এবোর্সনগী ওইবা আইন (অঙাং য়ৈথবগী ওইবা আইন)

ঐনা ভারত্তা এবোর্সন অমা লৌবা য়াগদ্রা?

হোয়, করিগুম্বা নহাক্কী প্রেগনেন্সি (মীরোনবা) অদু চয়োল 20গী মখাদা ওইরবদি মেদিকেল টর্মিনেসন ওফ প্রেগনেন্সি এক্ট, 1971 গী মখাদা নহাক্না এবোর্সন লৌবা য়াবগী ওইথোকপা লৈ। অদুম ওইনমক, মসি কন্দিসন কয়াগী মতুং ইনগনি অমসুং নঙোন্দা এবোর্সন অমা পাংথোকপগী অয়াবদি দোক্টর অদুগী মতকী মখা পোনগনি। আইন অসিনা দোক্টর অদুবু কন্দিসনশীং অসি মপুং ফানা লৈরব্রা হায়বদু এসেস তৌবা মথৌ তাহল্লি, অমসুং মসি মপুং ফানা লৈরবা মতমদখক্তা মখোয়বু এবোর্সন পাংথোকপদা আইন্না অয়াবা পী। কন্দিসনশীং অসি মপুং ফাদনা এবোর্সন অমা পাংথোকপা হায়বসি ক্রাইম অমা ওইনা লৌই।

এবোর্সন অমা লৌনবগীদমক্তা মপুং ফাহনবগী মথৌ তাবা কন্দিসনশীং অদু করি করিনো?

আইন অসিগী মখাদা (মেদিকেল টর্মিনেসন ওফ প্রেগনেন্সি এক্ট, 1971গী সেক্সন 3), দোক্টর অদুনা মখাগী ফিভমশীং অসিদা এবোর্সন অমা পাংথোকপা য়াই:

• করিগুম্বা প্রেগনেন্সি অদু নহাক্কী পুন্সি নত্ত্রগা ফিজিকেল নত্ত্রগা মেণ্টেল হেলথতা খুদোংথীনিঙাই ওইরবদি এবোর্সন পাংথোকপা য়াই। প্রেগনেন্সি অদুনা নহাক্কী মেন্টেল হেলথ অদুদা খুদোংথীনিঙাই ওইরে হায়বদু খংদোক্নবগীদমক নহাক্কী ফিভমশীং অদু দোক্টর অদুনা য়েংবা মথৌ তাই। প্রেগনেন্সি অদুনা নহাক্কী তুংগী পুন্সিদা (ৱাখল খন্থবা মীওই অমা ওইনা) থোকহল্লক্কদবা অকায়বশিংদুসু মখোয়না য়েংবা মথৌ  তাই।
• করিগুম্বা অঙাং অদু ফিজিকেল নত্ত্রগা মেন্টেলগী এবনোর্মেল ওইদুনা মহাকপু শাথীনা শোয়নাইহনবা য়াবগী ওইথোকপা ৱাংলবদি এবোর্সন তৌবা য়াই।

এবোর্সন অমা লৌনবগী কন্দিসনশীং মপুং ফারে হায়বদু কনাদা খংহনবা মথৌ তাবগে?

• করিগুম্বা প্রেগনেন্সি অদু চয়োল 12 weeksদগী হেন্দ্রবদি (অহানবা ত্রিমেষ্টর), কন্দিসনশীং অসি মপুং ফারে হায়বসি দোক্টর অমখক্তদায়েংহল্লগা য়ারে।
• করিগুম্বা প্রেগনেন্সি অদু চয়োল 12দগী হেল্লবা অমসুং চয়োল 20দগীদি তাথরবদি (অহানবা ত্রিমেষ্টর), কন্দিসনশীং অসি মপুং ফারে হায়বসি দোক্টর অনিবুয়েংহনবা তাই।
• করিগুম্বা দোক্টর অদুনা নহাক্কী পুন্সিবু কন্নবগীদমক খুদক্কী ওইবা এবোর্সন অমা পাংথোকপা মথৌ তাই হায়না খল্লবদি মীরোনবগী মতম (gestation period) য়েংবগী মথৌ তাই।
• এবোর্সন অমা পাংথোকপা মথৌ তাব্রা হায়বদু লেপ্লিবা অমসুং মদুবু পাংথোক্লিবা দোক্টর অদু আইনগী মখাদা ‘রেজিষ্টর তৌরবা মেদিকেল প্রেক্টিসনর’ অমা ওইবা মথৌ তাই।

ফিটস (foetus)কী সেক্স অদু নুপী ওইরবদি ঐনা এবোর্সন অমা লৌবা য়াব্রা?

নহাক নত্ত্রগা নহাক্কী ইমুংনা নুপীমচা অঙাং অমা পামদবদগী এবোর্সন তৌবা হায়বসি ক্রাইম অমনি। করিগুম্বা নহাক্না ফিটসকী সেক্স খংলবা মতুং এবোর্সন তৌরবদি, নহাকপু প্রেগনেন্সিগী ষ্টেজ অদুগী মখা পোন্দুনা চহি অহুম নত্ত্রগা তরেৎ ফাউবা জেলদা লৈবগী চৈরাক পীবা য়াই (সেক্সন 312 IPC 1860)। অদুম ওইনমক, চানবীদুনা নিংশিংবীগদবদি এবোর্সন অমা হায়বসি আইননা য়াই (ক্বেসন 2 অমসুং 3দা পনখ্রিবা কন্দিসনশীং অদুগী মতুংইন্না), অদুগা সেক্স খংদোক্লবা (sex-determination) মতুংদা পাংথোকপা এবোর্সন অদুবুনি আইননা য়াদে হায়রিবসি।

ফিটস অদু অকক্নবা সেক্স অমগীনি হায়বা চপ চানা খংদোক্নবগী টেষ্ট নত্ত্রগা প্রোসিদ্যুওর অমহেক্তা পাংথোকপা (অলত্রাসাউন্দগুম্বা) অমসুং খংদোকপা নত্ত্রগা নহাক্কী ফিটসকী সেক্স চেক তৌবা হায়বসি দি প্রি-কনসেপসন এন্ড প্রি-নেটেল দাইএগ্নোষ্টিক টেক্নিকস (প্রোহিবিসন ওফ সেক্স সেলেক্সন) এক্ট, 1994 হায়রিবা অতোপ্পা আইন অসিগী মখাদা ক্রাইম চিংই। নুপা নত্ত্রগা নুপী অমদা সেক্স-সেলেক্সনগীদমক প্রোসিদ্যুওর নত্ত্রগা তেক্নিক অমহেক্তা পাংথোকপা হায়বসি আইন্না য়াদে। নুপী অমদা সেক্স-দিটরমিনেসনগীদমক্তা (নুপা-নুপী খংদোক্নবগীদমক্তা) প্রোসিদ্যুওর নত্ত্রগা তেক্নিক অমহেক্তা পাংথোকপা হায়বসি আইন্না য়াদে। নুপী ফিটসশীং (female fetuses) এবোর্সন তৌবগী চাং অসি ভারত্তদি য়াম্না ৱাংবা মরম্না, অঙাং অদুগী সেক্স খংদোক্নবা দাইএগ্নোষ্টিক টেষ্ট অমা পাংথোকপগীদমক্তা নহাক অমসুং নহাক্কী দোক্টরবু চৈরাক পীবা য়াই। করিগুম্বা নহাক অসি চহি 35গী মথক্তা লৈরবা নত্ত্রগা নঙোন্দা অকক্নবা হেলথকী প্রোব্লেমশীং লৈরবদি ফিটসতা অকক্নবা এবনোর্মেলিটিশীং লৈব্রা খংদোক্নবা টেষ্ট নত্ত্রগা প্রোসিদ্যুওরসি পাংথোকপা য়াহল্লি।

আইননা য়াদবা এবোর্সন অমা পাংথোকপগীদমক্তা কনাবু চৈরাক পীবা য়াবগে?

মথক্তা পনখ্রিবা কন্দিসনশীং অদুবু মপুং ফাদবা এবোর্সন অমবু ভারত্তা চৎনরিবা জেনেরেল লো অসিগী মখাদা ক্রাইম অমা ওইনা লৌই হায়বসি নহাক্না খংজিনবা তাই।

• থা 4দগী 5 ফাউবগী মখাদা লৈবা প্রেগনেন্সি এবোর্সন তৌবা – আইন্না য়াদবা এবোর্সন অমা পাংথোকপগী চৈরাক অসি চহি 3 অমসুং/ নত্ত্রগা ফাইন লৌবা হায়বসিনি। করিগুম্বা মসি নহাক্কী পুন্সিবু কন্নবগী অফবা ৱাখল্লোনগা লোয়ননা পাংথোকপা ওইখিদ্রবদি দোক্টর অমসুং নহাক অনিমক্না ক্রাইম অমা তৌরে হায়না লৌগনি।
• থা 5গী মথক্তা লৈবা প্রেগনেন্সি এবোর্সন তৌবা – ফিটসকী মুভমেন্ট অদু নহাক্না ফাউবা ঙম্লবা মতুংদা এবোর্সন অদু তৌরবদি, চৈরাক অদু হেন্না চাউগনি। মসিবু মহৌশানা ক্বিকনিং (quickening) হায়না কৌই অমসুং মসি মহৌশানা চয়োল 17 অমসুং 20গী মরক্তা থোক্কল্লি। করিগুম্বা মসি নহাকপু কন্নবগী অফবা ৱাখল্লোনগা লোয়ননা পাংথোকপা নৎখিদ্রবদি, নহাক অমসুং নহাক্কী দোক্টর অনিমক ফাইনগা লোয়ননা চহি তরেৎ ফাউবা জেলদা থম্বগী চৈরাক পীবা য়াই।
• নহাক্কী অয়াবা য়াউদনা এবোর্সন তৌবা – করিগুম্বা অতোপ্পা মীওই অমহেক্তনা নহাকপু এবোর্সন অমা তৌনবা নম্ফু তৌরবা নত্ত্রগা নহাক্না য়াদনা মসি পাংথোকপা তারবদি, ফাইনগা লোয়ননা চহি 10 ফাউবা জেলদা থম্বগী চৈরাক পীগনি।
• এবোর্সন তৌবদা শিবা থোক্লবা ­ - করিগুম্বা থৌশাদবা এবোর্সন অমনা নত্ত্রগা স্কিল লৈতবা মীওই অমনা (unskilled person) পাংথোকপা এবোর্সন অমনা মরম ওইদুনা পেসেন্ট অদু শিবা তারবদি, ওপরেসন অদুবু পাংথোক্লিবা দোক্টর অদুবু ফাইনগা লোয়ননা জেলদা চহি 10 থম্বগী চৈরাক পীবা য়াই। করিগুম্বা এবোর্সন অদু পেসেন্ট অদুগী অয়াবা য়াউদনা পাংথোকখিবা ওইরবদি, মসিগী চৈরাক অসি মপুন্সি চুপ্পগী জেলদা থম্বসিনি।
• অনিংবা অমগা লোয়ননা ফিটস অমা শিহনবা তারবদি, মসিসু ইন্দিয়ান পেনাল কোড, 1860গী অতৈ প্রোভিজনশীংগী মখাদা প্রোসিক্যুট তৌবা য়াই, অমসুং মসিগী মখাদা চৈরাক অদু চহি 10 ফাউবা শাংদোকহনবা য়াই।

ঐগী ফেমিলি হোমিওপেথিক দোক্টরনা ঐঙোন্দা এবোর্সন অমা পাংথোকহনবা য়াব্রা?

আইন অসিনা অকক্নবা ক্বালিফাই ওইরবা অমসুং এক্সপিরিএন্স লৈরবা গাইনিকোলোজিষ্টশীং নত্ত্রগা এলোপেথিক দোক্টরশীংখক্তনা এবোর্সনশীং পাংথোকপা য়াহল্লি। মসিগী মনুংদা মেদিকেল এবোর্সন (মিসোপ্রোষ্টোলগা লোয়ননা RU-486 শীজিন্নদুনা পাংথোকপা এবোর্সনশীং) অসি য়াউই। আয়ুরবেদিক/ য়ুনানি/ হোমোপেথিক দোক্টরশীং নত্ত্রগা নর্সশীংনা এবোর্সন পাংথোকপা আইননা য়াদে। দিপার্টমেন্ট ওফ হেলথনা আইন অসিবু হোংদোক্তুনা অসিগুম্বা দোক্টরশীং অসিবু এবোর্সন পাংথোকপা য়াহন্নবা প্রষ্টাব তৌখ্রে – অদুম ওইনমক, মসি হৌজিকসু দ্রাফ বিল অমা ওইনা লৈরি অমসুং পার্লিয়ামেন্টতা ফাউবা পুথোকত্রি। নহাক্কী দোক্টর অদুদা, আইন অসিগী মখাদা মথৌ তাবা ক্বালিফিকেসনশীং মঙোন্দা লৈরব্রা হায়না হংবা য়াম্না মরুওই।

করিগুম্বা ঐহাক অসি প্রেগনেন্সিগী সেকেন্দ ত্রিমেষ্টরদা লৈরবদি ঐঙোন্দা এবোর্সন তৌবা য়াব্রা?

করিগুম্বা নহাক অসি চয়োল 20দগী তাথনা প্রেগনেন্ট ওইরবদি, মথৌ তারিবা কন্দিসনশীং অদু মপুং ফারে হায়বদু করিগুম্বা দোক্টর অদুনা য়ারবদি নঙোন্দা এবোর্সন তৌবা য়াগনি। চয়োল 20গী মতুংদা লাকপা মতম ওইরবদি, করিগুম্বা মদুনা নহাক্কী পুন্সি কন্নবগীদমক খুদক্তা মথৌ তাই হায়না খল্লবতদা দোক্টর অদুনা এবোর্সন অদু পাংথোকপা য়াগনি। করিগুম্বা ফিটস অদুদা কনজেনাইটেল দিজিজ (congenital diseases) নত্ত্রগা অতৈ কন্দিসনশীং লাক্তুনা মদু হিংগনি হায়বা থাজদ্রবা অমসুং করিগুম্বা প্রেগনেন্সি অদু মখা চত্থরবদি মদুনা মমাগী ফিজিকেল অমসুং মেন্টেল হেলথতা অকিবা অমা (a threat) পীরবদি, চয়োল 20গী মতুংদা ওইরবা ফাউবদা এবোর্সন পাংথোকপা, সুপ্রিম কোর্টনা হন্দক্তা লৌখৎখিবা কেসশীংদা য়াহনখ্রে।

ঐহাক অসি ঐগী প্রেগনেন্সিগী অহানবা ত্রিমেষ্টরদা লৈরি। এবোর্সন অমা তৌবদা দোক্টরনা য়াদবগী অধিকার অমা লৈব্রা?

লাইবক থীবদি, ফিটস অদুনা নহাক্কী পুন্সিদা নত্ত্রগা হেলথতা খুদোংথীবা থোকহল্লোই হায়না করিগুম্বা দোক্টর অদুনা থাজরবদি নত্ত্রগা করিগুম্বা ফিটস অদু মশা ফরবদি (healthy), দোক্টর অদুনা এবোর্সন অমা পাংথোকপদা য়াদবগি অধিকার লৈ।

রেপ অমনা মরম ওইদুনা ঐহাক মীরোল্লে। ঐনা এবোর্সন অমা পাংথোকহনবা য়াগদ্রা?

হোয়, করিগুম্বা নহাক্কী প্রেগনেন্সি অদু রেপ নত্ত্রগা সেক্সুএল এসোল্ট অমনা মরম ওইদুনা লাকহনখিবা ওইরবদি নহাক্না এবোর্সন অমা পাংথোকহনবা য়াগনি। অসিগুম্বা প্রেগনেন্সি অসিনা নহাক্কী মেন্তেল হেলথতা শাথীনা শোকহনগনি হায়না দোক্টর অদুনা লৌনবগী আইনগী ওইবা দ্যুটি (তৌদবা য়াদবা মথৌ) লৈ। অদুম ওইনমক, চানবীদুনা খংজিনবীগদবদি ফিটস অদুনা চয়োল 20গী মখাদা ওইরবখক্তদা দোক্টর অদুনা আইন্না য়ানবা মওংদা এবোর্সন পাংথোকপা য়াগনি। মখা তানা, করিগুম্বা নহাক্কী প্রেগনেন্সি অদু চয়োল 12দগী হেল্লবা (অমসুং চয়োল 20দগীদি তারবা) ওইরবদি, অতোপ্পা দোক্টর অমনসু মসি পাংথোকপদা য়াবা তাই। চয়োল 20গী মতুংদা এবোর্সন পাংথোকহন্নবা দোক্টরশীংদা দিরেক্সন পীনবা কোর্টতা মায়পাকপা পিটিসন অমা থাবা হায়বসি য়াম্না লুগনি।

কন্ত্রাসেপ্টিভশীংনা মওং চুম্না থবক তৌদবদগী ঐ মীরোল্লে। দোক্টর অদুনা এবোর্সন অমা পাংথোকপদা য়াদবা য়াব্রা?

করিগুম্বা নহাক অসি লুহোংলবা মীওই অমা ওইরবদি, কন্ত্রাসেপ্টিভশীংনা থবক তৌদবা অমসুং নহাক্না অঙাং হেন্না পামদবদগী এবোর্সন অমা তৌহনবা য়াই। অসিগুম্বা কেসশীংদদি প্রেগনেন্সি অদুনা নহাক্কী মেন্টেল হেলথতা শাথীনা শোকহনগনি হায়না দোক্টর অদুনা খন্নবগী লিগেল দ্যুটি অমা লৈ।

লাইবক থীবদি, চপ মান্নবা লিগেল দ্যুটি অসি লুহোংদ্রিবা নুপীশীংদদি এপ্লাই তৌরোই। অদুম ওইনমক, মসিমক্না নহাক্না এবোর্সন অমা ফংবা য়াররোই হায়বদি নত্তে হায়বসি চানবীদুনা নিংশীংবীয়ু। করিগুম্বা প্রেগনেন্সি অদু মখা চত্থবনা নহাক্কী মেন্টেল হেলথতা অকায়বা লাকহনগনি হায়না করিগুম্বা দোক্টর অদুনা চপ চানা লেপ্লবদি, মহাক্না এবোর্সন অদু পাংথোকপা য়াই।

এবোর্সন অমা পাংথোক্নবগীদমক দোক্টরশীংনা ঐগী অয়াবা মথৌ তাব্রা?

এবোর্সন অমা পাংথোক্নবগীদমক নহাক্কী অয়াবা লৌবা হায়বসি দোক্টরশীংদুগী তৌদবা য়াদবা মথৌনি। করিগুম্বা নহাক অসি চহি 18গী মখা ওইরবা (মাইনর অমা ওইরবা) নত্ত্রগা মেন্টেলগী অনাবা লৈবা মীওই ওইরবদি, দোক্টরশীংনা নহাক্কী গার্জিয়ানদগীসু অয়াবা লৌবগী তঙাইফদবা লৈ। করিগুম্বা দোক্টর অমনা নহাক্কী অয়াবা য়াউদনা এবোর্সন অমা পাংথোকপা তারবদি, মহাকপু ফাইন লৌবগা লোয়ননা জেলদা চহি 10 ফাউবা শাংদোক্তুনা চৈরাক পীবা য়াই।

করিগুম্বা এবোর্সন অমা পাংথোকপা পাম্লিবা মীওই অদু চহি 18গী মখা ওইরবদি করি তৌবা তাবগে?

এবোর্সন অমা মথৌ তারিবা মীওই অদু চহি 18গী মখা ওইরবদি, মহাক্কী গার্জিয়ান অদুগী অয়াবা লৌবা হায়বসি তঙাইফদবনি। গার্জিয়ান অমা হায়বসি মমা-মপা নত্ত্রগা মহাকপু আইনগী মখাদা শেন্নরিবা অতৈ মীওই অদুবুনি। গার্জিয়ানগী অয়াবা অদু শুংশোয় শোয়দনা লৌবসি দোক্টর অদুগী দ্যুটিনি।

করিগুম্বা এবোর্সন অমা লৌবা পাম্লিবা মীওই অদু মেন্টেলগী অনাবা মীওই অমা ওইরবদি করি তৌগদগে?

করিগুম্বা এবোর্সন অমা পাংথোকপা মথৌ তারিবা মীওই অদু কোক্কী অনাবা (মেন্টেল ইলনেস) অমা লৈবা মীওই ওইরবদি, মহাক্কী গার্জিয়ানদগী অয়াবা লৌবা হায়বসি তঙাইফদে। গার্জিয়ান অমা হায়বসি মমা-মপা নত্ত্রগা আইনগী মখাদা মহাকপু য়েংশিনবীরিবা মীওই অমহেক্তা ওইগনি।

আইন অসিগী মখাদা কোক্কী অনাবা অমা (mental illness) হায়বসি লাইয়েংবগী মথৌ তাবা মেন্টেল দিসওর্দর অমবুনি। অদুম ওইনমক, আইন অসিগী মখাদা, ‘মেন্টেল রিটার্দেসন’ খক লৈবা মীওই অমবুদি কোক্কী অনাবা লৈবা মীওই অমা ওইনা লৌরোই। অসিগুম্বা মীওই অমনা গার্জিয়ান অমগী অয়াবা (কনসেন্ট) য়াউদনা প্রেগনেন্সি অমা টর্মিনেট তৌবা য়াই।

লিগেল এবোর্সন অমগীদমক ঐহাক্না মফম কদাইদা চৎকদগে?

শাফবা (সেফ ওইবা) অমসুং লিগেল ওইবা এবোর্সন অমা লৈবা হায়বসি য়াম্না মরুওই। আইন অসিগী মখাদা, এবোর্সনশীং অসি সরকারনা এপ্রুভ তৌরবা গবর্ণমেন্ট হোস্পিটালশীং নত্ত্রগা প্রাইভেট হোস্পিটালশীং নত্ত্রগা ক্লিনিকশীংখক্তদা পাংথোকপা য়াই। এবোর্সনশীং পাংথোক্নবগীদমক্তা মখোয়দু সরকারনা ওথোরাইজ তৌরব্রা হায়বদু চানবীদুনা দোক্টর অমসুং ক্লিনিক অদুদগী কনফার্ম তৌবীয়ু।

এবোর্সন অমা লৌনবগীদমক ঐনা ঐগী ইমা-ইপাদগী অয়াবা লৌবা মথৌ তাব্রা?

করিগুম্বা নহাক অসি চহি 18গী মথক ওইরবদি নহাক্না আইন অসিগী মখাদা নহাক্কী নমা-নপাদগি অয়াবা লৌবগী মথৌ তাদে। নহাক্না নহাক্কী নমা-নপাদা হায়বফাউবা মথৌ তাদে। লাইবক থীবদি, হোস্পিটাল অমসুং ক্লিনিক অয়াম্বদি, করিগুম্বা নহাক অসি লুহোংদ্রিবা ওইরবদি নহাক্কী নমা-নপাদগী অয়াবা লৌরক্নবা নঙোন্দা খংহনবা য়াউই।

ঐনা এবোর্সন অমা লৌনবগীদমক্তা ঐগী পার্টনরগী নত্ত্রগা ইপুরোইবগী অয়াবা মথৌ তাব্রা?

আইন অসিগী মখাদা নহাক্না এবোর্সন অমা লৌবদা, নহাক্কী নপুরোইবগী নত্ত্রগা পার্টনরগী অয়াবা লৌবা মথৌ তাদে। লাইবক থীবদি, হোস্পিটাল অমসুং ক্লিনিক অয়াম্বনা নহাক্কী নপুরোইবগী অয়াবা লৌনবা খংহল্লকপা য়াউগনি।

দোক্টরশীংনা মখোয়না পাংথোকখিবা এবোর্সনশীংগী রেকোর্দশীং থমজিনবা মথৌ তাব্রা?

হোয়, এবোর্সনশীং পাংথোক্লিবা দোক্টরশীংনা রিগুলেসনশীং অসিগী মখাদা, মখোয়গী মতশীং রেকোর্দ তৌবা, অয়াবা লৌবগী ফোর্মশীং থম্বা অমসুং এদমিসন রেজিষ্টরশীং থমজিনবা অসি তঙাইফদনা আইনগী মতুংইন্না তৌদবা য়াদবা মথৌ (লিগেল দ্যুটি) অমনি। মখোয় অসি ষ্টেট অদুগী চিফ মেদিকেল ওফিসর অদুদা রুটিন ওইনা থাই অমসুং রেজিষ্টর অদু ইন্সপেক্সন তৌবা য়াহল্লি।

সোর্স: ন্যায়া