দিজিটেল পুলিস পোর্টেল

দিজিটেল পুলিস পোর্টেল (Digital Police Portal) অসি, নাগরিকশিংগী মতেং পাংনবা অমসুং হেন্না মপাঙ্গল থোকপা পুলিস ইনভেষ্টিগেনশীং পীনবগীদমক মিনিষ্ট্রি ওফ হোম এফিয়ার্সনা পায়খৎপা স্মার্ট পুলিসিংগী খোংথাং অমনি।

দিজিটেল পুলিস পোর্টেলনা নাগরিকশীংবু ওনলাইনদা FIRশীং রেজিষ্টর তৌবা য়াহনগনি অমসুং পোর্টেল অসিনা অহৌবগী ওইনা রাজ্য অমসুং য়ুনিয়ন টেরিটোরি 34দা, মী অমসুং লৈফমগী ভেরিফিকেসন, খুদম ওইনা ইমপ্লোয়িশীং, ভারাদা লৈবা মীওইশীং, নর্সশীং অসিনচিংবশীং, মীয়ামগী ওইবা থৌরম পাংথোক্নবগী অয়াবা লৌবা, পোৎ-চৈ মাংবা অমসুং ফংবা, অমসুং গারি হুরানখিবগী পাউ পীবা অসিনচিংবা পব্লিক দেলিভরি সর্ভিস তরেৎ পীগনি। মসিগী মথক্তা, পোর্টেল অসিনা এন্টিসিদেন্ট ভেরিফিকেসন (মপা-মপুগী ভেরিফিকেসন) অমসুং FIRগী এসেসমেন্টগুম্বা তোপিকশীংগী মতাংদা লো এনফোর্সমেন্ট এজেন্সিশীংদা রেষ্ট্রিক্টেদ এক্সেস (restricted access) পীগনি।

পীরিবা সর্ভিসশীং

নাগরিকশীংদা

পোর্টেল অসি নাগরিকশীংগী ওইনা, ক্রাইমগা মরি লৈনবা কমপ্লেন্টশীং ওনলাইন ওইনা ফাইল তৌনবা অমসুং থবক পীগদৌবা ইমপ্লোয়িশীং (য়ুমগী থবক-ইনখাং তৌনবা মীওই, দ্রাইভর, অসিনচিংবা য়াউনা), ভারাদা লৈবা মীওইশীং নত্ত্রগা অতৈ হিরম অমহেক্তগীদমক হৌরকফমগী ভেরিফিকেসন তৌনবা হায়জফম প্লেটফোর্ম অমনি। নাগরিকশীংনা মখোয় মশাগী হৌরকফমগী (antecedents) সর্টিফিকেটসু লৌবা য়াই।

পুলিসতা পীরিবা কান্নবশীং

পোর্টেল অসিনা লৈবাক অসিদা থোকখিবা হৌজিক্কী অমসুং মমাংদা লৈখিবা ক্রাইমগী থৌদোকশীংগী দেটা পীরি। দেটা অসিনা ক্রিমিনেল কেসশীংদা মরাল শিরিবা নত্ত্রগা ফাদোক তারবা মীওইশীংগা লোয়ননা মদুগা মরি লৈনবা ইনফোর্মেসন হায়বদি, লন-থুম হুরানখিবা/ ফাগৎলবা, মী মাংখিবা, অশিবা হকচাং ফংখিবা/ মশক খংবা ঙমখিদবা অসিনচিংবসি পীরি। ইনফোর্মেসন অসিনা ক্রাইম অদুবু থীদোকপদা পুলিসশীংবু মতেং পাংবগা লোয়ননা নাগরিকশীংদা এন্টিসিদেন্ট ভেরিফিকেসন সর্ভিসশীং (antecedent verification services) পীগনি।

পোর্টেল অসিনা লৈবাক অসিদা থোক্লিবা ক্রাইমগী থৌদোক ময়ামসিগী থিমেটিক রিপোর্ট (thematic reports) কয়াসু পীদুনা পোলিসি এনালাইসিস অমসুং ইন্টরভেন্সনশীংদা মতেং পাংই। খুদম অমা ওইনা পল্লবদা, নুপী অমসুং অঙাংদা চত্থবা ক্রাইমশীং, সমাজদা ক্রাইমশীং চত্থরকপগী মওং, অকক্নবা চহি নত্ত্রগা মহৈ-মশিংগী থাক্তা লৈবা মীওই কাংলুপশীং চেন্নবা ক্রাইমগী মওং-মতৌ, অকক্নবা মফমশীংদা হেন্না চত্থবা উবা ক্রাইমশীং, অসিনচিংবা কয়াগা মরি লৈনবা রিপোর্টশীং পোর্টেল অসিদা য়াউরিবা দেটাদাগী ফংবা ঙমহল্লি।

পোর্টেল অসি মতৌ করম্না শিজিন্নগদগে

দিজিটেল পুলিস পোর্টেল দা অসি http://digitalpolice.gov.in/index.html শিজিন্নবা য়াগনি।

ক্রাইম অমা রিপোর্ট তৌবা

• নাগরিকশীংনা সেন্ত্রেল দিজিটেল পুলিস পোর্টেল শিজিন্নদুনা নত্ত্রগা মখোয়গী ষ্টেট সিটিজেন পোর্টেলগী খুত্থাংদা ক্রাইম অমা রিপোর্ট তৌবা য়াগনি।
• সেন্ত্রেল দিজিটেল পুলিস পোর্টেলগী খুত্থাংদা রেজিষ্টর তৌনবগীদমক্তা, নাগরিকশীংনা পোর্টেল অসিদা - http://digitalpolice.gov.in/ncr/State_Selection.aspx রেজিষ্টর তৌবা তাই।
• খংজিনগদবা : ভারতকী সংবিধানগী মতুংইন্না পুলিস, ক্রাইমগী ইনভেষ্টিগেসন, লো এন্ড ওর্দর ঙাকপা হায়বসি ষ্টেটকী মথৌনি। মরম অদুনা ষ্টেট পুলিসনা মখোয়না কোল্লিবা মফমশীংদা থোকপা ক্রাইম পুম্নমক থেংনবা হায়বসি মখোয়গী তঙাইফদবা থৌদাংনি। মসি য়েংদুনা, সেন্ত্রেল দিজিটেল পুলিস পোর্টেলদা তৌরকপা কমপ্লেন্ট পুম্নমক মখা তাবা প্রোসেসকীদমক্তা মরি লৈনবা ষ্টেট পুলিসতা ফোরৱার্দ তৌগনি অমসুং মদুগী কোপি অমা কমপ্লেন্ট তৌরিবা মীওই অদুদসু ফোরৱার্দ তৌরক্কনি।

মীওই অমবু ভেরিফিকেসন তৌবীনবা হায়জবা

• নাগরিকশীংনা সেন্ত্রেল দিজিটেল পুলিস পোর্টেল শিজিন্নদুনা নত্ত্রগা মখোয়গী ষ্টেট সিটিজেন পোর্টেলগী খুত্থাংদা মীওই অমগী ভেরিফিকেসনগীদমক্তা হায়জবা য়াই।
• সেন্ত্রেল দিজিটেল পুলিস পোর্টেলগী খুত্থাংদা হায়জনবগীদমক, নাগরিক অদুনা পোর্টেল অসিদা - http://digitalpolice.gov.in/ncr/State_Selection.aspx রেজিষ্টর তৌবা তাই।
• খংজিনগদবা : ভারতকী সংবিধানগী মতুংইন্না পুলিস, ক্রাইমগী ইনভেষ্টিগেসন, লো এন্ড ওর্দর ঙাকপা হায়বসি ষ্টেটকী মথৌনি। মরম অদুনা ষ্টেট পুলিসনা মখোয়না কোল্লিবা মফমশীংদা থোকপা ক্রাইম পুম্নমক থেংনবা হায়বসি মখোয়গী তঙাইফদবা থৌদাংনি। মসি য়েংদুনা, সেন্ত্রেল দিজিটেল পুলিস পোর্টেলদা তৌরকপা কমপ্লেন্ট পুম্নমক মখা তাবা প্রোসেসকীদমক্তা মরি লৈনবা ষ্টেট পুলিসতা ফোরৱার্দ তৌগনি অমসুং মদুগী কোপি অমা য়ুজর অদুদসু ফোরৱার্দ তৌরক্কনি।

ষ্টেটশীংগী ওইবা পুলিস সিটিজেন পোর্টেলশীং এক্সেস তৌনবগীদমক, মফমসিদা ক্লিক তৌবীয়ু।

সোর্স : দিজিটেল পুলিস পোর্টেল