সংসদ আদর্শ গ্রাম যোজনা

সংসদ আদর্শ গ্রাম যোজনা (SAGY) হায়বসি ইং 2014গী ওক্টোবর থাদা ভারত সরকারনা হৌদোকখিবা ভিলেজ দিভেলপমেন্ট প্রোজেক্ট অমনি, অমসুং মসিগী মখাদা পার্লিয়ামেন্টগী মেম্বর খুদিংমক্না ইং 2019 ফাউবগী মনুংদা খুঙ্গং অহুমদা ফিজিকেল অমসুং ইনষ্টিট্যুসনেল ইনফ্রাষ্ট্রকচরগী দিভেলপ তৌনবগী দায়ত্ব লৌগনি। সংসদ আদর্শ গ্রাম যোজনা অসি ইং 2014গী ওক্টোবরগী তাং 11দা হৌদোকখি।

পান্দম

মসিগী পান্দম অসি ইং 2019গী মার্চ ফাউবগী মনুংদা আদর্শ গ্রাম অহুম দিভেলপ তৌবনি অমসুং মসিগী মনুংদা অমদি ইং 2016 ফাউবগী মনুংদা লোইশিনগদবনি। মসিগী মতুংদা অসিগূম্বা আদর্শ গ্রাম মঙা (চহি অমদা অমা) খনগৎকনি অমসুং ইং 2024 ফাউবগী মনুংদা দিভেলপ তৌগনি।

সংসদ আদর্শ গ্রাম যোজনাগী ভেল্যুশীং

ইচম চম্না ইনফ্রাষ্ট্রকচর চাউখৎহনবগী মথক্তা, SAGYনা খূঙ্গংশীং অমসুং মসিগী মীয়ামশীংদা অকক্নবা ভেল্যু খরা খন্থহন্দুনা মখোয়বু অতৈ কয়াগী ফিদম ওইহন্নবা পান্দম থম্লি। ভেল্যুশীং অসিগী মনুংদা মখাদা পীরিবশীং অসি য়াউরি:

• খুঙ্গংগী পুন্সিগা মরি লৈনবা হিরম পুম্নমক্তা, মরুওইনা গবর্ণান্সকা মরি লৈননা ফিরেপ লৌবা খুদিংদা মীয়াম পুম্নমক্না শরুক য়াহনবা।
• অন্তিয়োদয়াগী মতুং ইনবা – খুঙ্গংদা লৈবা “খ্বাইদগী লায়রবা অমসুং খ্বাইদগী শোনবা মীওই” অদু য়াইফবা ঙমহনবা।
• নুপা-নুপী থোং মান্নহনবা অমসুং নুপীশীংবু ইকাই-খুম্নবা লৈহনবা।
• সমাজগী অচুম্বা ৱায়েন শোয়দনা লৈহনগনি থাজবা লৈহনবা।
• দিগ্নিটি ওফ লেবর অমসুং কম্যুনিটি সর্ভিস অমসুং ভোলুন্টরিজমগী থৱাই য়াউবা লৈহনবা।
• লু-হেনবগী কলচর অমা প্রোমোট তৌবা।
• প্রকৃটিগা খুৎলোয়ননা হিংবা – দিভেলপমেন্ট অমসুং ইকোলোজিগী মরক্তা খল মান্নহনবা।
• লোকেল কলচরেল হেরিটেজ ঙাক-শেনবা অমসুং প্রোমোট তৌবা।
• অমগা অমগা মতেং পীনবা, মশানা মশাবু মতেং পাংজবা অমসুং মশানা মশাদা তাংজবা তম্বীবা।
• খুঙ্গংগী মীওই কাংলুপশীংদা শান্তি লৈহনবা অমসুং নুংশি-চান্ননা হিংমিন্নবদা পুক্নিং থৌগৎপা।
• মীয়ামগী ওইবা পুন্সিদা (public life) ত্রান্সপিরেন্সি, একাউন্টেবিলিটি অমসুং প্রোবিটি পুরকপা।
• লোকেল সেলফ-গবর্ণমেন্ট য়োকখৎপা।
• ভারতকী সংবিধানগী ফন্দামেন্টেল রাইটস অমসুং ফন্দামেন্টেল দ্যুটিজদা য়াউরিবা ভেল্যুশীং অদু ইনবা।

পান্দমশীং

SAGYগী মরুওইবা পান্দমশীংদি মখাগী অসিনি:

1. মশক খংদোক্লবা গ্রাম পঞ্চায়টশীং অসিগী মপুংফাবা দিভেলপমেন্ট লৈহনগদবা প্রোসেসশীং মথৌ হাপ্পা।
2. মীয়ামগী সেক্সন পুম্নমক্কী হিংবগী থাক অমসুং পুন্সিগী মগুন অদু মখাদা পীরিবশিংসিগী খুত্থাংদা হেন্না ফগৎহনবা।
• ফগৎহল্লবা বেসিক ওইবা অকে-অমৌগী পোৎ-চৈশীং
• হেন্না ৱাংবা প্রদক্টিভিটি
• হেন্না ফগৎলবা হ্যুমেন দিভেলপমেন্ট
• অহেনবা লিভলিহুদকী খুদোংচাবশীং
• থোং মান্নদবশীং হন্থহনবা
• রাইটস অমসুং এন্টাইটলমেন্টশীংগী এক্সেস
• পাক-চাউবা সোসিএল মোবিলাইজেসন
• হেন্না ফরবা সোসিএল কেপিটেল
3. থংননা লৈমিন্নরিবা গ্রাম পঞ্চায়টশীংনা খংজিন্দুনা মতৌ তম্নিংবা পোকহনগদবা লোকেল লেভেল দিভেলপমেন্ট অমসুং ইফেক্টিভ লোকেল গবর্ণান্সকী মোদেলশীং জেনেরেট তৌবা।
4. অতৈ গ্রাম পঞ্চায়টশীংবু তাকপী-তম্বীনবা, মশক খংদোক্লবা আদর্শ গ্রামশীং অসি লোকেল দিভেলপমেন্টকী স্কুলশীংগুম্না য়োকখৎপা।

খোংথাং (Approach)

পান্দমশীং অসি ফংনবগীদমক্তা, SAGY অসি মখাদা পীরিবা খোংথাংশীং অসিনা লমজিংগনি:

• মোদেল গ্রাম পঞ্চায়টশীং দিভেলপ তৌনবগীদমক মেম্বর ওফ পার্লিয়ামেন্ট (MP)শীংগী লিদরশিপ, কেপাসিটি, কমিটমেন্ট অমসুং এনর্জি মথৌ হাপ্পা।
• পার্টিসিপেটরি লোকেল লেভেল দিভেলপমেন্টগীদমক কম্যুনিটি অদুগা খুৎশম্নবা অমসুং ৱাখল তাহনবা।
• মীয়ামগী অপাম্বশীং অমসুং লোকেল পোটেন্সিএলগা চাননা কম্প্রিহেন্সিভ ওইবা দিভেলপমেন্ট ফংনবগীদমক তোঙান-তোঙানবা গবর্নমেন্টকী প্রোগ্রামশীং অমসুং প্রাইভেট অমদি ভোলুন্টরি ইনিসিএটিভশীং পুনশিনবা।
• ভোলুন্টরি ওর্গানাইজেসনশীং, কোওপরেটিভশীং অমসুং একাদেমিক অমদি রিসর্চ ইনষ্টিট্যুসনশীংগী পার্টনরশিপ শেমগৎপা।
• আউটকম অমসুং সষ্টেনেবিলিটিদা মীৎয়েং থম্বা।

আদর্শ গ্রাম অমদা পাংথোক্লিবা এক্টিভিটিশীং

আদর্শ গ্রাম অমনা মীয়ামগী ভিজন অদু, মখোয়গী কেপাসিটিশীং অমসুং অফংবা রিসোর্সশীং শিজিন্নদুনা খ্বাইদগী ফবা ওইথোকপা য়াবা মওংদা, MP, গ্রাম পঞ্চায়ট, সিভিল সোসাইটি অমসুং গবর্নমেন্টকী মেছিনরিশীংনা মতেং পাংদুনা পাংথোক্কদবনি। মহৌশানা, আদর্শ গ্রাম অমগী ইলিমেন্টশীং অসি ফিভমগী মখা পোনগদবনি (context specific)। অদুম ওইনমক, মরুওইবা এক্টিভিটিশীং অদু চাউরাক্না মশক খংদোকপগী ওইথোকপা লৈ। মখোয়দুগী মনুংদা মখাদা পীরিবশীং অসি য়াউগনি:

পর্সোনেল দিভেলপমেন্ট:

• হায়জিনিক বিহেবিয়র অমসুং প্রাক্টিসশীং তাকপী-তম্বীবা।
• নুংতিগী শাজেল তৌবা অমসুং শান্নবা য়াউনা অফবা হৈনবিশীং লৈহন্নবা পুক্নিং থৌগৎপা।
• রিস্ক বিহেবিয়র হায়বদি, য়ু থকপা, মৈখু শিজিন্নবা, নিশা শিজিন্নবনচিংবসি হন্থহনবা।

হ্যুমেন দিভেলপমেন্ট:

• হেলথ কার্দ, মেদিকেল একজামিনেসন য়াউনা বেসিক হেলথ ফেসিলিটিশীং মীপুম খুদিংদা ফংহনবা।
• মপুংফানা ইমুনাইজেসন তৌবা।
• সেক্স-রেসিওগী বেলেন্স লৈহনবা।
• হোসপিটালদা 100% অঙাং উন্নবা।
• মীপুম খুদিংমক্কী, মরুওইনা অঙাংশীং, ইনখৎলক্লিবা নুপীমচাশীং, মীরোনবীশীং, অমসুং খোম্লাং থোক্লিবা মমাশীংদা অহেনবা মীৎয়েং থমদুনা ন্যুত্রিসনগী থাক অসি ফগৎহনবা।
• পর্সনস ৱিথ দিসএবিলিটি (PWD), মরুওইনা অঙাংশীং অমসুং নুপীশীংগী অখন্নবা মথৌ তাবশীংদা অকনবা মীৎয়েং চংবা।
• ক্লাস X ফাউবগী এজুকেসন ফেসিলিটিশীং মীপুম খুদিংদা ফংহনবা
• স্কুলশীং অসি ‘স্মার্ট স্কুলশীং’দা ওন্থোকপা। স্মার্ট স্কুলশীংদা IT এনেবল ক্লাসরুমশীং, ই-লাইব্রেরিশীং, ৱেবতা য়ুম্ফম ওইবা টিচিং লৈগনি অমসুং ছাত্র পুম্নমকপু ক্বালিটি এজুকেসন ফংহন্দুনা ই-লিটরেট ওইহনগনি।
• এদল্ট লিটরেসি
• ই-লিটরেসি
• ই-লাইব্রেরিশীং য়াউনা খুঙ্গংগী লাইব্রেরিশীং

সোসিএল দিভেলপমেন্ট:

• ভারত নির্মান ভোলুন্টিয়রশীংগুম্না ভোলুন্টরিজম প্রোমোট তৌনবা এক্টিভিটিশীং।
• লোকেল দিভেলপমেন্টদা মপুংফানা শরুক য়ানবা অমসুং কন্ত্রিব্যুট তৌনবগীদমক মীয়ামগী কেপাসিটি শেমগৎপা।
• খুঙ্গংগী অহল-লমনশীং, লোকেল রোল মোদেলশীং, মরুওইনা নুপীশীং, ফ্রিদম ফাইটরশীং অমসুং শহিদশীং ইকাই খুম্নবগী থবক-থৌরমশীং।
• হিংসা অমসুং ক্রাইম লৈতবা খুঙ্গংশীং ওইহন্নবগী এক্টিভিটিশীং, হায়বদি:
• সিটিজেন কমিটিশীং শেমগৎপা।
• মরুওইনা নহারোলশীংবু ৱাখল-লৌশীং (sensitization) তাহনবা।
• খুঙ্গংগী স্পোর্টস অমসুং ফোল্ক আর্টস কুম্মৈশীং।
• মীয়াম মরক্তা চাউথোকচনবগী ৱাখল্লোন চেলহন্নবগীদমক খুঙ্গং ঈশৈ (village song) অমা লৈহনবা।
• ‘ভিলেজ দে’ পালন তৌবা।
• সমাজনা ইন্থোকপীরবা কাংলুপশীং, মরুওইনা সেদ্যুল কাষ্টশীং অমসুং সেদ্যুল ত্রাইবশীংগী ইনক্লুজন অমসুং ইন্টিগ্রেসনগীদমক্তা প্রোএক্টিভ ওইবা খোংথাংশীং লৌখৎপা।

ইকোনোমিক দিভেলপমেন্ট:

শেন্দোংগীদমক শা-ষন য়োকপা অমসুং মনা-মশীং থাবগী থবক য়াউনা, লৌউ-শীংউ অমসুং মসিগা মরি লৈনবা লিভলিহুদশীং মখাদা পীরিবশীংসিগী খুত্থাংদা প্রোমোট তৌবা -

• ওর্গানিক ফার্মিং,
• সোইল হেলথ কার্দশীং,
• SRIগুম্বা ক্রোপ ইন্টেসিফিকেসন,
• সিদ বেঙ্কশীং (seed banks) শেমগৎপা,
• য়ুম-কৈ শানবা উমং পোত্থোক নত্তবশীং, শন্থি পৈফম (Gobar Bank), শা-ষন থম্ফম (cattle hostel) য়াউনা লাইভষ্টোক দিভেলপমেন্ট খোমজিনবা অমসুং ফগৎহনবা,
• শন্থি পৈফম, শা-ষন থম্ফম য়াউনা লাইভষ্টোক দিভেলপমেন্ট,
• মাইক্রো-ইরিগেসন,
• এগ্রো-সর্ভিস সেন্টরশীং।

মখাদা পীরিবশিগুম্বা রুরেল ইন্দষ্ট্রিএলাইজেসন:

• লৌরোক মতুংগী টেক্নোলোজি এপ্লিকেসনশীং,
• মাইক্রো-এন্টরপ্রাইজশীং,
• দাইরি দিভেলপমেন্ট অমসুং প্রোসেসিং,
• ফুদ প্রোসেসিং,
• ত্রেদিসনেল ইন্দষ্ট্রিশীং।

সেলফ-ইমপ্লোয়মেন্ট অমসুং প্লেসমেন্টকীদমক ইলিজিবল ওইরবা নহারোল পুম্নমক্কী স্কিল দিভেলপমেন্ট।

ইকো-তুরিজম য়াউনা ভিলেজ তুরিজম।

মথক্তা পীরিবা থবক-থৌরম পুম্নমক অসিনা মরুওইনা য়ুমথোংশীং অদুবু লায়রবদগী কোকহন্নবা হোৎনবদা মীৎয়েং থমগদবনি, অমসুং মসিগীদমক্তা নুপীগী SHGশীং শেম্বা, শীন্মী পুম্নমক্তা থবক পীবা অমদি ফাইনান্সিএল ইনক্লুজন পূরকপা হায়বসি য়াম্নমক মরুওই।

এনভাইরোনমেন্টেল দিভেলপমেন্ট:

• মখাদা পীরিবশীং অসি লৈবা লু-নানবা অমসুং অশংবা খুঙ্গং অমা শেমগৎনবগী থবক-থৌরমশীং:
• য়ুমথোং খুদিংমক্তা অমসুং পব্লিক ইনষ্টিট্যুসন পুম্নমক্তা টোইলেট পীবা অমসুং মখোয়বু মওং চুম্না শিজিন্নহনবা।
• চুনবা সোলিদ অমসুং লিক্যুইদ ৱেষ্ট মেনেজমেন্ট।
• লম্বী মতাইদা উ থাবা।
• খোংলম্বীশীং য়াউনা য়ুমলক, স্কুলশীং অমসুং পব্লিক ইনষ্টিট্যুসনশীংদা মফমদুগা চানবা উ পাম্বীশীং থাবা।
• সোসিএল ফোরেষ্ট্রি।
• মরুওইনা মহৌশাগী ওইবা ঈশীং লৈবা পুখ্রি-পাৎনচিংবা শেমজিন-শাজিনবা অমসুং হিংগৎহনবগী ৱাটরশেদ মেনেজমেন্ট।
• নোংগী ঈশীং য়োকপা – য়ুমথক্তা অমসুং অতৈ মফমশীংদা।
• নুংশিৎ, ঈশীং অমসুং কংফাল মোৎশিল্লকপা হন্থহনবা।

চংদবা য়াদবা অকে-অমৌগী পোৎ-চৈশীং অমসুং সর্ভিসশীং:

• লায়রবা ময়ূম লৈজদবা/ কচ্চাগী য়ুমশীংদা লৈবা মীওই পুম্নমক্কী পক্কাগী য়ুমশীং।
• থক্নবা ঈশীং, মরুওইনা য়ূমদা লৈবা কোঞ্জিনশীং য়াউবা চুমথোক্লবা পাইপকী ঈশীং।
• মখুম কুপ্লবা নলাশীংগা কোন্নবা নোংজু-নুংশা খাক্তনা শিজিন্নবা য়াবা য়ুমলক্কী লম্বীশীং।
• মরুওইবা রোদ-নেটৱার্ক্কা নোংজু-নুংশা খাক্তনা শম্নবা য়াবা লম্বী।
• য়ুমথোং পুম্নমক্তা ইলেক্ট্রিসিটিগী কনেক্সন লৈবা অমসুং এনর্জিগী অতৈ সোর্সশীংদগী, মরুওইনা সোলরদগী লৌবা ষ্ট্রিট-লাইটশীং।
• পব্লিক ইনষ্টিট্যুসনশীং -  অঙ্গনৱাদিশীং, স্কুলশীং, হেলথ ইনষ্টিট্যুসনশীং, গ্রাম পঞ্চায়ট ওফিস অমসুং লাইব্রেরিশীংগী পক্কা ইনফ্রাষ্ট্রকচর।
• কম্যুনিটি হোলশীং, SHG ফেদরেসনশীংগী বিল্ডিংশীং, প্লেগ্রাউন্দশীং অমসুং অশিবা ফুম্ফম/ পোৎলোয়ফমশীং য়াউনা সিভিক ইনফ্রাষ্ট্রকচর।
• খুঙ্গংগী কৈথেলশীং।
• PDS আউটলেটশীংগী ইনফ্রাষ্ট্রকচর।
• মাইক্রো মিনি বেঙ্কশীং/ পোষ্ট ওফিসশীং/ATMশীং।
• ব্রোডবেন্দ কনেক্টিভিটি অমসুং কমন সর্ভিস সেন্টরশীং।
• টেলিকোম কনেক্টিভিটি।
• মীয়াম তিনবা মফমশীংদা CCTVশীং।

সোসিএল সেক্যুরিটি:

• ইলিজিবল ফেমিলি পুম্নমক – চহি য়াম্লবা, শোয়নাইরবা, লুখ্রাবীশীংদা পেন্সন পীবা।
• আম আদমি বিমা যোজনাগুম্বা ইন্সুরেন্স স্কিমশীং।
• হেলথ ইন্সুরেন্স - RSBY
• PDS- ইলিজিবল ওইরবা য়ুমথোং পুম্নমক্তা ফংহনবা।

অফবা গবর্ণান্স:

• লোকেল দেমোক্রেসি অসি অকনবা অমসুং একাউন্টেবল ওইবা গ্রাম পঞ্চায়টশীং অমসুং এক্টিভ গ্রাম সভাশীংগী খুত্থাংদা মপাঙ্গল কনখৎহনবা।
• হেন্না ফবা সর্ভিস দেলিভরি লৈহনগদবা ই-গবর্নান্স।
• মীপুম খুদিংমক্তা UIDAI কার্দশীংগী প্রোভিজন।
• গবর্নমেন্ট অমসুং পঞ্চায়টকী ষ্টাফশীং চাং নাইনা অমসুং মতম চানা শোয়দনা কাহনবা।
• দিপার্টমেন্টকী সিটিজেন চার্টরগী মতুংইন্না অকক্নবা মতমগী মনুংদা পীবা সর্ভিস দেলিভরি।
• গ্রাম সভা খুদিংগী মমাংদা মহিলা গ্রাম সভাশীং পাংথোকপা।
• চহি অমদা য়ামদ্রবদা গ্রাম সভা অমা 4 রক পাংথোকপা।
• থা মরি খুদিংগী বাল সভাশীং পাংথোকপা।

মীয়ামগী মফমদা প্রোগ্রাম অসি পাংথোকপগা মরি লৈনবা ইনফোর্মেসন পুম্নমক ইচংথৌনা, অমসুং ৱাল-রাইটিং, নোটিস বোর্ডশীংগী খুত্থাংদা মফমদুগী ওইবা লোন্দা ইদুনা খংহনবা। মসিদা বেনিফিসরিশীংগী লিষ্ট, আইটেমগী মতুংইনবা বদজেটশীং অমসুং এক্সপেন্দিচরশীং শুংশোয়-শোয়দনা য়াউহনগদবনি।

• গ্রাম পঞ্চায়টনা ইনফোর্মেসন ফেসিলিটেসন সেন্টর অমগুম্না মথৌ তৌগদবনি।
• মীয়াম্না ফাইল তৌরকপা গ্রিভান্সশীং, মখাদা পীরিবসিগুম্না মতম চানা কোকহনবা:
• মওং খুদিংমক্কী গ্রিভান্সশীং গ্রাম পঞ্চায়ট/ চার্জ ওফিসরদা সবমিট তৌগদবনি অমসুং ফংবগী তাং পীগদবনি।
• গ্রিভান্সশীং অইবা পাউখুমগা লোয়ননা চয়োল অহুমগী মনুংদা কোকহনগদবনি।
• গ্রিভান্সশীং অমসুং মখোয়গী রিদ্রেসেল খংহন্নবগী রিগুলর ওপন প্লেটফোর্ম অসি গ্রাম পঞ্চায়টনা কোওর্দিনেট তৌদুনা ইনষ্টিট্যুসনেলাইজ তৌবা।

MGNREGAগী মখাদা শেম্বা সোসিএল ওদিট য়ুনিটশীংনা মতেং পাংদুনা গ্রাম সভানা পায়খৎপা প্রোগ্রামগী চহি তংখায়গী সোসিএল ওদিট পাংথোকপা।

আদর্শ গ্রাম মশক খংদোকপা

গ্রাম পঞ্চায়ত অমনা বেসিক য়ুনিট ওইগনি। মসিদা মীশীং অসি তম্পাক্কী লমদনা 3000দগী 5000 ফাউবা অমসুং চিংগী, ত্রাইবেল অমসুং খুদোংচাদবা লমদনা 1000দগী 3000 ফাউবা লৈগনি। য়ুনিট সাইজ অসি লৈতবা দিষ্ট্রিক্টশীংদদি, অপাম্বা মীশীংগী সাইজ অদু গ্রাম পঞ্চায়টশীংনা খনবা য়াই।

MP অদুনা আদর্শ গ্রাম অমা ওইনা শেমগৎকদবা চুনবা গ্রাম পঞ্চায়ট অমা মনিংতম্না খনবা য়াই, অদুবু মদু মহাক মশাগী খুঙ্গং নত্ত্রগা মহাক্কী নুপীগী খূঙ্গংদি ওইরোইদবনি।

MP অদুনা খুদক্তা পায়খৎনবা গ্রাম পঞ্চায়ত অমা, অমসুং খরা কোন্না পায়খৎকদবা অনি অমগা মশক খংদোক্কনি। লোক সভাগী MP অমনা মহাক্কী কনষ্টিট্যুএন্সি অদুগী মনুংদগী গ্রাম পঞ্চায়ট অমা খনবা তাই অমসুং রাজ্য সভাগী MP অমনা মহাকপু থাগৎলক্লিবা ষ্টেট অদুগী মনুংদা লৈবা মহাক্না পাম্বা দিষ্ট্রিক্ট অমগী খুঙ্গংদগী গ্রাম পঞ্চায়ট অমা খনবা তাই। নোমিনেট তৌরকপা MPশীংগী ওইনদি লৈবাক অসিদা লৈবা দিষ্ট্রিক্ট অমহেক্তগী খুঙ্গংগী লমদগী গ্রাম পঞ্চায়ট অমা খনবা য়াই। অর্বান কনষ্টিট্যুএন্সিশীংগী ওইনদি (গ্রাম পঞ্চায়ট লৈতবা), MP অদুনা মনাক নকপা রুরেল কনষ্টিট্যুএন্সি অমদগী গ্রাম পঞ্চায়ট অমা মশক খংদোক্কনি।

পার্লিয়ামেন্টকী মেম্বরশীংনা (রিজাইনেসন নত্ত্রগা অতৈ মরমশীংদা মখোয়গী মতম লোয়খ্রবা) অমুকপু খনগৎখ্রবা গ্রাম পঞ্চায়টশীং অদু,  করিগুম্বা গ্রাম পঞ্চায়ট অদুদা SAGY গী মখাদা থবক-থৌরমশীং পায়খৎপা হৌখ্রবসু নত্ত্রগা হৌদ্রবসু SAGYগী মখাদা মখা তানা লৈগনি। নৌনা খল্লবা MPশীংনা মখোয়গী অপাম্বা GP অদু, অমসুং মদুগী মতুংদা অহেনবা অনি খন্নবগী ওপশন অসি ইং 2019দা লৈগনি।

মরুওইনা, পান্দম অসি ইং 2019গী মার্চ ফাউবগী মনুংদা আদর্শ গ্রাম অহুম শেমগৎপা হায়বসিনি, অমসুং মসিগী মনুংদা অমদি ইং 2016 ফাউবগী মনুংদা শেমগৎকদবনি। মসিগী মতুংদা, অসিগুম্বা আদর্শ গ্রাম মঙা (চহি অমদা অমা) খনগৎকনি অমসুং ইং 2024 ফাউবগী মনুংদা শেমগৎকনি।

তোয়না হংবা ৱাহংশীং-SAGY

সোর্স: সংসদ আদর্শ গ্রাম যোজনা