শেয়র
Views
  • ষ্টেট শেমদোক্নবা হাংদোকউ

এক্সেসিবল ইন্দিয়া কেম্পেইন

তোপিক অসিনা এক্সেসিবল ইন্দিয়া কেম্পেইন – সুগাম্যা ভারত অভিয়ানগী মরমদা ঈ-পাউ পীরি

মীমান্নদ্রবা মীওইশীংগী আধিকারশীং

পাক-চাউরবা সমাজ অমদা লৈরিবা মায়কৈ পুম্নমক্তা মপুং ফানা শরুক য়ানবা অমদি থোং মান্নবা খুদোংচাবশীং ফংনবা অমদি মনিং তম্না হিংনবগীদমক্তা য়ুনিভর্সেল এক্সেসিবিলিটি লৈহনবা হায়বসি মীমান্নদ্রবা মীওইশীংগীদি (PwDs) য়াম্নমক মরুওই।

পর্সনস ৱিথ দিসএবিলিটিজ (মান্নবা খুদোংচাবা, অধিকার ঙাকপা অমদি মপুং ফানা ফংবা) এক্ট, ১৯৯৫ কী সেক্সন ৪৪, ৪৫ অমসুং ৪৬কী মখাদা মথংশিৎনা চত্থোক-চৎশীনগী পাম্বৈ শীজিন্নবদা তুহত্তবা, লম্বী-থোংদা তুহত্তবা অমসুং শেমগৎ-শাগৎলিবা অকোয়রোন অসিদা তুহত্তবা হায়বা অধিকারশীং অসি মচা খায়না পীরি। ভারতনা সহি তৌরিবা য়ুনাইতেদ নেসন্স কনভেন্সন ওন দি রাইটস ওফ পর্সনস ৱিথ দিসএবিলিটিজ (UNCRPD)গী আর্টিকল ৯গী মখাদা সরকারশীংনা PwDশীংদা (ক) ঈ-পাউ, (খ) চত্থোক-চৎশীন, (গ) ফিজিকেল এনভাইরোনমেন্ট, (ঘ) কম্যুনিকেসন তেক্নোলোজি অমসুং (ঙ) ইমর্জেন্সি সর্ভিসশীং য়াউনা সর্ভিসশীংগী এক্সেসিবিলিটি শোয়দনা লৈহন্নবা খংহল্লি। দিপার্টমেন্ট অসিনা য়ুনাইটেদ নেসন্স ইকোনোমিক এন্দ সোসিএল কমিসন ফোর এসিয়া এন্দ দি পেসিফিককী (UNESCAP) ৱার্কিং গ্রুপ ওন এসিয়ান এন্দ পেসিফিক দিকেদ ওফ পর্সন্স ৱিথ দিসএবিলিটিজগী অনিশুবা সেসন অদু ইং ২০১৫গী মার্চকী তাং ২-৩গী মনুংদা নিয়ু দিল্লিদা UNESCAP সেক্রেটরিয়েটকা খুৎশম্নদুনা য়ুম্বু ওইরগা পাংথোকখি। ৱার্কিং গ্রুপ অসি UNESCAP সেক্রেটরিয়েটনা মীমান্নদ্রবা মীওইশীংগী ওইরিবা ইঞ্চেওনগী থৌরাং-থৌশীল ওইনা চৎনহল্লিবা “অধিকারদু তশেংনা ওইহল্লু” হায়বদু কুপ্না য়েংশীন্নবা শেমগৎখিবনি। ইঞ্চিওনগী থৌরাং-থৌশিলগী ‘৩’শুবা পান্দম অসিনা “ফিজিকেল এনভাইরোনমেন্ট, মীয়ামগী চত্থোক-চৎশিন, লৌশীং-মহৈ, ঈ-পাউ অমসুং পাউ ফাউদোক-ফাউজিনগী এক্সেস হেনগৎহনবা” হায়বসিগী মরমদা নৈনৈ।

এক্সেসিবল ইন্দিয়া কেম্পেইনগী পান্দমশীং (সুগাম্যা ভারত অভিয়ান)

দিপার্টমেন্ট ওফ এমপৱারমেন্ট ওফ পর্সনস ৱিথ দিসএবিলিটিজ (DEPwD), মিনিষ্ট্রি ওফ সোসিএল জষ্টিস এন্দ এমপৱারমেন্টনা “এক্সেসিবল ইন্দিয়া কেম্পেইন (সুগাম্যা ভারত অভিয়ান)” অসিবু পাক-চাউরবা সমাজ অসিগী মায়কৈ খুদিংমক্তা মীমান্নদ্রবা মীওইশীংনা মপুংফানা শরুক য়াবা অমসুং মান্নবা খুদোংচাবা ফংবা অমদি নিংতম্না হিংনবগী এক্সেস লৈবা ঙমহন্নবা য়ুনিভর্সেল এক্সেসিবিলিটি ফংবা ঙম্নবা জাতি পাক-শন্না পাংথোকপা ফ্লেগশিপ কেম্পেইন অমগুম্না শেমগৎলে। কেম্পেইন অসিনা শেমগৎ-শাগৎলিবা অকোয়রোন, চত্থোক-চৎশীনগী সিষ্টেম অমসুং ইনফোর্মেসন অমদি কম্যুনিকেসনগী ইকো-সিষ্টেমগী এক্সেসিবিলিটি হেনগৎহন্নবা পান্দম থম্মী।

ইনগদবা থৌরাং-থৌশিল

কেম্পেইন অসিগীদমক্তা মরুওইবা মচাকশীং হায়বদি (ক) কেম্পেইন অদুগী লুচিংবশীংনা শৌগৎপা, (খ) মীয়াম পুন্না খংহনবা, (গ) ৱার্কশোপশীংগী খুত্থাংদা কেপাসিটি হেনগৎহনবা, (ঘ) ইন্টরভেনসনশীং (আইনগী ফ্রেম-ৱার্ক, তেক্নোলোজি সোলুসনশীং, রিসোর্স শেমগৎপা, অসিনচিংবা অমসু (ঙ) পব্লিক-প্রাইভেট পার্টনরশীপ ওইনা কোরপোরেট সেক্তরনা পায়খৎলিবশীং অসি হেন্না মরা তাহন্নবা মমাই কয়া লোংবা থৌরাং-থৌশিল অমা শীজিন্নগনি। এক্সেসিবিলিটিগী মরমদা মীয়ামদা পাক-শন্না খংহনবদা শৌগৎনবা অমসুং এক্সেস তৌবা য়াবা লৈফম-চাফমশীং, এক্সেস তৌবা য়াবা চত্থোক-চৎশীন অমসুং এক্সেস তৌবা য়াবা ৱেবসাইটশীং অসিনচিংবা শেমগৎপদা মতেং পাংনবা দিপার্টমেন্ট ওফ এমপৱারমেন্ট ওফ পর্সনস ৱিথ দিসএবিলিটিজনা রাজ্যশীংগা লোয়ননা MOU অমা সহি তৌনগনি।

প্রষ্টাব তৌরিবা মরুওইবা তাংককশীং

কেম্পেইন অসিগী মখাদা,

  • লৈবাকসিগী কোনুংদা লৈরিবা সরকারগী বিল্ডিংশীংগী য়ামদ্রবদা ৫০% অমসুং রাজ্যগী কোনুং পুম্নমক অসি ইং ২০১৮কী জুলাই থা ফাউবদা মীমান্নদ্রবা মীওইশীংদা মপুংফানা এক্সেস তৌবা য়াহনগনি।
  • লৈবাক অসিগী অন্তর্জাতিগী এয়রপোর্ট পুম্নমক অমসুং A১, A অমসুং B গী কেটেগোরিদা লৈবা রেলৱে ষ্টেসন পুম্নমক ইং ২০১৬গী জুলাই থা ফাউবদা মপুংফানা এক্সেস তৌবা য়াহনগনি।
  • মিনিষ্ট্রি ওফ সোসিএল জষ্টিস অমসুং এমপৱারমেন্টনা দ্রাফট তৌবা কেম্পেইনগী মতুংইন্না, লৈবাক অসিদা লৈরিবা সরকারগী ওইবা পব্লিক ত্রান্সপোর্তকী গারিশীংগী য়ামদ্রবদা ১০% দি ইং ২০১৮গী মার্চ ফাউবদা মীওইশীং অসিগীদমক্তা মপুংফানা এক্সেস তৌবা য়াবা গারিশীং ওন্থোক্কনি।
  • সেন্ট্রেল গবর্নমেন্ট অমসুং ষ্টেট গবর্নমেন্টশীংনা ইসু তৌরিবা পব্লিক্কী চে-চাংশীং পুম্নমক মীমান্নদ্রবা মীওইশীংগীদমক ইং ২০১৮কী মার্চ ফাউবদা এক্সেসিবিলিটি স্টেন্দর্দ শোয়দনা য়ৌহনগদবনি হায়বগী থাজবসু পীরি।

লৌথোকফম: http://accessibleindia.gov.in/content/index.php

লৌথোকফমশীং

  1. PIB
  2. দিপার্টমেন্ট ওফ এমপৱারমেন্ট ওফ পর্সনস ৱিথ দিসএবিলিটিজ, মিনিষ্ট্রি ওফ সোসিএল জষ্টিস এন্দ এমপৱারমেন্ট, গবর্নমেন্ট ওফ ইন্দিয়া
2.82142857143
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
Back to top