ই-হোসপিটাল

ওনলাইন রেজিষ্ট্রেসন সিষ্টেম (ORS) অসি আধার লৈবা নাগরিকশীংনা ভারত্তা লৈবা তোঙান-তোঙানবা ষ্টেট অমসুং য়ুনিয়ন টেরিটোরিশীংদা লৈরিবা হোসপিটালশীংদা এপোইন্টমেন্টশীং লৌনবগীদমক এনরোল তৌবা য়াহনগদবা ওনলাইন পোরটেল অমনি। সর্ভিস অসিগী খুত্থাংদা, OPD এপোইন্টমেন্ট অমা, লেবকী রিপোর্টশীং অমসুং গবর্নমেন্ট হোসপিটাল অমদগী ঈ ফংবগী পাউ লৌবগী থবক অসি ওনলাইন ওইহল্লে অমসুং লায়হল্লে। ইং 2016, সেপটেম্বর ফাউবদা হোসপিটাল 46না দিপার্টমেন্ট 478 কোনশিন্দুনা সর্ভিস অসি পীরি।

মসিনা মতৌ করম্না থবক পাংথোকপগে

ওনলাইন রেজিষ্ট্রেসন সিষ্টেম (ORS) অসি, কাউন্টরদা য়ুম্ফম ওইবা আউট পেসেন্ট দিপার্টমেন্ট (OPD) রেজিষ্ট্রেসন অমসুং এপোইন্টমেন্ট সিষ্টেমবু হোসপিটাল মেনেজমেন্ট ইনফোর্মেসন সিষ্টেম (HMIS)গী খুত্থাংদা দিজিটাইজ তৌরবা হোসপিটালশীংদা ইমপ্লিমেন্ট তৌই।

পোর্টেল অসিনা তোঙান-তোঙানবা হোসপিটালশীংগী তোঙান-তোঙানবা দিপার্টমেন্টশীংগী ওনলাইন এপোইন্টমেন্টশীং লৌবদা মখাগী অসিগুম্না মতেং পাংই।

• করিগুম্বা পেসেন্ট অদুগী মোবাইল নম্বর অদু য়ুনিক আইদেন্টিফিকেসন ওথোরিটি ওফ ইন্দিয়া (UIDAI)দা রিজিষ্টর তৌবা ওইরবদি, আধার নম্বরগী ই-নো য়োর কষ্টমর (eKYC) দেটা শিজিন্নদুনা পাংথোকই।
• করিগুম্বা মোবাইল নম্বর অদু UIDAIদা রেজিষ্টর তৌদবা ওইরবদি মসিনা পেসেন্ট অদুগী মমীং শীজিন্নগনি।
• অনৌবা পেসেন্ট অদুনা এপোইন্টমেন্টগা লোয়ননা য়ুনিক হেলথ আইদেন্টিফিকেসন (UHID) নম্বর অদুসু ফংগনি। করিগুম্বা আধার নম্বর অদুনা হান্ননা UHID নম্বর অদুগা লিঙ্ক তৌনরবা ওইরবদি এপোইন্টমেন্ট নম্বর অদু পীরক্কনি অদুগা UHID অদুদি হান্নগীদু অদুম ওইগনি।

ফিচরশীং

• ইচম চম্বা এপোইন্টমেন্টগী প্রোসেস – নহাক্না অহানবা ওইনা হোস্পিতাল চৎপগী ওইনা, রেজিষ্ট্রেসন অমসুং দোক্টরগী এপোইন্টমেন্ট লৌবা অসি কোম্না পাংথোকহল্লি। নহাক্না তৌগদবসি শূপ্নগী নশাবু আধার নম্বর শীজিন্নদুনা ভেরিফাই তৌবা, হোসপিটাল  অমসুং দিপার্টমেন্ট খনবা, এপোইন্টমেন্টগী তাং খনবা অমসুং এপোইন্টমেন্টকী SMS ফংবা অসিনি।
• দেশবোর্দ রিপোর্টশীং – ৱেবকী খুত্থাংদা এপোইন্টমেন্ট লৌবা য়াবা হোসপিটালশীংগী অপুনবা মশীং অমসুং ওনলাইন ওইনা এপোইন্টমেন্ট লৌবা য়াবা মখোয়গী দিপার্টমেন্টশীং অদু রিপোর্টশীংদা য়েংবা য়াগনি। পোর্টেল অসিগী খুত্থাংদা এপোইন্টমেন্ট লৌরিবা অনৌবা অমসুং অরিবা পেসেন্টশীংগী ইনফোর্মেসন উৎপা অকুপ্পা রিপোর্টশীং য়েংবা য়াগনি।
• হোসপিটাল ওন বোর্দিং – হোসপিটালশীংনা প্লেটফোর্ম অসিদা লাকপা য়াই অমসুং পেসেন্টশীংনা ওনলাইন ওইনা বুক তৌনবগীদমক মখোয়গী এপোইন্টমেন্টগী মতমশীং (slots) পীবা য়াই। সিষ্টেম অসিনা হোসপিটালশীংবু মখোয়গী রেজিষ্ট্রেসন অমসুং এপোইন্টমেন্টকী প্রোসেস অদু কোম্না মেনেজ তৌবা অমসুং মখোয়বু মোনিটর তৌবসু ঙমহল্লি।

ওনলাইন এপোইন্টমেন্ট লৌনবগীদমক চংগদবশীং

অনৌবা পেসেন্টনা আধার নম্বরগা লোয়ননা রেজিষ্টর তৌরবা মোবাইল নম্বর অদুসু মথৌ তাই। সিষ্টেমনা পেসেন্ট অদুগী মশাগী ওইবা অকুপ্পা মরোলশীং অদু UIDAIদগী ফংবা eKYC দেটা শিজিন্নদুনা লৌগনি।

করিগুম্বা পেসেন্ট অদুগী আধার নম্বরদি লৈরবা অদুগা মোবাইল নম্বর অদু মদুদা রেজিষ্টর তৌদবা ওইরবদি, আধার কার্দ অদুদা ইরিবা পেসেন্টকী মমীং অদু শোয়দনা খংবা মথৌ তাই। ভেরিফিকেসনগী মতুংদা পেসেন্ট অদুনা মশাগী ওইবা অতৈ অকুপ্পা মরোলশিং অদু এন্টর তৌবা মথৌ তাই।

করিগুম্বা পেসেন্ট অদুগী আধার নম্বর লৈতবা তারবদি মহাক মশাগী ওইবা মোবাইল নম্বর, মমীং, মপাগী মমীং, মমাগী মমিং অসিনচিংবা এন্টর তৌবা মথৌ তাই।

অনৌবা পেসেন্ট অমগী এপোইন্টমেন্ট লৌনবগী প্রোসেস

• http://ors.gov.in/copp/appointment.jsp পোর্টেলদা ভিজিট তৌ।
• করিগুম্বা নহাক্না পেসেন্ট অদুগী আধার নম্বর লৈরবা অমসুং পেসেন্টকী মোবাইল নম্বর অদু UIDAIদা রেজিষ্টর তৌবা ওইরবদি, ৱান টাইম PIN (OTP) অদু UIDAIনা SMS কী খুত্থাংদা থারক্কনি অমসুং আধার পায়রিবা মীওই অদুনা UIDAIদা ষ্টোর তৌরিবা মহাক্কী KYC দেটা অদু OPD এপোইন্টমেন্ট লৌবগী থবক্তা শিজিন্ননবগীদমক্তা হোসপিটালদা শেয়র তৌনবগী অয়াবা পীবা মথৌ তাই।
• করিগুম্বা পেসেন্টকী মোবাইল নম্বর অদু UIDAIদা রেজিষ্টর তৌদবা ওইরবদি আধারদা লৈরিবদুগা মান্ননা পেসেন্টকী মমীং অদু পীবা তাই অমসুং UIDAIগা দেমোগ্রাফিক ওথেন্টিকেসন পাংথোক্লবা মতুংদা পেসেন্ট অদুদা মোবাইল নম্বর অমসুং লৈফম, চহি অসিনচিংবা অতৈ অকুপ্পা মরোলশীং পীনবা হায়গনি।
• করিগুম্বা য়ুজর অদুগী আধার নম্বর লৈতবা ওইরবদি, মহাক্না ওনলাইন এপোইন্টমেন্ট লৌবদি য়াগনি অদুবু পেসেন্টকী আইদেন্টিটি পীরবা মতুংদা হোসপীটালদগী OPD কার্দ লৌবা তাই।
• পেসেন্টনা চেক-অপকীদমক ভিজিট তৌবগী মথৌ তাবা গবর্নমেন্ট হোসপিটাল অমগী দিপার্টমেন্ট অদু য়ুজরনা সেলেক্ট তৌবা য়াই।
• মদুগী মতুংদা, য়ুজর অদুদা OPD এপোইন্টমেন্টকী অকুপ্পা মরোলশীং য়াউবা SMSকী খুত্থাংদা কনফার্মেসন অমা থাগনি।

নহাক্কী এপোইন্টমেন্ট অদু ওনলাইন ওইনা ফিক্স তৌনবগী অচম্বা ষ্টেপ খরা!

1. আধার নম্বর শিজিন্নদুনা নশামকপু ভেরিফাই তৌ।
2. হোসপিটাল/ দিপার্টমেন্ট খল্লু।
3. এপোইন্টমেন্টগী তাং খল্লু।
4. কনফার্মেসন SMS ফংউ।

ৱাহংশীংগীদমক্তা, চানবীদুনা helpdesk-orf@gov.in দা ইবীয়ু।

সোর্স: ORS

মরি লৈনবা রিসোর্সশীং

ওনলাইন OPD রেজিষ্ট্রেসন ফেসিলিটিনা কোনশিল্লবা হোসপিটালশীংগী লিষ্ট