সব-স্কিম অমা লিংখৎনবগীদমক সেন্ত্রেল্লি স্পোন্সর স্কিম অমা শেম্লে। সেন্টরশীং অসি লৈবাক শিনবা থুংনা লিংখৎকনি অমসুং মসিনা প্রাইভেট অমসুং পব্লিক্কী মফমশীংদা হিংসানা শোকহল্লবা নুপীশীংদা ইন্টিগ্রেটেদ সপোর্ট অমসুং এসিস্টেন্স পীনবা ফেজ নাইনা লিংখৎকনি।

পান্দম

ৱান ষ্টোপ সেন্টরশীং (OSC) অসিনা প্রাইভেট অমসুং পব্লিক্কী স্পেসশীংদা, ইমুং-মনুংশীংদা, কম্যুনিতিদা অমসুং থবক মফমদা হিংসানা শোকহল্লবা নুপীশীংবু ঙাক্লৌ পীনবা পান্দম থম্লি। চহি, ক্লাস, কাষ্ট, মহৈগী থাক, মেরিটেল ষ্টেটস, জাতি, কলচরগী খেৎনবা লৈতনা ফিজিকেল, সেক্সুএল, ইমোসনেল, সাইকোলোজিকেল অমসুং ইকোনোমিক এব্যুজ মায়োক্নরবা নুপীশীংবু ঙাক্লৌ পীগনি অমসুং কোকহনগনি। সেক্সুএল হরাসমেন্ট, সেক্সুএল এসোল্ট, দোমেষ্টিক ভাইওলেন্স, ইজৎকা মরি লৈনবা ক্রাইমশীং, এসিদ এটেকশীং নত্ত্রগা হেলোই শান্নবগী হাৎপশীংগা মরি লৈনবা হিংসা মায়োক্নরবা নুপীশীংগী ৱাকৎ লাক্লবা নত্ত্রগা OSCদা রিফর তৌরক্লবদি মদুগীদমক অখন্নবা সর্ভিসশীং পীগনি।

স্কিম অসিগী পান্দমশীংদি:

  • প্রাইভেট অমসুং পব্লিক্কী মফমশীংদা হিংসানা শোকহল্লবা নুপীশীংদা ইন্টিগ্রেটেদ সপোর্ট অমসুং এসিষ্টেন্স মফম অমত্তদগী পীগনি।
  • নুপীশীংগী মায়োক্তা চত্থবা হিংসাগী মওং খুদিংমক মায়োক্ননবগীদমক মেদিকেল, লিগেল, সাইকোলোজিকেল অমসুং কাউন্সেলিং সপোর্ট য়াউনা সর্ভিসশীংগী রেঞ্জ অমা খুদক্কী ওইবা, এমর্জেন্সি অমসুং নন-এমর্জেন্সি ওইবা এক্সেস লৈহনবা।

টার্গেট গ্রুপ

OSCনা চহি 18গী মখাদা লৈবা নুপীমচাশীং য়াউনা হিংসানা শোকহল্লবা নুপী খুদিংমক জাতি, ক্লাস, ধর্ম, লৈফম, নুপা নুপি নত্ত্রগা মেরিটেল ষ্টেটস খায়দনা মতেং পাংগনি।

OSCশীংদা পীরিবা সর্ভিসশীং

মখাদা পীরিবা সর্ভিসশীং অসিগী এক্সেস লৈহন্নবগীদমক্তা সেন্টরশীং অসি ৱুমেন হেল্পলাইন অমগা লোয়ননা পুন্সিনগনি।

  • এমর্জেন্সি রেস্পোন্স অমসুং রেস্ক্যু সর্ভিসশীং - OSC না হিংসানা শোকহল্লবা নুপীশীংদা রেস্ক্যু এন্ড রিফরেল সর্ভিসশীং পীগনি। মসিগীদমক্তা, হৌজিক লৈরিবা মেকানিজমশীং হায়বদি নেসনেল হেলথ মিসন (NHM), 108 সর্ভিস, পুলিস (PCR ভান)শীংগা মরি থম্নগনি অমসুং মসিনা হিংসানা শোকহল্লবা নুপীশীং অদু লোকেসনদগী রেস্ক্যু তৌবা নত্ত্রগা খ্বাইদগী নকপা মেদিকেল ফেসিলিটি (পব্লিক/প্রাইভেট) নত্ত্রগা চংজফম হোমনশীংবদা রিফর তৌবা ঙমহনগনি।
  • মেদিকেল এসিষ্টেন্স – হিংসানা শোকহল্লবা নুপীশীং অদু খ্বাইদগী মনাক নকপা হোসপিতালদা মিনিষ্ট্রি ওফ হেলথ এন্ড ফেমিলি ৱেলফেৱরনা শেম্বা গাইদলাইন্স অমসুং প্রোটোকোলশীংগী মতুংইন্না মেদিকেল এইদ/একজামিনেসনগীদমক রিফর তৌগনি।
  • FIR /NCR/DIR লোদজ তৌবদা নুপীশীংদা মতেং পাংবা
  • সাইকো-সোসিএল সপোর্ট/ কাউন্সেলিং – সাইকো-সোসিএল কাউন্সেলিং সর্ভিসশীং পীবা স্কিল লৈরবা কাউন্সেলর অমা কৌবগা লাক্কদবা মওংদা থমগনি। কাউন্সেলিং অসিনা নুপীশীংদা হিংসা অদুবু ঙাকথোক্নবা নত্ত্রগা হিংসা অদুগী অচুম্বা ৱায়েল ফংনবগী থাজবা অমসুং সপোর্ট লৈহনগনি। কাউন্সেলরশীংনা কাউন্সেলিংগী সর্ভিস পীবদা প্রেস্ক্রাইব তৌরবা ইথিক্সকী কোদ, গাইদলাইনশীং অমসুং প্রোটোকোলশীং ইনগনি।
  • লিগেল এইদ অমসুং কাউন্সেলিং – হিংসানা শোকহল্লবা নুপীশীংদা অচুম্বা ৱায়েল ফংহন্নবা আইনগী মতেং অমসুং কাউন্সেলিং অসি OSCদা এম্পেনেল তৌরবা উকিলশীং নত্ত্রগা নেসনেল/ ষ্টেট/দিষ্ট্রিক লিগেল সর্ভিসেস ওথোরিতিগী খুত্থাংদা পীগনি। অৱাবা তারবা নুপি অদুদা মহাক্কী অপাম্বা উকিল অমা মহাক্কী কেস শোক্ননবগীদমক ষ্টেট প্রোসিক্যুটরশীংবু মতেং পাংহনবা পাম্লবদি পীগনি। অৱাবা তারবা নুপী অদুগীদমক লিগেল প্রোসিদ্যুওর অদু লাইথোকহন্নবগী দায়ত্ব অসি উকিল/প্রোসিক্যুটর অদুগী ওইগনি অমসুং মহাকপু কোর্টকী হিয়ারিংদা য়াউহন্দনবা হোৎনগনি। করিগুম্বা ত্রাইএল নত্ত্রগা ইনক্বারি অদু সেক্সন 376, 376A - D IPCগী মখাদা পীরিবা রেপকী ওফেন্স অদুগা মরি লৈনবা ওইরবদি, চার্জ শিট ফাইল তৌবা নুমিত্তগী পারগা থা অনিগী মনুংদা লোইশীন্ননবা হোৎনবা হায়বসি কেস অদুবু পায়রিবা প্রোসিক্যুটরশীংগী মথৌ ওইগনি।
  • চংজফম – OSCনা অৱাবা নংলিবা নুপী অদুদা টেম্পরেরি ওইবা চংজফমগী ফেসিলিটি অমা পীগনি। অশাংবা মতমগী চংজফম পীবা মথৌ তারগদি স্বাধর গ্রেহ/শোর্ট ষ্টে হোমশীং (সরকারনা মেনেজ তৌবা/এফিলিএট তৌবা/ NGO) না এরেঞ্জমেন্ট তৌগনি। হিংসানা শোকহল্লবা নুপীশীংনা মখোয়গী অঙাংশীংনা (নুপীশীংদি চহিগী মতুংইন্দে অমসুং নুপামচাশীংদি চহি 8 ফাউবদংগী) OSC শীংদা য়াম্লবদা নুমিৎ 5গী ওইনা মতম খরদংগী চংজফম লৌবা য়াই। মতম খরদংগী ওইবা চংজফম অদুদা নুপী অমহেক্তা থম্বা হায়বসি সেন্টর এদমিনিষ্ট্রেটর অদুগী অয়াবগী মখা পোনগনি।
  • ভিদিও কনফরেন্সিংগী খুদোংচাবা – খোংজেল য়াংবা অমসুং চয়েৎনদবা পুলিস অমসুং কোর্টকী প্রোসিদিংস ফংহন্নবা OSCনা ভিদিও কনফরেন্সিংগী খুদোংচাবা (স্কাইপ, গুগল কনফরেন্সিং অসিনচিংবা) পীগনি। খুদোংচাবা অসিগী মতেংনা করিগুম্বা অৱাবা তারবা নুপী অদুনা পাম্লবদি, মহাক্না মহাক্কী পুলিস/ কোর্টকী ষ্টেটমেন্ট অদু OSC মশামক্তগী কোদ ওফ ক্রিমিনেল প্রোসিদ্যুওরগী সেক্সন 161(3), 164(1) অমসুং 275(1) অমসুং কোদ ওফ সিভিল প্রোসিদ্যুরগী ওর্দর XVIII রুল 4গী পরিংদা প্রেস্ক্রাইব তৌরিবা ওদিও-ভিদিও ইলেক্ট্রোনিক্কী পাম্বৈ শিজিন্নদুনা মহাক্কী ষ্টেটমেন্ট অদু রেকোর্দ তৌবা য়াই। ফেসিলিটি অসি মরি লৈনবা দিষ্ট্রিক অদুগী (থৌদোক থোক্লিবা মফম) সুপরিন্টেন্দেন্ট ওফ পুলিস, দিষ্ট্রিক অমসুং সেসন্স জজ অনিনা খন্নরবা মতুংদতা পীগনি।

ৱান ষ্টোপ সেন্টর এক্সেস তৌবা

হিংসানা শোকহল্লবা নুপী অমনা মখাগী মওং অসিদা OSC এক্সেস তৌবা য়াগনি:

  • মশামক্না; নত্ত্রগা
  • পব্লিক নাগরিক, পব্লিক সর্ভেন্ট (ইন্দিয়ান পেনাল কোদ, 1860কী সেক্সন 21গী মখাদা তাক্লিবা), মরি মতা, মরুপ মপাং, NGO, ভোলুন্টিয়ার অসিনচিংবগী খুত্থাংদা, নত্ত্রগা
  • পুলিস, এম্বুলেন্স অমসুং অতৈ এমর্জেন্সি রেস্পোন্স হেল্পলাইনশীংগা পুন্সিল্লবা ৱুমেন হেল্পলাইনগী খুত্থাংদা।

কমপ্লেন্ট অমা রেজিষ্টর হেক তৌবগা টেক্স মেসেজ (SMS /ইন্টরনেট) মথৌ তারিবা জিলা অদুগী DPO/PO/ CDPO/ SHO/ DM/ SP/ DYSP /CMO /PO দা থাগনি। অৱাবা তারিবা নুপী অদুনা মশামক্না নত্ত্রগা মহাক্কী মহুত্তা মীওই অমদা OSCদা মতেং নিরক্লবদি কেস অদুগী অকুপ্পা মরোল অদু প্রেস্ক্রাইব তৌরবা ফোর্মেট অদুগী মতুংইন্না সিষ্টেম অমদা হাপচিনগনি অমসুং য়ুনিক ID নম্বর অমা পীগনি।

ইমপ্লিমেন্টিং এজেন্সি

ষ্টেট গবর্ণমেন্ট/UT এদমিনিষ্ট্রেসন

ফন্দশীং

স্কিম অসি নিরভায়া ফন্দগী খুত্থাংদা পীগনি। স্কিম অসিগী মখাদা সেন্ত্রেল গবর্ণমেন্টনা ষ্টেট গবর্নমেন্ট/ UT এদমিনিষ্ট্রেসনশীংদা 100%গী ওইবা সেলগী মতেং পীগনি।

অকুপ্পা গাইদলাইনশীংগীদমক, মফমসিদা ক্লিক তৌবীয়ু

সোর্স : মিনিষ্ট্রি ওফ ৱুমেন এন্ড চাইল্ড দিভেলপমেন্ট মিনিষ্ট্রি ওফ ৱুমেন এন্ড চাইল্ড দিভেলপমেন্ট

অকোনবা শেমদোকখিবা : 6/11/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate