সোইল হেলথ কার্দ

সোইল হেলথ কার্দ

সোইল হেলথ কার্দ (SHC) অসি মিনিষ্ট্রি ওফ এগ্রিকলচর অমসুং ফার্মরস ৱেলফেয়রগী মখাদা লৈবা দিপার্টমেন্ট ওফ এগ্রিকলচর অমসুং কো-ওপরেসননা প্রোমোট তৌবা গবর্ণমেন্ট ওফ ইন্দিয়াগী স্কিম অমনি। মসি ষ্টেট অমসুং য়ুনিয়ন টেরিটোরি পুম্নমক্কী এগ্রিকলচর দিপার্টমেন্টগী খুত্থাংদা চৎনহল্লি। SHC অমনা লৌমী খুদিংমক্তা নুপী নত্ত্রগা নুপাদুগী লৌফম অদুগী লৈহাউ লৈবগী ফিভম অদু খংহল্লি অমসুং মতম শাংনা লৈহাউ ফনা লৈনবা মহাক্না শীজিন্নগদবা হারগী চাং অমসুং লৈহাউদা শেমদোক-শেমজিন তৌবগী মথৌ তাবা পাউতাক পীগনি।

সোইল হেলথ কার্দ করিনো?

SHC অসি লৌমী অমনা মহাক্কী লৌফম খুদিংগী পীগদবা প্রিন্ট তৌরবা রিপোর্ট অমনি। মসিদা লৈহাউ অদুগী থাক অদু পেরামিটর 12দা হায়বদি, N,P,K (মেক্রো-ন্যুট্রিএন্টশীং); S (সেকেন্দরি-ন্যুট্রিএন্ট); Zn, Fe, Cu, Mn, Bo (মাইক্রো-ন্যুট্রিএন্টশীং); অমসুং pH, EC, OC (ফিজিকেল পেরামিটরশীং) অসিদা পীবা তাই। মসিদা য়ুম্ফম ওইদুনা ফার্ম অদুগী মথৌ তাবা শীজিন্নগদবা হার অমসুং লৈহাউ শেমদোক-শেমজিন অদুসু SHCনা তাক্কনি।

মতৌ করম্না লৌমী অমনা SHC শিজিন্নগনি?

কার্দ অদুদা লৌমী অমগী লৌফমগী সোইল ন্যুত্রিএন্ট ষ্টেটস অদুদা য়ুম্ফম ওইবা এদভাইজরি অমা য়াউগনি। মথৌ তারিবা তোঙান-তোঙানবা ন্যুত্রিএন্টশীংগী চাং অদুগী রিকোমেন্দেসনশীং অদু মসিনা উৎকনি। মখা তানা, মসিনা লৌমী অদুদা হাপকদবা হার অমসুং মদুগী চাং অদু তাক্কনি অমসুং পোত্থোক হেন্না লৈনবা মহাক্না লৈহাউ শেমদোক-শেমজিন তৌগদবা অদুসু মসিনা তাক্কনি।

লৌমী অদুনা চহি খুদিংগী অমসুং ক্রোপ খুদিংগী কার্দ অমা ফংগদ্রা?

মসি চহি 3 খুদিংগী অমুক্তং ফংগনি অমসুং মসিনা লৌমীগী লৌফম অদুগী মতমদুদা লৈখিবা লৈহাউ ফবগী চাংদু তাক্কনি। মথংগী চহি 3গী খুজিংদা পীবা SHC অসিনা মতম অদুগী মনুংদা লৈহাউগী ফিভমদা লৈখিবা অহোংবশীং রেকোর্দ তৌবা ঙমগনি।

সেম্পলিংগী নিয়মশীংদু করি করিনো?

লৈহাউগী সেম্পলশীং অসি ঈথৈ-লৌখোং লৈবা মফমদনা হেক্টর 2.5 অমসুং নোংগী ঈশীংনা চলাইবা মফমদনা হেক্টর 10গী চাংদা GPS টুলশীং অমসুং রেভেন্যু মেপশীংগী মতেংনা লৌথোক্কনি।

লৈহাউগী সেম্পল অসি কনানা লৌগনি?

ষ্টেট সরকারনা মখোয়গী এগ্রিকলচর দিপার্টমেন্টগী ষ্টাফশীং নত্ত্রগা আউটসোর্স তৌরবা এজেন্সি অমগী খুত্থাংদা লৌগনি। ষ্টেট গবর্ণমেন্টনা লোকেলগী ওইবা এগ্রিকলচর / সাইন্স কোলেজশীংগী ছাত্রশীংসু য়াউহনব য়াই।

লৈহাউ সেম্পলিংগীদমক চান্নবা মতম অসি করিনো?

লৈহাউ সেম্পলশীং অসি মহৌশানা চহি অমদা অনিরক, হায়বদি রবি অমসুং খারিফকী মহৈ-মরোংশীং মথংশিৎনা লোক্লবা মতুংদা নত্ত্রগা লৌফমদুদা মহৈ-মরোং অমত্তা হৌদ্রবা মতমদা লৌই।

লৌমী অমগী লৌফমদগী লৈহাউগী সেম্পলশীং অসি করম্না লৌগনি?

লৈহাউগী সেম্পল অসি ত্রেন তৌরবা মীওই অমনা সেমি 15-20 ফাউবা লুথবা মফমদগী “V” মওংদা কক্তুনা লৌগনি। মসি লৌফম অদুগী কাচিন মরিদগী অমসুং ময়াইদগী লৌগনি অমসুং মপুং ফানা য়ান্সিন্নগনি অদুগা মদুগী শরুক অমত্তমক সেম্পল অমগুম্না লৌগনি। উরুম লাংশীনবা মফমদগীদি লৌরোইদবনি। লৌরবা সেম্পল অদু খাউদা হাপচিনগনি অমসুং কোদ শেমগনি। মথংদা মদু এনালাইসিসকীদমক সোইল টেষ্ট লেবোরেটরিদা থাগনি।

সোইল টেষ্ট লেবোরেটরি অমা হায়বসি করিনো?

ৱাহং মশীং 2গী পাউখুমদা পীখিবগুম্না পেরামিটর 12গীদমক লৈহাউগী সেম্পল অদুবু চাংয়েং তৌনবগী খুদোংচাবা পীবা (facility) অমনি। খুদোংচাবা পীবা অসি অরেপ্পা নত্ত্রগা লেপ্তবা (static or mobile) ওইবা য়াই নত্ত্রগা রিমোট ওইবা মফমদা শীজিন্নবা য়াবা পুথোক-পুশিন য়াবা (portable) ওইবসু য়াই।

কনানা অমসুং কদাইদা লৈহাউগী সেম্পল অসি চাংয়েং তৌগদগে?

লৈহাউগী সেম্পল অসি এপ্রুভ তৌরবা ষ্টেন্দর্দগী মতুংইন্না পেরামিতর 12গীদমক্তা মখাদা পীরিবা মওং অসিদা চাংয়েং তৌগনি:

• এগ্রিকলচর দিপার্টমেন্টনা মপু ওইবা STLশীংদা মখোয় মশাগী ষ্টাফনা।
• এগ্রিকলচর দিপার্টমেন্টনা মপু ওইবা STLশীংদা আউটসোর্স তৌরবা এজেন্সিগী ষ্টাফনা।
• আউটসোর্স তৌরবা এজেন্সিনা মপু ওইবা STLশীংদা মখোয়গী ষ্টাফনা।
• KVKশীং অমসুং SAUশীং য়াউনা ICAR ইনষ্টিট্যুটশীংদা।
• সাইন্স কোলেজশীং/য়ুনিভর্সিটিশীংগী লেবোরেটরিশীংদা প্রোফেসর/ সাইন্টিষ্ট অমগী সুপরভিজন মখাদা ছাত্রশীংনা পাংথোকপা।

সেম্পল অমদা শেল কয়া পীগদগে?

ষ্টেট গবর্ণমেন্টনা সোইল সেম্পল অমদা লুপা 190 পী। মসিগী মনুংদা সোইল সেম্পল লৌবা, মসিগী চাংয়েং, সোইল হেলথ কার্দ পুথোকপা অমসুং লৌমীদা য়েন্থোকপগী মমল য়াউরে।

সোর্স : সোইল হেলথ কার্দ স্কিম

মরি লৈনবা রিসোর্সশীং

1. সোইল হেলথ কার্দ ফোর্মেট
2. সোইল হেলথ কার্দ দাউনলোদ তৌ