অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ইমিদিএট মনি ত্রান্সফর সিষ্টেম-UPI

ৱাহৌদোক

এপ্লিকেসন (শরুক য়ারিবা বেঙ্ক অমহেক্তগী) অমদা লৈহন্দুনা, বেঙ্কিংগী ফিচর কয়াবু পুন্সিন্দুনা, অপন-অরাক লৈহন্দনা ফন্দ থাবা অমসুং মার্চেন্ট পেমেন্ট তৌবা য়াহন্দুনা য়ুম্ফম অমদা পুন্না থম্বা সিষ্টেম অমনি। মসিনা মথৌ তাবা অমসুং খুদোংচাবগী মতুংইন্না সেদ্যুল শেম্বা অমসুং শেল পীবা য়াবা “পিয়র তু পিয়র” কলেক্ট রিক্বেষ্ট য়াহল্লি।

লৈবাক অসিদা লৈবা রিটেল পেমেন্ট সিষ্টেম পুম্নমকপু কোনশিল্লিবা ওর্গানাইজেসন (umbrella organisation) ওইরিবা নেসনেল পেমেন্টস কোর্পোরেসন ওফ ইন্দিয়া (NPCI)না, স্মার্টফোন শিজিন্নবা অমসুং মোবাইল দেটা শিজিন্নবা হেনগৎহনগদবা নেক্স জেনেরেসন ওনলাইন পেমেন্ট সোল্যুসন অমা ওইরিবা য়ুনিফাইদ পেমেন্ট ইন্টরফেস (UPI) অসি হৌদোকখ্রে।

UPIগী তোপ-তোপ্পা মশকশীং

করম্না মসি তোপ-তোপ্পা ওইরিবনো?

  • মোবাইল দিভাইসকী খুত্থাংদা 24*7 অমসুং নুমিৎ 365নি চুপ্না খুদক্তা শেল ত্রান্সফর তৌবা য়াহল্লি।
  • তোঙান-তোঙানবা বেঙ্ক একাউন্টশীং এক্সেস তৌনবগীদমক সিঙ্গল মোবাইল এপ্লিকেসন লৈগনি।
  • রিগুলেটরি গাইদলাইনশীংগা চান্নহল্লবা অদুবু অপন-অরাক লৈতবা সিঙ্গল ক্লিক পেমেন্টগী অকনবা ফিচর অমা পীরিবা সিঙ্গল ক্লিক 2 ফেক্টর ওথেন্টিকেসন লৈগনি।
  • শেল পীথোক-পীশিন্দা কষ্টমরগী ভর্চুএল এদ্রেস শিজিন্নবনা কষ্টমরশীংনা কার্দ নম্বর, একাউন্ট নম্বর, IFSC অসিনচিংবগী অকুপ্পা মরোলশীং এন্টর তৌবা মথৌ তাহন্দে অমসুং মসিনা কষ্টমরশীংদা সেক্যুরিটি পী।
  • মরুপ-মপাংশীংগা লোয়না বিল শেয়র তৌবা য়াহল্লি।
  • কেস ওন দেলিভরিগী খুদোংচাদবা, ATMদা চেনবা নত্ত্রগা চপ চাবা শেনফম পীবদা খ্বাইদগী ফবা পাউখুম ওইরি।
  • সিঙ্গল এপ্লিকেসন নত্ত্রগা ইন-এপ পেমেন্টশীংগা লোয়নবা মার্চেন্ট পেমেন্ট য়াহল্লি।
  • হিরম কয়াগী পেমেন্টশীং পীনবা অমসুং লৌনবগী সেদ্যুল শেম্বা য়াহল্লি।
  • য়ুটিলিটি বিল পেমেন্টশীং, কাউন্টরদা শেল পীবা, বারকোদ (স্কেন তৌদুনা শেল পীবা)তা য়ুম্ফম ওইবা পেমেন্টশীং য়াই।
  • দোনেসন, কলেক্সন, দিসবর্সমেন্ট স্কেল ওনবা য়াই।
  • মোবাইল এপতগী হকথেংননা কমপ্লেন্ট তৌবা য়াহল্লি।

 

UPIদা শরুক য়ারিবশীং

  • পেয়র PSP
  • পেয়ি PSP
  • রেমিটর বেঙ্ক
  • বেনিফিসরি বেঙ্ক
  • নেসনেল পেমেন্টস কোর্পোরেসন ওফ ইন্দিয়া (NPCI)
  • বেঙ্ক একাউন্ট হোল্ডরশীং
  • মার্চেন্টশীং

ইকোসিষ্টেম পার্টিসিপেন্টশীংদা পীবা কান্নবশীং

বেঙ্কশীংদা পীবা কান্নবশীং

  1. সিঙ্গল ক্লিক তু ফেক্টর ওথেন্টিকেসন
  2. ত্রাঞ্জেক্সনগী য়ুনিভর্সেল এপ্লিকেসন
  3. লৈরিবা ইনফ্রাষ্ট্রকচর শৌগৎপা
  4. হেন্না শাফবা, সেক্যুওর অমসুং ইনোভেটিভ ওইবা
  5. পেমেন্টতা য়ুম্ফম ওইবা সিঙ্গল/ য়ুনিক আইদেন্টিফায়র
  6. মার্চেন্ট ত্রাঞ্জেক্সনশীং অপন-অরাক লৈতনা পাংথোকপা ঙমহল্লি

এন্ড কষ্টমরশীংদা পীরিবা কান্নবশীং

  1. পুং কুনমরি চুপ্না ফংই
  2. তোঙান-তোঙানবা বেঙ্ক একাউন্টশীং এক্সেস তৌনবগী সিঙ্গল এপ্লিকেসন
  3. ভর্চুএল ID শিজিন্নবা হায়বসি হেন্না সেক্যুওর ওই, মরি-মখোং তাকপগী মথৌ তাদে
  4. সিঙ্গল ক্লিক ওথেন্টিকেসন
  5. মোবাইল এপতগী হকথেংননা কমপ্লেন্ট তৌবা য়াই

মার্চেন্টশীংদা পীবা কান্নবশীং

  1. কষ্টমরদগী অপন-অরাক য়াউদনা ফন্দ কলেক্সন য়াহল্লি-সিঙ্গল আইদেন্টিফায়রশীং
  2. কার্দশীংদা লৈবগুম্না কষ্টমরগী ভর্চুএল এদ্রেস থমজিনবগী রিস্ক লৈতে
  3. ক্রেদিট/ দেবিট কার্দ লৈতবা কষ্টমরশীংদা কান্নবা পী
  4. ই-কমর্চ অমসুং এম-কমর্চ ত্রাঞ্জেক্সনগীদমক্তা চুনৈ
  5. COD কলেক্সন প্রোব্লেম কোকহল্লি
  6. কষ্টমরদা সিঙ্গল ক্লিক 2FA ফেসিলিটি পী- সিমলেস পুল
  7. ইন-এপ পেমেন্টশীং (IAP)

 

UPI এনেবল তৌরবা এপ্লিকেসনদা রেজিষ্টর তৌবা

রেজিষ্টর তৌবগী ষ্টেপশীং:

  • য়ুজরনা UPI এপ্লিকেসন অদু এপ ষ্টোর/ বেঙ্কশীংগী ৱেবসাইত্তগী দাউনলোদ তৌই।
  • য়ুজরনা মহাক্কী প্রোফাইল অদু অকুপ্পা মরোলশীং হায়বদি মমীং, ভর্চুএল আইদি (পেমেন্ট এদ্রেস), পাসৱার্দ, অসিনচিংবা এন্টর তৌদুনা শেম্মী।
  • য়ুজরনা “এদ/লিঙ্ক/মেনেজ বেঙ্ক একাউন্ট” ওপশন্দা চৎকনি অমসুং বেঙ্ক অমসুং একাউন্ট নম্বর অদু ভর্চুএল আইদিগা লিঙ্ক তৌনহনগনি।

M– PIN জেনেরেট তৌবা

  • য়ুজরনা ত্রাঞ্জেক্সন অদু ইনিসিএট তৌবা পাম্বা বেঙ্ক একাউন্ট অদু খনগনি।
  • য়ুজরনা ওপশন অমা ক্লিক তৌগনি।
  1. a. মোবাইল বেঙ্কিং রেজিষ্টর তৌবা/ MPIN জেনেরেট তৌবা

b. M-PIN হোংবা

3(a)গী মতাংদদি-

  • য়ুজরনা ইসুয়র বেঙ্কতগী মহাক্কী রেজিষ্টর তৌবা মোবাইল নম্বরদা OTP ফংই।
  • য়ুজরনা দেবিট কার্দ নম্বরগী অরোয়বা দিজিট 6 অমসুং এক্সপিয়ারিগী তাং অদু এন্টর তৌগনি।
  • য়ুজরনা OTP এন্টর তৌগনি অমসুং মহাক্না পাম্বা ন্যুমরিক MPIN (মহাক্না সেট তৌবা পাম্বা MPIN) এন্টর তৌগনি অমসুং সবমিটতা ক্লিক তৌগনি।
  • সবমিট ক্লিক তৌরবা মতুংদা, কষ্টমরনা নোটিফিকেসন (মায়পাক্লে নত্ত্রগা য়াদ্রে) ফংগনি।

2(b)গী মতাংদদি–

  1. য়ুজরনা মহাক্কী অরিবা MPIN অমসুং মহাক্না পাম্বা অনৌবা MPIN (মহাক্না সেট তৌবা পাম্বা MPIN) অদু এন্টর তৌগনি অমসুং সবমিটতা ক্লিক তৌগনি।
  2. সবমিট ক্লিক তৌরবা মতুংদা, কষ্টমর অদুনা নোটিফিকেসন (মায় পাক্লে নত্ত্রগা পাক্ত্রে) ফংগনি।

UPI ত্রাঞ্জেক্সন অমা পাংথোকপা

A. PUSH–ভর্চুএল এদ্রেস শীজিন্নদুনা শেল থাবা

  1. য়ুজরনা UPI এপ্লিকেসনদা লোগ ইন তৌগনি।
  2. মায়পাক্না লোগইন তৌরবা মতুংদা, য়ুজরনা শেল থাবা/ পেমেন্টগী ওপশন অদু খনগনি।
  3. য়ুজরনা বেনিফিসরি/ পেয়িগী ভর্চুএল আইদি, এমাউন্ট এন্টর তৌগনি অমসুং শেল লৌথোকখিগদবা একাউন্ট অদু খনগনি।
  4. য়ুজরনা পেমেন্টকী অকুপ্পা মরোলশীং রিভ্যু তৌনবা কনফার্মেসন স্ক্রি অমা ফংগনি অমসুং কনফার্মদা ক্লিক তৌগনি।
  5. হৌজিক য়ুজরনা MPIN এন্টর তৌগনি।
  6. য়ুজরনা মায়পাকপা নত্ত্রগা পাক্তবগী মেসেজ ফংগনি।

B. PULL–শেল পীনবা রিক্বেষ্ট তৌবা

  1. য়ুজরনা মহাক্কী বেঙ্ককী UPI এপ্লিকেসনদা লোগইন তৌগনি।
  2. মায়পাক্না লোগইন তৌরবা মতুংদা, য়ুজরনা শেল কলেক্ট তৌনবগী (পেমেন্টগী রিক্বেষ্ট) ওপশন অদু খনগনি।
  3. য়ুজরনা রেমিটর/ পেয়রগী ভর্চুএল আইদি, এমাউন্ট অমসুং ক্রেদিট তৌগদবা এমাউন্ট অদু এন্টর তৌগনি।
  4. য়ুজরনা পেমেন্টকী অকুপ্পা মরোলশীং অদু রিভ্যু তৌনবা কনফার্মেসন স্ক্রিন ফংগনি অমসুং কনফার্মদা ক্লিক তৌগনি।
  5. শেল পীনবগী রিক্বেষ্ট নোটিফিকেসন অদু পেয়র অদুনা মহাক্কী মোবাইলদা ফংগনি।
  6. পেয়র অদুনা নোটিফিকেসন অদুদা ক্লিক তৌগনি অমসুং মহাক্কী বেঙ্ককী UPI এপ অদু হাংদোক্তুনা পেমেন্ট রিক্বেষ্ট অদু রিভ্যু তৌগনি।
  7. পেয়র অদুনা এক্সেপ্ট নত্ত্রগা দেকলাইন অদুদা মহাক্কী অনিংবা মতুংইন্না ক্লিক তৌবা য়ারে।
  8. পেমেন্ট এক্সেপ্ট তৌরবদি, পেয়র অদুনা ত্রাঞ্জেক্সন অদু ওথোরাইজ তৌনবা MPIN এন্টর তৌগনি।
  9. ত্রাঞ্জেক্সন মপুং ফারবা মতুংদা, পেয়র অদুনা মায়পাকপগী নত্ত্রগা য়াদবগী ত্রাঞ্জেক্সন নোটিফিকেসন ফংগনি।

10.  পেয়ি/ রিক্বেষ্ট তৌরিবা মীওই অদুনা বেঙ্কতগী মহাক্কী বেঙ্ক একাউন্টতা ক্রেদিট তৌরে হায়বগী নোটিফিকেসন অমসুং SMS ফংগনি।

সোর্স: নেসনেল পেমেন্ট কোর্পোরেসন ওফ ইন্দিয়া

অকোনবা শেমদোকখিবা : 2/24/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate