দিজিটেল পেমেন্ত প্রোমোসনগী অনৌবা ঈ-পাউ খংহনবা

দিজিটেল পেমেন্টশীং প্রোমোট তৌনবগীদমক্তা দিজিশালা DD চেনেল হৌদোকখ্রে

দূরদর্শন DTH চেনেল অমা ওইরিবা দিজিশালা (DigiShala) অসি মখল-মখা কয়াগী দিজিটেল পেমেন্টগী মওংশীঙ  মীয়ামদা খং-হৈহন্নবা অমসুং ঈ-পাউ পীনবা হৌদোকখ্রে। চেনেল অসিনা মীয়াম্বু য়ুনিফাইদ পেমেন্টস ইন্টরফেস (UPI), USSD, আধার-এনেবল পেমেন্টস সিষ্টেম, ইলেক্ত্রোনিক ৱালেটশীং, দেবিট অমসুং ক্রেদিট কার্দশীং শিজিন্নবা হৈহনবদা মতেং পাংগনি।

দূর দর্শন (DD) ফ্রি দিশনা মরুওইনা খুঙ্গংগী মফমদা লৈবা অমসুং লায়রবা মীওইশীংনা অয়াম্বা ওইবা ইমুং-মনুং ক্রোর 2 দগী 2.5 ফাউবদা য়ৌরি। দিজিশালা (DigiShala) অসি  DD ফ্রি দিশ (Free Dish)তা ফংবা এজুকেসন অমসুং নন-কমর্সিএল TV চেনেল অমনি অমসুং মসিগী পান্দমদি মখাদা পিরিবশিনি:

• দিজিটেল পেমেন্ট ইকোসিষ্টেম, মসিগী তুলশীং, কান্নবশীং অমসুং প্রোসেসশীংগা মরি লৈননা ইজুকেসন পীবা।
• দিজিটেল ইন্দিয়া – কেসলেস, ফেসলেস অমসুং পেপরলেসকী মতাংদা নাগরিকশীংদা খংহনবা অমসুং তম্বীবা।
• মরুওইনা রুরেল অমসুং সেমি-অর্বানদা লৈরিবা নাগরিকশীংবু দিজিটেল পেমেন্টশীং অমসুং দিজিটেল ইন্দিয়ানা পীরিবা অতৈ প্রদক্ট অমসুং সর্ভিসশীং শিজিন্ননবা পুক্নিং থৌগৎপা।

দিজিশালা সবস্ক্রিপসনগী অকুপ্পা মরোলশীং

• রিসিভিং ফ্রিক্বেন্সি 11590 MHzগা কোন্নবা ফ্রি টু এয়র (FTA) চেনেল।
• সেটলাইট/ লোকেসন: GSAT 15 (DD Direct DTH), 93.5 দিগ্রি নোংপোক্তা।
• DD ফ্রি দিশ DTH সর্ভিসতা জাতিগী ওইনা ব্রোডকাষ্ট তৌই।
• সবস্ক্রিপসন ফি অমত্তা য়াউদবা শেল ইচং চংদবা সর্ভিস।
• দিজিশালা TV চেনেল অসি দিশ TV (জি (Zee) গ্রুপকী) চেনেল নম্বর 2032দসু ফংই।

দিজিশালা TV চেনেলগী প্রোগ্রাম সেদ্যুল য়েংনবগীদমক, মফমসিদা ক্লিক তৌবীয়ু।

সোর্স: কেসলেস ইন্দিয়া ৱেবসাইট

NITI আয়োগনা দিজিটেল পেমেন্টকী ইন্সেন্টিভ পীনবগী স্কিমশীং হৌদোক্নবা লাউথোকখ্রে।

NITI আয়োগনা পর্সোনেল কঞ্জুম্পসন এক্সপেন্দিচরগীদমক দিজিটেল পেমেন্ট ইনস্ত্রুমেন্টশীং শীজিন্নবা কঞ্জুমর অমসুং মার্চেন্টশীংদা শেলগী এৱার্দ পীনবা লকি গ্রাহক যোজনা (Lucky Grahak Yojana) অমসুং দিজি-ধন ব্যাপার যোজনা (Digi-धन Vyapar Yojana) হায়বা স্কিমশীং হৌদোক্নবা লাউথোকখ্রে। স্কিম অসিনা অখন্ননা লায়রবা, খরা নেম্বা মিদ্দল ক্লাস অমসুং অপিকপা ব্যুজিনেসশীংবু দিজিটেল পেমেন্টগী লমদা পুশীল্লকপদা মীৎয়েং থম্লি। স্কিম অসিগীদমক্তা ইমপ্লিমেন্টিং এজেন্সি অসি নেসনেল পেমেন্ট কোরপোরেসন ওফ ইন্দিয়া (NPCI)না ওইহন্নবা লেপখ্রে।

স্কিমশীং অসিগী প্রাইমারি ওইবা পান্দমদি সমাজদা লৈরিবা সেক্সন পুম্নমক্না, মরুওইনা লায়রবা অমসুং মিদ্দল ক্লাসনা ইলেক্ট্রোনিক পেমেন্টশীং শীজিন্নহন্নবগীদমক দিজিটেল ত্রাঞ্জেক্সনশীংদা ইন্সেটিভ পীবশিনি। মসি সমাজদা লৈরিবা সেক্সন পুম্নমক অমসুং মখোয়না শীজিন্নবগী মওং-মতৌ য়েংদুনা দিজাইন তৌবনি। খুদম ওইনা, লায়রবশীংগী মরক্তা খ্বাইদগী হেন্না লায়রবশীংনা USSD শিজিন্নদুনা রিৱার্দ ফংনবগীদমক ইলিজিবল ওইগনি। খুঙ্গং অমসুং রুরেল এরিয়াদা লৈবা মীয়াম্না স্কিম অসিদা AEPSকী খুত্থাংদা শরুক য়াবা য়াগনি। স্কিম অসি 25 দিসেম্বর, 2016দা পাংথোক্কদবা অহানবা দ্রো অসিগা লোয়ননা (খৃষ্টমাসকী খুদোল ওইনা) ওপরেসনেল ওইরগনি অমসুং ববাসাহেব আম্বেদকর জয়ন্তি নুমিত্তা, হায়বদি এপ্রিল 14, 2017দা মেগা দ্রো অমা পাংথোক্কনি। মসিদা মরুওইবা কম্পোনেন্ট অনি হায়বদি, অমনা কঞ্জুমরশীংগীদমক অমসুং অতোপ্পা অমনা মার্চেন্টশীংগীদমক য়াউগনি:

a)লকি গ্রাহক যোজনা (কঞ্জুমরশীং)

• নুমিৎ খুদিংগী ওইনা লাইবক ফবা কঞ্জুমর 15,000দা নুমিৎ 100নিগী ওইনা লুপা 1000 পীগনি;
• দিজিটেল মেথদশীংগী অলটরনেট মোদশীং শীজিন্নবা কঞ্জুমরশীংগীদমক্তা লুপা লাখ 1, লুপা 10,000 অমসুং লুপা 5000গী ওইবা চয়োলগী প্রাইজশীং পীগনি।

মসিগী মনুংদা মওং খুদিংমক্কী ত্রাঞ্জেক্সনশীং, হায়বদি UPI, USSD, AEPS অমসুং রুপে কার্দশীং অসি চনগনি অদুবু মতাংসিদা প্রাইভেট ক্রেদিট কার্দশীং অমসুং দিজিটেল ৱালেটশীংগী খুত্থাংদা পাংথোকপা ত্রাঞ্জেক্সনশীংদি য়াউরোই।

b)দিজি-ধন ব্যাপার যোজনা (মার্চেন্টশীং)

• মার্চেন্ট ইষ্টাব্লিসমেন্টশীংদা পাংথোকপা দিজিটেল ত্রাঞ্জেক্সন পুম্নমক্কী ওইনা মার্চেন্টশীংগীদমক প্রাইজশীং
• লুপা 50,000, লুপা 5,000 অমসুং লুপা 2,500 য়াউবা চয়োলগী ওইবা প্রাইজশীং

c)এপ্রিলগী 14শুবা- অম্বেদকর জয়ন্তিদা মেগা দ্রো

• নভেম্বর 8, 2016দগী এপ্রিল 13, 2017 ফাউবগী মনুংদা পাংথোকখিবা দিজিটেল ত্রাঞ্জেক্সনশীংগীদমক্তা এপ্রিল 14, 2017দা লাউথোক্কদবা লুপা ক্রোর 1, লাখ 50, লাখ 25 গী ওইবা, কঞ্জুমরশীংগীদমক্তা পীগদবা মেগা প্রাইজ 3
• নভেম্বর 8, 2016দগী এপ্রিল 13, 2017 ফাউবগী মনুংদা পাংথোকখিবা দিজিটেল ত্রাঞ্জেক্সনশীংগীদমক্তা এপ্রিল 14, 2017দা লাউথোক্কদবা লুপা লাখ 50, লাখ25, লাখ 12গী ওইবা,  মার্চেন্টশীংদা পীগদবা মেগা প্রাইজ 3

স্কিম অসিগী মীৎফম অসি অপিকপা ত্রাঞ্জেক্সনশীংদা (মীচমনা এন্টর তৌবা) থম্মী হায়বদু খংহন্ননবা, ইন্সেন্টিভশীং অসি লুপা 50 অমসুং লুপা 3000গী মরক্তা লৈবা ত্রাঞ্জেক্সনশীংখক্তদা পীগনি। কঞ্জুমর অমসুং মার্চেন্টশীং, কঞ্জুমর অমসুং গবর্ণমেন্ট এজেন্সিশীংগী মরক্তা লৈবা ত্রাঞ্জেক্সন পুম্নমক অমসুং AEPS ত্রাঞ্জেক্সন পুম্নমক অসি ইন্সেন্টিভ স্কিম অসিগীদমক্তা খন্নগনি।

মায়পাক্লবা মীওইশীং অসি ইলিজিবল ওইরবা ত্রাঞ্জেক্সন IDশীংগী [ত্রাঞ্জেক্সন অদু হেক লোয়বগা মশা মথন্তা জেনেরেট তৌজরকপা] রেন্দম ওইবা দ্রো অমগী খুত্থাংদা, হিরম অসিগীদমক্তা NPCIনা অখন্ননা দিভেলপ তৌগদবা সোফটৱায়র অমা শীজিন্নদুনা পাংথোক্কনি। প্রোসেস অসিগী তেক্নিকেল ইন্টিগ্রিটি শোয়দনা লৈহন্নবগীদমক মসিদা তেক্নিকেল অমসুং সেক্যুরিটি ওদিট অমা শোয়দনা লৈহন্নবা NPCIদা খংহনখ্রে।

স্কিম অসিগী অহানবা ফেজদা লৈগনি হায়না পানরিবা এক্সপেন্দিচর (এপ্রিল 14, 2017 ফাউবদা) অসি ক্রোর 340 মুক্নি। সরকারনা মতমসিমক্তদা মখা তাবা ইমপ্লিমেন্টেসনগীদমক্তা রিভিয়ু অমা পাংথোক্কনি।

সোর্স : PIB

দিজি ধন অভিয়ান (Digi Dhan Abhiyan)

দিজি ধন অভিয়ান অসি মিনিষ্ট্রি ওফ ইলেক্ত্রোনিক্স এন্ড IT (MeitY) না কেসলেস ত্রাঞ্জেক্সনশীং প্রোমোট তৌনবা পায়খৎপা কেম্পেইন অমনি। কেম্পেইন অসিনা নাগরিক খুদিংমক, অপিকপা কারবার তৌবা মীওই অমসুং মার্চেন্ট খুদিংমকপু মখোয়গী নুমিৎ খুদিংগী ওইবা ফাইনান্সিএল ত্রাঞ্জেক্সনশীংদা দিজিটেল পেমেন্টশীং প্রোমোট তৌনবা পান্দম থম্লি।

কেম্পেইন অসিগী শরুক অমা ওইনা, কেসলেস ত্রাঞ্জেক্সন প্রোমোট তৌনবা লৈবাক শিনবা থুংনা ৱার্কশোপশীং অমসুং এৱারনেসকী খোংজংশীং শীনগনি।

MHRDগী ভিত্তিয়া সাক্ষরতা অভিয়ান (VISAKA)

‘ভিত্তিয়া সাক্ষরতা অভিয়ান’ অসি নহা ওইরিবশীং/ হায়র এজুকেসন ইনষ্টিট্যুসনশীংগী ছাত্রশীংবু ঈচং থৌনা এনগেজ তৌদুনা, ফন্দশীং ত্রান্সফর তৌবদা দিজিটেল ওইনা এনেবল তৌরবা কেসলেস ইকোনোমিক সিষ্টেম অমা শেল পীরিবা অমসুং ফংগদৌরিবা মীওই পুম্নমক্না শিজিন্ননবগীদমক পুক্নিং থৌগৎনবা অমসুং মোটিভেট তৌনবা পান্দম থম্লিবা, মিনিষ্ট্রি ওফ হোম এফিয়ার্সকী ইনিসিএটিভ অমনি।

VISAKA ৱেব পোর্টেলগী খুত্থাংদা, হায়র এজুকেসনগী ছাত্রশীং অমসুং ওজাশীংনা ভোলুন্টিয়ার ওইনা রেজিষ্টর তৌবা য়াই অমসুং মখোয়গী এচিভমেন্টশীং অদু মতম মতমগী ওইনা অপলোদ তৌবা য়াই। অচৌবা এচিভমেন্টশীং একনোলেজ তৌগনি অমসুং থাগৎ-ৱাহৈ পীগনি।

সোর্স : VISAKA পোর্টেল

দিজিটেল অমসুং কেসলেস ইকোনোমিগী প্রোমোসনগীদমক পীরিবা পেকেজ

লুপা 500 অমসুং লুপা 1,000 নোটশীংগী লিগেল টেন্দর কেরেক্টরগী কেন্সেলেসন তৌখ্রবা মতুংদা, ক্রেদিট/দেবিট কার্দশীং অমসুং মোবাইল ফোন এপ্লিকেসনশীং/ ই-ৱালেটশীং অসিনচিংবগী খুত্থাংদা দিজিটেল ত্রাঞ্জেক্সনশীংগী মশীং য়াংনা হেনগৎলকখি। প্রোসেস অসি মখা তানা য়াংশিলহন্নবা, সেন্ত্রেল গবর্নমেন্তনা লৈবাক অসিদা ইন্সেন্টিভশীং পেকেজ অমা পীনবা অমসুং দিজিটেল অমসুং কেসলেস ইকোনোমি প্রোমোট তৌনবগী থৌরাংশীং লৌখৎনবা ফিরেপ লৌখি। ইন্সেন্টিভশীং/ থৌরাংশীং অদুদি মখাদা পীরি:

1. সেন্ত্রেল গবর্নমেন্ট পেত্রোলিয়ম PSUশীংনা, কষ্টমরশীংনা পেত্রোল/ দিজেল লৈবা মতমদা, করিগুম্বা পেমেন্টশীং অদু দিজিটেলগী পাম্বৈশীংনা পীবা ওইরবদি সেল প্রাইস অদুগী 0.75% কী রেটকী চাংদা দিসকাউন্ট পীনবগী ইন্সেন্টিভ পীগনি। নোংমদা অসিগুম্বা পেত্রোল পম্পশীং অসিদা কষ্টমর ক্রোর 4.5 রোম্না পেত্রোল নত্ত্রগা দিজেল লৈরি অমসুং মখোয়না ইন্সেন্টিভ স্কিম অসিগী কান্নবা লৌবা য়াই। কষ্টমরশীংদা নোংমদা লুপা ক্রোর 1800 রোমগী ওইগদবা পেত্রোল/ দিজেল য়োল্লি অমসুং মখোয়দুগী মনুংদা 20% রোমদি দিজিটেলগী পাম্বৈনা শেল পী হায়না পানৈ। ইং 2016গী নবেম্বর থাদদি মসি 40%দা হেনগৎলকখি অমসুং নোংমদা লুপা ক্রোর 360গী ওইবা কেস ত্রাঞ্জেক্সনশীং অসি কেসলেস ত্রাঞ্জেক্সন মেথদশীংদা ওন্থোকখ্রে। ইন্সেন্টিভ স্কিম অসিনা য়ামদ্রবদা অহেনবা কষ্টমর 30%বু দিজিটেলগী পাম্বৈ শিজিন্নহনবা ঙম্বা য়াই অমসুং মসিনা মখা তানা পেত্রোল পম্পশীংদা চহি অমদা লুপা ক্রোর লাখ 2গী ওইবা কেসকী মথৌ তাবদু হন্থহল্লক্কনি।
2. খুঙ্গংগী মফমশীংদা দিজিটেল পেমেন্ট ইনফ্রাষ্ট্রকচরশীং পাক-চাউথোকহন্নবগীদমক, সেন্ত্রেল গবর্নমেন্টনা NABARDকী খুত্থাংদা মীশীং 10,000দগী হন্থবা খুঙ্গং লাখ 1দা POS দিভাইস অনি অনি পীননবগীদমক ইলিজিবল ওইরবা বেঙ্কশীংদা শেল-থুমগী ঙাক্লৌ পীগনি। POS মেছিনশীং অসি প্রাইমারি কো-ওপরেটিভ সোসাইটিশীং/ মিল্ক সোসাইটিশীং/ এগ্রিকলচরেল ইনপুট দিলরশীংদা পীদুনা লৌউ-শীংউগা মরি লৈনবা ত্রাঞ্জেক্সনশীং দিজিটেলগী পাম্বৈগী খুত্থাংদা পাংথোকহন্নবা পান্দম থম্লি। মসিনা খুঙ্গং লাখ অমগী অপুনবা মীশীং ক্রোর 75দা মখোয়গী লৌউ-শীংউগী মথৌ তাবশীংগীদমক মখোয়গী খুঙ্গংশীংদা কেসলেস ওইনা ত্রাঞ্জেক তৌনবগী ফেসিলিটি পীগনি।
3. সেন্ত্রেল গবর্ণমেন্টনা NABARDকী খুত্থাংদা, রুরেল রিজনেল বেঙ্কশীং অমসুং কো-ওপরেটিভ বেঙ্কশীংনা “রুপে কিসান কার্দশীং’ কিসান ক্রেদিট কার্দ হোল্ডর ক্রোর 4.32দা মখোয়বু POS মেছিনশীং/ মাইক্রো ATMশীং/ ATMশীংদা দিজিটেল ত্রাঞ্জেক্সনশীং পাংথোকপা ঙমহন্নবা, ইসু তৌবদসু সপোর্ট তৌগনি।
4. রেলৱেনা মসিগী সব অর্বান রেলৱে নেটৱার্কশীংগী খুত্থাংদা, থাগী নত্ত্রগা সিজনগী ওইনা কষ্টমরশীংদা জানুৱারি 1, 2017দগী হৌদুনা, করিগুম্বা পেমেন্ট অদু দিজিটেলগী পাম্বৈনা পীবা ওইরবদি দিস্কাউন্টকী মওংদা 0.5% ফাউবগী ইন্সেন্টিভ পীগনি। চাউরাক্না পেসেঞ্জর লাখ 80 রোমদি চহি খুদিংগী লুপা ক্রোর 2,000 শেলয়েক অসি থাগী নত্ত্রগা সিজনগী টিকেটশীং লৈবদা সবঅর্বান রেলৱেশীংদা খরচ তৌরি। পেসেঞ্জরশীংনা হেন্না হেন্না দিজিটেলগী পাম্বৈ শিজিন্নরকপনা মরম ওইদুনা অতেনবা মতমদা শেলয়েক্কী মথৌ তাবসি চহি অমদা লুপা ক্রোর 1,000দি হন্থরক্কনি।
5. ওনলাইন টিকেট লৈবা রেলৱে পেসেঞ্জর পুম্নমক্তা লুপা লাখ 10 ফাউবগী ফ্রি এক্সিদেন্টেল কোভর পীগনি। নুমিৎ খুদিংগী রেলৱে পেসেঞ্জর লাখ 14 রোম্না টিকেট লৈবগী মনুংদা টিকেট 58% দি দিজিটেলগী পাম্বৈ শিজিন্নদুনা ওনলাইন ওইনা লৈ। অতোপ্পা পেসেঞ্জর 20% সু রেলৱে টিকেট লৈবগী দিজিটেল পেমেন্ট মেথদশীং শিজিন্নরক্কনি হায়বগী থাজবা লৈ। অসুম তৌরবদি নোংমদা পেসেঞ্জর লাখ 11 রোমদি এক্সিদেন্টেল ইন্সুরেন্স স্কিমগী মখাদা কোভর তৌরগনি।
6. রেলৱেনা, মসিদা এফিলিয়েট তৌরিবা এন্টিটিশীং/ কোর্পোরেসনশীংগী খুত্থাংদা পেসেঞ্জরশীংদা পীরিবা শেল পীবা সর্ভিসশীং, খুদম ওইনা, চান-থক্নবা পীবা, লৈফম-চাফম পীবা, পোত্থাফম কা পীবা, অসিনচিংবশীং অসিগীদমক্তদি, সর্ভিসশীং অসিগীদমক্তা দিজিটেলগী পাম্বৈগী খুত্থাংদা পেমেন্ট পীরবদি 5%গী দিস্কাউন্ট পীগনি। সর্ভিসশীং অসিবু পীরিবা রেলৱেশীংদা চৎলিবা পেসেঞ্জর পুম্নমক্না কান্নবা অসি লৌবা য়াই।
7. পব্লিক সেক্টর ইন্সুরেন্স কম্পনিশীংনা ইন্সেনটিভ অসি, কষ্টমর পোর্টেলশীংগী খুত্থাংদা য়োনখিবা জেনেরেল ইন্সুরেন্স পোলিসিশীংগী প্রেমিয়মগী 10% অমসুং লাইফ ইন্সুরেন্স কোর্পোরেসনগী অনৌবা লাইফ পোলিসিশীংগী 8% অসি করিগুম্বা পেমেন্ট অদু দিজিটেলগী পাম্বৈনা পীবা ওইরবদি,  দিস্কাউন্ট নত্ত্রগা ক্রেদিটকী মওংদা পীগনি।
8. সেন্ত্রেল গবর্নমেন্ট দিপার্টেমেন্টশীং অমসুং সেন্ত্রেল পব্লিক সেক্টর অন্দরটেকিংশীংনা, দিজিটেলগী পাম্বৈনা পীরিবা পেমেন্টশীং অদুগী ত্রাঞ্জেক্সন ফি/ MDR চার্জশীং অদু কঞ্জুমরশীংদগী লৌদনবা অমসুং অসিগুম্বা খরচ পুম্নমক মখোয়না শোয়দনা পুনবা থৌরাং তৌগনি। ষ্টেট গবর্নমেন্টশীংদসু পাউতাক পীখ্রে মদুদি ষ্টেট গবর্নমেন্ট অমসুং মসিগী ওর্গানাইজেসনশীংনসু দিজিটেল পেমেন্টগা মরি লৈনবা ত্রাঞ্জেক্সন ফি/ MDR চার্জশীং অদু মখোয়না পুনবা অমসুং কঞ্জুমরশীংদা মদু পুহনবা তৌদনবা থৌরাং তৌগদবনি।
9. অপিকপা মার্চেন্টশীংবু দিজিটেল ইকো সিষ্টেমদা পুশিল্লক্নবগীদমক, মার্চেন্টনা PoS টরমিনেলশীং/ মাইক্রো ATMশীং/ মোবাইল POS শীজিন্নবগী থাগী রেন্ট অসি, থা অমদা লুপা 100দগী হেন্না পীবগী মথৌ তাহন্দনবা  পব্লিক সেক্টর বেঙ্কশীংদা পাউতাক পীখ্রে। পব্লিক সেক্টর বেঙ্কশীংনা, অনেম্বা রেন্টেলনা কান্নহনগদবা অমসুং দিজিটেল ত্রাঞ্জেক্সনশীং প্রোমোট তৌগদবা মওংদা মেছিন লাখ 6.5 রোম মার্চেন্টশীংদা ইসু তৌখ্রে। অনেম্বা রেন্টেলশীংগা লোয়ননা, অহেনবা মার্চেন্টশীংনা অসিগুম্বা মেছিনশীং অসি ইনষ্টোল তৌগনি অমসুং দিজিটেল ত্রাঞ্জেক্সনশীং প্রোমোট তৌগনি।

10.  ত্রাঞ্জেক্সন অমদা লুপা 2000গী ওইবা ত্রাঞ্জেক্সনশীংগীদমক্তদি দিজিটেল ত্রাঞ্জেক্সন চার্জশীং/ MDR দা সর্ভিস টেক্স অমত্তা লৌরোই।

11.  For the payment of toll at Toll Plazas on National Highways using RFID কার্দ/ ফাষ্ট টেগশীং শিজিন্নদুনা নেসনেল হায়ৱেশীংদা লৈরিবা টোল প্লেজাশীংদা টোলগী পেমেন্ট পীবশীংগী ওইনা, ইং 2016-17দা, য়ুজরশীংদা 10% গী দিসকাউন্ট অমা পীগনি।

সোর্স : PIB