ওনলাইনগী খুত্থাংদা RTI এপ্লিকেসন ফাইল তৌবা

রাইট তু ইনফোর্মেসন

হৌজিক্কী মতমদদি করিগুম্বা নহাক্না ন্যুজ চেনেল নত্ত্রগা ন্যুজপেপর অমহেক্তা হাংদোক্লুবা মতমদা করপসন অমসুং গবর্ণান্সকী মতাংদা পাউ নত্ত্রগা খন্ন-নৈনবা অমদি নহাক্না শোয়দনা উগনি। করপসনগী মায়োক্তা লান্থেংননবা অমসুং অফবা গবর্নান্স অমা লৈহন্ননবগীদমক ভারত সরকারনা আইন কয়া শেমখ্রে। ময়ামসিগী মনুংদা, য়াম্না মরুওইবা এক্ট অমদি ময়াম্না RTI হায়না খংনরিবা রাইট তু ইনফোর্মেসন এক্ট অসিনি।

আর্টিকল অসিনা ওনলাইনগী খুত্থাংদা RTI এপ্লিকেসন থানবগী প্রোসেস অদু মথং-মনাউ নাইনা তাক্লি।

RTI এক্ট হায়বসি করিনো?

RTI  এক্টনা সেন্ত্রেল অমসুং ষ্টেট গবর্ণমেন্টদগী ইনফোর্মেসন লৌনবগী অধিকার অমা ভারতকী নাগরিকশীংদা পীরি।

মখাদা পীরিবশীং অসি নহাক্না হংবা য়াবা ইনফোর্মেসনগী খুদম খরনি।

• দ্রাইভিং লাইসেন্স ইসু তৌবদা থেংথবগী মরম হংবা।
• গবর্ণমেন্টকী দিভেলপমেন্ট প্রোজেক্টতা শীজিন্নখিবা এক্সপেন্দিচর।
• পাসবুক নত্ত্রগা বেঙ্ককা মরি লৈনবা সর্ভিস অমহেক্তবু (PSU বেঙ্ক) পীদবগী মরম হংবা।

মতৌ অসিগুম্না, মীওই অমহেক্তনা এক্ট অসিগী মখাদা সেন্ত্রেল অমসুং ষ্টেট গবর্নমেন্টতগী ইনফোর্মেসন লৌবা য়াই।

ওনলাইনগী খুত্থাংদা RTI ইনফোর্মেসন ফাইল তৌবা

ইনফোর্মেসন লৌনবগীদমক্তা, নহাক্না এপ্লিকেসন অমা মরি লৈনবা দিপার্টমেন্ট অদুগী পব্লিক ওথোরিটিদা ইবা তাই। পব্লিক ওথোরিটি হায়বসি ইনফোর্মেসন অদু পীবগী দায়ত্ব লৌরিবা মীওই অদুবুনি। মরম অদুনা, গবর্ণমেন্ট ওর্গানাইজেসন খুদিংমক্তা ইনফোর্মেসন পীনবগীদমক মীওই অমদি পব্লিক ওথোরিটি ওইনা খল্লি।

RTI এপ্লিকেসন অসি হৌজিক্টি ওনলাইন (rtionline.gov.in) খুত্থাংদা পীশিনবা য়ারে। চানবীদুনা খংজিনবীগদবদি, মথক্তা পনখ্রিবা পোর্টেল অসিগী খুত্থাংদা, RTI এপ্লিকেসনশীং/ ফার্ষ্ট আপিলশীং অসি ভারতকী নাগরিকশীংখক্তনা নিয়ু দিল্লিদা লৈবা সেন্ত্রেল গবর্ণমেন্টগী মরুওইবা মিনিষ্ট্রিশীং/ দিপার্টমেন্টশীংখক্তদা থাবা য়াগনি। ৱেবসাইট অসি দিপার্টমেন্ট ওফ পর্সোনেল এন্ড ত্রেনিং (DoPT), গবর্ণমেন্ট ওফ ইন্দিয়ানা পায়খৎপা থৌশিল অমনি।

ৱেবসাইট https://rtionline.gov.in অসিদা ভিজিট তৌবীয়ু

1. নহাক্কী য়ুজর আইদি অমসুং পাসৱার্দ অদু “SIGN UP HERE” ওপশন (ৱেবসাইটকী মখাগী য়েত্থংবদা লৈরিবা) অসি ক্লিক তৌদুনা শেম্মু।
2. সাইন ইন তৌনবা নহাক্কী য়ুজর আইদি অমসুং পাসৱার্দতু শিজিন্নৌ।
3. লোগইন তৌরবা মতুংদা, ৱেবপেজগী মথক্কী য়েত্থংবা মতোন্দা নহাক্না “SUBMIT REQUEST” ওপশন অসি ফংগনি। RTI এপ্লিকেসন ফাইল তৌনবগীদমক চানবীদুনা “SUBMIT REQUEST” তা ক্লিক তৌবীয়ু।
4. অদুদগী নহাক্না RTI ওনলাইন পোর্টেল গাইদলাইনশীংগী লিষ্ট অমা ফংগনি। গাইদলাইন পুম্নমক পারবা মতুংদা, নহাক্না “I HAVE READ AND UNDERSTOOD THE ABOVE GUIDELINES” দা তিক তৌবা মথৌ তাই অমসুং মদুগী মতুংদা সবমিট ওপশন অদু ক্লিক তৌ।
5. মদুগী মথংদা নহাক্না ওনলাইন RTI ফোর্ম অমা ফংগনি। নহাক্না মখাদা পীরিবা মরুওইবা মচাক অহুম অসি পনবা মথৌ তাগনি -
• নহাক্না ইনফোর্মেসন লৌবা পাম্লিবা দিপার্টমেন্ট নত্ত্রগা মিনিষ্ট্রি অদু সেলেক্ট মিনিষ্ট্রি/ দিপার্টমেন্ট/ এপেক্স বোদি দ্রোপদাউন অদুদগী খনবা।
• নহাক্কী মীং, লৈফম, ফোন নম্বর, অসিনচিংবা লনাইগী অকুপ্পা মরোল পীবা।
• মরি লৈনবা দিপার্টমেণ্ট অদুদগী নহাক্না পাম্লিবা ইনফোর্মেসন অদু পনবা।
6. নহাক্না RTI ফি ওইনা লুপা 10 পীবা মথৌ তাই। RTI রুলস, 2012গী মতুংইন্না লায়রবগী পনখৈ মখাদা (BPL) লৈবা নাগরিক অমত্তনা RTI ফি পীবগী মথৌ তাদে। করিগুম্বা নাগরিক অমনা BPL কেটেগোরিদা লৈরবদি, মহাক্না ফোর্মদা য়াউরিবা “এপ্লিকান্ট অসি লায়রবগী পনখৈ মখাদা লৈব্রা” হায়না ইরিবদুদা য়েস হায়বা ওপশন অদু সেলেক্ট তৌগদবনি অমসুং সপোর্টিং দোক্যুমেন্টকী ফিল্ডদুদা মহাক্না BPL কার্দ সর্টিফিকেট অদু অপলোদ তৌবা তাই। এপ্লিকান্ট অদুনা RTI এপ্লিকেসন অদু সবমিট তৌনবগীদমক সবমিট বটন অদুদা ক্লিক তৌবা তাই।
7. নন - BPL এপ্লিকান্টগী ওইনদি, SBI অমসুং মসিগী এসোসিএট বেঙ্কশীংগী ইন্টরনেট বেঙ্কিং অমসুং মাষ্টর/ ভিসাগী দেবিট/ ক্রেদিট কার্দকী খুত্থাংদা লুপা 10 পেমেন্ট তৌবা তাই। পেমেন্ট অদু পীখ্রবা মতুংদা এপ্লিকেসন অদু সবমিট তৌবা য়াগনি।
8. এপ্লিকেসন অদু সবমিট তৌরবা মতুংদা, য়ুনিক রেজিষ্ট্রেসন নম্বর অমা ইসু তৌরক্কনি অমসুং মদু নহাক্না মতুং তারকপা রিফরেন্সশীংদা শিজিন্নবা য়াগনি। এপ্লিকেসন অদু সবমিট তৌখিবগা নহাক্না ইমেইল অমসুং sms এলর্ট (করিগুম্বা মোবাইল নম্বর পীখিবা তারবদি) অমসু ফংগনি।

নুমিৎ 30গী মতুংদা, মরি লৈনবা দিপার্টমেন্ট অদুদগী নহাক্না ইনফোর্মেসন ফংগনি। নহাক্কী এপ্লিকেসনগী ষ্টেটস অদু ৱেবসাইট পেজগী মথক্কী ময়াইথংবদা লৈরিবা “VIEW STATUS”  ওপশন অদুগী মতেংনা নহাক্না খংবসু য়াগনি।

মসিগা মান্ননা, নহাক্না ফার্ষ্ট আপিলগী RTI এপ্লিকেসন অদুসু চপ মান্নবা ৱেবসাইট অসিদা ৱেবসাইট অসিগী মতোন্দা লৈরিবা “SUBMIT FIRST APPEAL” ওপশন অদুদা ক্লিক তৌদুনা সবমিট তৌবা য়াই।

মরি লৈনবা রিসোর্সশীং

1. য়ুজর মেন্যুএল ফোর সিটিজেন ইন্টরফেস ওফ RTI ওনলাইন

সোর্স: সেন্ত্রেল ইনফোর্মেসন কমিসন