শেয়র
Views
  • ষ্টেট শেমদোক্নবা হাংদোকউ

মঙাশুবা সেদ্যুলগী এরিয়াশীং

তোপিক অসিনা মঙাশুবা সেদ্যুলগী এরিয়াশীংগী মতাংদা ইনফোর্মেসন পীরি।

কনষ্টিট্যুসনগী আর্টিকল 244(1)দা, সেদ্যুল এরিয়া হায়বসি প্রেসিদেন্টনা হুকুম অমা থোক্তুনা সেদ্যুল এরিয়ানি তাক্লবা এরিয়াশীং অদুবু খংনগনি।

প্রেসিদেন্টনা মতম অমহেক্তদা হুকুম থোক্তুনা

  • সেদ্যুল এরিয়া অমগী অপুনবা মফম নত্ত্রগা অকক্নবা শরুক অমবু সেদ্যুল এরিয়া ওইবা লেপহন্নবা খংহনবা ঙম্মী;
  • ষ্টেট অমদা লৈরিবা সেদ্যুল এরিয়া অমহেক্তগী এরিয়াবু ষ্টেট অদুগী গবর্ণরগা তান্নদুনা হেনগৎহনবা ঙম্মী;
  • সেদ্যুল এরিয়া অমহেক্তবু, বাউন্দরিশীং শেমদোক্তুনা, হোংদোক-হোংজিন (alter) তৌবা ঙম্মী;
  • য়ুনিয়ন অসিদা হাপচিনবা নত্ত্রগা অনৌবা ষ্টেট অমা শেম্বা, ষ্টেট অমত্তগী মনুং চন্দবা টেরিতোরি অমবু সেদ্যুল এরিয়ানি নত্ত্রগা মসিগী শরুক অমনি হায়না লাউথোকপা ঙম্মী;
  • ষ্টেট অমহেক্তগা মরি লৈননা, প্রোভিজনশীং অসিগী মখাদা অমসুং মরি লৈনবা ষ্টেট অদুগী গবর্ণরগা তান্নদুনা থোকখিবা ওর্দর নত্ত্রগা ওর্দরশীংবু ককথত্তুনা, করম্বা মফমবু সেদ্যুল এরিয়া ওইগদগে তাক্তুনা নৌনা ওর্দর থোকপা ঙম্মী।

সেদ্যুল এরিয়া লাউথোকপগী ক্রাইটেরিয়া

এরিয়া অমবু সেদ্যুল এরিয়ানি হায়না লাউথোকপদা ইনগদবা ক্রাইটেরিয়া অদুদি

  • ত্রাইবেলগী মীশীংনা হেন্না লৈবা(preponderance of tribal population);
  • এরিয়া অদুগী কুংনা তাবগী মওং(compactness) অমসুং মরম চাবা সাইজ;
  • এরিয়া অদুগী চাউখৎপা থীন্থবগী মওং-মতৌ; অমসুং
  • মীয়াম অদুগী শেনমিৎলোনগী ষ্টেন্দর্দ খেৎনবা শেংনা উবা অসিনি।

ক্রাইটেরিয়া অসি ভারতকী কনষ্টিট্যুসনদদি পন্দে অদুবু মসি ময়েক শেংনদি লৈরে। গবর্ণমেন্ট ওফ ইন্দিয়া এক্ট 1935, কনষ্টিট্যুএন্ট এসেমব্লিগী এক্সক্লুদেদ এন্ড পার্সিএল্লি এক্সক্লুদেদ এরিয়াজ সব কমিটিগী রেকমেন্দেসনগী সেদ্যুল B অমসুং দি সেদ্যুল এরিয়াজ এন্ড সেদ্যুল ত্রাইবস কমিসন 1961গী মখাদা “এক্সক্লুদেদ” অমসুং “পার্সিএল্লি এক্সক্লুদেদ” লাউথোকপদা ইনখিবা প্রিন্সিপলশীং অদুগী মহুৎ শিল্লি।

মঙাশুবা সেদ্যুলগী এরিয়াশীংদা পীরিবা অখন্নবা প্রোভিজনশীং

  • সেদ্যুল এরিয়া (SA) লৈবা ষ্টেট খুদিংমক্কী গবর্ণরনা চহিগী ওইনা, নত্ত্রগা প্রেসিদেন্টনা পাম্লকপা মতমদা, ষ্টেট অদুদা লৈরিবা সেদ্যুল এরিয়াগী এদমিনিষ্ট্রেসনগা মরি লৈননা প্রেসিদেন্টতা রিপোর্ট অমা পীগনি।
  • য়ুনিয়ন গবর্ণমেন্টনা ষ্টেটশীং অমসুং সেদ্যুল এরিয়াগী এদমিনিষ্ট্রেসনদা য়াথং পীনবগী একজেক্যুটিভ পাৱর লৈগনি।
  • মঙাশুবা সেদ্যুলগী পেরা 4 না সেদ্যুল এরিয়া লৈবা ষ্টেট অমহেক্তবু ত্রাইবস এদভাইজরি কাউন্সিল (TAC) অমা শেম্নবা খংহল্লি। করিগুম্বা প্রেসিদেন্টনা পাংথোক্নবা খংহল্লবদি, সেদ্যুল এরিয়াদি লৈতবা অদুবু সেদ্যুল ত্রাইবতি লৈবা ষ্টেট অমদা TAC অমা, মেম্বর কুনদগী হেলহন্দনা, মখোয়দুগী মনুংদা শরুক মরি থোকপগী অহুমদি ষ্টেট অদুগী লেজিস্লেটিভ এসেমব্লিদা সেদ্যুল ত্রাইবকী রিপ্রেজেন্টেটিভশীংনা ওইহন্দুনা শেমগদবনি। করিগুম্বা ষ্টেট অদুগী লেজিস্লেটিভ এসেমব্লিদা লৈরিবা STগী রিপ্রেজেন্টেটিভ অদুগী মশীংনা, TACদা লৈগদবা সিট মশীংদুদগী তাথরবদি, লেমহৌরিবা সিটশীং অদু ট্রাইবশীং অদুগী অতৈ মেম্বরশীংনা মেনশীনগদবনি।
  • গবর্ণরনা খংহল্লকপা ষ্টেট অদুগী STশীংগী য়াইফ-থৌরাং অমসুং চাউখৎহন্নবগা মরি লৈনবা হিরমশীংদা TACনা পাউতাক পীগনি।
  • গবর্ণরনা মখাদা পীরিবশীংসি প্রেস্ক্রাইব নত্ত্রগা রিগুলেট তৌদুনা রুলশীং শেম্বা য়াই।
    • কাউন্সিলগী মেম্বরশীংগী মশীং, মখোয়বু খনবা অমসুং কাউন্সিলগী চিয়ারমেন অমসুং ওফিসর অমসুং সর্ভেন্টশীং খনবগী মওং-মতৌ;
    • মসিগী মিটিং অমসুং মসিগী প্রোসিদ্যুওর লেপ্পা; অমসুং
    • অতৈ খুদক্কী ওইবা হিরম পুম্নমক।
  • গবর্ণরনা, পব্লিক নোটিফিকেসন থোক্তুনা, অকক্নবা পার্লিয়ামেন্টকী নত্ত্রগা ষ্টেটকী লেজিস্লেচরগী এক্ট অমহেক্তবু SA অমদা নত্ত্রগা ষ্টেট অদুগী মফম অমহেক্তদা চৎনগনি নত্ত্রগা চৎনরোই হায়বগী হুকুম অমা, অপীবা এক্সেপসন অমসুং মোদিফিকেসনগী মতুংইন্না পীবা ঙম্মী।   গবর্ণরনা ষ্টেট অদুগী SA ওইরিবা মফম অমহেক্তদা ঈং-তপ্পা অমসুং অফবা সাসন অমা পীনবগীদমক্তা রিগুলেসনশীং শেম্বা ঙম্মী। অসিগুম্বা রিগুলেসনশীং অসিনা
    • অসিগুম্বা এরিয়া অদুদা লৈরিবা সেদ্যুল ত্রাইবকী মেম্বরশীংনা নত্ত্রগা মখোয়গী মরক্তা লম পিথোক-পীশিন তৌবা থীংবা নত্ত্রগা হন্থহনবা য়াই;
    • অসিগুম্বা এরিয়া অসিদা লৈবা STশীংগী মেম্বরশীংদা লম পীবগী মওং-মতৌ লেপথোকপা য়াই;
    • অসিগুম্বা এরিয়া অসিদা লৈবা STশীংগী মেম্বরশীংদা শেল শান্দোক্লিবা মীওইশীংনা শেল শানবগী ব্যুজিনেস তৌরিবদুগী মওং-মতৌ লেপথোকপা য়াই।
  • অসিগুম্বা রিগুলেসনশীং অসি শেম্বা মতমদা, গবর্ণরনা প্রেসিদেন্টকী অয়াবা লৌরগা, পার্লিয়ামেন্ট নত্ত্রগা ষ্টেট অদুগী লেজিস্লেচরগী এক্ট অমহেক্তবু নত্ত্রগা চৎনরিবা আইন অমহেক্তবু লৌথোকপা নত্ত্রগা শেমদোক-শেমজিন তৌবা য়াই।
  • করিগুম্বা TAC অমা লৈবা ওইরবদি, অসিগুম্বা TAC অসিগা তান্নদনা গবর্ণরনা রিগুলেসন অমত্তা শেম্লোইদবনি।

কনষ্টিট্যুসনগী মঙাশুবা সেদ্যুল য়েংনবগীদমক, মফমসিদা ক্লিক তৌবীয়ু

মঙাশুবা সেদ্যুল এরিয়া লৈবা ষ্টেটশীং

  • হৌজিক্কী ওইনা, অন্ধ্র প্রদেশ, ছটিসগর, গুজরাট, হিমাচল প্রদেশ, ঝারখন্দ, মধ্য প্রদেশ, মহারাস্ত্র, ওদিশা, রাজস্থান অমসুং টেলঙ্গানাদা মঙাশুবা সেদ্যুলগী এরিয়াশীং লৈরে।
  • কনষ্টিট্যুসনগী মঙাশুবা সেদ্যুলনা, সেদ্যুল এরিয়াশিংগা লোয়ন-লোয়ননা আসাম, মেঘালয়া, ত্রিপুরা অমসুং মিজোরাম হায়রিবা ষ্টেটশীং অসিখক নত্তনা অতৈ ষ্টেট অমহেক্তদা লৈরিবা সেদ্যুল ত্রাইবশীংগী এদমিনিষ্ট্রেসন অমদি কন্ত্রোল কোন্সিল্লি। কেরলা, টামিল নাদু, করনাটকা, ৱেষ্ট বেঙ্গল, উত্তর প্রদেশ অমসুং জম্মু অমসুং কশ্মিরদা খুন্দারিবা ত্রাইবেলশীংদি মঙাশুবা নত্ত্রগা তরুকশুবা সেদ্যুলগী মখাদা কোনশিন্দে।

সোর্স : http://pesadarpan.gov.in

2.65217391304
অদোমগী সজেসন পোষ্ট তৌরো

(মথক্কী কন্টেন্ট অসিদা অদোমগী কমেন্ট/সজেসন অমা লৈরবদি মসিদা পোষ্ট তৌবিয়ু).

Enter the word
নেৱিগতিওন
Back to top