অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

শঙ্গোম অমসুং শঙ্গোমগী পোত্থোকশীংগী ওইবা NDDBগী ক্বালিটি মার্ক

ক্বালিটি মার্ক হায়বসি কোওপরেটিভ অমসুং এলাইদ দাইরি সেক্টরদা কঞ্জ্যুমরশীংগী থাজবা হেনগৎহন্নবগীদমক নেসনেল দাইরি দিভেলপমেন্ট বোর্দ (NDDB)না পায়খৎপা ক্বালিটি অমসুং ফুদ সেফটি ইনিসিএটিভ অমনি। ক্বালিটি মার্ক পীনবগী গাইদলাইনশীং অসিনা ফুদ সেফটি অমসুং ক্বালিটি মেনেজমেন্টগী অনৌবা/ অহেনবা সিষ্টেম অমা পীনবা খংহনবদি নত্তে অমদি মসিনা শুপ্নগী শঙ্গোম অমসুং শঙ্গোমগী পোত্থোকশীংদা ক্বালিটি লৈহন্নবগী চংদবা য়াদবা প্রোসেসশীংদু পীবখক্তনি।

পান্দম

ক্বালিটি মার্ক স্কিম অসিনা মখাদা পীরিবশীংসিগী পান্দম থম্লি।

  1. লৈবাক অসিদা লৈরিবা কোওপরেটিভ অমসুং এলাইদ দাইরি সেক্টরদা মশক থোকপা আইদেন্টিটি (মশক) পীবা।
  2. ক্বালিটি কলচর অমা শেমগৎপা।
  3. মখোয় অসিনা মখাদা পীরিবশীংসি ফংহনগনি:
    • কঞ্জ্যুমরগী থাজবা হেনগৎহনগনি অমসুং হেন্না ফগৎপা ব্রান্দ ইমেজ লৈহনগনি।
    • ওর্গানাইজেসনগী মতিক চাবা হেনগৎহনগনি।

শঙ্গোম অমসুং শঙ্গোমগী পোত্থোক্কী পেকেজশীংদা ক্বালিটি মার্ককী লোগো/ সিম্বোল হাপ্পনা, ফুদ সেফটি অমসুং ক্বালিটি মেনেজমেন্ট সিষ্টেমগী মতুংইন্না শঙ্গোম অমসুং শঙ্গোমগী পোত্থোকশীং শুংনবগী ওইনা পীরিবা ক্বালিটি পেরামিটরশীংগী মতুংইন্না মথৌ তাবা প্রোসেস পুম্নমক ইল্লে অমসুং চৎনহল্লে হায়বা তাকই।

ক্বালিটি মার্ক ফংনবা এপ্লাই তৌনবগী ইলিজিবিলিটি

মখাদা পীরিবা সেক্টরশীংগী ওইবা দাইরি য়ুনিটশীং/ ওর্গানাইজেসনশীং/ য়ুনিটশীং অসি, করিগুম্বা ক্বালিটি মার্ক গাইদলাইনশীংদা পীরিবা অতৈ মথৌ তাবশীং অদু মপুং ফারবদি ক্বালিটি মার্ক শীজিন্ননবগীদমক ইলিজিবল ওইগনি।

  • কোওপরেটিভ দাইরি ওর্গানাইজেসনশীং (দাইরি কোওপরেটিভ ফেদরেসন/ মিল্ক য়ুনিয়নশীং অমসুং প্রদ্যুসরশীংনা মপু ওইবা দাইরি ওর্গানাইজেসনশীং)
  • NDDBগী সবসিদিয়ারিশীং।
  • এজুকেসনেল ইনষ্টিট্যুটশীংগী দাইরি য়ুনিটশীং (গবর্ণমেন্ট/ গবর্ণমেন্টকী য়ুনিভর্সিটিশীং/ NDDB/ষ্টেট ফেদরেসনশীং/ য়ুনিয়নশীংদগী)।
  • গবর্ণমেন্টনা মপু ওইবা দাইরি য়ুনিটশীং।
  • NDDBনা অকক্ননা এপ্রুভ তৌরবা অতৈ য়ুনিটশীং।

তঙাইফদনা মথৌ তাবশীং

য়ুনিট অমনা ক্বালিটি মার্ক লৌনবগী এপ্লিকেসন অমা সবমিট তৌনবগী ইলিজিবল ওইনবগী তঙাইফদবা মথৌ তাবশীং মখাদা পীরি।

  • য়ুনিট অদু, ফুদ সেফটি এন্ড ষ্টেন্দর্দস এক্ট 2006 অমসুং মদুগী মখাদা পীরিবা রিগুলেসনগী মতুংইন্না মথৌ তাবা ফুদ সেফটি ওথোরিটি ওফ ইন্দিয়া (FSSAI)দগী ভেলিদ ওইবা (চৎনবা য়াবা) লাইসেন্স পায়বা ওইগদবনি।
  • য়ুনিট অদু, ক্বালিটি মার্ক মেনেজমেন্ট কমিটিনা সোর্টলিষ্ট তৌরবা (খনগৎলবা) সর্টিফাইয়িং বোদিশীংদগী ক্বালিটি এন্ড ফুদ সেফটি মেনেজমেন্ট সিষ্টেম (HACCP সর্টিফিকেসন-IS 15000গা লোয়নবা ISO 22000 নত্ত্রগা ISO 9001 গুম্বা)গী ভেলিদ ওইবা এক্রেদিটেসন ফংলবা ওইগদবনি।
  • য়ুনিট অদুগী ওপরেসনশীংগীদমক্তা শিজিন্নরিবা ঈশীং অদু ফুদ/ মিল্ক প্রোসেসিং য়ুনিট (IS: 4251)তা ঈশীং শিজিন্নবগী মতাংদা পীরিবা মরি লৈনবা ষ্টেন্দর্দশীং ইল্লবা ওইগদবনি।
  • মরি লৈনবা ষ্টেট এনভাইরনমেন্ট/ পোল্লুসন কন্ত্রোল বোর্দতগী ভেলিদ ওইবা ক্লিয়ারেন্স/ এপ্রুভেল ফংলবা ওইগদবনি।

করিগুম্বা য়ুনিট অমনা মথক্তা পনখ্রিবা ষ্টেচুটরি ক্লিয়ারেন্স পুম্নমকসি লৈত্রবদি; ক্বালিটি মার্ক পীনবগী/ ফংনবগী এপ্লাই তৌনবগীদমক ইলিজিবল ওইরোই।

ক্বালিটি মার্ক লৌনবগী এপ্লাই তৌরিবা অমসুং মথক্তা পনখ্রিবশীং অসিগী মতুংইন্না ইলিজিবল ওইরবা দাইরি প্লান্ট/ য়ুনিটশীংনা সপোর্টিং দোক্যুমেন্ট অমসুং ফিশীংগা লোয়ননা এপ্লিকেসনশীং অদু NDDBদা সবমিট তৌগদবনি। য়ুনিট অদুনা এপ্লিকেবল ওইবা ফিশীংগা লোয়ননা লুপা 50,000গী লম্পসম ওইবা শেনফম অমা, ইন্সপেক্সন মখল পুম্নমক্কী (প্রি-এৱার্দ ইন্সপেক্সন, অমসুং সর্ভিলেন্স/ সর্প্রাইজ ওদিটশীং) চার্জ পুম্নমক্কী ওইনা ইন্সপেক্সনগীদমক পীবা তাই। এপ্লিকেসন ফোর্ম লৌনবগীদমক্তা, মফমসিদা ক্লিক তৌবীয়ু।

য়ুনিট অদুগী এসেসমেন্ট/ ক্বালিটি মার্ক পীনবগী প্রোসিজর

ক্বালিটি মার্ক পীনবগীদমক য়ুনিট অদুগী এসেসমেন্ট তৌনবা ষ্টেপ-2গী এপ্রোচ অমা পাংথোক্কনি:

  1. প্রিলিমিনরি এসেসমেন্ট
    • এপ্লিকেসন অদুগা লোয়ননা সবমিট তৌখিবা দোক্যুমেন্টশীং/ ইনফোর্মেসন অদুদা য়ুম্ফম ওইদুনা প্রিলিমিনরি এসেসমেন্ট অমা পাংথোক্কনি।
    • প্রিলিমিনরি এসেসমেন্ট অদু মপুং ফাহনবদা করিগুম্বা মথৌ তারবদি অহেনবা ইনফোর্মেসন সবমিট তৌরক্নবগীদমক এপ্লিকান্ট য়ুনিট অদুদা খংহল্লকপা য়াই।
  2. ফাইনেস এসেসমেন্ট
    • প্রিলিমিনরি এসেসমেন্ট ক্বালিফাই ওইরবা য়ুনিটশীংখক্তমক ফাইনেল এসেসমেন্টগী খন্নগনি। এপ্লিকেসন অদুদা পিরিবা ফেক্টশীং অদু ভেরিফাই তৌনবা টিম অমনা সাইট অদুদা ভিজিট তৌবা, শঙ্গোম অমসুং শঙ্গোমগী পোত্থোকশীং শুংবদা শিজিন্নরিবা রো মেটরিএল পুম্নমক অদুগী ফুদ সেফটি অমসুং ক্বালিটি শোয়দনা লৈহন্নবা প্রোসেসশীং মতিক চানা ইল্লব্রা হায়বদু চেক তৌবা, ইনফ্রাষ্ট্রকচর, হায়জিন অমদি সেনিটেসন এসেস তৌবা অমসুং সেফ ওইবা অমসুং অফবা ক্বালিটিতগী শঙ্গোম অমসুং শঙ্গোমগী পোত্থোকশীং লেপ্তনা পুথোক্নবগী কেপেবিলিটি (তৌবা ঙম্বা) অদু য়ুনিট অদুদা লৈব্রা হায়বা এসেস তৌবনচিংবসি ফাইনেল এসেসমেন্ট হায়রিবসিগী মনুংদা চনগনি।
    • মেম্বর 3 (অহুম) ফাউবগী মনুংদা শেম্বা টিম অমনা মথক্তা পনখ্রিবশীং অসি এসেস তৌনবগীদমক্তা, য়ুনিট, প্রাইমারি প্রদক্সন সাইট, সপ্লাই চেইন, রিটেল পোইন্টনচিংবশীংগী ওনসাইট ইন্সপেক্সন তৌগনি।

ক্বালিটি মার্ককী লোগো শিজিন্নবা

ক্বালিটি মার্ক এৱার্দ তৌনবগী ক্রাইটেরিয়া য়ৌরবা দাইরি য়ুনিটশীংবু শঙ্গোম অমসুং শঙ্গোমগী পোত্থোকশীং য়াউবা পেকেজশীংদা ক্বালিটি মার্ক লোগো শিজিন্নবগী অয়াবা পীগনি। ক্বালিটি মার্ককী এৱার্দ অদু য়ুনিট (লোকেসনগী মতুংইন্না) অমসুং অকক্নবা পোত্থোক অমগী প্রোসেস অদুগীদমক অকক্ননা পীবা ওইগনি।

মার্ক অদু পেকেজ অদুদা য়োম্লিবা নত্ত্রগা পেকেট তৌরিবা নত্ত্রগা নপ্লবা লেবেল অমদা শিজিন্নবা/ থাবা য়াগনি। ‘ক্বালিটি মার্ক’ নি হায়না তাক্লবা অকক্নবা লোগো/ সিম্বোল অদুগা লোয়ননা এপ্রুভেল নম্বর অদু শঙ্গোম অমসুং শঙ্গোমগী পোত্থোকশীং অদুদা প্রিন্ট/ লেবেল তৌগনি। মার্কশীং অদু পাবা থোকপা অমসুং মুত্থৎপদা কোক্তবা ওইগদবনি, অমসুং ময়েকশীংদু কোম্না খংবা ঙম্বা (decipherable) অমসুং শেংনা উৎপা ওইগদবনি।

ক্বালিটি মার্ককী ভেলিদিটি অমসুং মসিগী রিন্যুএল

ক্বালিটি মার্ককী এৱার্দ অদু, ক্বালিটি অমসুং ফুদ সেফটি ষ্টেন্দর্দস ঙাকপগী অমসুং এগ্রিমেন্ট অদুগী টর্ম অমসুং কন্দিসনশীং ইনবগী মখা পোন্না, চহি অহুম চৎনগনি।

এসেসমেন্টকী মথৌ তাবা ষ্টেপ পুম্নমক মপুং ফাহন্নবা অমসুং ভেলিদিটি লোয়দ্রিঙৈগী মমাংদা রিন্যুএল অদু ফংবা ঙম্নবা মওংদা ক্বালিটি মার্ককী রিন্যুএল (মখা তানা শিজিন্নবগী এপ্রুভেল) তৌনবগী প্রোসেস অদু মাংজৌনবা মতমদা (মতম লোয়দ্রিঙৈগী মমাং য়ামদ্রবদা থা 6) হৌনবগী দায়ত্ব অসি য়ুনিট অদুগী ওইগনি। রিন্যুএল তৌনবগী প্রোসিজর অদু অনৌবা এপ্রুভেলগীদমক চংবদুগা চপ মান্নগনি।

মপুংফাবা গাইদলাইনশীং খংদোক্নবগীদমক, মফমসিদা ক্লিক তৌবীয়ু

সোর্স : নেসনেল দাইরি দিভেলপমেন্ট বোর্দ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate