CICদা RTI কমপ্লেন্ট সবমিট তৌবা

RTI

RTI হায়বগী অর্থদি রাইট তু ইনফোর্মেসন হায়বনি অমসুং কনষ্টিট্যুসনগী আর্টিকল 19(1)গী মখাদা ফন্দামেন্টেল রাইট অমগী ষ্টেটস ওইনা পীরি। আর্টিকল 19 (1)গী মখাদা নাগরিক খুদিংমকপু মশাগী অনিংবা অপাম্বা ফোংদোকপা অমসুং ঙাংবগী নিংতম্বা অমসুং সরকারনা মতৌ করম্না থবক তৌবগে, মসিনা লৌগদবা থৌদাং করিনো, মসিগী ফঙ্কসন করিনো অসিনচিংবা কয়াগী মরমদা খংনবগী অধিকার পীরি।

ইনফোর্মেসন হায়বসি করিনো?

ইনফোর্মেসন হায়বসি ফোর্ম অমহেক্তগী মেটরিএল অমহেক্তবুনি। মসিগী মনুংদা রেকোর্দশীং, দোক্যুমেন্টশীং, মেমোশীং, ই-মেইলশীং, ওপিনিয়নশীং, এদভাইসশীং, প্রেস রিলিজশীং, সর্ক্যুলরশীং, ওর্দরশীং, লোগবুকশীং, কন্ত্রেক্টশীং, রিপোর্টশীং, পেপরশীং, সেম্পলশীং, মোদেলশীং অমসুং ইলেক্ত্রোনিক ফোর্ম অমহেক্তদা লৈরিবা দেটা মেটরিএল অসি চল্লি। মসিগী মনুংদা, পব্লিক ওথোরিটিনা মতমদুদা চৎনরিবা আইন অমহেক্তগী মখাদা এক্সেস তৌবা য়াবা প্রাইভেট বোদি অমহেক্তগা মরি লৈনবা ইনফোর্মেসন অসিসু চল্লি।

সেন্ত্রেল ইনফোর্মেসন কমিসন

সেন্ত্রেল ইনফোর্মেসন কমিসন অসি ভারত সরকারনা রাইট তু ইনফোর্মেসন এক্ট 2005গী মখাদা থোকপা গেজেট নোটিফিকেসন অমগী মখাদা শেম্বনি। কমিসন অসিগী মনুংদা চিফ ইনফোর্মেসন কমিসনর (CIC) অমসুং 10দগী হেন্দবা ইনফোর্মেসন কমিসনরশীং (IC) লৈগনি অমসুং মখোয় অসি ভারতকী প্রেসিদেন্টনা খল্লি।

CICদা আপিল/ কমপ্লেন্ট তৌবা

RTI এক্টনা নাগরিক পুম্নমক্তা পব্লিক ওথোরিটি অমনা পায়রিবা ইনফোর্মেসনবু এক্সেস তৌনবগী অধিকার পীরি। করিগুম্বা ইনফোর্মেসনশীংগী এক্সেস অসি নঙোন্দা পীদ্রবদি নহাক্না সেন্ত্রেল ইনফোর্মেসন কমিসন(CIC)দা আপিল/ কমপ্লেন্ট ফাইল তৌবা য়াই।

করম্বা মতমদা CICদা ওনলাইন কমপ্লেন্ট ফাইল তৌগদগে?

• সেন্ত্রেল পব্লিক ইনফোর্মেসন ওফিসর অমদা, অসিগুম্বা ওফিসর অসি এক্ট অসিগী মখাদা খন্দবনা মরম ওইদুনা, নত্ত্রগা সেন্ত্রেল এসিষ্টেন্ট পব্লিক ইনফোর্মেসন ওফিসর অদুনা এক্ট অসিগী মখাদা নহাক্না ইনফোর্মেসন পীবীনবা হায়জবা এপ্লিকেসন নত্ত্রগা আপিল অদু সেন্ত্রেল পব্লিক ইনফোর্মেসন ওফিসর নত্ত্রগা সেক্সন 19গী সব-সেক্সন (1)দা তাক্লিবা সেনিয়র ওফিসর নত্ত্রগা সেন্ত্রেল ইনফোর্মেসন কমিসনদা ফোরৱার্দ তৌনবগীদমক লৌ হায়বা য়াদবনা মরম ওইদুনা নহাক্কী এপ্লিকেসন অদু সবমিট তৌবা ঙমদবা মতমদা,

• করিগুম্বা সেন্ত্রেল পব্লিক ইনফোর্মেসন ওফিসর অদুনা এক্ট অসিগী মখাদা ইনফোর্মেসন এক্সেস তৌনবা রিক্বেষ্ট অদু য়ারক্ত্রবা,
• করিগুম্বা সেন্ত্রেল পব্লিক ইনফোর্মেসন ওফিসর অদুনা এক্ট অসিগী মখাদা পীরিবা মতমগী লিমিট মনুংদা নহাক্না রিক্বেষ্ট তৌরিবা ইনফোর্মেসন নত্ত্রগা ইনফোর্মেসনগী এক্সেস অদুগী পাউখুম অমত্তা পীরক্তবা মতমদা,
• করিগুম্বা সেন্ত্রেল পব্লিক ইনফোর্মেসন ওফিসর অদুনা নঙোন্দা, নহাক্না মরম চাদে হায়না খনবা ফিগী শেনফম অমা পীনবা খংহল্লক্লবা,
• এক্ট অসিগী মখাদা সেন্ত্রেল পব্লিক ইনফোর্মেসন ওফিসরনা নঙোন্দা মপুং ফাদবা, লান্না লমজিংগদবা নত্ত্রগা অরানবা ইনফোর্মেসন পীরে হায়না করিগুম্বা নহাক্না থাজরবা,
• করিগুম্বা নহাক্না সেন্ত্রেল পব্লিক ইনফোর্মেসন ওফিসরনা পীরক্লিবা পাউখুম অদুদা পেন্দ্রবদি নহাক্না ওনলাইন কমপ্লেন্ট অসি ফাইল তৌবা য়াই।

PDF/JPG/GIFগী ফোর্মেত্তা পীশিনগদবা মথৌ তাবা দোক্যুমেন্টশীং

• BPL সর্টিফিকেট (করিগুম্বা নহাকনা ফিগী একজেম্পসন পাম্লবদি)
• চহিগী প্রুফ (করিগুম্বা নহাক অসি সিনিয়র সিটিজেন ওইরবদি)
• হেলথ সর্টিফিকেট (করিগুম্বা নহাক অসি নামা শোয়রবদি)
• নহাক্না সবমিট তৌবা পাম্বা, নহাক্কী কেস অদুগী সপোর্ট তৌগদবা দোক্যুমেন্টশীং,
• দোক্যুমেন্ট পুম্নমক PDF/JPG/GIF ফোর্মেত্তা ওইগদবনি।
• এটেচ তৌরিবা ফাইলগী সাইজ অদু 2 MBদগী হেল্লোইদবনি।

ওনলাইন এপ্লিকেসনগী প্রোসেস

• ওনলাইন ওইনা এপ্লাই তৌনবগীদমক মফমসিদা ক্লিক তৌরো,
• ফোর্ম অদু মেন্সিল্লু অমসুং মথৌ তাবা দোক্যুমেন্টশীং এটেচ তৌরো,
• ফোর্ম অদু মেন্সিল্লবা মতুংদা “সেভ এজ দ্রাফ/সবমিট” বটন অদু ক্লিক তৌরো,
• ফোর্ম অদু দ্রাফ অমগুম্না সেভ তৌখ্রবদি, য়ুনিক কমপ্লেন্ট ID অমা পীরক্কনি,
• করিগুম্বা নহাক্কী দোক্যুমেন্ট অদু “সেভ এজ দ্রাফ” ওইনা সবমিট তৌরবদি, ফাইনেল সবমিসনগী মমাংদা নহাক্না ফোর্ম অদু এদিট তৌবা য়াগনি।

নহাক্কী কমপ্লেন্ট ষ্টেটস চেক তৌরো

• এপ্লিকেসন অদু সবমিট তৌরবা মতুংদা, নহাক্না এপ্লিকেসনগী ষ্টেটস অদু চেক তৌবসু য়াগনি।
• নহাক্কী কমপ্লেন্ট ষ্টেটস অদু চেক তৌবগীদমক্তা চানবীদুনা মফমসিদা ক্লিক তৌবীয়ু।

সোর্স: সেন্ত্রেল ইনফোর্মেসন কমিসন (CIC) পোর্টেল কন্টেন্ট টিম