ই-ৱালেটশীং সেক্যুওর ওইহনবা
ই-ৱালেটশীং সেক্যুওর ওইহনবা
ৱাহৌদোক
ইলেক্ট্রোনিক-ৱালেট (ই-ৱালেট) হায়বসি স্মার্ট ফোন নত্ত্রগা কম্প্যুটর শিজিন্নদুনা ফাইনান্সিএল ইনষ্ট্রুমেন্ট অমগা লোয়ননা (হায়বদি ক্রেদিট কার্দ নত্ত্রগা দিজিটেল করেন্সি অমগুম্বা) পোৎ-চৈ লৈবা, শেল ত্রান্সফর তৌবা, ফ্লাইট বুক তৌবা অসিনচিংবা ওনলাইন ই-কমর্চ ত্রাঞ্জেক্সনশীং য়াহল্লিবা ইলেক্ট্রোনিক এপ্লিকেসন অমনি। ই-ৱালেট কয়া মরাং কায়না “এপশীং”গী খুত্থাংদা দাউলোদ তৌনবগীদমক অমসুং পোইন্ট ওফ সেল (PoS) ত্রাঞ্জেক্সনশীং অমসুং ইন্দিভিজুএলশীংগী মরক্তা পিয়র-তু-পিয়র ত্রাঞ্জেক্সন অনিমক সপ্পোর্ট তৌনবগীদমক ওনলাইন ওইনা ফংলি। য়ুজর অদুনা করেন্সি অদু হান্না লোদ তৌরবা মরম্না অমদি মখোয়গী পেমেন্টশীং, একাউন্টশীং, ওফর লৌবা, মার্চেন্টতগী এলর্ট ফংবা, দিজিটেল রিসিপ্টশীং অমসুং ৱারেন্টি ইনফোর্মেসন থমজিনবনচিংবদা হেন্না ফবা মেনেজেবিলিটি লৈহন্দুনা অমসুং অচুম্বা পাসফ্রেজ, পাসৱার্দ অমসুং অসিগুম্বা ওথেন্টিকেসনগী ইনফোর্মেসনখক্তগী খুত্থাংদা এক্সেস তৌবা য়াহনবা মরম্না মখোয়না ত্রেদিস্নেল-ৱালেটশীংদগী হেন্না খুদোংচাবা হেল্লি।
মশীং য়াম্লবা IT কম্পনি, বেঙ্ক, তেলিকোম ফার্মশীং, ওনলাইন ই-কমর্চ পোর্টেল, টেক্সি-সর্ভিসশীং, সুপরমার্কেট চেইনশীং অসিনচিংবনা ই-ৱালেটশীং পীরি। কষ্টমরগী পর্সোনেলি আইদেন্টিফাইএবল ইনফোর্মেসন (PII's) কয়ানা হায়বদি মহাক্কী মমীং, মোবাইল ফোন নম্বর অমসুং মহাক্কী প্রোটেক্ট তৌরবা পর্সোনেল ইনফোর্মেসন হায়বদি কষ্টমর কার্দ নম্বরশীং, অরোনবা PIN, নেট বেঙ্কিংগী অকুপ্পা মরোল অসিনচিংবশীং অসি ই-ৱালেটশীংদা পর্মেনেন্ট ওইনা থমজিল্লি অমসুং বাইওমেত্রিক্স ওথেন্টিকেসন, ৱান-তাইম পাসৱার্দ (OTP) অসিনচিংবগী মতেংনা ফাইনেল ওথোরাইজেসনখক পীবা মথৌ তাহল্লি। পেমেন্ট প্রোসেস অদুদা সর্তিফিকেট পিনিং তৌবা অমসুং এনক্রিপসন শিজিন্নবনচিংবা সেক্যুরিটি মেকানিজমশীংগী প্রোসেস শীজিন্নৈ।
ই-ৱালেটশীংদা অকায়পা পীরকপা অমসুং মদুবু থেংননবা পাম্বৈশীং
- 1. মহুৎ শীনবা (Impersonation), SIM ওন্থোক্নবা (swapping)
- মহুৎ শিনবগী থৌওং অসি মীনম্বগী থবক তৌরিবা মীওই অমনা ইনফোর্মেসন হুরাল্লগা অশেংবা য়ুজর অমা শাদুনা হুরাল্লক্লিবা ই-ৱালেটকী অকুপ্পা মরোল অমসুং পাসৱার্দ অদু শিজিন্নদুনা ত্রাঞ্জেক্সন তৌনবা হোৎনবা মতমদা থোকই।
- SIM ওন্থোক্নবগী থৌওং অসি মীনম্বগী থবক তৌরিবা মীওই অদুনা অহানবদা য়ুজরগী ইনফোর্মেসন কলেক্ট তৌদুনা মদুবু মহাক্কী মোবাইল ফোন SIM কার্দ অদু ব্লোক তৌবদা শিজিন্নৈ অমসুং মদুগী মতুংদা মোবাইল ওপরেটরগী রিটেল আউটলেট অদুদা অশাবা আইদেন্টিটি প্রুফ অমগা লোয়ননা দুপ্লিকেট অমা লৌই। মোবাইল ওপরেটর অদুনা ব্লোক তৌরবা অশেংবা SIM কার্দ অদু দিএক্টিভেট তৌই অমসুং মীনম্লিবা মীওই অদুদা অনৌবা অনৌবা SIM অমা ইসু তৌই অমসুং মহাক্না হুরাল্লক্লিবা ইনফোর্মেসন অদু শিজিন্নদুনা ৱান-তাইম পাসৱার্দশীং জেনেরেট তৌই।
মহুৎ শিনবা অমসুং SIM ওন্থোক্নবগী থৌওংশীং থীংবা
সোসিএল ইঞ্জিনিয়রিংগী ত্রিকশীংগী লাংদা থুরোইদবনি:
- ফাইনান্সিএল সর্ভিস প্রোভাইদরশীং অমসুং সপোর্ট ষ্টাফশীংনা মখোয়গী কষ্টমরশীংদা মখোয়গী প্রাইভেট ইনফোর্মেসনশীং হায়বদি পাসৱার্দশীং নত্ত্রগা পেমেন্ট একাউন্ট নম্বরনচিংবা ই-মেইল রিক্বেষ্ট নত্ত্রগা ফোন ইনক্বারি অসিনচিংবগী খুত্থাংদা পীরক্নবা কৈদৌনুংদা হায়রক্লোই।
- মোবাইল নেটৱার্ক ওপরেটর খরদি মখোয়গী কষ্টমরশীংদা SIM স্বাপ তৌরে হায়বগী এলর্ট অমা থাই, মরি লৈনবা কষ্টমর অদুনা খুদক্তা মোবাইল ওপরেটর অদুদা কন্টেক্ট তৌদুনা মীনম শোরিবগী থবক অসি থীংবা য়াই।
- মেন-ইন-দি-মিদ্দল এটেক্ট অমসুং ফিসিং (Phishing)
মেন-ইন-দি-ব্রাউজর নত্ত্রগা মেন-ইন-দি-মিদ্দল এটেক্টশীংগুম্বা সোফিষ্টিকেটেদ ওইনা কিহনবশীংনা ওনলাইন ত্রাঞ্জেক্সনশীং অসি য়ুজর অদুনা মহাক্কী ক্রেদিট কার্দ নত্ত্রগা বেঙ্ক একাউন্টগী অকুপ্পা মরোলশীং অদু টাইপ তৌরিঙৈদা ইন্টরনেট ব্রাউজরদগী পেমেন্ট দেটা অদু পাদুনা ইন্টরসেপ্ট তৌই। ফিসিং এটেক্টশীং অসিনা য়ুজরগী লোগইনগী অকুপ্পা মরোলশীং অমসুং পর্সোনেল দেটা অদু হুরান্দুনা ই-ৱালেট একাউন্টশীং অদুদা মীনম শোরিবগী খুদোংথীনিংঙাই লৈহল্লি।
ফিসিং এটেক্টশীং থীংনবগীদমক মখাগীসি পাংথোকপা তাই:
ৱেব-পেজ অদুগী URL অদু মদুগী দিজিটেল সর্টিফিকেট ভেলিদেট তৌদুনা ৱেবসাইট অদুগী ওথেন্টিসিটি য়েংগদবনি। মসি পাংথোক্নবগীদমক, ফাইল > প্রোপর্টিজ > সর্টিফিকেটসতা চৎলু নত্ত্রগা ব্রাউজর ৱিন্দো অদুগী মথক্কী য়েত্থংবা নত্ত্রগা মখাগী কোর্নরদা লৈবা পেদলোক সিম্বোল অদুদা দবল ক্লিক তৌ। য়ুজর অদুদা পর্সোনেল ইনফোর্মেসন (দেবিট/ক্রেদিট/ATM পিন, CVV, এক্সপিয়ারি দেট, পাসৱার্দশীং, অসিনচিংবা) কনফার্ম তৌনবা নত্ত্রগা পীরক্নবা খংহল্লকপা ইমেইলশীং নত্ত্রগা টেক্সট মেসেজশীং পাউখুম পীরোইদবনি।
মালৱায়র এটেক্টশীং
এপশীংদা মালৱায়র এটেক্টশীং লাকপনা য়ুজরগী শেল অদুগী সেফটিদা অকায়বা লৈহল্লি। এটেক্কর অমনা এপ অদুদা এটেক্ট তৌনবগীদমক মালৱায়র অমা হাপচিনবা অমসুং অকুপ্পা মরোলশীং অদুবু লান্না শিজিন্ননবগীদমক্তা মহাক্কী ফোনদগী লৌবা ঙম্মী।
মালৱায়র এটেক্টশীংদগী ঙাকথোক্নবগীদমক্তা মখাগীসি পাংথোকপা তাই:
ৱালেট সোফটৱায়র অদু অপ টু দেট ওইনা থম্মু: সোফটৱায়রগী খ্বাইদগী নৌবা ভর্সন শিজিন্নবনা মরুওইবা ষ্টেবিলিটি ফংবদা অমসুং মতম চানা সেক্যুরিটিশীং ফিক্স তৌবা য়াহল্লি। অপদেটশীংনা অনৌবা কান্নরবা ফিচরশীং হাপচিনবা অমসুং ৱালেট অদু সেফ ওইবা থম্বদা মতেং পাংবা য়াউনা, অতৈ খুদোংথীবা কয়াবুসু থীংবা ঙম্মী। কম্প্যুটর নত্ত্রগা মোবাইলদা অতৈ সোফটৱায়র পুম্নমক্কী অপদেটশীং ইনষ্টোল তৌবা অসি ৱালেট অদুগী এনভাইরোনমেন্ট অদু হেন্না শাফনা থম্নবগীদমক্তা য়াম্না মরুওই।
সেক্যুরিটি সোফটৱায়র শিজিন্নৌ: ফায়রৱালশীং, ভাইরস অমসুং মালৱায়র দিটেক্সন অমসুং ইন্ত্রুসন-দিটেক্সন সিষ্টেমশীং, মোবাইল সেক্যুরিটি সোল্যুসনশীং য়াউনা থ্রেটশীং খংদোক্নবা অমসুং লৌথোক্নবগী এপ্লিকেসনশীং ইনষ্টোল তৌদুনা এক্টিভেট তৌশিনগদবনি।
ই-ৱালেটশীং সেক্যুওর ওইহন্নবগীদমক্তা তৌগদবা খ্বাইদগী ফবা প্রেক্টিসশীং
- দিভাইসশীংদা পাসৱার্দশীং এনেবল ওইহল্লু: ই-ৱালেটশীং শিজিন্নদ্রিঙৈদা য়ুজরগী ফোন, টেব্লেট অমসুং অতৈ দিভাইসশীংদা অকনবা পাসৱার্দশীং এনেবল তৌগদবনি। দিভাইসশীং অসিনা পীবা সেক্যুরিটিগী অহেনবা লেয়রশীং অদু শীজিন্নগদবনি।
- সেক্যুওর নেটৱার্ক কনেক্সনশীং শিজিন্নৌ: ত্রষ্ট লৈবা নেটৱার্কশীংদতা কনেক্ট তৌবা হায়বসি য়াম্না মরুওই। পব্লিক ৱাই-ফাই নেটৱার্কশীং শিজিন্নরোইদবনি। অকনবা পাসৱার্দশীং মথৌ তাহনবা "WPA নত্ত্রগা WPA2" হায়না মশক খংলবা হেন্না সেক্যুওর অমসুং ত্রষ্ট লৈরবা ৱাইফাই কনেক্সনশীং শীজিন্নগদবনি।
- ত্রষ্ট লৈরবা সোর্সশীংদগী এপশীং ইনষ্টোল তৌ: য়ুজর রেটিং অমসুং রিভিয়ুশীং পাবনা ই-ৱালেট এপ অদুগী ইন্টিগ্রিটি অদুগী মরমদা খরমখৈদি খংবা ঙমগনি। ই-ৱালেট অদুনা সেন্সিটিভ ওইবা ফাইনান্সিএল দেটা অদু সেক্যুওর ওইনা, রিলাইএবল ওইনা অমদি খুদোংচাবা মওংদা হেন্দল তৌব্রা অমসুং কষ্টমর সপোর্ট (কার্দ মাংখিবা নত্ত্রগা একাউন্টদা মীনম শোরিবা তৌবা মতমদা) পীব্রা হায়বদু য়েংগদবনি।
- লোগইন ক্রিদেন্সিএল সেক্যুওর ওইনা থম্মু: দিজিটেল ৱালেটশীং এক্সেস তৌবদা শিজিন্নবা ইনফোর্মেসনশীং অসি লান্না শিজিন্নখিদনবগীদমক মীনা হেক্তা উগদবা মওংদা ইশিনবা নত্ত্রগা প্রোটেক্ট তৌদবা ফাইলদা থমজিনবা তৌরোইদবনি।
- দিজিটেল ৱালেটকীদমক য়ুনিক ওইবা পাসৱার্দ অমা শেম্মু: অনওথোরাইজ এক্সেস তৌবগী খুদোংথীবা লৈহন্দনবা মীনা ভাবনা শাবদা লুগদবা য়ুনিক ওইবা পাসৱার্দশীং দিজিটেল ৱালেটতা শিজিন্নৌ।
- মীকুপ-নাহুম শিংনা লৈয়ু অমসুং সেল ফোনগী নেটৱার্ক কনেক্টিভিটি ষ্টেটস মুন্না খংউ অমসুং SMS অমসুং ইমেইলশীংগীদমক্তা রেজিষ্টর তৌ: শাউহনবা য়াবা কোল মশীং য়াম্না লাকপা তারবসু য়ুজর অদুনা মহাক্কী সেলফোন অদু স্বিটচ ওফ তৌরোইদবনি অমসুং মদুগী মহুত্তা পাউখুম পীরোইদবনি। মসি মহাক্কী ফোন অদু স্বিটচ ওফ নত্ত্রগা সাইলেন্টতা থমহন্দুনা মহাক্কী কনেক্টিভিটি অদুদা নমথাক তৌনবা থৌরাং ওইরম্বা য়াই। কষ্টমর অদুনা খংগদবদি করিগুম্বা মহাক্না ই-ৱালেটশীং শীজিন্নখিবগী SMS নোটিফিকেসন নত্ত্রগা কোল অমত্তা মতম শাংনা ফংদ্রবদি, অসিগুম্বা নমথাক্কী থৌওং অসিগী লাংদা থুদনবা, মহাক্কী মোবাইল ওপরেটর অদুদা ইনক্বারি তৌগদবনি।
- নমথাক তৌখিবগী ইসুশীংগী পোইন্ট ওফ কন্টেক্টশীং মশক খংদোকউ: ফোন অদু মাংখিবা নত্ত্রগা হুরানখিবা, ৱালেট অদুদা ষ্টোর তৌরিবা ইন্দিভিজুএল কার্দ মাংখিবা নত্ত্রগা একাউন্ট অদু হেক (hacked) তৌখিবা মতমদা, য়ুজরগী একাউন্ট অদুদা থোক্লকপা য়াবা নমথাক তৌবগী থৌওং অমহেক্তগী ইসুশীং ৱাখৈনবা চুনবা পোইন্ট ওফ কন্টেক্টশীং অদু য়ুজর অদুনা খংগদবনি। য়ুজর অদুনা ই-ৱালেট প্রোভাইদরগী কন্ট্রেক্ট টর্মশীং অমসুং কন্দিসনশীং মপুংফানা খংজিনগদবনি।
রিফরেন্স: http://www.cert-in.org.in/
সোর্স: infosecawareness.in
অকোনবা শেমদোকখিবা : 4/1/2020
