প্রধান মন্ত্রি ফসল বিমা যোজনা

অনৌবা ক্রোপ ইন্সুরেন্স স্কিম অসি ৱান নেসন – ৱান স্কিম থীমগী লাইন্দনি। মসিনা মমাংদা লৈখিবা স্কিমশীংগী খ্বাইদগী ফবা ফিচরশীং ইনকোর্পোরেট তৌই অমসুং চপ মান্ননা, মমাংদা লৈখিবা অৱাৎপা/অশোনবা পুম্নমক লৌথোকখ্রে। PMFBY অসিনা হৌজিক লৈরিবা নেসনেল এগ্রিকলচরেল ইন্সুরেন্স স্কিম অমসুং মোদিফাইদ NAIS হায়রিবা স্কিম অনিসিগী মহুৎ শিনগনি।

পান্দমশীং

1. মহৌশাগী উপদ্রবশীং, তিন-কাংশীং অমসুং লায়নাশীংনা মরম ওইদুনা থারিবা মহৈ-মরোংশীং অদু মাং-তাকহনখিবা মতমদা লৌমীশীংদা ইন্সুরেন্স অমদি শেল-থুমগী মতেং পীবা।
2. লৌউ মখা চত্থনবগীদমক্তা লৌমীশীংগী ইনকম তংদু-লৈতাহনবা।
3. অনৌবা মওংগী অমদি হৌজিক্কী মতমগী ওইবা লৌউ মওং শীজিন্ননবা লৌমীশীংবু পুক্নিং থৌগৎপা।
4. এগ্রিকলচর সেক্টরদা ক্রেদিত লেপ্পা লৈতনা শোয়দনা চংহনবা।

স্কিমগী হায়লাইটশীং

• খরিফকী মহৈ-মরোং পুম্নমক্কী ওইনা 2% অমসুং রবিগী মহৈ-মরোং পুম্নমক্কী ওইনা 1.5% খক্কী চাং মান্নবা প্রেমিয়ম লৈগনি। করিগুম্বা চহিগী ওইবা কমর্সিএল অমসুং হোর্টিকলচরগী ওইবা মহৈ-মরোংশীংগী ওইনদি লৌমীশীংনা থীগদবা প্রেমিয়ম অসি শুপ্নগী 5% ওইগনি। লৌমীশীংনা পীগদবা প্রেমিয়মগী চাং অসি য়াম্না নেম্মী অমসুং মহৌশাগী উপদ্রপশীংনা মহৈ-মরোংশীং মাংহনখ্রবসু মপুংফাবা ইন্সুওর তৌরিবা শেনফম অদু লৌমীশীংদা ফংহন্নবগীদমক্তা সরকারনা লেমহৌরিবা বেলেন্স অদু পীগনি।
• সরকারগী সবসিদিদা অপ্পর লিমিট লৈরোই। করিগুম্বা বেলেন্স প্রেমিয়ম অদু 90% ওইরবফাউবদা মদু সরকারনা পুথোক্কনি।
• মমাংদদি, প্রেমিয়মগী চাং অসি কেপ্পিং তৌবগী প্রোভিজন লৈরম্মী অমসুং মদুনা লৌমীশীংদা অনেম্বা ক্লেমশীং ফংহল্লম্মী। কেপ্পিং অসি প্রেমিয়ম সবসিদিদা সরকারনা পীরিবা অদু লিমিট লৈহন্নবা তৌরম্বনি। কেপ্পিং অসি হৌজিক্তি লৌথোক্লে অমসুং লৌমীশীংনা শেনফম অমত্তা ককথবা লৈতনা মপুংফাবা ইন্সুওর তৌরিবা শেনফম অদুগী ক্লেম অদু ফংলগনি।
• টেক্নোলোজি শীজিন্নবসি য়াম্নমক পুক্নিং থৌগৎকনি। লৌমীশীংদা ক্লেমগী শেনফম ফংহনবদা থেংথদনবগীদমক মহৈ-মরোং লোকপদু স্মার্ট ফোনশীং শীজিন্নদুনা ফোটো নমগনি অমসুং অপলোদ তৌগনি। মহৈ-মরোং লোকপগী এক্সপিরিমেন্টশীংগী মশীং হন্থহন্নবগীদমক রিমোট সেন্সিং শীজিন্নগনি।
• PMFBY অসি NAIS / MNAISগী মহুৎশিনবা স্কিমনি অমসুং স্কিম অসি চৎনহনবদা শীজিন্নরিবা সর্ভিস পুম্নমক্কী সর্ভিস টেক্স লিএবিলিটি লৈরোই। মসিনা ইন্সুরেন্স প্রেমিয়মদা লৌমীশীংগীদমক চাদা 75দগী 80 ফাউবগী সবসিদি লৈহনগনি হায়না পারি।

কোনশিনগদবা লৌমীশীং

ঋতুগী মনুংদা খংহল্লবা মহৈ-মরোংশীং খংহল্লবা এরিয়া অমদা থারিবা অমসুং মহৈ-মরোং অদুদা ইন্সুওরেবল ইন্টরেষ্ট লৈবা লৌমী পুম্নমক ইলিজিবল ওইগনি।

কম্পলসরি ওইবা কভরেজ: খংহল্লবা মহৈ-মরোং খংহল্লবা এরিয়াদা থারিবা অমসুং ইন্সুওরেবল ইন্টরেষ্ট লৈরবা স্কিম অসিগী মখাদা এনরোল তৌবসি মখাদা পীরিবা লৌমীশীংগী কেটেগোরিশীংগীদমক্তা কম্পলসরি ওইগনি:

• ক্রোপ লোন একাউন্ট /KCC একাউন্ট (লোনি লৌমী হায়না কৌরবা) অমা লৈরবা, মহৈ-মরোংগী ঋতুদুগী মনুংদা খংহল্লবা মহৈ-মরোংদুগী ওইনা ক্রেদিট লিমিট সেঙ্কসন/রিন্যু তৌরবা খংহল্লবা এরিয়াদুদা লৈবা লৌমীশীং। অমসুং
• মতম-মতমগী মতুংইন্না সরকারনা মনুং চলহন্নবা লেপ্পা লৌমীশীং।

ভলুন্টরি ওইবা কোভরেজ: ক্রেদিট লিমিট রিন্যু তৌদবা ক্রোপ KCC /ক্রোপ লোন একাউন্ট হোল্ডরশীং য়াউনা মথক্কীসিগী মনুং চন্দবা লৌমী পুম্নমক্না ভলুন্টরি ওইবা কোভরেজ লৌবা য়াই।

স্কিম অসিগী মখাদা কোনশীল্লিবা রিস্কশীং

• পোত্থোক মাংবা (হৌরিবা মহৈ-মরোংশীং, নোটিফাই এরিয়া বেসিসতা)। লাম্মৈ, ব্রজ তাবা, নোংলৈ, লেন, সাইক্লোন, তাইফুন, অকনবা নুংশিৎ, হুরিকেন, তোর্নেদোনচিংবা থীংবা ঙমদবা রিস্কশীংনা থোকহনবা পোত্থোক মাংহনবশীংদা কম্প্রেহেন্সিভ ওইবা রিস্ক ইন্সুরেন্স পীরি। ঈচাউ, লৈবাক হাজিল্লকপা অমদি লৈরাই কিন্থবা, ঈকং, ঈশীং ফংদবা, তিন-কাং/লায়নানচিংবনা থোকহনবা রিস্কশীংসু কোনশীনগনি।
• করিগুম্বা নোতিফাই এরিয়া অমদা লৈবা ইন্সুওর তৌরবা অয়াম্বা লৌমীশীংনা মহৈ-মরোংশীং থাবা/হুনবা তৌনবগীদমক্তা চাদিং তৌখ্রবা, অদুবু ঈশীং-নুংশীৎকী ফিভম্না য়াদবদগী ইন্সুওর তৌরবা মহৈ-মরোংশীং অদু হুনবা/থাবা য়াদ্রবদি, ইন্সুওর তৌরিবা শেনফমদুগী য়াম্লবদা চাদা 25 ফাউবগী ইনদেমনিটি ক্লেমশীংগীদমক ইলিজিবল ওইগনি।
• মহৈ-মরোং লোক্লবা মতুংদা মাং-তাকপা থোক্লবদি, লৌবুক্তুদা কংহন্নবগীদমক্তা থম্লিবা “কক্লবা অমদি শন্দোক্লিবা” মহৈ-মরোংশীংদুগীদমক লোকপা নুমিত্তগী পারগা য়াম্লবদা নুমিৎ 14 ফাউবগী কোভরেজ ফংগনি।
• অকক্নবা মফম-মফমগী ওইবা খুদোংচাদবশীংগীদমক্তা, খংদোক্লবা মফমদুগী ওইবা রিস্কশীং হায়বদি লেন, লৈরাই কিন্থবা অমসুং লৈবাক হাজিল্লকপনচিংবনা খংহল্লবা এরিয়া অদুদা লৈবা নাইতোম তাবা ফার্মশীং শোকহল্লিবদুসু কোনশিনগনি।

ইন্সুরেন্সকী য়ুনিট

স্কিম অসি ‘এরিয়া এপ্রোচ বেসিস’ অমদা চৎনহনগনি, হায়বদি “নোটিফাইদ এরিয়া” হায়না খংনগদবা খংহল্লবা, ইন্সুরেন্সকী য়ুনিট অমা ওইনা লৌরগা, মদুগা চপ মান্ননা, ইন্সুওর তৌরবা লৌমীশীংগী মহৈ-মরোং খুদিংমক্কী পাক-শন্না মহৌশাগী উপদ্রপনা মাং-তাকহল্লে হায়না লৌরবা, মান্নবা রিস্ক থোক্লবদি, হেক্টর অমদা থোক্লিবা পোত্থোক অদুগা মান্ননা ইনকম তাল্লে হায়না লৌরগা ওইগনি।

মেজর ওইবা মহৈ-মরোংশীংগীদমক্তা তাক্লবা এরিয়া (হায়বদি ইন্সুরেন্সকী য়ুনিট) হায়বসি, অতোপ্পা মমিং অমা থোল্লবসু খুঙ্গং/খুঙ্গংগী পঞ্চায়তকী থাক অদুবুনি অদুগা অতৈ মহৈ-মরোংশীংগী ওইনদি খুঙ্গং/খুঙ্গংগী পঞ্চায়তকী থাক্তগী হেনবা সাইজগী য়ুনিট অমদুবুনি। মতমগী মতুংইন্না ইন্সুরেন্সকী য়ুনিট হায়বসি নোটিফাই তৌরবা মহৈ-মরোংদুগী হোমোজেনস ওইবা রিস্ক প্রোফাইল লৈবা জিও-ফেন্স/জিও-মেপ তৌরবা মফম অমা (Geo-Fenced/Geo-mapped region) ওইবা য়াই।

মফম-মফমগী ওইবা উপদ্রপশীং অমসুং পনখ্রিবা খুদোংচাদবশীংনা থোকহনবা লৌরোক মতুংগী মাং-তাকপশীংগীদমক্তি, মাং-তাকখিবগী এসেসমেন্টকী ইন্সুরেন্সকী য়ুনিট অসি লৌমী মশামক্কী ইন্সুওর তৌরিবা লৌফম অদুনা ওইগনি।

এক্টিভিটিগী কেলেন্দর

স্কিম অসিগী মতাংদা মপুংফাবা ইনফোর্মেসন লৌনবগীদমক্তা, মফমসিদা ক্লিক তৌবীয়ু।

সোর্স: মিনিষ্ট্রি ওফ এগ্রিকলচর এন্ড ফার্মরস ৱেলফেয়র, গবর্নমেন্ট ওফ ইন্দিয়া