ই-তুরিষ্ট ভিসা

ই-তুরিষ্ট ভিসানা ভিজিটর ওইগে খল্লিবা মীওই অদুবু মহাক্কী মরৈবাক্তগী ইন্দিয়ান মিসনদা চত্তনা অমসুং ওনলাইনদা ভিসা ফি অদুসু পীদুনা ইন্দিয়ান ভিসা অমগীদমক এপ্লাই তৌবা ঙমহল্লি। অমুকপু এপ্রুভ তৌখ্রবদি, মহাকপু ভারত্তা লাক্নবগী ওথোরাইজ তৌবা ইমেইল অমা ফংগনি অমসুং মহাক্না ওথোরাইজেসন অসিগী প্রিন্ট আউট অমগা লোয়ননা লাকপা য়াগনি। য়ৌরক্লবা মতমদা, ভিজিটর অদুনা ইমিগ্রেসন ওথোরিটিশীংদা ওথোরাইজেসন অদু পীবা তাই অদুগী মখোয়না লৈবাক অসিদা চংনবগী ষ্টাম্প নমগনি।

ফেসিলিটি অসি রিক্রিএসন, লম কোয়বা, অতেনবা মতমগী মেদিকেল ত্রিটমেন্ট, কেজুএল ওইবা ব্যুজিনেস ভিজিট, অসিনচিংবগীদমক্তা ভারত্তা কোয়রকপা ফোরেন্নরশীংদা ফংগনি। মসিনা ই-তুরিষ্ট ভিসা অদু এপ্রুভ তৌবা নুমিত্তগী পারগা নুমিৎ 30গী মনুংদা ভারত্তা লাকপা য়াহনগনি অমসুং মসি ভারত্তা থুংলবা নুমিত্তগী পারগা নুমিৎ 60নি চৎনবা য়াগনি। ই-তুরিষ্ট ভিসা অসি কেলেন্দর চহি অমদা অনিরক্তগী হেন্না লৌবা য়াদে। ফেসিলিটি অসিনা মীশীংবু অতেনবা মতমগী প্লানিংগা লোয়ননা লম কোয়বা লাকহনবদা, অতোপ্পা লৈবাকশীংদা কোয়বদা লম্বী ফাউখিনবা অমসুং ব্যুজিনেসগী ভিজিটতা ইমুং মনুংবু পুরকহনবদা পুক্নিং থৌগৎকনি।

ভারত সরকারনা ই-তুরিষ্ট ভিসা স্কিম অসি ইং 2014গী নবেম্বর 27তা হৌদোকখি। স্কিম অসি লৈবাক/টেরিটোরি 162 দা চৎনহল্লি। স্কিম অসি ETA (ইলেক্ট্রোনিক ত্রাভেল ওথোরাইজেসন)গী মওংদা ভিসা প্রি-ওথোরাইজেসন তৌনবগী প্রোভিজনগা লোয়ননা, মপুংফানা ওনলাইন মোদতা চৎনহল্লি। স্কিম অসিগী মখাদা লৈরিবা ভিসা সর্ভিস অসি অকক্নবা মতম লৈবা মওংদা চৎনহল্লি অমসুং ৱারেপ অসি এপ্লিকান্ট অদুনা ওনলাইন এপ্লিকেসন পীরকপা মতুং পুং 72গী মনুংদা ই-মেইলদা থাদুনা খংহল্লি।

ই-তুরিষ্ট ভিসা পায়বশিংনা ভারত্তা চংলকপা য়াবগী অয়াবা পীরিবা ভারতকী এয়রপোর্টশীং

ই-তুরিষ্ট ভিসা পায়বশীংনা মখাদা পীরিবা ভারতকী এয়রপোর্ট 16 হায়বদি, অহমেদাবাদ, অমৃতসর, বেঙ্গলুরু, চেন্নাই, কোচিন, দিল্লি, গয়া, গোৱা, হায়দ্রাবাদ, জয়পুর, কোলকতা, লক্ষনৌ, মুম্বাই, তিরুচিরাপলি, ত্রিবান্দ্রম অমসুং বারানাসি অসিগী মনুংদা অমহক্তদা, ভারত্তা চংলকপা য়াই ।

ইলিজিবিলিতি

• ভারত্তা লাকপগী পান্দম অসি রিক্রিএসন, লম য়েংবা, মরি মতা অমসুং মরুপ মপাং উনবা, অতেনবা মতমগী মেদিকেল ত্রিটমেন্ট নত্ত্রগা কেজুএল ব্যুজিনেস ভিজিট ওইবা ইন্টরনেসনেল ত্রাভেলরশীং।
• ভারত্তা থুংলবা নুমিত্তগী পারগা থা তরুক্কি ভেলিদিতি লৈবা পাসপোর্ট পায়বা ওইগদবনি। পাসপোর্ট অদুদা ইমিগ্রেসন ওফিসর অদুনা ষ্টাম্প নম্নবগীদমক য়ামদ্রবদা অহাংবা লামায় অসি লৈবা ওইগদবনি।
• ইন্টরনেসনেল ত্রাভেলরশীং অদুনা ভারত্তা লৈরিঙৈদা চাদিং তৌনবা শেল মতিক চানা পুরকপা অমসুং হনবগী তিকেট য়াউরকপা ওইগদবনি।
• পাকিষ্টানগী পাসপোর্ট পায়বা নত্ত্রগা পাকিষ্টানদগী হৌরকপা ইন্টরনেসনেল ত্রাভেলরশীং ওইরবদি মখোয়না রিগুলর ভিসাগীদমক্তা ইন্দিয়ান মিসনদা এপ্লাই তৌগদবনি।
• দিপ্লোমেতিক/ওফিসিএল পাসপোর্ট পায়বা মীওইশীংদদি চৎনরোই।
• মমা-মপা/ মপুরোইবা-নুপীগী পাসপোর্ট পায়বা মীওইশীংদদি চৎনরোই, হায়বদি মীওই খুদীংমক্কী তোঙান তোঙানবা পাসপোর্ট লৈগদবনি।
• ইন্টরনেসনেল ত্রাভেল দোক্যুমেন্ট পায়বশীংদদি চৎনরোই।

ই-তুরিষ্ট ভিসা এপ্লিকেসন প্রোসেস

• ওনলাইনদা এপ্লাই তৌ ফোটো অমসুং পাসপোর্ট পেজ অদু অপলোদ তৌ
• ক্রেদিত / ডেবিট কার্দ শিজিন্নদুনা ভিসা ফি অদু ওনলাইন্দা পীয়ু
• eTV ওনলাইন্দা লৌ। eTV অদু নহাক্কী ই-মেইলদা থারক্কনি
• ভারত্তা এরোপ্লেন্দা লাকউ। eTV প্রিন্ট তৌ অমসুং কোয়রকপা মতমদা পুরকউ

মতেংগীদমক্তা 24 * 7 ভিসা সপোর্ট সেন্টর +91-11-24300666 দা কোল তৌবীয়ু নত্ত্রগা send email to indiatvoa@gov.in দা ইমেইল থাউ।

সোর্স : ই-তুরিষ্ট ভিসা