হোম / সোসিয়ল ৱেলফেয়র / সেনিয়র সিটিজেনশীংগী য়াইফ-থৌরাং / প্রধান মন্ত্রি বায়া বন্দনা যোজনা
শেয়র
Views
  • ষ্টেট শেমদোক্নবা হাংদোকউ

প্রধান মন্ত্রি বায়া বন্দনা যোজনা

তোপিক অসিনা প্রধান মন্ত্রি বায়া বন্দনা যোজনাগী মতাংদা ইনফোর্মেসন পীরি।

প্রধান মন্ত্রি বায়া বন্দনা যোজনা (PMVVY) অসি চহি 60 অমসুং মসিগী মথক্তা লৈরবা অহল ওইরবা নাগরিকশীংখক্কী ওইনা, মেগী তাং 4, 2017দগী মেগী তাং 3, 2018 ফাউবা ফংগদবা ভারত সরকারনা লাউথোকপা পেন্সন স্কিম অমনি।

স্কিম অসিগী কান্নবশীং

মখাদা পীরিবশীং অসি প্রধান মন্ত্রি বায়া বন্দনা যোজনা (PMVVY)গী মখাদা পীরিবা মরুওইবা কান্নবশীংনি:

  • স্কিম অসিনা থাগী ওইনা চহি 10 পীগদবা 8%গী শোয়ফদবা রিটর্ন (assured return) অমা (চহিগী ওইনা 8.30%গা মান্ননা) পীরি।
  • পেন্সন অসি পেরিওদ খুদিংগী অরোয়বদা, চহি 10গী পোলিসি টর্মগী মনুংদা, থাগী/ থা অহুমগী/ চহি তংখায়গী/ চহিগী ওইনা পেন্সনর অদুনা পর্চেজ তৌবা মতমদা খনখিবা অদুগী মতুংইন্না পীগনি।
  • স্কিম অসি সর্ভিস টেক্স/ GSTদগী কোকই (exempted)।
  • চহি 10গী পোলিসি টর্মগী অরোয়বদা পেন্সনর অদুনা হিংলবদি, ফাইনেল পেন্সন ইনষ্টোলমেন্টকা কোন্ননা পর্চেজ প্রাইস অদু পীগনি।
  • পোলিসি চহি 3গী (লিক্যুইদিটিগী মথৌ তাবা মেনশিন্নবা) মতুংদা পর্চেজ প্রাইসকী 75% ফাউবগী লোন লৌবা য়াহল্লি। লোনগী ইন্টরেষ্ট অদু পেন্সন ইনষ্টোলমেন্টদগী লৌখৎকনি অমসুং লোন অদুনা ক্লেমগী শেন্দোং (claim proceeds)দগী লৌখৎকনি।
  • স্কিম অসিনা মশামক্কী নত্ত্রগা মহাক্কী লোয়নবা নত্ত্রগা লোয়নবীগী ক্রিটিকেল/ টর্মিনেল ইলনেসকী লায়েংনবগীদমক্তা পোলিসিগী মতম লোয়দ্রিঙৈদা তোকপসু য়াহল্লি। অসিগুম্বা পোলিসি মতম লোয়দ্রিঙৈদা তোকপগীদি, পর্চেজ প্রাইসকী 98% দি হন্দোক্কনি।
  • চহি 10গী পোলিসি টর্ম মনুংদা পেন্সনর অদু শিরবদি, পর্চেজ প্রাইস অদু বেনিফিসরি অদুদা পীগনি।
  • মেক্সিমম পেন্সনগী সিলিং অসি ইমুং অপুনবা অমগীনি, ইমুং অদুদা পেন্সনর, মহাক্কী নুপী নত্ত্রগা নুপা অমসুং দিপেন্দেন্টশীং য়াউগনি।
  • গেরেন্টি পীরিবা ইন্টরেষ্ট অমসুং তশেংনা ফংলক্লিবা ইন্টরেষ্ট অনিদুগী মরক্তা লৈবা খেৎনবনা অমসুং এদমিনিষ্ট্রেসনগা মরি লৈনবা চাদিংনা ওইহল্লকপা তাথবা (shortfall) শেনফম অদু ভারত সরকারনা সবসিদি ওন্থোক্কনি অমসুং কোরপোরেসনদা রিইম্বর্স তৌগনি।

ইলিজিবিলিটি কন্দিসনশীং অমসুং অতৈ রেষ্ট্রিক্সনশীং

  1. মিনিমম এন্ত্রি এজ: চহি 60 (মপুং ফারবা)
  2. মেক্সিমম এন্ত্রি এজ: লিমিট লৈতে
  3. পোলিসি টর্ম : চহি 10
  4. মিনিমম পেন্সন: থা অমদা লুপা 1,000/-
    থা অহুমদা লুপা 3,000/-
    চহি তংখায়দা লুপা 6,000/-
    চহি অমদা লুপা 12,000/-
  5. মেক্সিমম পেন্সন: থা অমদা লুপা 5,000/-
    থা অহুমদা লুপা 15,000/-
    চহি তংখায়দা লুপা 30,000/-
    চহিদা লুপা 60,000/-

মেক্সিমম পেন্সনগী সিলিং অসি ইমুং অপুনবা অমগীনি, হায়বদি প্লান অসিগী মখাদা ইমুং অমগী ওইনা পোলিসি পুম্নমক্তগী লাকপা পেন্সনগী শেনফম অদুনা মেক্সিমম পেন্সন লিমিট অদুদগী হেল্লোইদবনি। হিরম অসিগী ওইনা ইমুং হায়বসিদা পেন্সনর, মহাক্কী নুপী নত্ত্রগা নুপা অমসুং দিপেন্দেন্টশীং অদু য়াউগনি।

স্কিম অসি ওপরেট তৌনবগী অমত্তা ঙাইরবা প্রিভিলেজ পীরবা লাইফ ইন্সুরেন্স কোরপোরেসন (LIC) ওফ ইন্দিয়াগী খুত্থাংদা ওফলাইন অমসুং ওনলাইন অনিমক্তা স্কিম অসি পর্চেজ তৌবা য়াই। ওনলাইনদা লৈনবগীদমক, http://www.licindia.in/দা চৎপীয়ু।

পর্চেজ প্রাইসগী পেমেন্ট

স্কিম অসি লম্প সম পর্চেজ প্রাইস অমা পীদুনা লৈবা য়াই। পেন্সনর অদুনা পেন্সনগী শেনফম নত্ত্রগা পর্চেজ প্রাইস অদুগী মরক্তগী অমা খন্নবগী ওপশন অমা ফংগনি। পেন্সনগী তোঙান-তোঙানবা মওংগী মখাদা ওইবা মিনিমম অমদি মেক্সিমম ওইবা পর্চেজ প্রাইস অদু মখাদা পীরি:

পেন্সনগী মওং

মিনমম পর্চেজ প্রাইস

মেক্সিমম পর্চেজ প্রাইস

চহিগী ওইনা

লুপা 1,44,578/-

লুপা 7,22,892/-

চহি তংখায়গী ওইনা

লুপা 1,47,601/-

লুপা 7,38,007/-

থা অহুমগী ওইনা

লুপা 1,49,068/-

লুপা 7,45,342/-

থাগী ওইনা

লুপা 1,50,000/-

লুপা 7,50,000/-

পেন্সন পেমেন্টকী মওং

পেন্সন পেমেন্টগী মওংশীং অদু থাগী, থা অহুমগী, চহি তংখায়গী অমসুং চহিগী ওই। পেন্সন পেমেন্ট অদু NEFT নত্ত্রগা আধার এনেবল পেমেন্ট সিষ্টেমগী খুত্থাংদা ওইগনি।

পেন্সনগী অহানবা ইনষ্টোলমেন্ট অদু, পেন্সন পেমেন্টগী মওংগী মখা পোন্দুনা হায়বদি, চহিগী, চহি তংখায়গী, থা অহুমগী নত্ত্রগা থাগী ওইনা, মদু লৈবা তাংদগী মথংশিৎনা চহি 1, থা 6, থা 3 নত্ত্রগা থা 1গী মতুংদা পীগনি।

সরেন্দর ভেল্যু

স্কিম অসিনা অকক্নবা ফিভমশীং হায়বদি পেন্সনর অদুনা মশামক্কী নত্ত্রগা মহাক্কী নুপী নত্ত্রগা নুপাগী ক্রিটিকেল/ টর্মিনেল ইলনেস অমহেক্তা লৈরকপদা শেলগী মথৌ তাবা লৈরক্লবদি পোলিসি টর্ম মপুং ফাদ্রিঙৈদা তোকপগী অয়াবা পী। অসিগুম্বা কেসশীংদা পীগদবা সরেন্দর ভেল্যু অদু পর্চেজ প্রাইসকী 98% ওইগনি।

লোন

পোলিসিগী চহি 3 মপুং ফাখ্রবা মতুংদা লোন লৌবগী খুদোংচাবা লৈগনি। মেক্সিমম ওইনা পীবা য়াবা লোন অদু পর্চেজ প্রাইসকী 75% ওইগনি।

লোন এমাউন্টকীদমক লৌগদবা শেন্দোইগী চাং অদু পেরিওদকী মরক্তা লেপকনি। শেনবা চহি 2016-17দা সেঙ্কসন তৌখিবা লোনগীদমক্তদি, এপ্লিকেবল ওইবা ইন্টরেষ্ট রেট অসি চহিদা 10% ওইগনি অমদি মদু লোন অদুগী টর্ম লোয়বা ফাউবদা চহি তংখায়গী মওংদা পীগদবনি।

লোনগী ইন্টরেষ্ট অদু পোলিসি অসিগী মখাদা পীগদবা পেন্সন এমাউন্ট অদুদগী লৌখৎকনি। লোনগী ইন্টরেষ্ট অদু পোলিসি অসিগী মখাদা লৈগদবা পেন্সন পেমেন্টকী ফ্রিক্বেন্সিগী মতুংইন্না তিনশিনগনি (accrue) অমসুং মসি পেন্সন পীগদবা তাং অদুদা পীবা তাই। অদুম ওইনমক, লোনগী লৈহৌরিবা শেনফম অদুদি, পোলিসি অসিদগী তোকপা মতমদা লৈগদবা ক্লেমগী শেনফম অদুদগী লৌখৎকনি।

ফ্রি লুক পেরিওদ (Free Look period)

করিগুম্বা পোলিসি হোল্ডর অমনা পোলিসি অদুগী “টর্ম অমসুং কন্দিসনশীং” অদুদা পেন্দ্রবদি, পোলিসি অদু ফংবা নুমিত্তগী পারগা, ওবজেক্সনশীং অদুগী মরম পীদুনা, মহাক্না পোলিসি অদু নুমিৎ 15নিগী মনুংদা (করিগুম্বা পোলিসি অদু ওনলাইনদা লৈবা ওইরবদি নুমিৎ 30নিগী মনুংদা) হন্দোকপা য়াই।

ফ্রি লুক পেরিওদকী মনুংদা হন্দোক্কদবা এমাউন্ট অদু, ষ্টাম্প দ্যুটিগী চার্জ অমসুং পীখিবা পেন্সনগী শেনফম (করিগুম্বা লৈরবদি) ককহৌরবা মতুংদা ফংবা পোলিসি হোল্ডর অদুনা দিপোজিট তৌখিবা পর্চেজ প্রাইস অদু ওইগনি।

এক্সক্লুজন (কোনশিন্দবা শরুক)

মশা মথন্তা শিজবা: মশা মথন্তা শিজবদা এক্সক্লুজন লৈরোই অমসুং অপুনবা পর্চেজ প্রাইস অদু পীগনি।

সোর্স : LIC

2.76
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top