অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

মেন্যুএল স্কাভেঞ্জিং (খুৎনা অমাং-অশোয় শেংদোকপা) থীংবা আইন

মেন্যুএল স্কাভেঞ্জিং (খুৎনা অমাং-অশোয় শেংদোকপা) থীংবা আইন

আইন অসিনা করি হায়রি?

আইন অসিনা মখাদা পিরিবশীংসিবু ওফেন্স অমনি হায়না লৌই:

  • মীশীংবু মেন্যুএল স্কাভেঞ্জর (manual scavenger) ওইনা ইনসেনিটরি লেত্রিনশীং (insanitary latrines) শেংদোক্নবা থবক পীবা (employ)।
  • প্রোটেক্টিভ ওইবা খুৎশু-খুৎলাই (protective gear) য়াউদনা অমাং-অশোয়গী পাইপ অমসুং সেপ্টিক টেঙ্কশীং (sewers and septic tanks) শেংদোক্নবা থবক পীবা।
  • ইনসেনিটরি লেত্রিনশীং শাবা।
  • এক্ট অসি চৎনরকপা হৌবদগী অকক্নবা মতম অমগী মনুংদা ইনসেনিটরি লেত্রিনশীং থুগায়দবা নত্ত্রগা ওন্থোক্তবা (demolish or convert)।

আইন অসিনা মেন্যুএল স্কাভেঞ্জরশীংগী রিহেবিলিটেসনগী মতেং পীব্রা?

হোয়, মসিনা অতোপ্পা মহুৎ শিনবা য়াবা ইমপ্লোয়মেন্টগী ত্রেনিং পীদুনা, শেল-থুমগী মতেং পীদুনা অমসুং প্রোপর্টি লৈবদা মতেং পীদুনা মেন্যুএল স্কাভেঞ্জরশীংবু রিহেবিলিটেসন পীনবগী রুলস অমসুং প্রোসিদ্যুওর পীরি।

মেন্যুএল স্কাভেঞ্জরশীংবু মশক খংদোকপগী দায়ত্ব অসি কনাগীনো?

লোকেল ওথোরিটি (ম্যুনিসিপালিটি নত্ত্রগা পঞ্চায়ট), কেন্টনমেন্ট বোর্দ নত্ত্রগা রেলৱে ওথোরিটি খুদিংমক্তা মেন্যুএল স্কাভেঞ্জরশীংবু মশক খংদোক্নবা মখোয়গী এরিয়াদা সর্ভে তৌবগী দায়ত্ব শিন্নৈ।

অসিগুম্বা সর্ভে অসিদা মশক খংদোকখ্রবা স্কাভেঞ্জরশিংগী মশীংগী মরমদা হেন্না খংনবগীদমক চানবীদুনা মফমসিদা ক্লিক তৌবীয়ু

আইন অসিগী মখাদা করিবু লোকেল ওথোরিটি অমা ওইনা লৌগদগে?

আইন অসিগী মখাদা লোকেল ওথোরিটি হায়বসিনা মখাগীসি খংনহল্লি -

  • ম্যুনিসিপালিটি নত্ত্রগা পঞ্চায়ট অমা;
  • কেন্টনমেন্ট বোর্ড;
  • রেলৱে ওথোরিটি।

‘কেন্টনমেন্ট বোর্ড’ অমা হায়বসি মিনিষ্ট্রি ওফ দিফেন্সকী কন্ত্রোল মখাদা লৈবা সিভিক এদমিনিষ্ট্রেসন বোডি অমনি অমসুং মসিনা পব্লিক হেলথ, ৱাটর সপ্লাই, সেনিটেসন, প্রাইমারি এজুকেসন অমসুং ষ্ট্রিট লাইটিং অসিনচিংবগা মরি লৈনবা ফঙ্কসনশীং পাংথোকই। মহৌশানা, ‘ম্যনিসিপালিটি’ হায়বা টর্ম অসিদা কেন্টনমেন্ট বোর্ড অমসুং রেলৱে ওথোরিটি অসিসু মনুং চল্লি।

কনাবু ‘মেন্যুএল স্কাভেঞ্জর’ অমনি হায়না লৌগদগে?

  • ইনসেনিটরি লেত্রিন, মখুম খুমদবা দ্রেন নত্ত্রগা কোম নত্ত্রগা রেলৱা ত্রেকতগী পত্থ-পুমথদ্রিবা মীওইবগী অমাং-অশোয় শেংদোকপগী থবক পীরিবা মীওই অমহেক্তবু আইন অসিগী মখাদা মেন্যুএল স্কাভেঞ্জর অমনি হায়না লৌই।
  • মীওই অদুবু মীওই অমহেক্তনা, হায়বদি মখোয়গী খুঙ্গংগী কনাগুম্বা মীওই অমনা নত্ত্রগা এজেন্সি নত্ত্রগা কন্ত্রেক্টর অমনা থবক পীবা ওইবা য়াই।
  • মহাক অদুবু রিগুলর ওইনা নত্ত্রগা কন্ত্রেক্টকী মওংদা থবক পীবা ওইরবসু, মহাক অদু আইন অসিগী মখাদা কোনশিল্লি।
  • অখন্ননা কোমথোকপা (Exception) – মীওইবগী অমাং-অশোয় শেংদোক্নবা থবক পীরবা মীওই অমবু চুনবা খুৎশু-খুৎলাই অমসুং প্রোটেক্টিভ গিয়ার (protective gear)গী মতেংনা মথৌ তৌহনবা ওইরবদি আইন অসিগী মখাদা মহাকপু মেন্যুএল স্কাভেঞ্জর অমনি হায়না লৌরোই।
  • করিগুম্বা মতমদা ‘সফাই কর্মচারি’ কৌবা অতোপ্পা মীওই কাংলুপ অমবু মেন্যুএল স্কাভেঞ্জরনি হায়না লৌবা য়াউই – অদুম ওইনমক, মখোয় অসি মহৌশানা ম্যুনিসিপালিটিশীং, গবর্ণমেন্ট নত্ত্রগা প্রাইভেট ওর্গানাইজেসনশীংদা ৱাই শিৎপা নত্ত্রগা শেংদোক-খোত্তোকপগী থবক তৌরিবা মীওইশীংদুবু খংনৈ।

আইন অসিনা মতৌ করম্না খুৎনা অমাং-অশোয় শেংববু থীংবগে?

আইন অসিগী মখাদা, খুৎনা অমাং-অশোয় শেংবা থীংনবগী খোংথাং অসি ‘ইনসেনিটরি লেত্রিনশীং’ থুগায়দুনা মাংহনবসিনি। এক্ট অসি দিসেম্বর 2013দগী চৎনবা হৌখি। মসিনা লোকেল ওথোরিটিশীংনা (ম্যুনিসিপাল বোডি, কেন্টনমেন্ট বোর্ড অমসুং রেলৱে ওথোরিটিশীং) অকক্নবা মতমগী মনুংদা মসি পাংথোক্নবা খংহল্লি।

এক্ট অসি চৎনবা হৌবা থা 2গী মনুংদা, লোকেল ওথোরিটি অদুনা:

ষ্টেপ 1

  • মসিগী এরিয়া মনুংদা লৈবা ইনসেনিটরি লেত্রিনশীংগী সর্ভে অমা পাংথোকপা তাই, অমসুং
  • সর্ভে অদুদা মশক খংদোক্লবা অসিগুম্বা লেত্রিন পুম্নমক্কী লিষ্ট অমা পব্লিস তৌবা তাই।

ষ্টেপ 2

লিষ্ট অসি ফোংবা নুমিৎ 15নিগী মনুংদা, ওথোরিটি অদুনা ইনসেনিটরি লেত্রিন শিজিন্নরিবা নত্ত্রগা শারিবা মীওই অদুদা মদুবু সেনিটরি লেত্রিন ওন্থোক্নবা নত্ত্রগা মদু থুগায়নবা নোটিস অমা থাগনি। মীওই অদুনা থবক অসি পাংথোক্নবা থা 6কী মতম ফংগনি। করিগুম্বা মহাক্না মসি থা 6কী মনুংদা পাংথোকপা ঙমদ্রবদি, করিগুম্বা মসিগী মতিক চাবা মরম লৈরবদি, লোকেল ওথোরিটি অদুনা থা 3 অমগী মতম শাংদোকপীবা ঙম্মী।

ষ্টেপ 3

লোকেল ওথোরিটি অদুগী অতোপ্পা অহেনবা মথৌ অমদি, ইনসেনিটরি লেত্রিনশীং শিজিন্নরম্বা এরিয়াশীংদা মথৌ তাই হায়না খনবা সেনিটরি লেত্রিনশীং থা 9গী মনুংদা শাবা লোয়শিনবসিনি।

ষ্টেপ 4

লোকেল ওথোরিটিশীংনা কম্যুনিটি অদুগীদমক মখোয়গী এরিয়াশীংদা চহি 3গী মনুংদা সেনিটরি লেত্রিনশীং মতিক চানা শাবা মথৌ তাই।

কম্যুনিটি সেনিটরি লেত্রিনশীং অসি শাবা অমসুং য়েংশীনবগী দায়ত্ব অসি লোকেল ওথোরিটিশীংগী ওইগনি অমসুং মখোয় অদু ফঙ্কসনেল অমসুং হায়জেনিক শোয়দনা ওইহনবা হায়বসি মখোয়গী মথৌনি।

এক্ট অসিগী মখাদা মপুং ওইবা ওফেন্সশীং অদু করি করিনো?

এক্ট অসিগী মখাদা কনাগুম্বা মীওই, ম্যুনিসিপালিটি, পঞ্চায়ট নত্ত্রগা এজেন্সি অমনা মখাদা পীরিবশীংসি পাংথোক্লম্লবদি মদু অনলোফুল অমসুং ওফেন্স অমা ওইগনি:

  • ইনসেনিটরি লেত্রিন অমা শাবা, নত্ত্রগা
  • মেন্যুএল স্কাভেঞ্জর অমা থবক পীবা (Employ)।

মখা তানা, মেন্যুএল স্কাভেঞ্জর অমা ওইনা হান্ননা থবক তৌরম্বা মীওই পুম্নমকপু খুদক্তা থবক তোকহনগদবনি। এক্ট অসিনা চৎনরকপা মতমদা ইনসেনিটরি লেত্রিন অমা লৈরম্বা মীওই অমনা মদু থা 6কী মনুংদা থুগায়গদবনি নত্ত্রগা সেনিটরি লেত্রিনদা ওন্থোক্কদবনি। মদু থা 6কী মনুংদা লোয়শিনবা ঙমদ্রবা অমদি করিগুম্বা মদুগী মতিক চাবা মরম লৈরবদি মঙোন্দা অহেনবা অতোপ্পা থা 3 অমগা অমুক পীবা য়াই।

সোর্স: ন্যায়া

মরি লৈনবা রিসোর্সশীং

  1. দি প্রোহিবিসন ওফ ইমপ্লোয়মেন্ট এজ মেন্যুএল স্কাভেঞ্জরস এন্ড দিয়ার রিহেবিলিটেসন এক্ট, 2013

অকোনবা শেমদোকখিবা : 6/10/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate